|
الزعيم النادي المحارب صار نادي القرن الأسيوي حتى لو حطوا لنا مليون حارس امن بالملعب(غصب عنهم حاضرين) السلام عليكم ورحمه الله وبركاته بتكلم بااختصار تعودنا ان الهلال يهاجم من الكل النواحي ناس تنتقد في الجرايد وناس تشكك في عدد البطولات وناس تقول سامي ماهو اسطورة ولازم تعيدون النظر بانجازاته وناس تقول ياسر ماادري وش قصته والجماهير يرددون ويهتفون وبكلام يوضح تربيتهم على الاخر وناس يترززون بالاستديوات وخذ على نقد برئيس النادي وانه ماله بالكورة والرياضة وناس ماسكين الخط وخذ على انتقاد لمحترفي الفريق والادارة عندها مشاكل مع الإ ار تي إللي الله لا يوفقهم ان شاء الله حرمونا من اعتزال سامي هذا غير المباريات إللي تحس ان الجمهور ماهو بالمدرج وجريدة الرياضي كل يوم ناط واحد فيهم وقاعد ينتقد شي في الفريق واي واحد لقى نفسه فاضي راح يقشم حب وفصفص وقعد يكتب موضوع ينتقد فيه سامي هذا كله نقدر نمرره ونستحمله ونقول كل ناجح محارب ووسطنا الرياضي مايحب احد يتفوق على البقيه مثل ماهو حاصل للهلال وإن ركلت من الخلف فانت بالمقدمة هذا كله يهون لكن مسئله اننا نسكت على اهانات امن الاستاد لجماهيرنا فهذي ماهي مقبوله مسئله انهم يمنعون رئيس النادي من النزول لارض الملعب ويقعد منتظر ربع ساعة خلف البوابة واداريي الفريق الاخر نازلين لارض الملعب هذا غير الجماهير إللي نزلوا مع انه ماهو مسمح لهم فهذي ماهي مقبولة مسئله ان مدربنا يتم طرده بسبب خلاف مع مجموعة من حراس الأمن إللي ماوصلوا للمتوسط بتعليمهم وجايين يتفاهمون مع مدرب اوروبي متعلم تعليم يسوى حراس امن الملعب مسئله انهم ينتظرون جمهورنا على غلطة ويدورون عليهم الزله وياقي الجماهير طول فترة المباريات وهم سب وشتم وترديدد اهازيج زي وجيههم وتدل على تربيتهم فهذي ماهي مقبولة انهم يستقعدون للجماهير وماتبدا المباراة الا ضغطهم مرتفع وحالتهم حاله فهذا ماهو مقبول الحين ياجماهير الهلال الكل محاربنا لكن توصل معهم انهم يهنون جماهير الهلال ورئيس الهلال من متى الهلال يتعرض للاهانه الكل يشكك الكل يحارب الكل ينتقد لكن توصل المسئله للاهانه وفي الملاعب فهذي ماهي مقبولة ابدا صدق ان وسطنا الرياضي ماعنده سالفة الموسم الماضي الدوري كان متابع من قبل اكثر من اعلام السويدي والروماني الموسم هذا دخل البرازيلي والفرنسي والبلجيكي الكل يتابعنا كله عشان مين محترف بالاتحاد لاعبي مميز بالنصر مدرب بلأهلي محترف له صيته في الوحدة لا كله عشان الهلال الهلال وبسs13ss13ss13ss13s ينعن ام التفكير ياناس بالله عليكم الدوري الان وصل لمرتبه توجب علينا اننا نتسنع ونستحي على وجيهنا ونترك عننا حركات الولدنه نترك عننا خدمة الرياضة السعودية على حسب الميول يعني لازم يصدر قرار من الفيفا على وقف نشاط التعاقدات الخارجية بسبب اهانات المحترفين والمدربيين الاجانب في دورينا الظاهر انه لازم كذا عشان ربعنا يعقلون ويتركون عنهم هالحركات وش لازم ننتظر منهم بعد ترى المفروض يحمدون ربهم ليل ونهار ان كوزمين مارفع قضيه على الاتحاد السعودي ولا كانت علوم ومشاكل وتصير سالفة الدوري السعودي على كل لسان يعني لازم ننتظر إللى ما ينطرد المدرب الجديد او ينهان احد المحترفين ثم يشتكي علينا للفيفا ونروح فيها تذكرون ويلي بعد حادثة كوزمين اذكر انهم لعبوا مي=باراة وجات ضربة جزاء وكان واقف عليها ويلي الحمد لله انه ضيعها لانه لو جابها كان راح للجماهير ورفع الفنيله مكتوب تحتها كلام والله كان طيروه بس ربكم ستر يازعماء نصف الأرض خلاصة الموضوع يازعماء الجماهير الهلالية حضورهم قل بسبب المعاملة السيئة من قبل حراس الأمن صراحة انا ما الوم الجماعهير إذا ماحضروا الا في النهائيات كله بسبب حراس الأم جعلهم ماني بقايله المعسكر مبشر بالخير ونبغى نتوج هذا النجاح ببطولات ومؤازرة لفريقنا ماهو يروحون للملعب ويفوز الفريق ويطلع الجمهور من الملعب صحيح فايزين وبطولة لكن النفوس مليانه من حراس الأمن مايجي وقت التتويج الا الجمهور مرتفع ضغطهم من حراس الأمن والله ان جمهورنا ينرحمون على الأخر يجون من اخر الدنيا وبعدين هذي المعاملة الحل واحد مهما كانت المعاملة منهم بنحضر مهما كانت المعاملة منهم بنشجع الزعيم مهما كانت المعاملة منهم بنزف زعيمنا لمنصات التتويج مهما كانت المعاملة منهم بنشجع وبنرفع كؤوس البطولات مع نجوم الزعيم بنحضر غصب عنهم نحن جمهور نادي القرن ماحد راح يوقف في طريقنا بنحضر غصب عنهم وبنجشع غصب عنهم بنخلي اسيا تشوف السبب إللي خلهم يختارون s13s الزعيم نادي القرن الأسيوي:alzaeem: نحن جمهور نادي القرن عذرا على الاطالة وعدم ترتيب الافكار :ba::ba:اختكم وسن الهلالية[/:rose:COLOR] |
وهل عندك شك اننا نادي القرن والحضووووور بإذن الله مكتمل في مبارايات نادي اكبر قارات العالم وشكرا وسن |
الكـــــــــــــــــــــــــــــــبير كبير يا اخوي |
حااااااااضرين كل المباريات لعيون الزعيم ماعلينا من احد |
شكرا لطرحك الرائع ............. ونحن خلف الزعيم دائما ومهما صار ........... |
بخـصوص نقطة الأمــن وهذي المشكله يعاني منها كثير من الجمـهور بسبب تصرفات رجال الأمـن ضد الجمهور ومـاراح تنتهي هذي المشكـله إلآ إذا سلمـوا المـلآعب لشركـات مخصصه " أمـن ملآعب " ويكونوا على درجه عاليه من التعليم والإحترام.... وبـإذن الله تكون لزعيم بصمه كعادته في جميع البطولآت ويعطيكـ العـآفيه.... |
الف شكر لك اختي ويجب على الجماهير الهلاليه عدم التخلي عن زعيمها في اي وقت |
شكرا لك .. و شكرا لغيرتك .. و شكرا لغضبك .. و شكرا لاحتراقك .. من أجل الهلال .. و صدقيني أتمنى أن تنشأ الإدارة الهلالية لجنة اسمها لجنة شئون الجمهور الهلالي .. تكون وظيفتها تلقي شكاوي الجماهير و حل مشكلاتهم و التصدي لمن يسبب لهم الأذى .. أتمنى ذلك مع بداية الموسم الجديد . |
والله أعلق و أصفق .. ماشاء الله تبارك الله موضوع رائع والأروع أسلوبك في طرح الموضوع ... بالفعل حرب عشواء من الجميع ضد الهلال وبالتحديد جمهور الزعيم .. وهناك تشويه لسمعة الزعيم والدليل كلام كالديرون ولكن ظهر الحق حيث قال : انا لم ارى هذا الشئ .. كم انت كبير يا زعيم .. وحاضرين حاضرين إن شاء الله شاكر لك على الموضوع الرائع .. وإلى الأمام اختي وسن تقبلي مروري : عاشق الهلال 79 |
كله يهون لعيون هلآلنـا :yes: بـأذن الله ماراح نقصر بالحظور والمؤازره s13s شكرا وسن :rose: :alzaeem: |
:ba::ba:اختكم وسن الهلالية:ba::ba: |
العنوان مخالف للمضمون العنوان يوحي بانه صدر رسميا التتويج والمضمون كلام حماسي والله ما قريته كامل لان موضة الكلام الحماسي انتهت من ايام عبدالناصر |
مشكوره خيتوووووو وسن وكلامك كبير ومتعوب عليه صراااحه اكييييييد نادي القرن وبنحضر للملعب وبنسوي الهوااايل بعد للتواصل [email protected] تقبلوا مروري وشكرا |
مشكووووووووور والزعيم في المقدمه بأذن الله |
إقتباس:
["]صح معاك حق الكلام الحماسي انتهت موضته من ايام( عبد الناصر) الان عصر العضو (مايهمني احد) الموضه مدح وتطبيل للفريدي بصراحه بديت اشك في انتمائك وميولك الحين الكل متفائل باللقب ليه انت ماانت مقتنع ليه انت شاك انت الزعيم ماهو من حقه يحصل اللقب اشكرك على مرورك اخوي |
| الوقت المعتمد في المنتدى بتوقيت جرينتش +3.
الوقت الان » 07:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd