|
هل تنسيق اللاعبين أمر منصف ؟! .. بحيث منهم من ترك دراسته وعمله لأجل النادي , وفي النهاية يُنسّق !!! ( رؤى متفرقة ) في الأيام الماضية نقرأ بشكل شبه يومي مقالات تتكلم عن المنسقين وبمعنى صريح جداً بدون تزييف ( طرد اللاعبين من النادي ) حسب ما يراه الباشا (( المدرب )) ومن ناحية أخرى هاللاعبين ( المساكين ) تركوا دراستهم وأهاليهم وجو للنادي لجل يخدمونه ومنهم من له أكثر من 10 سنوات وفي النهاية !! ينسقونه , انا أعرف انو الإتحاد السعودي ( صاحب الخطط المهروسة ) واستناداً على أمور أو أوامر دولية نفذ هذا الشيء .. طيب هالإتحادات ليه ما تُنصف هذولي اللاعبين بضمان حقوقهم ما بعد التنسيق .. ؟؟ وهل مدير أعمال اللاعب يقوم بعمله على اكمل وجه بعد التنسيق !! , طيب اللي ماله وكيل أعمال !! يعني أعطيكم مثال عبدالله سليمان مدافع الهلال السابق شفتوا كيف كان مصيره ؟؟؟ مشرف أمن في أحد المجمعات التجارية !!!!!!!!!!!! يالله على الدنيا .. مو دايم تبتسم لك بصراحة أتمنى النظر في هذا الموضوع ( مع انو ما ظنتي أحد يلتفت لمثل هالمواضيع ) لأن الجمهور يبغى أداء ( ومصلحة اللاعب النفسية والدنيوية في ستين داهية ) !! الله المستعان |
السلام عليكم ورحمه الله وبركاته اخي اختلاف الرأي لايفسد للود قضيه طيب اذا لاعب مستواه ما يتطور ولا يتقدم انا كاداره نادي ليه اصرف اموال و رواتب اومكافات عليه كفايه انه شاغل مكان يستحقه الف لاعب غيره لاعب له سنين بالنادي ورغم هذا ما اثبت نفسه بصراحه يروح لفريق اخر اصرف له وبعدين احنا كجمهور نبي الفريق يكون في احسن صوره ويجيب لنا البطولات والانجازات ما نبي نادي يكون رباط للعجره او جمعيه خيريه وبعدين هذي حال الدنيا القمدر والمكتوب ما احد يقدر يغييره مثلا يا كثر اللي عندهم شهادات جامعيه واخرتها عطاله وش ذنبهم---- المقدر والمكتوب وشاكر لك طرحك تحياتي |
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ انا اوافق اخي امير الوله |
لآلآ معليش اخوي يعني اللي ماعنده وضيفه يروح يلعب بنادي ويصرف عليه وهو بالاحتياط ومرتاح !!! |
لآلآ معليش اخوي يعني اللي ماعنده وضيفه يروح يلعب بنادي ويصرف عليه وهو بالاحتياط ومرتاح !!! |
صحيح أن اللاعب لآقل أدآئه ولـعبه .. يقل طلــبه ورغبت الجمهور فيــه .~ لآكن فيــه لآعبــين من الظلم والاجحــآف تــنســيقهم .. على ســبيل المثـآل .~ المفرج .. ( صـآحب هدف الحسـمُ .. لو الله ثم هو كـآن خرج الهلآل هذآ الموسم بدون بطوله وخصوصـآ مع سيطره الشبـآب على المبـآرآه) .. لآ ننكر أنه ض‘ــعيف نوعـآً مــآ .. في أدآئه الدفــآع .. لآنك ليس من حقنــآ ننكر دوره وايــآمه الســآبقه .. ياخوفي على الخثرآن .. يــلحق المفرج .. على الأقل ضمآن حق اللاعب ودفع قـيمه عقد (التقاعد عن النادي ) حتى لو انتقل لنآدي أخرى .. حتى لآنشــآهد لآعبــيننـآ وكبـآر آسآطيرنا .. (حرآس أمن .. او سيارته سيـآرة أيجـآر ) .. شآآكر لك ٌ .. |
أعتقد أن عندك لبس في هالموضوع اللاعب المحترف مرتبط بـ عقد مع النادي لـ مدة معينه وإذا أراد النادي التخلي عن اللاعب وعقده ساري يلزم النادي بـ دفع تعويضات للاعب حسب ما أتفق عليها قبل التوقيع والعكس صحيح . وإذا انتهى عقد اللاعب ولم يريد النادي التجديد فـ هذا ابسط حقوق النادي انه يرفض لاعب وهنا يجي دور وكيل اعمال اللاعب في البحث للاعب عن اندية آخرى ترغب بـ اللاعب . ولاعب كرة القدم إذا اراد ان يدخل مجال الاحتراف يجب ان يخطط جيداً لـ تأمين مستقبله(يأخذ دورات في بعض العلوم المحببه له في الاجازات لكي يحصل على عمل بـ هذه الدورات - يبني مشروع استثماري بـ ماله - إذا اراد ان يكون مدرب او اداري يركز على هالموضوع وهو لاعب) وأن يخلص للكرة ويطور مستواه حـتى يرتفع سعره بـ شكل مستمر . |
يخوي اللاعب لما ترك دراسته وعمله من اجل الاحتراف وعالم المال يجب ان يكون لديه فكر يدير بها الاموال التي ياخذها اثناء اللعب ويجب ان يحافظ على نفسه ولذلك المثال اللي ضربت له الكثير ،، عبدالله سليمان ، مصطفى ادريس وغيرهم الكثيييييييير فيجب على اللاعب ان يختار احد الطريقين الاحتراف او العمل ويكون له الفكر القادر على التعامل مع كلتا الحالتين |
حلوه انهم تركوا دراستهم وعملهم عشان خدمة الهلال !! :ranting: ياخوي الحين حلم اى واحد انه يكون لاعب كرة قدم < وانا منهم عشان الرواتب والمكافأت العاليه مو عشان حب وولاء ومدري ايش اتركونا من الكلام هذا اللى مايدخل العقل,,, لو كان من كان ومستواه نازل راح ينسقه الهلال حتى لو كان ياسر او الشلهوب او الدعيع او اسامه |
هههههههههه لا تعليق الف شكر تحياتي المزربكه |
والله حبيبي الهلال مو فاتح جمعيه خيريه ..حنا نبغى لعيبه يخدمون النادي ..برافو على المدرب الى متى وحنا نجامل العتيبي والخثران والغامدي ...فيه شباب افضل منهم .. . |
اخي بما انك ذكرت رؤى مختلفة دعني ازعم انه هناك رأي يقول ان اللاعب يتقاضى مقدم عقد متوسط 5 مليون لمدة 4/5 سنوات خاصة اللاعبين ليسوا سوبر ستار ولكن ستار ... ولنقول الفريدي او الزوري وبالتالي سيمر بحياتة 3 مرات يجدد فيها عقده ان تطور مستواه سيتطور معة قيمة العقد لامحالة لكي يدخل ضمن فئة السوبر .. بمعنى اللاعب عمرة بالملاعب 12- 15 سنة 3 مرات يجدد عقدة بمعدل 15-17 مليون ريال + راتب ومكافات الفوز بالبطولات تصل الى 300 الف ريال سنويا بافتراض ان الراتب 15 الف + فوز ببطولة واحدة فقط ( بالهلال الامر عادة بطولة الى اكثر ) + مداخيل اخرى ربما من اعلان او حتى هدايا من اعضاء شرف ( سيارة او امور اخرى ) احسب كل الامور وقارنها باي موظف متوسط راتبة 10 الالاف ( مع انه الموظف الحكومي مثلا يبدا بنصف هذا المبلغ ) ستجد ان اللاعب سيكون استطاع توفير اموره المادية والحياتية بدون قروض او ماشابة في سن مبكرة ( منزل ملك وسيارة ) وفي ظرف اسرع من اي شاب اخر الذي سيحتاج الى سنين للوصول الى نفس المآل بعدها الكثير من اللاعبين اذا كان بارز جدا في حياتة الكروية سيتحول الى التحليل او الادارة او او او مشاريع ذات صلة ويخدمه بذلك علاقتة وحضوتة لدى الجماهير لن اقول سامي ولكن ساقول نواف التمياط خير مثال اللاعب العاقل والمتزن يستطيع ان يكّون مشروع وثروة لاباس بها اما الابقاء علية لمجرد ان احدهم لم يستطيع ان يكون نفسة في حياتة الكروية فهو مثل غير جيد الان اما من يتعامل بالبذخ والتبذير اوالدخول بالاسهم او تجارة لايفهم بها فبالتاكيد سيضيع كل شئ تحياتي لك |
الاعب الي يحافظ على نفسه وادائه ما يضيع حتى لو الهلال ما يبيه و مستوه جيد يقدر ينتقل لاي نادي اخر مثال:الخراشي .. الفرج لاعب الرائد.. المفرج هذولا لاعبين جيدين بس الهلال مايحتاجه |
الاخوان اللي قبلي بصراحه ما قصرو ا في رأيهم واللوم يقع على اللاعبين خصوصاً من هم في الفرق الكبار لان كل لاعب عارف ان له عمر معين بالملاعب وبعيد الجميع يطالب بإستبداله .. لذا عليه تأمين نفسه ومستقبله بجديه لكن الكلام المفروض يكون على اللاعبين القدامى .. الذين أفنو أعمارهم من اجل هذا الوطن .. ولم يكن في زمانهم لا مقدم عقد ولا مكافأت ولا هدايا .. فاللوم هنا يقع الاتحاد السعودي ودوره تجاه هؤلاء اللاعبين الذين خدمو الكرة السعودية وأوصلوها للعالمية ... لاسيما وان الاتحاد السعودي في الوقت الحالي ينم بكثير من العقود والملايين .. |
أتفق معكم أخواني وفيه نقاط كثيرة غابت عني وأشكركم جزيل الشكر على المشاركة وإبداء الرأي لكم أجمل تحية وعذر كبير للتأخير |
| الوقت المعتمد في المنتدى بتوقيت جرينتش +3.
الوقت الان » 03:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd