][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][ - صفحة رقم 227 - نادي الهلال السعودي - شبكة الزعيم

A B D U L A Z I Z · #3391 17/09/2009, 04:31 AM

هارد لكم التعادل ..

أنا مستعجل بحط عنوان وبمشي ..

بـ حصة تدريبية .. البرسا ينهي أولى مبارياته الأوروبية .. بنتيجة إيجابية ..

الجنرال20 · #3392 17/09/2009, 04:41 AM

فالديز : 7.5

داني: 7.5

بويول :7.5

بيكيه : 7

ابيدال : 6.5

تشافي : 8.5

كيتا : 6

توريه : 7

هنري : 6.5

ميسي : 7.5

ابرا : 5

يستاهل تشافي ،،، ولو كان ابرا استغل الفرص لكان افضل لاعب

لكن الحمد الله على كل حال

A.R.33 · #3393 17/09/2009, 04:56 AM

إقتباس

الرسالة الأصلية كتبت بواسطة A B D U L A Z I Z


	هارد لكم التعادل .. أنا مستعجل بحط عنوان وبمشي .. بـ حصة تدريبية .. البرسا ينهي أولى مبارياته الأوروبية .. بنتيجة إيجابية ..

والله عنوان حلو اخوي

بس ما اعتقد انها ايجابيها فعلا !

نوفي الهلال · #3394 17/09/2009, 05:27 AM

هآردلك ع التعآدل السـلـّبي ..

والله عندنآ فريق خبل

.. آلآنتـر بأرضـه صآآك دفآآع .. وآبووك يآلآستحوآذ

والله جآلس اتآبع المبآرآه بآستمتآع .. كور لمسآت آوفرآت .. والله انهم آمتآع

الشوط آلثآني نسيت ان المبآرآه بـ ملعب الانتر

وبالتوفيق ان شاء الله .. في قآدم المبآريآت ..

-------------------

شبآب في يوزرآت .. بصرآحه .. مآعرفت وش يبون بالضبط !!؟

يعني كيف برشلونه مآعجبهم اليوم .. وهو حآشر آوم الانتـر بالدفآع ؟! حتى مورينهو بلع العآفيه .. طلع سنآيدر .. ودخل لآعب .. مدري شسمه .. بس مركزه ظهير ايسر اظن !!

يبيهآ تنتهـي بالتعآدل ,., !!

آنتوآ بصرآحه مآيعجبكم العجـّب .. بالله روحوآ سيـّروآ ع رآبطة الآنتــر .. وشوفوآ كيف .. مستآنسين بالتعآدل .. !! وكيف يمدحون البرشآ ومسـّتوآهم .. !!

يعني بصرآحه .. آلوآحد يدخل الرآبطه .. ويضيق صدره من هالكلآم اللي ينقآل .!!

يعني شبآب بالله للحين تقولون .. لو آيتو معنآ .. ومدري شنو .. وآبرآ مو زي مستوى آيتو .. بالله من جدكم ؟؟! للحين مآخلصنآ من هالسآلفه .. آنآ متأكد كلكم وآعين وعآرفيـن .. بس مو للهالدرجه يآشبآب .. كل مآكآن آبرآ سئ .. قطيتولنآ سآلفة .. آيتوو !!
خلصنآ عآد ..!!
آيتو آلحين موب لاعبنآ .. وآليوم لعب ضدنآ .. ونآس للحين تجيب طآريه !!؟
خلآص خلوكم بالآمر آلوآقع .. آيتو مو معنآ وابرآ معنآ < آتمنى توصل !!

شجعوآ آبرآ وتحملوه .. مو تتصيدوله آي غلطه ..!!

يآليت ننتهي من هالموضوع .. !!

..MESSI.. · #3395 17/09/2009, 05:28 AM

|| صور من المبارات من الموقع الرسمي||

لمزيد من الصور في المصدر

ღ Lover Barca ღ · #3396 17/09/2009, 05:33 AM

أنـا أقـول خلونـا على وضعنـا الحـالي بدون عنـوان إلـى الله يفرجهـا في لـقاء
أتليتكـو مدريـد .. بعديـن نشوف لنـا عنـوان يصلـح

F.C.Blaugrana · #3397 17/09/2009, 05:45 AM

تقييم اللاعبي من الـ SPORT !

فيكتور فالديس 7 ،،
آلفيس 7 ،،
بويول 8 ،،
بيكيه 9 ،،
أبيدال 6 ،،
توريه 7 ،،
تشافي 7 ،،
كيتا 7 ،،
ميسي 7 ،،
ابرا 7 ،،
هنري 5 ،،
إنيستا 7 ،،

El 1 x 1 del Barça

F-C-Barca · #3398 17/09/2009, 05:49 AM

السلام عليكم ورحمة الله وبركاته

صراحة مااقدر اقول مبروك ولا هاردلك لاكن لازم نروح
للجانب الايجابي من المباراة الباريا عمل كل اللي عليه بس الحظ ماوقف
وياه الفريق حافظ على الدفاع وهاجم بقوة لاكن الانتر كان مسكر الدفاع
ومو مخلي فيه ولا ثغره صحيح ان حنا جتنا هجمات لاكن ضيعناها
وهذا يدل على ان الفريق الحمد لله مافقد روح الموسم الماضي لاتنسون ان
المباراة خارج الديار وتلعب مع فريق مو سهل وغير كذا جابره على طريقة
لعب الهجمات الرتدة وبعدين الكل يقول ابرا وابرا زلاتان عليه ضغوط في المباراة
وغير كذا ترا توه جديد وترا الصبر زين وانا جالس اشوف ابرا يتطور من مباراة لمباراة بالله عليكم تقدرون تقارنون اداء ابرا في مباراة مانشستر ستي في كآس غامبر
بـــ مباراة خيتافي..! ابد محد يقدر يقارن وهذا دليل على ان ابرا جالس يتطور
من مباراة لاخرى بعدين ليه ماتقبلون التعادل !! ترانا في اول المشوار
صحيح ان احنا تعودنا على الفوز كـــ جمهور والصفة السلبية اللي
بصراحة عكستها لنا الثلاية اهي ان احنا خلاص مانقبل الا بلاهداف
والنتايج والفوز طيب تراها مباراة وغير كذا اتوقع المستوى السنه هذي ماتغير
وان كانه تغير فان العيب مو فينا الفرق اللي تلعب معنا متطوره
فــ لاتزعلون اذا تعادلنا انا اتوقع ان حنا قدمنا مباراة حلوة واجبرنا النيراتزوري
على اللعب مدافع طول المباراة والاعتماد على الهجمات الرتدة انا اقول ياليت تهدون من ناحية الانتقاد
اللي يشوفنا الحين يقول خسرانين 8-0 لا وبدون ولا هجمه بعد !! يعني قدمنا مستوى
طيب وحلو قدام فريق يعتبر في الفتره الحاليه افضل فريق في الكالتشيو
وترا تونا في اول المشواار باقي

روبين كازان - دينامو كييف - والانتر
واياب باقي واااجد

قفلة

شباب فكونا من المقارنات بين ايتو وابرا
بصراحة ابرا يختلف عن ايتو وايتو يختلف عن ابرا
وكلهم هدافين وكلهم الين الحين جايبين هدفين مع فرقهم يعني الله
يخليكم خلاص كفاية مقارنات

تحياتي~~

عبدالله

محب الذئب9 · #3399 17/09/2009, 05:52 AM

سـلام ..

عـن المبـاراة نقـدر نقـول برشلونـة خسرو
نقطتين .. والانتـر كسـب نقطـة .. !

الشـوط الاول مـاشفتة للآسف .. !

شفت شـوط الحشـرة هههههههه الى هـو الثـاني .. !

مـاكـان ينقصنـا الا التسجيـل سوينآ كل شي صـراحة .. !
اللآعبين مـاقصرو اليـوم .. !
الدفـاع كـان كويس .. !
يآيآ اعتقـد انه التعليمـات الموجهة لُة بعدم التقـدم .. !
كيتـا كـان كويس بستثنـاء فرصة شفتهـا لة المفروض قول ..

تشـافي كآن الافضـل في المطـششش ..

وبعدة ميـسي ممكـن .. ابرا مدري شفية بسس بنقووول
للجمـاهير دور في هذا .. ! وهو المفروض ان لاعب كبيـر
مـا يتـاثر لا بجمـاهير ولا بآعلآم .. !

هـنري خـاااااارج الخـدمة وكـانة داخـل المبـاراة وقـاعد يفكـر ..

وتحسـة اذا جاتة الكورة يدوبك ينتبـه .. !

مـا ادري وش كـان يبي .. !!!
--

المفـروض مـا تضيع .. !

--
بـالنسبة للعنـوان كـلام فيصـل هو الـذي كويسسس ..

C A M P - N O U · #3400 17/09/2009, 05:53 AM

السلام عليكم

هارد لكم التعادل بصراحه

مورينهو فاجأني بطريقته بصراحه .. لو داري بيقفل كذا ماتابعت المباراة

هالطريقه صارت لنا الموسم الماضي اكثر من مره .. الريال ذهاب .. تشيلسي ذهاب كلها نفس الطريقه ونفس النسق تلغيم في الدفاع بشكل يقتل اي خطوره حتى لو كان عندك لاعبين يطيرون من الـ 10 كور ماراح يطلع لك إلا وحده بالكثير

شدني صراحه مستوى فالديز اليوم مااختبر كثير بس في كم كوره ريحني فيها بالحيل .. كورة ميليتو الإنفرادة وعرضية ميليتو بعد وجميع العرضيات بدون استثناء والكرات الثابته اعجبني فيها ويستحق الإشادة

..

بيكيه ياسلام عليك يالناقه .. مشّط المنطقه الخلفيه بالكامل

مستوى راقي

..

بويول جييييييييد اليوم

..

تشافي

والله لا موتا ولا غيره .. مايسترو بكل ماتحمله هالكلمه من معنى

..

ميسي جيد مافيه معه لاعب يسانده غير تشافي وماشفنا مثلث بالنص يقدر يفك هالتكتل للأسف

..

نجي لإبرا .. تحت ضغط رهيب وماالومه ابد صراحه .. قد لمسات حلوه .. ومااوافق اللي يقول انه ماهوا لاعب حسم .. لأن اللي يبي يشوف خطة الإنتر مااتوقع بيلوم إبرا .. مباراة تشيلسي الذهاب العام الماضي كانت نفس كذا وبالكامب نو ولا شفنا من المهاجمين شي .. من الحين دخلنا بمقارنة ايتو وابرا اتوقع خلاص انتهى وقتها وبدينا الموسم ولا عندك إلا ابرا وبس

..

قبل ماننتقد الفريق نشوف الفريق اللي قدامنا شلون لعب المنافس .. فريق كبير مثل الإنتر ويلعب بهالطريقه وبدفاع ممتاز وبمدرب ممتاز صعبه نطلع منه زي ماطلعنا مع اي فريق متوسط

..

نقطة جيدة بالحسابات العدديه .. والله يوفق البارسا فوق اي ارض

J.cole
تسجيل اعجاب بجميع ردودك

The Rocket · #3401 17/09/2009, 05:57 AM

مبارياتنا الجاية :

في الدوري :

برشلونة × أتلتيكو مدريد السبت 19 سبتمبر الساعة 22:00

برشلونة × راسينق سانتندير الثلاثاء 22 سبتمبر الساعة 22:00

برشلونة × ملقه السبت 26 سمبتمبر الساعة 20:00

برشلونة × ألميريا الأحد 4 أوغسطس الساعة " لم يحدد بعد ! "

في أبطال أوروبا :

برشلونة × دينامو كييف الثلاثاء 26 سبتمبر الساعة 20:45

* ترى الوقت 50 % غلط ! .. لأني ما ادري هو جرينتش أو توقيت أسبانيا

* أخيرا أجلوا الدراسة

F-C-Barca · #3402 17/09/2009, 05:58 AM

السلام عليكم ورحمة الله وبركاته

ياشباب اسمعو الخبر طبعا للطلاب فقط اللي موب طالب يصرف نفسه

الملك

اجل الدراسة الى 21 شوال
طبعا على ذمة اخوي

يازين ذا الصورة بس

ذا الهجمة بنت كلب بس حسافة يشيخ
خيرها في غيرها

PUYOL Carles · #3403 17/09/2009, 06:00 AM

إقتباس


	السلام عليكم ..

حياك الله

إقتباس


	أن إنترواي وحبيت أشاركم ببعض النقاط قدمتو مبارة كبيره كنتو أقرب للفوز مننا ولنكن واقعين مع بعض الهجمات المرتده الشوط الأول والثاني كانت كفيله بخروجنا بالفوز نتيجة التغطيه الدفاعيه القويه ترااااا ياشباااااب فريقكم مكتمل وحنا ناقصنا كمبياسو القلب النابض في خط النصف الدفاعي وإلا موتا لو كان مكان مونتاري كان تغير نهج الإنتر بنسبه كبيره كان شفتو شنايدر بحريه أكثر وزد على ذلك عدم جاهزية ديان مثل أنيستا عندكم ولا يخفيكم أن البرشا هذا هو من العام عدا إيبرا ولكن الإنتر يلعب اليوم بـ 50 % من فريق العام إذا أبعدنا سيزار وإلا هذا الفريق له شهرين فقط وجارا فريق مكتمل بنسبة 90 % (( من سنه )) فلا تأخذكم الثقه بحكم إمتلاك الكوره أغلب المباراة فقط وخطورة بعض الهجمات

امممم .. ممكن انتو فريق قاعد ينبني ويمشي بطريق معين مع مورينيو .. ماراح اخالفك الرأي .. وراح احترمه .. ممكن كامبياسو غايب .. برضو ماراح اقول غيابه مايأثر ..

لكن انك تقول فريقنا ناقص كثير .. وتقول لي لو فلان لعب مكان فلان كان فلان طلع بمستواه .. راح أخالفك ..

الا اعرفه .. انه عندكم عدد من اللاعبين .. وجهاز فني .. هو يقرر من يلعب ومن مايلعب .. اذا هالمدرب ماحط افكاره بنفس الأفكار اللي في بالك .. هنا ماتجي تقول لي احنا كنا ناقصين وكنا مادري ايش .. هنا نقول أخطاء مدرب .. ومالها علاقه بنا .. اذا مدربكم اخطأ فـ هذا الشئ ممكن يحسب عليه ولمستوى تحضيره للمباراه ..

فريقنا موكامل على هالحسبه .. بويان موموجود .. وهو المهاجم الاحتياطي لابرا .. وكان ممكن نستفيد من سرعته ومهارته ..

بينما فريقكم اشوف كان باستثناء كامبياسو .. ماعنده شئ ينقصه .. عندكم كواريزما اللي ماستدعاه المدرب .. وبالوتيلي احتياط .. وسوازو .. ولعيبه كثار ممكن يستخدمهم المدرب .. فييرا موجود في النص برضو ..

واذا بتحسب انه فيه لعيبه جديده .. نقص من مستواكم الى 50 % ..

انا ممكن اعتبر احنا فقط بدون ايتو نقصنا 20% .. موعلشان ايتو المهاجم .. لأ .. علشان انه كان لاعب معانا لمدة خمس مواسم وفاهم وش يبغا الفريق بالضبط .. بينما ابرا يحتاج وقت ..

فـ مابالك بعدم جاهزية انييستا .. وغياب رافا ماركيز وغياب بويان ؟ كم توصل نسبة هبوط المستوى بعدين .. 99 %

إقتباس


	الي حبيت أوضحه أخيرا" هو إيبراااااا نجم مايختلف عليه أحد لكن الفرق بينه بينا إيتو الحسم في أغلب المباريات الكبيره وإنسجامه مع الفريق وبسرعه وهذا الي فقدناه في إيبرا أثناء بعض مبارياتنا الكبيره بتقولون تكتيكنا مختلف عنكم فمن الصعب الإنسجام راح أجاوب وبسهوله إيبرا نجم مختلف ومن الصعب خلق الأعذار له وكأنك تتكلم عن لاعب في دورينا ينسجم ..

عارف ليه نقول ابرا ماتأقلم ؟ وهاالشئ نحطه عذر له ؟ لأننا ننظر لابرا على انه بني آدم .. مو على حسب طاقاته في البلاي ستيشن ..

فيه فوارق تكتيكيه .. لغويه .. حياتيه .. بدنيه .. الخ .. بين اسبانيا وايطاليا عامة .. والبارسا والانتر خصوصا .. واذا ماراح تحط هالشئ بعين الاعتبار .. راح انصحك نصيحه .. غير نظرتك لكرة القدم ..

احنا ماقلنا ماراح ينجح اصلا .. علشان تقول ابرا لاعب مميز وووو والمفروض مانحط هالعذر .. احنا نقول بعده ماتأقلم .. التأقلم يعني يعرف يلعب بعقلية زملائه وبنفس سرعة زملائه .. وهذا شئ يجي مع الوقت .. مايجي مكتوب فيه ورقه ويقوله او يشربه زي الماي وينزل يتقلقل في الملعب

إقتباس


	آسف ع الإطاله لكن وجهة نظر وددت طرحها في رابطتكم الممتعه

حياك الله في أي وقت ياصاحبي ..

Hilali 3asal · #3404 17/09/2009, 06:12 AM

اول شي نقول هاردلك على التعادل قياسا على أداءنا في المباراة ، ولكنها تبقى نتيجة مقبولة بما انها في أرض الخصم واللي هو الفريق الثاني المرشح للتأهل عن المجموعة .

صراحة أستغرب من البعض تعليقاتهم على أداء الفريق ... البرسا ظهر منذ بداية المباراة بشخصية البطل واستطاع فرض اسلوبه على المنافس الذي لعب بتكتل دفاعي وتمرير الكرات في مناطقهم الخلفية أغلب فترات المباراة ... تمكن الفريق من السيطرة وصنع عدة فرص ولكنه لم يوفق في التسجيل وهذي ممكن تحدث لأي فريق ومباراة تشيلسي الموسم الماضي اقرب دليل أو مباراة المان في الموسم الذي قبله مع ان الثنتين كانت على أرضنا وبسببها خرجنا من بطولة وكنا قريبين من الخروج في الثانية ... لكن في النهاية هذي لم تكن مباراة حسم أو خروج مغلوب يعني اول مباراة والفرصة قائمة ... عندك مباراتين قادمتين كلها على أرضك وقادر على انهاء الدور الأول بسبع نقاط من أصل تسع ، ولما تجي مباراة الانتر في الكامب نو عندها لكل حادث حديث .

نأتي لأسطوانة ابرا وايتو المملة والبكاء على أطلال ايتو ... ابرا لعب أمام دفاع متكتل بقلبي دفاع وثلاث محاور ومع ذلك حاول وتحرك وخلق لنفسه مساحات وعمل خطورة حتى لو انه اضاع فرص ، في المقابل ايتو لعب امام فريق هجومي وكانت عنده المساحات ماذا فعل في المباراة ؟؟ حتى خطورتهم جاءت من ميليتو ... يعني نظرية الافتراضات ولو كان ايتو هو الموجود كلام مامنه فائدة ... ابراهيموفيتش هو المهاجم رقم ( 9 ) في برشلونه وبدأ يظهر التكيف والتأقلم مع المجموعة بشكل جيد وننتظر منه الكثير .

بالنسبة للاعبين صراحة هنري هو اكثر لاعب خيب ظني في المباراة وانا راهنت عليه لسببين انه كان مرتاح من مباراة خيتافي والثاني انه قادر على استغلال تقدم مايكون المستمر ، لكنه كان من أقل اللاعبين عطاء في المباراة ، ويبقى تشافي مع قلبي الدفاع والفيس وميسي مع الحارس فالديز هم الأبرز في المباراة .

هاردلك مرة ثانية وبالتوفيق للبلوجرانا في مباراة الاتلتيكو مدريد .

قفلة // وشلون لو كانت لمسة اليد على أحد لاعبي برشلونه بدلا من الانتر ... الظاهر كان أفردت لها مواضيع مستقلة في المنتدى .

Hilali 3asal · #3405 17/09/2009, 06:29 AM

الحارس فالديز واصل المحافظة على نظافة شباكه ووصل إلى 526 دقيقة دون أن تستقبل شباكه أي أهداف .

SPORT