إقتباس ثآنكس الوت ايها البريطاني المغترب ..

إقتباس من اميز واطول الكراسي بصراحه .. واعتقد انت الوحيد اللي سئلوك هالعدد من الاعضاء .. على اني مدري وش لاقين فيك .. وسوري اذا تعبناك والله .. اظاهر اكثر من تعذب بالكرسي انت .. والله يوفقك يالغالي وترجع باعلى الشهادات يارب .. و معك كريغ اهم شي ..

ما رفع منسوب الطفح في صندوق الرسائل الا انت ولا يهون سليمان
بس ما عليه احس اني فلمت فيكم لاني قليل التركيز وافوت اشياء ما تتفوت وتتوهقون معي

كريغ اهم شي هذا عين السيح وخير خلف لخير سلف .. ما علي زود

إقتباس ابو عآبد احس انك عصبي من هالاجوبه << امزح

إقتباس والله اعجوبة بالتفصيل الممل يعافيك ربي انك تحملت الشباب استانست والله وانا اقرا اجوبتك تصدق توني دريت انك شاعر يالله يالذيب اكتب بي قصيدة هجاء واعذرني على اني ما سألتك , والله يوفقك في دراستك وان شاء الله تجينــآ بش مهندس اقد الدونيــآآ إقتباس اكيد معها خصوصا بين الشباب واشجع التجمعات اللي تصير هنا وخصوصا في الاستراحات

3 ايام وانا اخبص فيها ... جاني شد عضلي في اليد اليمني وتلومني
بالنسبه للهجاء جايك في الطريق لا تستعجل

إقتباس ياحبك للاستراحاات

الله يهديك بس تبيهم بكره يقولون لي ... عبدالله وينه .. في الاستراحه
خصوصا ان المندسين يكثرون في العالميه والروابط

إقتباس عبدالله عبد الرحمن (L) اعذرنا يا الغالي مالحقنا نسألك .. قهر والله ..

لا تنقهر ولا شي نكلم يوسف يعيده او يسوي جزء ثاني




حيهم

إقتباس آبو عبدالرحمن لا خلا و لا عدم آنتظر آجوبتك منذو يوم الاربعاء و الحمد لله ما خيبت ظني و آنتظاري و كان من آمتع الكراسي صراحة ! ، لآ هنت و آنت بعد يـ الآصلع لا هنت !

إقتباس إقتباس س/ وين سآكن بالسعوديه ؟ العقربيه - جيران ابو سعيد .. قدام جامع الشيخ المنجد في ذمتك ؟ آجل قريب من بيت خوالي ! ، بس آلحين آنت في بريطانيا وش آبي بك لا رجعت آكيد لازم آشوفك و نتشرف بمعرفتك آكثر !

لو قلت لي كان ارسلت لك نسخه ... ما احب الانتظار
اكيد لو جيت في اجازة الايستر او الصيف لازم اقابلك واقابل كم شخص هنا
ولي الشرف والله في مقابلكم كلكم




من قصائدي لكم فقط




غريب والدنيا متاهات واحزان
والوقت ما يرحم ظروف الغلابه

غريب وفي صدري صدى ضيق واشجان
تطوي لي احلامي هموم وكآبه

احيان اسايرها .. ولكنّي احيان
ارفض لجل تبقى لقلبي مهابه

الذل لا منّه تمكن من انسان
يلغي من عيون الاودام حسابه

انا عكست الجاذبيه على شان
لي طحت ارقى باتجاه السحابه

لا ما انكسر لاسفل ولو كان ما كان
حتى ولو قلبي عظيم ٍ مصابه

الصبر لي ملجا ولي فيه اوطان
القى اعتباري عند حضرة جنابه


....

الحزن آفة .. يقتل النفس بـشويش
وانا من احزاني على حد الممات

يكفي فجايع يا هلي ودي اعيش
فقد الاحبه يخطف العمر "حزات"

يا هم .. تعال .. اقول .. باعطيك بخشيش
خذ ما تبي وارحل عن القلب بسكات


.........


اسرح مع همومي عن الناس لكن
ابقى رغم همي مع الناس وافـي

لاني اذا ضاقـت علـي الاماكـن
القى بهم حضن ٍ عن الضيق دافي


................

ليت الرياض .. يحس .. بـ ضيقتي شوي
يعطيني من كـبره ... [ .. شوية وناسه .. ]

امشي مع العالم .. ولا شدني .. شي
ما كني اللي ... يحترق في ... حماسه

ساعه .. ثلاث .. اربع ..:وانا ادور الحي
والضيق يضرب في ضلوعي بـ شراسه

حتى وصلت الدار .. والحال بي عي
والجسم .. ما يقوى .. على حمل راسه

.............

هنا حديث الصوره .. وهي كتابة ابيات شعريه مستوحاه من صوره



اطلق عنا الدنيا .. من الصدر وارتاح
حاول تنام ... وحقّر الهم ... مــرّه

لا لا تهمك .. رجفة القلب .. وجراح
قلبك تعوّد على الالم .. ما يضرّه

اضحك .. وعيش الوقت .. بـ عيون سوّاح
ترى العمر محسوب .. حزن ومسرّه

لا ما بقى من العمر .. كثر الذي راح
حاول قبل خيره .. تعيشه بـ شرّه


.......

وهنا ايضا صوره اخرى



اليوم اشيلك .. لجل الايام تبقيك
عز وسند .. لي روَّح العمر بكره

من حر الارض وبرد الايام اداريك
لجلك احب ولجل خاطرك أكره

وابوعدك .. ان طال عمرك .. ابعطيك
عطا الذي .. ما ينتظر منك شكره


.....................

اخيره وعذرا للاطاله

على كثر ما احبك ولا اقدر ازعلك
احذر تراني .. ممكن ابعد واخليك

لا شفتك تمنن على قلبي مواصلك
بـ اعز نفسي عن سعادة معاليك

انا مَلِكْ نفسي .. ولاني ابد مُلْك
بكره ابيعك دامني اليوم شاريك

ممكن تكرم .. بس لحظه .. أبسألك
....... وابي جوابــك ..
......دون ربكـه
.... وتشكيك

هل التغلي ذا .. عشاني ادلـلك
ولا عشاني جد ما اقدر اخليك