سلام عليكم ياعوال ..
هذي صور وتقرير اجتماعنا .. واللي صار يوم الثلاثاء الماضي بمباراتنا مع شتوتغارت .. معليش عالتأخير لكن الصور واجده ويوم اختصرتها جت 29 صوره .. وحوسة الرفع والسرعه الزفت وكذا .. والا من ذاك اليوم المفروض نازله .. قلت بجهز الكلام على بال مايخلص الرفع .. وبعدها راح كل الكلام .. وتخبرون ربوع وخميس اكيد الواحد بيكون طالع ... المهم هآكم هالتقرير البسيط بعدها الصور :

* الاجتماع كان طبعا بأحد مقاهي الثمامه .. وحضره بالترتيب ( محدثكم ليونيل ميسي >> كيفي بغازل نفسي - وخويي المدريدي احمد المهاجر - يزيد سير بارسا - عبدالعزيز العاشق الكتلوني يوزر متقاطين فيه اخو يزيد وعبدالعزيز بعدها صار حق عزوز .. لكن قاطع ومايشارك .. واخيرا احمد ابو ريناد .. واعتذر عن الجيه عبدالعزيز اف سي بلوجرانا .. كنت اكلمه من العصر ولارد وقلت موب جاي وقال بيجي لكنه هون بعدين جته ظروف وقال يمكن حتى المباراة مايشوفوها .. على انه مواعدني انه بيجي لو على كفرين .. لكن الله يعينا واياه .. والغالي محمد جول كول كان بيجي من الجبيل لكن ما امداه لظروفه دوامه والله يعينه ...

* صحيح البعض تعذب وقام يقول دعاء السفر عالروحة والجيه >> مايقصد احمد .. لكن برايي هو افضل مقهى لانه غرف .. وبناخذ فيه راحتنا وسوالفنا والضحك والحش على كيفك .. ذاك الاجتماع اللي قبل كان يمقهى عادي وكراسي بلاستيك واللي جنبك تسمع سوالفهم اكثر من خويك .. يمكن مشكلته الوحيده بالتلفزيون والصفاوه .. لكن مو مره وتقدر تغير الغرفه لو صار .. وانواع الجلسات خيمه وغرف كبيرة وصغيره وشاشات بلازما وجلسات على بحيره زي مابتشوفون بعد شوي الصور ..

* دارت نقاشات عديده .. اولها حول ايتو وابرا انا واحمد ابو ريناد نعزز لابرا ويزيد وعبدالعزيز يبون الخال .. كلما جت كوره يقولون ايتو يسوي كذا .. ليتني شايف معهم مباراة تشلسي والانتر كانت قلت لهم ابرا يسوي كذا ... والنقاش الثاني كان عن الشبكة عموما ومشاكلها وبعض الاقسام والجمهور .. وترئس هذا النقاش ابو ريناد .. والنصراويه ماسلموا منا ومابقى حشه الاجتهم ...

عموما فيه سوالف واجد لكني نسيتها والرد السابق انحذف والا كان جتكم حاولت اكتب اللي اتذكره .. والباقي بتعرفونه باذن الله اذا ردوا اعضاء الاجتماع ..

اترككم مع الصور اللحين :

هذي بعض جلسات المقهى واللي عالبحيره ..

هذي الغرف .. وكانت غرفتنا اللي عاليسار ..

صور ثانيه للمسطحه الخضرا ..

كنا هنا نشوف مباراة الاهلي نسلك امورنا بها .. ومره وحده طفشنا ننتظرهم محد جا مابه الا انا وخويي احمد ..

هذا المدريدي ذبحه الطفش مل مني وزبد لي ..

هنا محدثكم بلحظة تفكير اذا الاعضاء سحبوا والا ..

قلنا مابه الا الشاهي يسلينا الين يجون ..

هنا تلقي الاعتذار من عبدالعزيز بلوقرنا .. وقمت احسب دراهم اذا تكفي اجار الغرفه والا >> خلاص لعبت به الوساوس محد جاي ..

هنا واخيرا بدات الوفود بالوصول .. وجا احمد ابويناد .. لكنه اعتذر عن التصوير .. خوفا من الاقبال الكبير على رسائل الخاص وطلبات الصداقه ..

بعدها جا يزيد وعبدالعزيز .. وهذي صورة عبدالعزيز .. الخاص حقه مفتوح ترا ..

هنا يزيد اثناء السوالف ..

بين الشوطين بدا الافلام بالاكل والتفجير .. بروستد مشويات واهم شي مع ريش >> طلب يزيد ..

آنذر بيكتشر ..

هنا احمد بلحظة البلللع ..

الحمدلله عالنعمه .. تم امتلاء المعده بالكامل والاستعداد للشوط الثاني .. وهنا احمد ..

الاستعداد للبس الحذاء ..

هنا يزيد واخر صوره قبل الخروج ..

هذي صور للجلسات وانا طالع .. عالمسبح ..

وهذي صور ثانيه .. وترا فيها شاشة بروجكتر ..

هذي البنقالي حقهم قال صورني .. قلت ابشر ..

صور مقربة للجلسات الخارجيه ..

اخر صور واحنا بالمواتر ..


وبس يالغالين ... الاجتماع الحمدلله كان تمام ويكفي شوفت هالوجيه الطيب وكل من يمثل هالرابطة .. لو ببرحه ياشيخ .. ولعل اللي يضحك بالسالفة ان كل واحد جاي ومعه خوييه ماعدا احمد .. انا من ناحيتي عندي خط طويل وطفش وابي واحدن يونسني بالطريق ..

وكان ودنا بشوفة كل الوجيه والله .. لكن مـ اراد الله واعتذر من اعتذر وكلن له ظروفه .. والجايات اكثر باذن الواحد الاحد ...

وكل التوفيق للبرشا اليوم باذن الله .. ومبروك تجديد بيكيه .. وعودة الفيس .. ومبروك لنا صدق بهذا الذهبي ..
ماعندي وقت والا كان علقت عالنقاش وجبت بعض الاخبار اعذروني ..

واليوم بيرجع كرسي الاعتراف باذن الله وراس من خارج الرابطة .. ابدو فكروا منهو عاد >> تشويق ..

هآآآآآكم جميع ..

سلامووووووووووووووووووو ~