السلام عليكم ..

ألف مبروك فوز البرسا على الغريم ، ومثلها عودة للصدارة ، وكذلك مثلها فوزنا على
البثر خيريز .. الفريق ماشي على وتيرة مُميّزة ، وأثبت قوّة شخصيته .. ورسّخ
مبدأ شخصية البطل .. بهالوقت ما نطالب بمستوى قد ما نطالب بنتيجة ! ، أكيد إنّ
المستوى مطلب لنا كبرشلونيين كون برشلونة ارتفع بذائقة كل متابع له ، بل إنه جعل
مننا طمّاعين ما يرضينا إلا حصّة الأسد من البطولات ، ونترك لغيرنا الفُتات ..

في مطش الكلاسيكو الفريق ما قصّر وقدم أداء جيد جداً .. ما ودي أكثّر كلام عن
المباراة ، كون الشباب ما شاء الله كفّوا ووفّوا ويعطيهم العافية .. لكن عندي
نقطة وحدة حابّ أذكرها .. بيب بإشراكه لهنري ، أفقد المرجعيّة للفريق .. بحيث
إن مجهودات الكينغ وحبّة البركة راحت هباء منثور ! الكرة تدور في خطّ الوسط
سيطرة على الكورة ! أوكي شيء جميل وندرة من الفرق تقدر تؤدّي بنفس الكيفية
لكن بعدها .. ؟! ما في لاعب بالصّندوق يتوّج مجهودات لاعبين الوسط ! هنـري
جداً سيّء وسوءه لا يطاق بصراحة .. وأجزم إن أغلب الآراء إن جُـردت مـن
العاطفة بتجمع إن هنري إنتهي وأفلس .. بمجرّد دخول إبرا ! فرق الأداء بشكـل
كبير ، وخمس دقائق فقط كانت كفيلة بتتويج أداء الفريق بهدف حـاسم .. وهنـا
يتّضح دور مركز رأس الحربة في خطّة البرسا .. بحيث إن مركزه جداً حسّاس
و أداء لاعب واحد يأثّر في 11 لاعب .


بالنسبة لمطش خيريز ، الأهم فيه الثلاث نقاط هذا متّفق عليه .. لـكن تمنيت
أشوف ذكاء في تعامل البرسا وبيب مع صغـار الفرق في الليغـا .. مثـل
هالمباريات هي اللي تفرق في إتجاه الدّوري . البرسا لو قابل هجوم صاحي
كان ممكن ناكل أكثر من هدف .. عديد المباريـات أثبتت إن لعـب ماركيـز
بجانب الناقة الأوكرانيّة مخاطرة كبيرة ويساوي العديد من الأخطاء والواجـب
على بيب يداور على أساس .. كان ممكن يريح بويول أو بيكي ! ويعتمد على
أحدهم بالإضافة إلى ماركيز في خط الدفاع .. بحيث إنه يريح لاعب ، بنفس
الوقت ما يخاطر في نقاط المباراة .. نفس الكلام ينطبق على خط الهجوم !!
هنري الكهل بالإضافة إلى بيدرو وبويان ، قمة المخاطرة ! هنري كهل وأثبت
إنه إنتهي .. بويان وبيدرو مافيه صاحي يشكّك بموهبتهم .. لكنهم إلى
الآن أدوارهم مكمّلة وما وصلوا لدور اللاعب اللي يشيل هجوم كامل ! لا
ويصحّح أخطاء اللي جنبه ! كان ممكن يلعّب إبرا أو ميسي .. وفي المباراة
اللي بعدها يشرك اللي لم تم إشراكه في المطش الماضي .. ولو فكرنا فيها
بنشوف إنّ وقت الراحة اللي تحصل عليه أساسيّينا هو هو ما تغيّر ! لكن
الطريقة الأولى تضمن لك استمرارية الفريق .

مبروك للكرة الذهبية ليو .. وأخيراً أصبحت الجائزة شكلاً ومضموناً بعد
أن استلمها الأرجنتينيّين ..

شكراً للجميع .. وأعتذر عن الغياب بسبب السفر ، وأشكر كل من سأل عنّي
ما تفقدون غالي كل أبوكم