ميسي يقول لالفيس: وخر الله ينعن شكلك خلني اطلع

عيال وش اللي جوا فنيله بويلماتحسون كن صدره مورم او منتفخ لا يكون به قولون ولا شي





مبروووكين يا جماعه

هذي البطوله تعتبر تتويج لموسم كامل تعب وضغط وارهاق

انشالله تكون فال خير علينا ودعم نفسي للعيبه يجون بعد الكرسمس مروقين ومريحين ومحققين السداسيه وكلن متعيد عند اهلهيعني مالهم عذر نبي نرجع زمن الخمسات والستات


على طاري الكرسمس








هذي الصورتين اعلاه ارسلها ميسي لي في كرت معايده ومعها هديه صندوق كبير بس توني ما فتحته ما فضيتله


كني اسمع احد يقول لاقينا ذا

طيب تدرون ان علاقتي بميسي منذو الصغر وانا كنت دايم انا وياه سوالف بالمسن
وبعض الاحيان اروح اصيف عنده هناك وكم مره جانا هنا
ما زلت اسمع واحد يقول وش ذا النصاب<<هو واحد بس
هذي الصوره تدل على ان معرفتي بميسي وطيده وتكذب بعض الاعضاء اللذين اتهموني زورا وبهتانا



هذي ارسلها ببطاقة تهنئه بدون هديه كان وقتها طفران وكان عمره وقتها 7 سنوات وكنت توني متعرفن عليه
بعد هالصوره ما ابي احد يكذبني عاد لا تبثروني بالرسايل الخاصه ابي فنيله ولا توقيع ولا عطني ايميله
عشان لا يجي واحد مطفي النور ومنبرش ويقول هذي لاقطها من جريدة المندو احب اقوله من اللحين عشان ما يطيح وجهه اني انا اللي مرسلها لهم





نجي للمباراة اثناء اندماجي بالمباراة جابو لقطة التتويج وما طاحت عيني الا على لابورتا


هالانسان مستوعبين ان هالسنه اخر سنه له
قسم بالله ما ودي اضيق صدوركم بس ما ادري يوم شفته يلم اللعيبه ويسلم عليهم ويحضنهم حسيت انا بنفقده





في لقطه ثانيه ضيقت صدري<<بيقلبها مناحه بالرابطه

هذي الصورة لا تحتاج تعبير غودي انت نعمه الله يخليك لنا

كان ودي ابرد قلبي فيه يوم ما لعب توريه
بس شفت الصوره نسيت كل شي تمنيت اني مكان هنري وقاعد اهديه
عجبني يوم اخرج هنري كنت ابغاه يدخل بويان بس هو حسبها صح دخل جفرين وخلاه عالجهه اليسار وامر بيكي بالتفلت بالهجوم عاد هالناقه من دون اوامر متفلت فما بالك اذا طلب منه غودي باخراج مواهبه بالهجوم لانه لو ادخل بويان ما راح ينفعه بالكرات العاليه بعكس الناقه اللي بيخدمه بهالشي وبالفعل شفناه صلح الهدف بكره فضائيه وحطها على راس بيدرو



الحراسه وخط الدفاع اليوم كان جيد صح انها ما جتهم الا هجمه وحده وجا منها قول بس حلو
في شي حلو ملاحظه من بداية الموسم اللي هو مستوى ابيدال لودارين انا اذا جبنا ماكسويل بيتحسن هالاداء كان جبناه من زمان ابيدال تحسن مستواه بكثير حتى بالهجوم صلح 3 اهداف قسم بالله صلح 3 اهداف يا عيالمن يصدق ابيدال اللي عرضيات نامي اصرف منه صلح 3 اهداف هالموسم حتى بالدفاع صار اكثر صلابه ولو انه يفهي بعض الاحيان بس مستواه تغير بشكل كبير



خط الوسط ما راح اتكلم عن نقطة ليش توريه ما يلعب اساسي لاني بطب بشخص غودي وما ودي اضيق صدره اليوم يكفي يالله هجده هنري وراضاه وخلاه يوقف صياح بس بتكلم عن اكزافي اليوم ما كان بالفورمه ابد اتوقع لغياب انيستا دور ولا لو كان حاضر المصري كان شفنا دويتوهات بينهم وشدلي واقطعلك



خط الهجوم كان سيئ بس فيه نقطه دابله سبدياللي هي انت يا خشيم يوم انك تطلع من المنطقه وتصنع اللعب تحسب نفسك بالانتر ما عندكم صناع لعب ولا وش السالفهاللحين وراك اكزافي وميسي يعززلك وهنري صح ان عرضياته بيد الحارس بس يمكن تصدف وحده وانت تاكي برا المنطقه وش تسوي اليوم كذا عرضيه مرت من دون اي فايده



اللي ابغى اوصله انه حتى مع الفوز اداء الفريق كان سيئ بس حنا وش يهمنا الا الكاس وجبناه<<طيب وشوله هالقرقره اللي فوق الله يصلحك





تقبلو بثارتي بصدر رحب



تهاوشو عليها

غلاف الموندو
20/12/2009



ــــــــــــــــــــــ

غلاف السبورت



كاريكاتير السبورت