29/07/2009, 12:08 PM
|
| زعيــم متألــق | | تاريخ التسجيل: 16/07/2002 المكان: الرياض
مشاركات: 1,197
| |
الوعد 10 / 10 !!؟
مــدخـــل
الــوعـــد قــدامـ مـو بالـــكلام
..... والميدان يا خبيلان .....
الـــوعـــد 10 / 10
طبعاً راح أحكيلكم وش قصة هالتاريخ وبالعامية يعني إعذروني ما راح أتكلم باللغة العربية الفصحى
قصتي باختصار :
طبعاً القصة كانت قبل أكثر من أسبوعين تقريباً
كنت جالس في الدوام وكافي خيري شري
وأوراق جايه وأوراق رايحة
ومنهمك في العمل على الكمبيوتر
ولاهي وماني لم أحد
إلا فجأة يدخل واحد سلم وقعد يسولف
وفجأة نط علي وقال : الوعد 10 / 10
قلت له وش السالفة ( العودة للدوامات )
<<< طبعاً جاء في بالي إجازة العيد
قال : مسوي نفسك ما تدري
قلت إخلص علي ترا ماني فاضي لك
قال : مباراتنا معكم يقصد موعد مباراة الهلال والنصر
قلت : وخر بس والله ما درينا عنك أنت وفريقك ... أكبر همي أدور مباراتكم وإلا تاريخها
قال : السنة ذي النصر غير وبنوريكم
قلت : قلت أنتم تفكرون بالهلال وحنا نفكر بالذهب .. .
قال : الدوري السنة ذي للنصر
قلت له وبكل سخرية : على إيش يعني .. على السهلاوي وإلا حسين الشايب .. ياخي عمرك شفت فريق يبغى يطور نفسه ياخذ لاعبين من فريق هابط ويطاق معهم عشانهم
قال : كحيلان مسوي شغل يبوي والي ماهم عاجبينك بيورنكم الشغل
رديت عليه وقلت له ( إن شاء الله أبكون في الملعب .. إذا واثق من فريقك إحضر )
وكأن عيني تشوفكم قبل مباراة الهلال فريقكم السابع السادس بالكثير والهلال الأول إن شاء الله
مشى الرجال ولا عاد تكلم
الفوائد من هذه القصة التالي :
1) تفكيرهم في الهلال وبطولتهم الفوز عليه .
2) جمهورهم أغبى جمهور على وجه الأرض .
3) مخفات كلمة تجيبهم وكلمة توديهم .
4) نصابين ومحرفين بالتاريخ .
طبعاً ليس الهدف من ما كتبت السخرية بأحد
ولكنهم بالفعل يرفعون ضغطك
قال ايش الوعد 10 / 10
على العموم أبترك النصراويين على جنب وأبيكم أنتم بكلمة رأس
(( باختصار وما لكم في طول الكلام ))
الوعد كل مباريات الهلال .. اهل الرياض أنتم مقصرين بحق الزعيم
إخجلوا من أنفسكم وشجعوا ناديكم
تعبنا كلام في المنتديات
وتعبنا نصب وكلام لا يجيب ولا يودي
طبعاً أنا من أهل الرياض ولكني ساكن خارج الرياض لظروف العمل
ويعلم الله أني أخرت موعد الإجازة ليتسنى لي حضور بعض من مباريات الهلال
وبالأخص 10 /10 عشان نضحك عليهم شوي
تحياتي
عين الصقر
|
الوضع العادي
