نادي الهلال السعودي - شبكة الزعيم - الموقع الرسمي - ][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][

َ

الإتحاد الأسباني لكرة القدم يعلن حكام نهائي كاس السوبر [ برشلونه × اشبيليا ] ..

http://estaticos01.marca.com/imagene...rtadilla_1.jpg

الحكم "سيزار مونييز فرنانديز " بتحكيم مباراة الذهاب في ملعب اشبيليا , أما الحكم " فرناندو تيكسيرا " فسيقوم بتحكيم مباراة الإياب في ملعب الكامب نو .
حيث أن مباراة الذهاب ستقام في "رامون سانشيز بيزخوان" يوم السبت 14 آب / أغسطس الساعة 22:00 ومباراة الإياب السبت بعدها باسبوع 21 آب / أغسطس الساعة 22.00 .

Marca

...AzooOooZ...

23/07/2010 03:49 PM

^^^^

اوزيل اذا كان سعره 15 مليون كذا احسن شي ..وبعدين انا ماني ضد قدوم فابريغاس بس الواضح من الأرسنال انه مسوي فيلم مكسيكي مثل ماقلت :d :d.. او انه يتم الإتفاق بين ادارة البرشا والأرسنال عالسنة الجاية ..

لكن اخوي من الصعب انه يلعب تشافي محور لانك بتلعب ثلاثة لعيبة كلهم هجوميين تقريبا انت تشوف السنة اللي راحت اذا جت هجمة مرتدة خصوصا في الركنيات ماعد فيه الابوسكيتس او يايا :cry: والفيس وماكسويل يعني فيه واحد ع الاقل جسمه قوي ويقطع كوورة اما اذا كان تشافي مكانه بتكون صعبة عليه ..

..FARIS..

23/07/2010 03:50 PM

http://upload.rashedalmajid.net/uploads/03bfcd006e.jpg
غلاف الSPORT اليوم بتاريخ (23.07.2010)
* فينقر سـ يجلس ويناقش عرض البرشا
* مدرب المدفعجية يوافق على مقابلة مندوبي البرشا, ولكن سيطلب 55 ميلون يورو لـ بيع سيسك
* الضغط النهائي الذي سـ يضغه سيسك على إدارة الـ آرسنال, سيكون عنصر الحسم ل‘نهاء الصفقة
* إجازات الكوليز: بكيه, سيسك و جوركويرا يقضون بعض الوقت مع بعض في جزر ابيزا و فورمنتيرا الاسبانيه

----
ترجمتي على قدي يا إخوان "لحد يدقق" .. بس ما أخفيكم جربت كثييييييير مع نفسي قبل التفعيل :d

Rm10	23/07/2010 04:04 PM

^^^^^^^^^

55 مليون يورو أشوفها كثيره مره , يعني لو يجيبون مسعود أوزيل بـ 15 أو 20 مليون يورو أفضل.

..FARIS..

23/07/2010 04:10 PM

http://upload.rashedalmajid.net/uploads/dd447a474a.jpg
غلاف الـEl Mundo Deportivo اليوم (23.07.2010)
أوزيل بديل في حال فشل التوقيع مع سيسك

* فابريقاس الهدف الأساسي, ولكن البرشا يملك خيارات عديدهـ
* الألماني الشاب لاعب الـ فيردر بريمن موهوب, وهو مطلوب بالكامب نو
* ردة فعل إبرا: أخبار طلب الريال له وصلت الى جميع أنحاء العالم
* مقابلة مع أدريانو: كانت لدي فكرهـ جيدهـ عن بيب, ولكنها الآن أفضل, إنه كـ الأب بالنسبة لنا
* كيتا يوصي بالتوقيع مع "توريه آخر"
* الإتحاد الاسباني يقدم موعد السوبر الإسباني لـ14 من اغسطس القادم

ṂᾳḡṛọỌọ7

23/07/2010 04:14 PM

^

اخوي عزوز .. طيب برشلونه ماتعب في فابريغاس علشانه يخليه في الدكه ومن الممكن يدفع فيه 50 مليون يورو
طبعاً راح نعاني في المحور الدفاعي .. لكن اذا جاء فابريغاس مافيه الا اللي قلت لك يرجع محور تشافي ويكون محور هجومي
ويمكن فابريغاس مكان تشافي صانع العاب .. وفي الاصل ترى تشافي اصلاً مكانه محـور .. ولو يلعبون على خط واحد ممتاز
لكن يتراجع تشافي شوي .. لكن لاجاء فابريغاس هذاك الوقت له الف حلال .. وبيب ان شاء الله يختار المكان الصحيح لـ فابريغاس

:rose:

P.Guardiola

23/07/2010 04:28 PM

إقتباس:

الرسالة الأصلية كتبت بواسطة ṂᾳḡṛọỌọ7 (مشاركة 15438866)

َ

وفقاً لـ " tuttomercatoweb " : برشلونه يقترب خطوة من اوزيل ..

M

هلا بالشباب :smilie47: ..

هالخبر شدي كثير .. ويفرح أكثر .. برشلونة الأقرب لأوزيل من الأندية المهتمة به ..
أعقادي لو روسيل :ba1: يضم اوزيل أفضل بكثير من ناحية فابري .. بس الأكيد في المستوى فابري أفضل ..
بس من ناحية تغطية لمنطقة الوسط والأمور المالية .. صفقة اوزيل الأفضل ..
أولاً .. اوزيل سعره يتراوح مابين 15 - 25 مليون .. اما فابري من 50 - 65 مليون .. يعني الفرق 30 مليون ..
وثانياً .. إذا جاء فابري يكو نفي أزمة بالوسط , فابري , إنييستا , تشافي , اعتقد فابري لو يجلس هالموسم هذا مع ارسنال .. والموسم اللي بعده نجيبه .. أفضل ..
لكن اوزيل نستعمله أكثر من خيار .. يلعب في الوسط .. ويلعب مهاجم جناح .. بديل هنري .. يعطي إضافات للفريق .. من الناحية الهجومية .. والوسط ..
وكمان اوزيل بيطلع هالسنة من ناديه وكمان نادي بيعطي الضوء الأخضر لخروج اوزيل .. بما أن اللاعب يريد برشلونة .. وسعر رخيص :d نجيبه .. ليش ننتضر فينغر يوافق على خروج فابري .. والميركاتو يوم بعد يوم قريب من الإنتهاء ..

روسيل :smilie47: نبي هالموسم اوزيل وقفل الميركاتو .. والموسم اللي بعده يحله ألف حلال :d ..

----------------------
أخوي فارس :rose: حياك معنا بين أخوانك في الرابطة .. وإن شاء الله تعطي إضافة للرابطة ..

لكم :rose:

..FARIS..

23/07/2010 04:35 PM

^^^

اسمحولي ادخل معكم بالنقاش

اخوي مجروح: فابري كلنا نبيه .. بس مو على حساب تغيير خانة تشافي :cry: هذي ما حبيتها منك
حسستني اننا مجبورين على فابري ؟

هل وسطنا محتاج فابري الحين ؟

لدرجة انك تلعبه مكان تشافي وترجع تشافي لـ مركزهـ القديييييم
حرآم عليك والله .. كذا أفقدتنا متعة تشافي بـ الصناعه .. وعطيته دور جديد " الدفاع "

هذي اللخبطه متى تسويها ؟ اذا كان عند فابري وتشافي وما عندك محور ممتاز تسوي هالشي .. مع ان ديل بوسكي بالمنتخب اجتمعو عنه كله هاللاعبين .. وفضل انه يخلي فابري احتياط والثلاثي البرشلوني يلعب .. بوسكيتس وقدامه تسافي وانييستا .. يعني انس موضوع ان فابري يجي اساسي .. و برضو مو حلوهـ بـ حقه ولا بحقنا يجي بـ مبلغ وقدرهـ ويتكي بالإحتياط :s5s:

صدقني الفريق محتاج لـ محور .. أهم بكثير من شي صفقه أقدر اسميها "اكسسوار" :s5s:

بالنسبه لـ مسعود .. لاعب صغير وبـ امكانيات جيدهـ جداً .. صح ما تقارنه بـ فابري .. بس يا عالم ترانا نبيه احتياط .. أجل دام كذا ليش ما نجيب جيرارد و لامبارد !؟ .. حنا مو محتاجين وسط .. وسطنا كل العالم تتمناهـ مثل ما هو بدون تغير مراكز .. لأنه أقل ما نقدر نطلق عليه "خورااااافي" .. بس محتاجين محور "وحش" ممكن ينافس بوسكيتس على موقعه .. ويكون بديل له .. صعبه عليه يمسك المحور موسم كامل .. وعشان ما نضطر للـ خبط واللزق .. نرجع تشافي ونلعبه بـ موقع يقتل متعته ;)

ايه هذي النقاشات اللي توسع الصدر لبى قلوبكم :ba1:

المايـ الهلالي سترو

23/07/2010 04:47 PM

^^

فارس والله شكلنا كسينا عضو قوي بالرابطة حيآآكـ ..

...........................

شباب انا برأيئ ان إذا جاء فابري .. بتكون عندنا خطة بنت ايية .. والله العظيم بتكون مدمرة .. يعني عندنا ثلاث لاعبين .. | فابري .. انيستا .. تشافي |..

هذولي لاعبين الوسط يعني بالخطة 3-3-4 .. ويكونون ذولي الـ 3 جواكر ياخذون راحتهم يلعبون بأي مكان بالوسط .. يعني ممكن تلقى انيستا يسار وتشافي يمين وفابري وسط ويمكن العكس .. والله الخصم بيتلخبط بيضيع مره وحدة .. وبيعطون فرصة لفيا وإبرا وميسي يسون الي يبونه بالهجوم ..

عطونا رأئكم بالخطة ..

..FARIS..

23/07/2010 05:13 PM

المايسترو :smilie47:

هذا بعضاً مما عندكم طال عمركـ .. من كثر ما كنت متابع للرابطه استفدت منكم :rose:

بالنسبه لـ فكرتك .. عاد هالمهبل الثلاثه ما يصدقون خبر .. خاصة انييستا وفابري يحبون الـ swap وتبديل الأماكن

بس بسألكـ سؤال يالغالي .. أنت تعي أن بالخطه بـ يغيب دور محول الإرتكاز !!

محور الإرتكاز هذي ميزته .. انه ثابت ويخلي اللي قدامه كلهم يتحركون بشكل حر وما يشيلون هم الارتداد لأن وراهم سند ;)

بس افرض ان الشباب كانو فالينها شوي بالتبديل و مستمتعين كـ عادتهم الله يصلحهم :razz:

فجأهـ تنقطع الكورهـ وتبدأ هجمه مرتدهـ سريعه .. الأفضل أنهم يجدون قدامهم شخص مرتكز خارج منطقة الفريق يوقفهم أو يأخرهم و يخفف الضغط على الدفاع الأظهرهـ اللي ممكن يكونون متقدمين مع الهجمه

حبيت فكرتكـ .. بس برضو ما نستغني عن محور الإرتكاز الصريح

شكراً لكـ يا عزيزي على النقاش .. و أتمنى النقاشات هذي تستمر :smilie47:

LIVER 4 EVER

23/07/2010 05:34 PM

سلام عليكم
اولا مبروكـ التفعيل :d
بصراحه كلام جميل وفكر عالي مكسب للرابطه << ياحظك ياحسين :d

http://www.sport.es/vivo/recursos/fo...445852_CAS.jpg

بصراحه هالصوره معبره وبنفس الوقت تقتل الشائعات
لاحظ كل لاعب بمركزه تشوفه نجم ومن الصعب انك تفقد موهبة خبير مثل تشافي او اينيستا باستقطاب فابري
وبعد التضحيه بـ يايا :cry: واضح انه من اجل بوسكيتس
نجوميه بيدرو بجميع البطولات الموسم الماضي تخجل اي مدرب يفكر بلاعب غيره .. مع ان ودي بروبينهو
حتى هنري اعترف بانه مايستحق للمركز بتواجد بيدرو

يعني كل يوم اسمع بقتراب التعاقد مع لاعب وكل يوم نازل خبر عن نجم
فابري محد يشك بنجوميته ... اوزيل لاعب واعد واظهر مستوى كبير بكاس العالم ... روبينهو حلم اني اشوفه بالبارشا

لكن السؤال هال الفريق الاساسي بحاجه لهلاسماء ؟؟ اذا لا
هل اللاعب راح يرضى بالدكه ؟؟

هنا نواجه اشكاليه عانى منها مدريد والانتر قبل ... سياسة تجميع النجوم !!! حلو يكون عندك نجوم بالفريق واسماء رنانه لكن المتابع يعرف انه تجميع النجوم يقل من توهجها ....

الواقعيه تقول لعبة كرة القدم جماعيه مزيج بين نجوم تحرك الفريق وروح للفريق
ولاعبين مجهود مساعدين ( سلسله مترابطه تبداء باللي يجيبون الكور وتنتهي باكبر راس المدرب )
كل له مهام يؤديها سوى كانت واضحه الملامح او بعيده عن الاعلام
مثالها : الجندي المجهول لاعب المحور له ادوار كبرة ومؤثره لكن مايعرفها الى القله (قبل) او المدربين والاضواء والمجد لصاحب اللمسة الاخيره ....

اللي ابي اوصل له انه جلب اي لاعب للفريق راح يكون فيه اثر عكسي على الفريق
زي ماصار بقدوم ابرا ,,
وفيها كسر لمدرسة كرويف ....

F.C.Blaugrana

23/07/2010 05:54 PM

عبد الله عبد الرّحمن http://i1.makcdn.com/images/sport4ev...s/smilie14.gif حيّاك أبويّ ..

بالنّسبة لفابري .. ما أحد يشكّك في مستواه الكبيير ، ومدى إضافته للفريق اذا جاء .. لكنّ هل هو أوّلاً حاجة ملحّة ؟ ولا المسألة بس بزرنا ورجّعوه لديرته ؟! .. الفريق بوجود إنيستا وتشافي - أفضل دويتّو بالتاريخ :smilie47: - والّلاعب اللي يمثّل التوازن في خطّ الوسط بوسكيتس ما هو بحاجة لفابريغاس ! .. ثانياً زيّ ما قلت أنت فابري طلع من الفريق برغبته ، ما عليّ من الأسباب لكنّه في النّهاية ترك برشلونة .. وهو الوحيد اللي يتحمّل تبعات قراره ، إذا صار يرغب رغبة حقيقيّة في العودة للكامب نو عليه إنه يسهّل عملية إنتقاله للبرسا .. مثل ما صار مع بيكيه ، يوم ما رغبة اللاعب أجبرت السّير :smilie47: على إنّه يتخلّى عنّه بسعر زهيد .. ما هو من المنطقي إن البرسا يدفع 50 مليون - بيكون أعلى صفقة في تاريخ النّادي - على لاعب من اللاميسيا .. زيّ ما قلت أنت النّادي هو اللي درّبه وتعب عليه !! .. بعدين الإصرار المبالغ على فابري حسّسني إن النّادي بحاجة بالغة له .. ولو نظرنا لها من النّاحية المنطقيّة فابري أحوج لنا أضعاف حاجتنا له !! فابري ترك البطولات بتركته لبرشلونة .. لاعبين بعمر فابري وأصغر منّه .. حقّقوا إنجازات كبييرة جداً مع البرسا " ميسّي - بيكيه " .. ما حقّق منها فابري إلا مع منتخبه ! .. اخيراً البرسا عنده منجم ذهب ، وعندنا مواهب كبيييرة تستحقّ تاخذ فرصتها .. أحقّ من فابري بعد http://www.cheesebuerger.de/images/s...frech/n010.gif.. تياغو وجوناثان يستحقّون الأسبقيّة في الفرصة على فابري اللي تركنا بمحض إرادته ! إذا فشلوا في تعويض ملوك الوسط :smilie47: نفكّر في فابري خخخخخ . وحتّى لو كانت عندنا الرّغبة في فابري وإنه الفتى الضّال وبلا بلا .. آرسين مستحيل يبيع كابتن فريقه في مثل ذا الوقت - قبل بداية الموسم الكروي بأقلّ من شهر - واضح إنّ الصّفقة أقرب للإستحالة .. الإدارة تطرد ورى سراب فابري ، ومن الأولى إنّها تجلب إحتياجات الفريق ! بلاش تضييع وقت مع فابري ! ..

شكراً على التعقيب أخوي عبد الله http://i1.makcdn.com/images/sport4ev...s/smilie14.gif

--

http://www.as.com/recorte/20100722da..._negociado.jpg

صحافة برشلونة فيها كمّية حقارة ميب طبيعيّة ! تمارس مع ابرا نفس التصرفات اللي مارستها سابقاً مع إيتو والدّينهو :smilie47: ! كلّ يوم نشوف شائعات محاولة لجعل إبرا خارج الفريق !! مرّة رايولا يدوّر له عن فريق في إنجلترا ! ومرّة بيب ما وضعه من خططه ! قلّة حيا ماهي مستغربة على صحف العار .. صحيح إنّي أفضل طلعة إبرا من الفريق ولا أشوف فيه لاعب منسجم في منظومة البرسا .. لكنّ دامه مستمرّ عطوه فرصة .. وأوجدوا له جوّ يقدر يعطي فيه الفريق كلّ ما يملك !!

فراس حيّاك الله .. منوّر الرابطة http://i1.makcdn.com/images/sport4ev...s/smilie14.gif

..FARIS..

23/07/2010 06:23 PM

LIVER 4 EVER
تسلم :rose: .. انا والله اللي كسبت المشاركة معكم :smilie47:

إقتباس:

الرسالة الأصلية كتبت بواسطة LIVER 4 EVER (مشاركة 15439559)

اللي ابي اوصل له انه جلب اي لاعب للفريق راح يكون فيه اثر عكسي على الفريق
زي ماصار بقدوم ابرا ,,
وفيها كسر لمدرسة كرويف ....

لله دركـ يا شيخ :ba1:

~.~.~.~.~~.~.~.~.~~.~.~.~.~~.~.~.~.~~.~.~.~.~~.~.~.~.~~.~.~.~.~~.~.~.~.~

MesQunClub
النور نوركـ .. ونور باقي الأعضاء :rose:

إقتباس:

الرسالة الأصلية كتبت بواسطة MesQunClub (مشاركة 15439619)

اخيراً البرسا عنده منجم ذهب ، وعندنا مواهب كبيييرة تستحقّ تاخذ فرصتها .. أحقّ من فابري بعد .. تياغو وجوناثان يستحقّون الأسبقيّة في الفرصة على فابري اللي تركنا بمحض إرادته ! إذا فشلوا في تعويض ملوك الوسط :smilie47: نفكّر في فابري خخخخخ . وحتّى لو كانت عندنا الرّغبة في فابري وإنه الفتى الضّال وبلا بلا .. آرسين مستحيل يبيع كابتن فريقه في مثل ذا الوقت - قبل بداية الموسم الكروي بأقلّ من شهر - واضح إنّ الصّفقة أقرب للإستحالة .. الإدارة تطرد ورى سراب فابري ، ومن الأولى إنّها تجلب إحتياجات الفريق ! بلاش تضييع وقت مع فابري ! ..

المحور ثم المحور ثم المحور ثم الجناح الأيسر إن زادت الفلوس
وباقي المواقع عندنا "منجم الذهب" اللي طلع فابري وغيرهـ ..

سجلني معجب بـ طرحك :rose:

المايـ الهلالي سترو

23/07/2010 06:42 PM

^^

اخوي بالنسبة للمحور نقدر نثبت تشافي .. ويتحركون فابري وانيستا بحرية .. وبعدين لاتنسى ان وراهم الفيس وبويول وبيكي .. يعني نام مرتاح ..

..FARIS..

23/07/2010 06:53 PM

أخوي المايسترو .. سؤال بس يالغالي

انت من جدكـ تثبت تشافي محور إرتكاز ؟؟ :cry:

ليش لهالدرجه حنا مغصوبين اننا نلعب فابري ؟ :s5s:

بسألكـ سؤال ثآني بعد .. هل تقارن تشافي بـ فآبري بـ صنآعة اللعب ؟ اذا كنت تقول ان تشافي أفضل طبعاً

كذا أنت قللت من قوة وسط البرشا مجامله لـ فآبري .. و قيدت أحسن صانع لعب بالعالم وملك التمريرات بـ مركز دفاعي يقتل متعته

يآ عزيزي مهما كانو بويول وبيكي "وحوش" بس اذا طبق عليك أحد المنافسين هجمة مرتدهـ يقودها 4 لاعبين .. بيقدر يوقفهم بويول وبيكي لحالهم ؟
تكتيكياً.. محور الإرتكاز أهم لاعب بالملعب .. لأنه يقتل هجمات الخصم من بدايتها قبل ما تدخل ملعبه .. لأن الخصم اذا قابل الدفاع مباشرهـ نسبة التسجيل تزيد .. وأسهلها بالتسديد من بعيد

أحيي فيكـ ثقتك بـ فابري .. بس صدقني لو بيجي إحتياط و بـ مبلغ معقول محد بيقول لأ .. الا بالعكس بآ هلآ به :ba1:

أتمنى ان وجهة نظري وصلت :rose:

الوقت المعتمد في المنتدى بتوقيت جرينتش +3.
الوقت الان » 12:22 AM.

الصفحة رقم 1327 من 1344

1327

عرض 60 مشاركات من هذا الموضوع في صفحة مستقلة