
05/06/2010, 07:55 PM
|
 | زعيــم مميــز | | تاريخ التسجيل: 28/05/2005 المكان: - الرياض -
مشاركات: 3,259
| |
أبو عبد الرّحمن  شاعرنا المُبتعث ، بشّرنا عنك ؟
بالنّسبة لروبين .. لاعب كبيير جداً، عندي كمّية مهارة قلّما تلقاها، من نوعيّة اللاعبين اللي يشيل لك فريق كامل، ممكن عيبه الوحيد كثرة الإصابات وشفنا مدى تحسّنه مع البايرن من هـ النّاحية في الموسم الماضي . أذكر أوّل كان يعل جناح يسار على أساس الطّريقة القديمة للكورة - اللي يشوت يسار يلعب يسار، واللي يشوت يمين يلعب يسار - وكانت فعاليّته أقلّ ، يوم ما إنتقل للرّيال صار يلعب جناح يمين .. وصار يواجه المرمى بشكل أكبر وأكثر .. صارت أدواره مشابه بل مطابقة لأدوار ميسي في الفريق .. وجوده في الفريق عبء أكثر من إنّه إضافة ، خصوصاً في وجود ميسّي وبيدرو - مركزه الأساسي جناح يمين - .
بالنّسبة لموضوع توريه ، عن نفسي ما أحمّل لا بيب ولا الإدارة أيّ مسؤوليّة لـ طلعته ، بيب وتشيكي ولابورتا سوّوا اللي عليهم ووصّلوا للاعب إنّه مرغوب فيه في الموسم القادم وإنّه من خطط بيب المستقبليّة، بالمقابل وكيل توريه الأقرع يبي يفرض اسم موكله على بيب ويضمن خانة أساسيّة مهما كان مستوى توريه. هالشّيء مرفوض وماهو موجود عند بيب .. في النّهاية صحيح توريه لاعب كبير وصعب تعويضه، لكنّ هو الخاسر الأكبر من طلعته، البرسا يمرّ بمرحلة تاريخيّة صعب تتكرّر على أيّ فريق في العالم .. مرحلة خلّت رصيد بطولات لاعبين بعُمر فابري = 9 بطولات، في حين الفتى اللي مضيّع طريقه = 0 بطولات .. أتمنّى الإدارة تصرّ على مبلغ الـ36 مليون ولا تتنازل عنّه ، موب وكيل أعمال توريه يقول إنه أفضل محور في العالم ؟ أوكي جب لنا مبلغ يستحقّه هاللقب  .. خافي مارتينيز أفضل معوّض للدبّابة الإيفواريّة ، صغير في السّن ، مُتعدّد المراكز ، عنده رجل تدلّ الباب .. اللي ما يعرف قيمته يشوف كمّية احتفال جماهير السّان ماميس بعد ما تأكدت إستمراريّته في الشتاء، يوم ما كان السّيتي حاطّ عينه عليه . |