|
إقتباس:
اللي يشوفك يقول اول مره نلعب مع فريق يدافع معنا .. مو معقوله اطالب الفريق اللي قدامي يهاجمني عشان اسجل فيه .. اقدر بطريقه معينه اسحبه من ملعبه .. عطه الكوره وخله يهاجم .. خله يترك مساحات لك ورا وبعدين اضربه بـ هجمه .. وها الشي من المسؤول عنه موب المدرب ؟ .. اذاً احاسب المدرب وانتقده بعد .. * * * * إقتباس:
إقتباس:
إقتباس:
لاحظ انك تتكلم ان الفريق مرهق .. وان الارهاق هو السبب في اللي صاير . طيب الارهاق هو السبب وش الحل عندك ؟؟ .. الحل الطبيعي يكون عندك دكة احتياط تخدمك وقت الازمات .. من اللي يتحمل ها الشي موب الاداره .. وبالاخص بيغرستاين مسؤول التعاقدات .. انا ما جيت وقلت ادفع 100 مليون ولا تراك حمار .. كل المطلوب لاعبين يسدون النقص في بعض المراكز .. لك .. :rose::rose: |
^^ جلب لاعبين بمستوى الاساسيين يحتاجون أكثر من 100 مليون , صح وإلا ؟ لازم نعي ان الدكة لازم تقول أقل من الأساسيين , وهالشيء حاصل في كل مكان , وإلا كيف تُبنى أحقية اللاعب بالمركز الأساسي من عدمه ! / شباب , هدوّا .. حبة حبة عشان نفهم :s5s: صحيح الوضع ينرفز , لكن الأداء اليوم ماكان سيء أبداً حتى لو كان في تفاوت بين أداء اللاعبين الشيء اللي المفروض يتنفذ مع الأندية الدفاعية هو التسديد من مسافة كويسه بحيث تسهل على الفريق مشقة اختراق العمق وحتى الأطراف . وبالنسبة لِـ بيب , أظن ان الشيء الوحيد اللي يُلام عليه من أول ماعرفناه هو التبديلات المتأخرة , فمثلاً اليوم , كان بالإمكان الاعتماد على بيدرو وقوته في التسديد , وبرضو بالنسبة لِـ بويان وسرعته وحماسه وبالنسبة للهجوم من الأطراف , ماأشوفه حل جذري , لكن اللي المفروض يحصل هو التنويع في اسلوب الهجوم وهذا الشيء بحدّ ذاته يوتر الخصم ويصعب عليه يمسكك من اليد اللي تعورك لكن قبل ماأهجم من أي مكان , لازم يكون عندي خفة في الحركة وسرعة وتمركز لكل لاعب يمرر أو حتى يسدد , وهالشيء كان شبه مفقود فعشان كذا نحص ان الفريق يسيطر على المباراة لمجرد السيطرة , فدخول بويان اليوم كان ضروري جداً ومع الأسف ماشفنا هالشيء من بيب . / قفلـه // إذا كنّا سنظل نقارن فريق هذا الموسم بفريق الموسم المـاضي , فـ مؤكد لن ننظر إلى الإيجابيات مهما كان حجمها لا داعي لأن تنقلب الأمور من قصة إبرا وإيتو إلى قصة فريق اليوم و فريق الأمس و لا داعي لـ أن نكون خصوم لأنفسنا , فلنعتاد أن تكون من يفتعل هذه المقارنة هم المنافسين فقط ولا غيرهم إذن , لا داعي لمضاعفة العبء أكثر وأكثر . |
ياشباب فريقنا ضد كازان ادو الي عليهم 90% لكن الحــظ معاندنا </B> وبصراحه انا لاحظت شي غريب في الخطه ميسي ماشفته في الجهه اليمنى الا في الشوط الاول هجمه او هجمتين </B> والباقي في النص خلف ابرا وهو مكانه معرووف قدام الفيس في الجهه اليمنى بصراحه انا مستغرب من هالشي ..!!</B> بس ان شاء الله من المباراه القادمه في الدوري يبدا البرشا الي نعرفه .. وتفآلو بالخير تجدوه .. ولا احد يتشآم :d بالتــوفيق للبرشا :smilie47:</B> |
إقتباس:
برشلونة يلعب 3-3-4 طريقة هجوميه بحته مع مساندهـ الفيس للهجوم و الوسط و مساندهـ الوسط للهجووم وش تبي طريقة هجوميه اكثر من كذا المشكلة مو في طريقة اللعب المشكلة ان الشي زاد عن حدهـ .. فريق يلعب 11 دفااع يعني مسكر كل الخطووط الحل هو التسديد البرشا لم يكثر في التسديد لو سدد ممكن راح يكون الحل لكن التسديد ليس من طريقة البرشاا والتسديد له عواقب مثل لو اللاعب سدد كورة وصدها الحارس او طلعت براا راح تكون كورة عكسيه او تميت اللعب وهذي اخطر شي على البرشا وممكن يدخل فينا اهداف .. ممكن البرشاا ليس لديه دكه احتيااط قوية .. لكن دكة الاحتيااد دجيدهـ نوعاً ما بوجود بيدرو بوياان الـخ لي باااك |
أنا بتكلم عن نقطة ماني شايف احد يجيب لها طاري ... يمكن أكون صح و يمكن غلط ... لكن خلونا نتناقش فيها :yes: انا بتكلم عن " أبدال " ..... هالاعب فاشل جداً بالهجوم :cry: بالذمه أحد يقول لي كم مره أبدال رفع كورة و جات قول ؟ كم مره مرر أبدال كورة و جات منها فايدة ! نلاحظة جهة ألفيس دائماً متحركة بشكل خرافي ... و ألفيس يصنع ... يرفع ... يسجل ... له حضوره القوي ألي يخلي جهته متحركة ... لكن أبدال لا يرفع وتجي صح ... ولا يمرر و تجي صح ... ولا عمره طق كورة و دخلت قول حتى لو بالغلط !!!! بعكس بديله ماكسويل ... لو ندقق بالمباريات ألي لعبها تكون جهته نار يا حبيبي نار ... مهاري ويصنع و ما عنده مانع يسجل ... وبإعتقادي يستاهل يكون الأساسي ... أو خلونا نقول ماكسويل أساسي حتى نضمن المباراة و بعدين ندخل السيد النائم أبدال ... لحظت في مباراة أوساسونا الكل يقول الفريق فقد فعاليته بالأطراف ... أكيد راح يفقدها ... لأن ألفيس مصاب ... و أبدال ما يطق كورة ! فخلاص ركود ! أنا اشوف حسب رايي تبغي فعالية ... خليها على ألفيس و ماكسويل و راح تشوفون الأطراف تشتغل صح ... وجهة نظري و اتمنى أشوف نقاش بهالقصة :rose: |
هدّواا :rose: الوضع يضيّق الصدر .. اوكي كلنا متفقين ، فيه دروب بالمستوى بشكل عام صعبه اجي لغوارديولا واقوله انت سبب انخفاض مستوى الفريق كامل !! الفريق كله يتحمل الإنخفاض بالمستوى .. ميسي !؟ تشافي !؟ انييستا !؟.. ركائز اساسية إلى الآن ماشفت ربع مستواهم العام الماضي مقارنة ابرا إيتو .. لو الفريق نتايجه حلوه من بيطرّيها !؟ ,, هي الآن صارت شمّاعة .. لو ايتو موجود فعلنا .. ولو ايتو موجود سوينا .. هذا كله تخريف :d كازان ما اتوقع كان خصم سهل في الذهاب وحتى في الإياب .. فيه انخفاض بالمستوى .. اوكي بس معليش لازم نعطي الفريق الثاني حقه .. الثـلاث اسابيع القادمه نار .. وفتره صعبه جداً جداً على الفريق مايوركا في الكامب نو - اتلتيك بلباو في السان ماميس - الإنتر في الكامب نو - ريال مدريد في الكام نو هذا غير مباراة الكأس اللي ماادري متى :s5s: هذا محكّ الفريق الحقيقي .. نجح فيه .. قطعنا 75% من مشوار هذا الموسم مانجح .. اتوقع هالموسم بيقلب نِكـد :cry: .. الصحافه لازم ماتحاول تقارن برشلونه الموسم الماضي بهذا الموسم .. لأنها بهالأسلوب بتضغط على اللاعبين اكثر .. وماراح نشوف شي متفائل بـ بيب :ba1:! بس :ba1::s3s: .. تصدقون :d برشلونه خذ بطولة الموسم الماضي بالحظ !! :d |
هاردلك ياشباب المباراة كانت سيئة سيئة لي ابعد الحدود:cry: حنا كنا متعودين على 6 وعلى النتايج الكبيره واذا جبنا 4 مشكله :d الحين اتمنى بس هدف واحد بس :cry: :d القهرني اكثر مشاركة هنري هجمتين وضيعها والله حرام :cry: بس ان شاء الله نعوضها في المباراة القادمه ونتمنى الفوز لو 1_0 بس :cry: :smilie47: |
إقتباس:
عبدالله .. :rose::rose: قبل لا ابدا معك لازم نتفق على شي مهم ما فيه شخص فوق النقد .. سواء كان لاعب او مدرب .. سوبرستارولا لاعب عادي .. بيب كلنا نحبه وما نقدر ننسى اللي سواه الموسم اللي راح .. بس هذاك شي واللي صاير ها الموسم شي ثاني .. مثلاً السنه الماضيه بيب لو اخفق وما جاب شي ما كان احد بـ يلومه لـ عدة اسباب .. يمكن اهمها انه جديد على الساحه التدريبيه وما كان عنده صلاحيه في اختيار اللاعبين .. كانت وظيفته فقط تدريب المجموعه ولا شي غيره .. ها الشي اختلف ها الموسم .. شفنا صلاحيات كبيره لـ بيب .. صار له كلمه مسموعه اكثر من قبل .. عند الاعلام والجمهور والادارهـ .. بناءاً على اللي راح بيب يتحمل اللي صاير في الفريق في ها الفتره .. الارهاق اللي صاير مو هو اللي يتحمله .. ليش ما ضغط على الاداره حتى تلبي طلباته هذا من ناحيه .. من ناحيه ثانيه ليه اللاعبين الشباب اللي في فترة الاعداد كانوا مع الفريق اختفوا ؟! .. وين الانضباطيه اللي كانت شعاره في الموسم اللي راح .. انا ما جيت وقلت اقيلوا بيب من منصبه .. كل اللي ابيه بيب يراجع حساباته .. لاننا في البدايه والتعويض مقدور عليه .. إقتباس:
هلا محمد .. :rose: ياخي انا انسان طماع .. من حقي اطالب يكون فريقي متكامل من جميع النواحي .. لو تلاحظ المراكز اللي محتاجها الفريق ما هي مكلفه بشكل كبير .. بديل لـ الفيس + محور + جناح .. الجناح هو اللي ممكن يكلفنا مبلغ كبير .. اما الظهير و المحور ما اعتقد يتعدون 30 مليون مع بعض .. إقتباس:
وهالشي من المسؤول عنه ؟! .. إقتباس:
اجل سبب عدم التسديد على المرمى الخوف من المرتدات ؟؟ .. |
إقتباس:
عشان كذا نرقعها ببويول :D ثمن نلعب ماركيز :D ثمن يجي علينا هدف :D ثمن نصيح :D وللأمانه هذا موب خطأ تشيكي .. هذا خطأ المدرب .. ليش ماطلب ظهير أيمن بدال ما يصر على قلب دفاع ؟؟ ------ إقتباس:
ميسي يدخل يستلم من النص ولا مره شفته جناح وانييستا يستلم كورة عند الخط ويدخل للعمق ما يروح جناح يعني خطتنا 4-3-3 على الورق .. بينما على أرض الواقع خطتنا 4-5-1 ------- ياشباب أنا عندي رأي وياليت تفهموني ومحد يرد بانبراش :D رأيي ان الفريق مسيطر على الكورة بشكل ممتاز .. لكن بدون أي فاعليه هجوميه صح ولا لا ؟؟ سيطرتنا على الكورة خياليه .. لكن أغلب الوقت الكورة مع المدافعين .. ولما توصل لتشافي .. مايلقى أي حلول مدري وش السبب لكن اعتقد لأن اللاعبين موب فاهمين أدوارهم يعني أنا لاعب جناح .. مسئوليتي اني أساند المهاجم .. واتمركز بمكاني الطبيعي كجناح يعني لاعب جناح .. موب مسئوليتي اني أدخل استلم كورة من النص واسحب بكم واحد وتنقطع وترجع مرتده .. هنري دخل أقل من 10 دقايق .. لكن والله مع ان مستواه نازل .. الا انه أدى دوره كلاعب جناح موب مثل ميسي وانييستا يعني لاعب عارف دوره .. وعارف المطلوب منه من يوم دخل صنع خطورة بأكثر من كورة .. لعب كورة عرضيه فوق .. وعرضيه أرضيه .. وبغى يسجل هدف لما تمركز صح بس ماكان مركز.. يعني مايهمني انه هابط مستواه .. بقدر مايهمني انه عارف أدواره ويقوم فيها اما ميسي وانييستا صراحة كأنه مافيه لاعبين أجنحه كأننا نلعب بخطة 4-5-1 أنا مدري هل هو تكتيك من المدرب ولا اجتهاد منهم .. لكن اتمنى ان المدرب ينتبه للنقطه هذي |
إقتباس:
][ غوارديولا : " نرجو جلب الست نقاط " . ][ http://www.elmundodeportivo.es/gif/2...4/paldked6.jpg غوارديولا يشدد على أن : " من الصعب جدا علينا الهجوم وهناك عشرة في الدفاع " . وأضاف : " لدينا ست نقاط لنتأهل ، وإذا لم نفعل ذلك فقد نخرج ! " . وعن نتيجه المباراة ! مدرب برشلونة جوسيب غوارديولا بعد التعادل لفريقه (0-0) أمام روبين كازان قال : " نقطة اليوم سنعرف ما اذا ستكون جيدة أو سيئة في نهاية المطاف ". توظيف المدرب الاسباني للاعبين جعلت فريقه في روسيا " جيد جدا في الشوط الاول " وأكثر هدوءا في الثاني وقال : " عندما نهاجم فأن ذلك قد يكلفنا الكثير " . غوارديولا يذكر بأن زينيت وشاختار دونيستك حصلا مؤخرا على لقب كأس الاتحاد الاوروبي وقال ايضا : " كافة الأنديه في هذه البطوله هي جيدة وتلعب لعبت منظما تنظيما جيدا " . وان روبن كازان ليسو استثناء عن زينيت وشاختار . وقال : " وفي بعض الأحيان سيكون من الصعب جدا الهجوم ويكون في دفاع الخصم عشرة لاعبين وهذا لا يحدث الا لنا ، وتكون طريقه لعب الخصم إغلاق الممرات الداخلية ومن ثم الذهاب بسرعه للهجوم المضاد ". MD |
إقتباس:
اليوم لاعبين البرشاا كلهم قداام ما عدا ابيدال و بويول و بيكي .. كلهم يساندون الامام ميسي مثلاً يدخل للعمق واحياناً يلعب في الجنااح كل مايطلب منه المدرب انه يلعب في المكان اللي يلعب فيه وبكل امانه اليوم كازاان اجبرناا على ان نلعب بطريقة هو يريد ان البرشا يلعبها .. على العمووم .. البرشاا مستواة في تراجع مثل ماذكر اخووي .. واحد الاخووان ذكر نقطه مهمه هي ابيداال .. ابيداال سيئ هجوومي صح جيد دفااعي .. ماكسيول جيد هجوومي لك العرضياات التمريراات عندهـ ضعيفه الدفاع جيد لكن ابيدال افضل البرشا مايعااني المشااكل الكبيرة .. يملك لاعبين من افضل لاعبين العالم .. تشافي ,, انيستا ملوك ملوك الوسط في العالم .. بويول بيكي الفيس .. مستوى ممتااز .. فكتور مستوى عاالي .. ميسي افضل لاعب في العالم ابرا افضل هجوم في العالم المشكلة هي مشكلة نفسيه مشكلة ارهااق .. إقتباس:
اهم شي نعوض ما فاات .. واهم شي الفوز في الدووري |
][ بويول: "كنت أرغب في التسجيل في كازان" ][ http://www.hihi2.com/uploadedData/News/News/6192.jpg وقال بويول: "سعينا جميعا لتسجيل هدف لكن الكره لم ترغب في الذهاب الى الشباك، وكان من الصعب جدا علينا خلق الفرص مره اخرى, وكانت اريد التسجيل في المباراة لكن لم تسنح الفرصه للمهاجمين للتسجل فكيف سيكون الوضع معي". كارليس بويول وزملائه كان بستطاعتهم الفوز على كازان مع الفرص التي اتيحت للفريق, لاكن كازان لم يسمحو بذالك بوجود 11 لاعب مدافعا لكازان, واضاف بويول: "كازان جعل المباراة دفاعية للغاية، وقد كان لاعبين كازان خطيرون في الهجمات المرتده وقد اغلقو المناطق الدفاعيه للغايه, ولقد كانو فريق عظيم". http://upload.alhilal.com/img/019/res1.jpg ... :rose: ... |
إقتباس:
ولا ننسى الاجواء و السفر و الارقااه و وو الغيرهـ .. لكن هذي ليس نهاية المطااف .. راح نكون الاول في المجموعه بأذن الله وراح نتصدر في الليغا اكثر من نقطه ان شاء الله .. والبرشاا انحرف قليلاً عن المساار وراجع لمسارهـ الطبيعي في الايام القادمه |
السلام عليكم !:rose: هاردلك شباب على النتيجة المخيبـة ..! :cry: قسم بالله شي يقهر, كل فريق يقابنا يعلب بـ10 دفاع مع الحارس , والـ 11 ياليت مهاجم تلقاه قاعد في المحور .!:d الله يا ابرآ ضيعت هجمه ما تضيع لكن الحظ ما ساعده .! المجموعه تعقدت كثير والبرسا صار وضعه مخيف وغير مطمئن .! والاداء امس فقط استحواذ على الكوره بدون فاعليه , الاطراف نايمه جـدآ والبرسا صعب على نفسه المهمه يهاجم من العمق وكازان يلعب بـ 9 دفاع ومسكر العمق , مفروض من بيب يهاجم من الاطراف ويستعمل العرضيات لكن لم تستغل .!! الله يستر بس.!:yes: ترى البرسا والله دلعنـا زيادة عن اللزوم :d:ba: :rose: |
| الوقت المعتمد في المنتدى بتوقيت جرينتش +3.
الوقت الان » 10:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd