اعتذار بخصوص [ قناة اليوتيوب ] لجميع الاعضاء والإدارة [ هام ]
 

بسم الله الرحمن الرحيم


السلام عليكم ورحمة الله وبركاته


اخواني الاعضاء اول شي عندي كلمه بعدين بشرح لكم كل شي

[ انا والله تشرفت فيكم وكلكم ماقصرتوا
جتني منكم رسايل بالهبل ودكم تساعدوني
ووقفتوا جنبي بخصوص قناة الزعيم على اليوتيوب ]

وفعلا انا تشرفت فيكم


اخواني ظهرت لنا مشكلة كبيره لايمكن تجاوزها في موقع اليوتيوب
وهو ان هناك شركات كبيره قامت برفع قضايا على موقع اليوتيوب
حول المقاطع المنتشره في اليوتيوب واللتي تعود ملكيتها لهذه الشركات

ومن هذه الشركات شركة الـ [ ART ] حيث منعت اغلب المقاطع المرفوعه على اليوتيوب والتي حقوقها للـ[ ART ]

حيث اصبح موقع اليوتيوب موقع فقط للملكية الشخصية
يعني مانقدر ننزل اي مقطع جديد لأنه مهو ملكيتنا بل ملكية [ ART ]

بالتالي القناة اللي سويناها 100% راح ينحذف الحساب لو كملنا طريقنا فيها

واليكم ترجمه إحدى الرسائل التي وصلتي وفيها تهديد واضح وصريح بحذف الحساب

[عزيزي المشترك نعلمك بأننا قمنا بإزاله أو تعطيل الوصول إلى المواد التالية نتيجة لطرف ثالث للإخطار المؤسسة العربية للإعلام ان هذه المواد المخالفة :

الهدف الاول ياسر القحطاني ضد الوطني دور ال 16 كاس ولي العهد : http://www.youtube.com/watch؟v=O_3LRLE5VP4

يرجى ملاحظة : تكرار حوادث انتهاك حقوق النشر وسيؤدي حذف حسابك وجميع شرائط الفيديو التي تم تحميلها على الحساب. من أجل منع حدوث ذلك ، يرجى حذف أي أشرطة الفيديو التي لا يملك الإنسان ، والامتناع عن تحميل الفيديو الإضافية التي تتعدى على حقوق التأليف والنشر للآخرين. لمزيد من المعلومات عن سياسة حقوق الطبع والنشر YouTube ، يرجى قراءة دليل نصائح حقوق الطبع والنشر ]

<< تعبان نفسيا و متفشل منكم :(

__

بالاخير

انا اقدم اعتذار رسمي للإدارة والأعضاء جميعا
واحب اقدماعتذار خاص للأعضاء اللي ارسلولي على الخاص وهم كثر ويريدون المساعده والاعضاء اللي شاركوا معنا ورؤساء المجموعات
واعتذار ايضا للشباب اللي اشتركوا بالقناة معنا


فعلا جمهور يرفع الراس
القناة ماكملت 48 ساعه وفيها 107 مشتركين
و م 106 تعليقات
و 5400 زيارة

اعتذر لكل من قرأ موضوعي ايضا




انا كل اللي تمنيته اني اضيف شيء بسيط للأعضاء وللإدارة و للنادي
لكن ماكان الحظ موجود

فعلا تمنيت هالقناة تسير على خطى ممهده لكن الوضع طلع من ايدينا


آسف للجميع

واتمنى من الإدارة تثبيت الموضوع لوصول الإعتذار لجميع الأعضاء لأن ماودي اخسركم

فـ [ إسمحولي على الشوشره اللي صارت ] كان كل ودي اخدمكم واسعدكم

اخوكم محمد

بعدي روحي أنت يامحمد

بالعكس متوقعين هالشيء من الـ art

ليه تعتذر وانت نيتة حسنة

--------------

مآ قصرت يآ بعدي ..

سويت آللي عليك .. بس مآ جت الآمور على الكيف


شآكرين ومقدرين جهدك


تقبل مروري *_^

يالبا قلبكـ يا .. محمد

مجهودكـ اللي بذلته .. ما أحد ينكره ..

و انت أخو عزيز و غالي .. و يكفي فقط فكرتكـ الرائعة ..

و اللي بدأت بها .. و الله يعطيكـ العافيه على كل اللي قدمته .. انت و الأخوان اللي ساعدوك كلهم ..

و الشيء هذا .. ما لك يد فيه .. يعني الشكوى لله ..

الله يوفقكـ يا غالي .. و يعطيكـ على قد نيتك ..



تحياتي و تقديري

ماقصرت ياخوي سويت الي عليك

لاكن الظاهر العارتي ورانا ورانا

جهــد جميل يامحمد ..

وانت سويت اللي عليك يالغالي ..

لكن للاسف الزين مايكمل ..

ولو تنزل فيديو شرح عن الدريم بوكس والدريمر .. وتقهر الاي ار تي ..

والله انه احسن .. :d ..

بالتوفيق يابوحميد .. وتبقى اخ وعزيز وغالي ولاتعتذر طال عمركـ ..

الف شكر لك اخوي .. محمد ..!

والشي هذا متوقع من الاول .. خصوصا لو قريت التعليمات من الـ youtube .. "

وما قصرت على خدمتك للكيان الهلالي بفكرتك الجميله التي لم تكتمل في الجـمال ..!

تقبل تحياتي .. ؛

.

حسبي الله على هالـ( art ) لا هيب اللي تركتنا نرتاح منها و نسوي لنا قناة و لا هيب اللي عدلت وضعها ..
بعد هالتصرف أتمنى من إدارة المنتدى و من المشرفين و المسوؤلين إيصال المعلومة للرئيس عبدالرحمن بن مساعد ..
و إتخاذ إجراء مناسب مع هالوقحين بكل صرامه و شدة و إيقاف مهازلهم المتكرره يومياً تقريباً ..
و الله يا جماعة كل يوم و الثاني يزيد كرهي لهالقناة و أتمنى أصدم مقراتهم بالموتر و الله إذا شطفتهم أنغبن ..
كل ما تذكرت مواقف الهراج معنا و موقف القناة ككل مع النادي و مع الجمهور و الله أني أكرههم ..

.

مـــــاقصرت يـآغ ـالي
سويت اللي ع ـليك وأكثـر بـ ع ـد ..
والله يكــثر من أمثـالك..


بــووغ ــنصــووار..

يا حـبي لك بـعـد ..

والله إنــك ما قـصـرت .. ورايــك بيـضـاء ..

ونيـك زينــه ..

بالعكـس أنت الوفاء .. أنــت الـغـلآ ..

كـل الشكر أخـوي على مجهودك ..

وما كتــــــــــب الله ..

رايتك بيضاء وما قصرت
لاكن الظروف جات اقوى منك
ما قصرت وكثر الله من امثالك
.
.
.

الله ياخذهم العارتي خربو علينا

معليش اخوي

بيض الله وجهـكـ ..

ماااقصرت

يكفي طرحك للفكرة وتبنيها

اخوي الف شكر

وخيرها بغيرها

ترانا معاك باللي تآمر فيه

الحين او بعدين


اخوك مشعل