أما أنا بحلل الوضع الإقتصادي
و بوضح قصة روسيل ألي أشغلنا بقصة الديون و النادي مفلس و النادي و النادي

روسيل جالس ينظر للنصف الفارغ و كله بداعي يطلع لابورتا فاشل و هالشيء متوقع لأن السياستين مختلفتين

و أعتقد روسيل عمل هالشيء عشان يحط له أعذار في حالة النادي ما حقق شي بحجة ان انا جالس أصلح عمايل لابورتا ..
ولو حقق النادي شيء راح يقول يللا ألحين ننظر للنصف المليان



للتبسيط بقول مثال و ألي بيركز بيفهم قصة النادي الحالية

(أبو دحيم عايش حياة هنيئة الرجال عنده بيت توه ساكنه و ابو دحيم عنده سيارة جديدة لكزس و شاري لولده مكسيما الشكل الجديد أبو دحيم بيعرس دحيم خلاص و وعد دحيم انه بيساعده بالزواج ... و بنت دحيم ساره جايها متقدم لها حسين و بتعرس بعد و بعد ام دحيم توها والد و جابت عزوز و مكشخينه و ملبسينه برشلونة من اهو نتفه )

ألحين ألي بيشوف هالقصة بيقول لك عائلة سعيدة و مستواها المادي حلو و الأمور مستتبة و شوف محققين الثلاثية ... الولد و البنت بيعرسون و الأم توها والد


لو جا واحد و عينه بو دحيم مدير مالي ... و ذا بينظر للنصف الفاضي وش بيقول ...
بيقول يا بو دحيم تراك مديون ... أقساط السيارة باقي فيها 100 ألف و أقساط سيارة ولدك باقي فيها 60 ألف ... سلفة البيت باقي فيها 200 ألف .. و مبلغ تعريس عزوز ترى بيكلفك مبلغ و قدره و تعريس البنت برضو و القصة محتاجة مصاريف و احسب حساب بتلبس بناتك وامهم فساتين جديدة و هذا غير انك شاري تلفزيون إل سي دي حق كاس العالم وبرضو باقي بقيمة خمسة آلاف يعني تراك بالراحة بتصير مديون بنص مليون
اهنا بو دحيم بينتحر
لأن بيحس حتى الوليد بن طلال ما يقدر يحل ازمته المالية والمصاريف ألي جاية على ظهره


بينما لو واحد بينظر للقسم المليان وش بيقول ؟
بيقول له انت راتبك يا بو دحيم ثلاثين ألف ... و قسط سيارتك ألفين و قسط سيارة دحيم ألفين و الجمعية ألي داخل فيها عشان تساعد دحيم ألف ... و قسط البيت ألف يعني يا بو دحيم بيروح من راتبك خمسة 6 آلاف يعني بيبقى من راتبك 24 ألف .... هاه يا بو دحيم ما تكفي تنفس ام دحيم و تدفع راتب الشغالة و تعيش ملك و تسدد قيمة التلفزيون و تساعد البنت في عرسها و تلبس بيتك ؟ بتحس بالعكس مافي ديون أبد و الديون لا تذكر ولا تأثر .... و كلها فترة بسيطة و اهو متحرر من الديون تماماً و اصلاً لو يبغي يضغط روحه سنتين و يسدد كل شي ويرجع راتبه ثلاثين حر لكن الرجال حاب يتدلع ولا يبغي ينضغط و هذا عايش احلى عيشة


و هذا ألي صاير مع روسيل البسه << حاقد عليه
يعني طبيعي في ديون و كذا لكن البرسا بأحلى اوقاته واهو بيسدد ولا في ضغوط
وكل شي ماشي حسب الخطة و مدخول النادي حلو كثير
لكنه راح يحسب كل شي ولا حسب حساب الانجازات ألي حققها النادي و قيمته الحالية


أتمنى تحليلي ما طول عليكم << اي هين تقول يسولف بالاستراحة


احتراماتي

^^

احيييه يا سارة هههههههههههههه << اقعد انت من قال مافيه الا انت حسين

تحليلك مقارب للي صاير ياصديقي (والله ماعرف اسمك ) .. واللي صاير كأنه روسيل يبغا الناس تضيع بخيالها مع قصة الديون وهو يرتاح في الأشياء الثانية مع الوقت .. وبعدها بفترة بسيطة .. يطلع يقول ترى احنا عدلنا الوضع والوضع سليم ووو .. ويكون هو البطل المغوار وعنتر بن شداد كاتالونيا خخخخ

بس فيه شي بعد

انه روسيل يحب الفلوس .. ويوم عن يوم .. ابتدي اصدق سالفة الـ 10 مليون الا كان يبغا يعطيها لابورتا من نسبة انتقال رونالدينيو لتشلسي .. القصة الا كتبها لابورتا في كتابه وكذا

سالفة البرازيل الا تكلم عنها انخلا وفيرير وغيرهم .. بحيث انه روسيل كان يبغا كله ياخذ في البرازيليين علشان العمولات والنسب الا تطلع من اصحابه السماسرة ويعمل شبكة من البرازيليين مع برشلونه تفيده خخخخ ..

سالفة الديون وما ديون .. اتوقع فيها تمهيد علشان يحط اعلان على قميص برشلونة .. بالتالي زيادة ربح وكذا

والله لو اقدر اتطمن على الجانب الرياضي طنشت .. بس تدخله في بيعة تشيغرنسكي .. يخليني اتخوف من المستقبل :S .. حاولت اتطمن له شوي .. بس ماقدرت خخخخ

السلام عليكم

مساكم الله بالخير

ما شاء الله عليكم نشاط وفله .. بس حلو الستايل الجديد حق الاخبار ..

إقتباس الرسالة الأصلية كتبت بواسطة PUYOL Carles --- أفضل احتفالية في تاريخ كرة القدم .. حفلة هههههههه

وش ذا مسرحية هذي موب احتفال

مبروك الأفتتآح .. > بدري

بما إن ميولي بالدوري الاسبانيي لكم و انتم فريقي الثاني بعد المانيو

بسولف شوي بخصوص صفقة سيسك

سيسك ماحد يشكك بقدراته لاعب مو طبيعي .. بس المبلغ إلي طالبينه الارسنال مرتفع مرره
و العرض إلي انتم مقدمينه مرتفع مره بعد

بوجود إنييستا و تشافي ما نتحتاج سيسك ابد
ولا احد يقول لي يكون بديل لهم .. أول شي حرام واحد مثل فابري يتكي احتياط
و ثاني شي لو أصيب إنييستا .. فيه ميسي .. و ميسي بوجود فيا يقدر يصير صانع اللعاب

لو الفريق يلتفت لأحتياجه أحسن له من سيسك ..
يعني مقدمين للسيسك 45 مليون ..

و البرسا محتاج بدلاء
و محتاج للمحور دفآعي لأن الفريق بدون محور دفآعي يعتبر ضيآآع
و مافيه غير بوسكيتس و يبيله شوي بعد
و أكبر غلطه إننا استغنينا عن يحيى توري بدون ما نأمن مكآنه ..
يعني لازم الأداره تفكر بمحور دفآعي يوزن الفريق

الظهير الأيمن ممتآز .. لكن وين البديل ؟؟
الظهير الأيسر مو ذآك الزود ..
الدفآع وين البدلآء ؟؟

كلنا نعرف تدخلات الفيس قويه و ممكن ياخذ بطآقتين في مبآرآتين و بكذى نخسره في المباريات الأهم

الدفاع ممتآزين .. لكن ما فيه بدلاء ما ندري عن لعنة الأصابات و لو اصيب بيكيه بيضيع الدفاع ولا أحد يقول لي لا ..

الظهير الأيسر .. يبي لنا ظهير مجنون بمستوى ايفرآ و اشلي كول .. { بس ما نآخذ ايفرآ
و فيه ظهير لفت أنتباهي ب‘ المونديآل .. الظهير الايسر البرتغالي .. هذآ ممكن نحصل عليه بأقل من 20 مليون و الأهم من هذا الفريق محتآجه ..

عشان كذى لازم يغضون النظر عن صفقة سيسك و يلتفتون لأحتياجيات الفريق
لو جآ سيسك للفريق بيكون الفريق هجومي بس و زحمه بالوسط و بيضيع الفريق كذى

..

بس اتمنى اكون وصلت لكم إلي فبآلي


لكم

Wenger - We have to live with transfer noise



http://www.arsenal.com/news/news-arc...transfer-noise

زبدة الخبر انه مازال يقول سيسك باقي مع الفريق وماراح يطلع

---

الحمد لله

اتمنى اتمنى اتمنى .. انه هالتصريح عبارة عن الحلقة الأخيرة من المسلسل الرمضاني الكويتي " سيسك خرج ولم يعد "

لانه

تعبت من الاخبار حوله وتعبت من تناقض الميزانية المضروبة .. ولكن وجود مال وفييييير للتعاقد مع سيسك

وابي بالفعل نخسر الصفقة .. لأني ابغا اشوف وجه نائب روسيل بورتوميو مادري ايش .. يوم قال ايام الانتخابات التوقيع مع سيسك " سهل " ..

ابي اشوف السهل يا بياع قصب السكر خخخخ

---

الحوت

تعاقد سيسك .. كل شي بامكانك تقول عنه .. من الاحتياج له ومن عدم الاحتياج له .. لكن المعروف انه تعاقد مضمون لتقوية الفريق وتعاقد مستقبلي

في تصريح قبل موسم للسكرتير التقني القديم للفريق .. قال فيه .. تقوية الفريق الحائز على الثلاثية ليس بالشئ السهل ..

باختصار الفريق الحالي .. يملك لعيبة كثار من الاكاديمية وشغوفين بلعب كرة القدم ويحبو برشلونة .. فمسالة التراخي وعدم الانضباط .. تقريبا شايلينها من بالنا .. يبقى الشئ الآخر .. في حال الاصابات + الارهاق .. كيف نملك دكة احتياط مناسبة للمحافظة على رتم الفريق .. هنا الصعوبة .. بالتالي سيسك الورقة السحرية لخط الوسط تقريبا

بالنسبة لكلامك الثاني .. اسمح لي اتداخل معاك .. عادة الواحد اذا يتابع دوري ثاني بشكل اكبر .. تفكيره يكون متأثر اكثر بذاك الدوري

مو لشئ حول الدوري الانجليزي .. بس فيه اختلاف كبير بين هنا وهناك .. نوعية اللعب وعقلية اللاعبين متغيرة بين الدوريين .. وبالتالي الحكم حولهم مختلف

على سبيل المثال .. ولو انها مباريات ودية .. لكن توضح اختلاف فلسفة لعب وطريقة التفكير حول مفهوم كرة القدم بين الدوريين .. شوف مباراة البارسا العام الماضي ضد توتنهام ( البارسا كان معظمه من الرديف ) وتوتنهام جزء كبير منه اساسي .. المباراة انتهت اظن تعادل 1 - 1 .. لكن مع ذلك كان فيه فارق في المستوى وامتلاك الافضليه .. وبرضو مباراة مانشستر سيتي والبارسا .. انتهت بخسارة 1 - 0 .. لكن كان لعيبة الرديف مكتسحين الميدان والافضلية وعدد الكرات الا يهددو بها .. والاهداف الا دخلت على الفريق في المباراتين .. كانت اكثرها من باب قلة خبرة ونقص في تحكم اكبر بالأمور ..

واذكر .. بعد مباراة توتنهام .. طلع مدرب الفريق نسيت اسمه هذا الا كانه نعسان خخخ .. ايه ريدناب .. قال المباراة هذي بينت ليي اهمية امتلاك الكرة ..

برأي .. خط الدفاع الحالي .. للموسم القادم تحديدا .. ممكن فيه ارتفاع نسبي بالعمر .. لكن "بالحالات الطبيعية" .. مازال قوي ومتمكن من دوره بشكل كبير ..

ابيدال مازال اكثر اللاعبين الا يعطو الامان والتوازن في لعب الفريق في مركزه .. من اكثر اللاعبين الا يتمركزو صح ومن اكثر اللاعبين الا عندهم حدس دفاعي سليم .. مستواه مع المنتخب الفرنسي + مستواه بعد اي اصابة تجي له .. مايعكس واقع مستواه الحقيقي .. اختلاف مستوى الاضافه الهجومية للاعبين الا ذكرتهم .. ممكن يتفوق عليه بالفعل ايفرا .. بس احس اشلي كول الا يتميز عليه بالفعل فقط عامل السرعة .. لكن من الناحية التقنية مافيه فرق .. ويبقى برضو انت تاخذها على الجهتين .. اضافة الفيس الهجومية تحتاج ظهير ايسر اقل حملات هجومية .. او حملاته الهجومية تكون في اوقات معينة .. بالتالي الشي مو لحاله

بديل الفيس .. شريناه .. الا هو ادريانو .. والا هو بيكون بديل لكل من خخخخ

وووو .. قلوب الدفاع .. تقريبا فونتاس 90% راح يصعد هالموسم .. وراح يكون في هالحالة قلوب الدفاع مكتملين .. فوقها انه بويول راح يكتفي باللعب كقلب دفاع مع وجود الزاد البشري في الأظهرة .. وهالشي بيريحه اكيد

---

توريه قصته طويلة .. الولد هو بغا يطلع .. وعملية البديل تعتمد على حالة السوق والا نصرفه .. اذا شرينا فابري .. ماراح يجي احد بسعر كبير .. اذا ماجا فابري ممكن تتغير الخطة

تقريبا معاك في كل كلامك .. خصوصا حول فابري ومخالفك شوي من ناحية الدفاع

حياك اخوي في كل وقت

وشفيه فينغر يضحكــ علينـآ ولا وشو ,,,

وشسالفتهـ هالمدربـ ؟؟

َ

صحيفة المونـدو لـ يوم الثلاثاء 27 يوليو 2010 ..



إتفاق سري من أجل سيسك

* البارسا و الأرسنال توصلا لإتفاق سري بينهما لانتقال سيسك ..
* سيينا ،، لاعب الإرتكاز المرشح لخلافة توري ..
* فييا يرتاح في إيبيزا

^^


ياليته ياخذ 11 .. احسه احلى


يصير
1 فالديز
2الفيس
3 بيكي
4 المحور الجديد
5 بويول
6 تشافي
7 فيا
8 انيستا
9 ابرا
10 ميسي
11 فابري

CENTER]

ابيدال : منافسة المهاجمين ابرا ودافيا فيا ستكون في مصحلة الفريق قال مدافع نادي برشلونه والمنتخب الفرنسي ايريك ابيدال ان المنافسه بين المهاجمين زلاتان ابراهيموفتش والاسباني دافيد فيا ستكون بمصلحة الفريق واردف قائلا : اشاهد زميلي ابراهيموفتش مركز على التدريبات جيدا كما هي عادته استعداداً لموسم طويل , وصحيح انه يشعر ببعض الضغوطات بعدم قدوم فيا ولكن هذا سيكون بالتأكيد في مصلحة الفريق

[/CENTER]

ماعندي امكانية اني اترجم حاليا .. بس بسدح هالخبرين وبمشي خخخخ .. والا يبي يترجم يضغط على العنوان

---

غودال : " فاوس اداري طائش وشرير "



سالا مارتن : " الحالة المادية للنادي رائعة "



---

# الاثنين متفقين في كلماتهم .. على انه شلة روسيل تبغا تشوه صورة الادارة السابقة

# يبقى لابورتا بدون ولا تعليق حول الأمر .. بنظري لسبب واحد . .لابورتا وبعقليته كمحامي .. شخص صبور وطويل باله .. مثل ماصبر على حملة حجب الثقة وخلال تلك الفترة ماتلفظ على احد ولا تعرض لأحد .. نفس الشي الحين .. اعتقد بينتظر فرصة مناسبة للتعليق حول الا صاير