..
.
.

حي الله البرشلونين , مبدعين دوماً ورابطه ممتعه اكثر منها مفيده ..
اعتبروا هـ الرد فضفضه واحد فاضي اكثر منها تحليل لمباراة اليوم ..

مآ ادري ليه مستمتع بـ المباراه , يمكن الهلال قبل امس شبعني كوره ..
اتابع المباراه وانا افكر واحلل اداء البرشا في اداء الاعبين في بعض نقاشاتكم
حول مستويات بعض الاعبين , وهل هذا ديربي ولا انتوا بس الي نسمونه ديربي !

الاداء بـ شكل عام متوسط , لعب الفريق بـ نظام عطني ثلاث نقاط وبسافر ..
استغرب سوء اداء انيستا ! واشفقت كثيراً على المجتهد هنري , كان في
اكثر من مناسبه في موقع مناسب جداً للتسجيل لكن { الفزلكه } من بيدرو
وانيستا تغبنه في نفسه المسكين , يبغا يقطع شعره بس المشكله مافي ..

ياحلو يايا توريه مع بوته اذا دخل في العمق بين بويول وبيكيه يسوي شغل
تكتيكي مو طبيعي ! تعجبني كثير هـ الميزه الي يفتقدها البرشا مع بوسكيتس
لأنها تغطي اندفاع الفيس وابيدال او ماكسويل هجومياً بحيث يفتح بيكيه و
بويول على الاطراف ! وربي شغل ممتع من قوارديولا !

في لخبطه الموسم هذا في الهجوم ! بقول شي بس لا تعتبرونه مقارنه
او فتح لـ موضوع اشبعتوه طرح لكن من باب الشي بـ الشي يذكر !
الي هو تغيير طريقة اللعب هجومياً بوجود ابراهيموفتيش بدلاً من ايتو !
ابو خليل ثقيل فنياً نعم , يصنع , يسجل , يغبن المدافع الي قدامه
لكنه يفتقد اهم ميزه كانت في ايتو وكانت مكمله جداً لأسلوب خط
الوسط البرشلوني الي هو الـ خذ وهات وفتح المساحات للقادمين من
الخلف وللأجنحه ! ايتو كان يسحب معاه قلوب الدفاع وكان اكثر
شي يعجبني فيه لما يعطي ظهره للمرمى ويستقبل الكور ويحظرها !
مع ابو خليل اعتقد فقد البرشا هذا الشي لكن اكتسب قوه هائله
تكمل وتمتزح بـ الفن والمهاره اذا لعب ميسي معاه ..
قوارديولا اعتقد لقى ضالته في ابو خليل لأن اذكر مره قريت هنا
رد لأحد الاعضاء يذكر فيه ان بيب يتمنى يستنسخ لاعب مثـل
كليوفرت الهولندي الي هو المهاجم رقم تسعه الهداف صاحب
ضربات الرأس القويه , فـ اعتقد ان ابو خليل فيه هـ الميززه وفوق
هذا مهااره وصنع لعب شي مو طبيعي ..
لكن لازلت اشوف ان خط الهجوم فيه لخبطه شوي لاالحين فيه
تكه كذا بايخه بـ تزول ان شاء الله مع الوقت ..
عندي كلام حول نقاشكم عن بويان , لكن حسيت اني كثرت ..

نقطه اخيره استغربها من قوارديولا :
هل محرم على البرشا تغيير طريقة اللعب من 3 3 4 الى 4 4 2 ؟
مستحيل يلعب مهاجمين ابرا وتحته ميسي أو هنري مثلاً ؟

مره وحده شفته لعب بـ ميسي تحت المهاجم الي كان ايتو وابدع
ابداع مو طبيعي في مباراه الريال 6 - 2 ! ليه في بعض المباريات
او في وقت من الاوقات مايجربها ! يعني مره وحده بس عن قولة
يقولون في طريقه ماجربناها , مو معنى كلامي ان طريقته فيها
شي غلط بـ العكس ولا حتى ان هـ الطريقه مكشوفه لأن هـ الكلام
مأخوذ خيره ومافي شي اسمه طريقه مكشوفه لكن بس القصد
من باب جرب جزاك الله خير ..
ما ادري انتوا مرتاحين كذا ماتبغون تجربون ؟

/



يآلبيه بس ..

.
.
..