|
معسكر النمسا / من هم أكثر الاعبين كانت مستوياتهم ثابته ومميزه وأكثر الاعبين اللي تحسن مستواه !! دعوة للنقاش السلام عليكم . هلابكم الجميع - وصباحكم عسل . حبيت أفتح موضوع ونناقش فيه مستوى الاعبين بعد إنتهاء الثلاث مباريات الأولى ولابد يكون لكل شخص وجهه نظر بلاعب معين مشارك بمعسكر النمسا واللي يهمنا بالموضوع كله من هم أكثر الاعبين اللي لاحظت تحسن بمستواه وأكثر الاعبين اللي مستواهم ثابت على مستوى مميز . . بالنسبة للاعبين اللي مستواه ما تغير ولا تحسن ماراح نحكم عليه حاليآ لأننا في البداية وما بعد إنتهى المعسكر ولكن الأهم فيه لاعبين مستواه في تصاعد وفيه لاعبين مستواهم متميز من العام الماضي وحتى الآن . . أنا بالنسبة لي أسامه هوساوي هو الاعب الوحيد حتى هذه اللحظة مستواه ثابت ما شاء الله ومميز وبالنسبة للاعبين اللي مستواهم تحسن أولهم الشلهوب لاحظت أن الظروف اللي كان يعاني منها العام الماضي زالت وبدى يرجع لوضعه الطبيعي . . عبدالعزيز الدوسري بالنسبة لي هو أكثر شخص أستفاد من تجربته في البرازيل وتحسن مستواه كثير ولاحظت أنه أخذ ثقة بنفسه كثير وأتمنى يستمر على هذا المستوى وأكثر . . أتمنى منكم المشاركة وتعطونا آرائكم بنقاش هادىء ليعم النفع للجميع . . . |
يالغالي المعسكر توه ما انتها والحكم لسى بدري ويكفي اهم شي ان الجميع متحمس اما المستوى مانقدر نحكم تحياتي |
الشلهوووب مبدع وان شاء الله يرجع لمستواه,, وايضا المحياني متحمس كثييير.. |
ماتقدر تحكم لاننا ماتبعنا التدريبات بس يكفينا الترابط والتجانس بين الاعبين بالتوفيق للزعيم |
مثل ما قالو الاخوان الحكم بدري علية خاصة ان الفرق اللي لعبنا معها فرق ضعيفة افضلها اخر فريق |
اللي يسمعكـ يقول متسدحين عندهم هنآك خخ ماتقدر تحكم بمشآهدتك المبآراة ع Tv .. بالتوفيق |
على حسب الاخبار اليوميه لاحظت ان العنبر مبدع والشلهوب بس يبقى الحكم لسى بدري |
احس ان كلهم متحمسين ولكن الاكثر حماس الشلهوب وعيسى المحياني والايام بيننا |
اسامه ماشاء الله ثابت مستواه والقحطاني والشلهوب في تقدم وشكرااا |
المعسكر ما انتها لاكن حسب الاخبار الي يقدمها الوليد:smilie47: الاحظ ان مستوى اسامة ثابت ما شاء الله والشلهوب مستواه كل يوم احسن من الثاني والعنبر مستواه حلو |
يا الحبيب أحسك مستعجل بقي ما لهم إلا ثلاث مباريات مشكور |
انا عندي اسامة هوساوي ... مستواه ثابت وماشاء الله عليه رادوي ... مستوى متميز وثابت محمد الشلهوب ... رجع لمستواه المعروف عنه محمد نامي ... بدا يبدع الصويلح والعنبر ... ماشاء الله عليهم هدافين المعسكر ولاننسى الاعبين الجدد ... من البداية مبدعين ولسا المعسكر ماخلص عشان نحكم عليهم الحكم النهائي |
طرح رائع ويستحق النقاش .</B> اشكرك من الاعماق على حرصك الرائع </B> ..</B> حقيقه اللاعبين الذين كانوآ مستوياتهم متدنيه , فمعسكر النمسا بدآت تتصاعد المستويات والروح العاليه .</B> والذين كانت مستوياتهم مبهره للجميع العام , فهم باقين على ماهو عليه .</B> والله يوفقهم جميع يارب ويرجعون لنا بالسلامه .</B> |
انا برأيي من ابرز اللاعبين اللي لاحظت فيهم تغيير في المستوى هم ... الشلهوووب رجع لمستواه المعهود اللي عرفناه فيه الصويلح رجع لحاسته التهديفية اللي يتمتع بها ورجع له تركيزة في اللعب خصوصاً وانه كان يلعب بدون تركيز في الفترة الأخيرة وارجع ذلك لقلة مشاركاته مع النادي بسبب الإصابات التي ادعي الله بأن يحميه منها .... العنبر في تحسن مستمر ... هوساوي .... ثابت كالصخرة .... ماشالله عليه ياسر .. لاتغيييير في المستوى |
أسامه هوساوي* الشلهوب عاجبيني مرة واسعدتني عودة الشلهوب |
| الوقت المعتمد في المنتدى بتوقيت جرينتش +3.
الوقت الان » 07:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd