عبد الله عبد الرّحمن حيّاك أبويّ ..


بالنّسبة لفابري .. ما أحد يشكّك في مستواه الكبيير ، ومدى إضافته للفريق اذا جاء .. لكنّ هل هو أوّلاً حاجة ملحّة ؟ ولا المسألة بس بزرنا ورجّعوه لديرته ؟! .. الفريق بوجود إنيستا وتشافي - أفضل دويتّو بالتاريخ - والّلاعب اللي يمثّل التوازن في خطّ الوسط بوسكيتس ما هو بحاجة لفابريغاس ! .. ثانياً زيّ ما قلت أنت فابري طلع من الفريق برغبته ، ما عليّ من الأسباب لكنّه في النّهاية ترك برشلونة .. وهو الوحيد اللي يتحمّل تبعات قراره ، إذا صار يرغب رغبة حقيقيّة في العودة للكامب نو عليه إنه يسهّل عملية إنتقاله للبرسا .. مثل ما صار مع بيكيه ، يوم ما رغبة اللاعب أجبرت السّير على إنّه يتخلّى عنّه بسعر زهيد .. ما هو من المنطقي إن البرسا يدفع 50 مليون - بيكون أعلى صفقة في تاريخ النّادي - على لاعب من اللاميسيا .. زيّ ما قلت أنت النّادي هو اللي درّبه وتعب عليه !! .. بعدين الإصرار المبالغ على فابري حسّسني إن النّادي بحاجة بالغة له .. ولو نظرنا لها من النّاحية المنطقيّة فابري أحوج لنا أضعاف حاجتنا له !! فابري ترك البطولات بتركته لبرشلونة .. لاعبين بعمر فابري وأصغر منّه .. حقّقوا إنجازات كبييرة جداً مع البرسا " ميسّي - بيكيه " .. ما حقّق منها فابري إلا مع منتخبه ! .. اخيراً البرسا عنده منجم ذهب ، وعندنا مواهب كبيييرة تستحقّ تاخذ فرصتها .. أحقّ من فابري بعد .. تياغو وجوناثان يستحقّون الأسبقيّة في الفرصة على فابري اللي تركنا بمحض إرادته ! إذا فشلوا في تعويض ملوك الوسط نفكّر في فابري خخخخخ . وحتّى لو كانت عندنا الرّغبة في فابري وإنه الفتى الضّال وبلا بلا .. آرسين مستحيل يبيع كابتن فريقه في مثل ذا الوقت - قبل بداية الموسم الكروي بأقلّ من شهر - واضح إنّ الصّفقة أقرب للإستحالة .. الإدارة تطرد ورى سراب فابري ، ومن الأولى إنّها تجلب إحتياجات الفريق ! بلاش تضييع وقت مع فابري ! ..


شكراً على التعقيب أخوي عبد الله

--




صحافة برشلونة فيها كمّية حقارة ميب طبيعيّة ! تمارس مع ابرا نفس التصرفات اللي مارستها سابقاً مع إيتو والدّينهو ! كلّ يوم نشوف شائعات محاولة لجعل إبرا خارج الفريق !! مرّة رايولا يدوّر له عن فريق في إنجلترا ! ومرّة بيب ما وضعه من خططه ! قلّة حيا ماهي مستغربة على صحف العار .. صحيح إنّي أفضل طلعة إبرا من الفريق ولا أشوف فيه لاعب منسجم في منظومة البرسا .. لكنّ دامه مستمرّ عطوه فرصة .. وأوجدوا له جوّ يقدر يعطي فيه الفريق كلّ ما يملك !!

فراس حيّاك الله .. منوّر الرابطة