نادي الهلال السعودي - شبكة الزعيم - الموقع الرسمي

في مجتمعنا الطيب واللي يمشي على نياته ولا يدري وش اللي هو يسوي يشهر الكل الصالح والطالح اللي فيه خير واللي فيه شر وخطر ولا يفكرون انهم اشهرو صاحب الشر يرسلونه ايميلات ويكتبونه مواضيع بالمنتديات ويمكن يكتب عنه بالجرايد ويرسل بالبلوتوثات ويقولون شوفو هاللي فيه مالا فيه هذا اللي سوى وفعل سود الله وجهه وهالانسان اللي فيه الشر والخطر وكل شي سلبي مبسوط ومستفيد حتى ولو يلعنونه ويسبونه بس بفتره من الفترات يمكن ماينشاف الا اذا اندفع له فلوس ويمشي بين الناس الانسان المشهور اللي حصلت له السالفه الفلانيه والسبب الاول والاخير لشهرته ومعرفة الناس له الناس نفسهم اللي كانو يكرهونه وناقدين عليه هم اللي اشهروه .. مثلا : الدينماركي اللي رسم الرسول اللهم صلي وسلم عليه وعلى اله وصحبه اجمعين ماكنت ادري وش هالدنيمركي جعلها تنقطع يديه من سرطان ويتمنى الموت ولا يشوفه ولو اشوفه ماعرفته بس شوي شوي عرفته من صوره اللي انتشرت بمنتدياتنا واماكننا وكأننا نفاخر فيه ونقول شوفو اللي رسم الرسول هذا هو اعرفوه خلوه يكون مشهور عندكم وعرفته انا وشفت صورته وصار اشهر من نار على علم حتى انا هنا اضطريت اني اكتبه واعيد ذكراه بس من دون ما ادري كنت بسبه والعنه واكتشفت اني اعيد سيرته من جديد بس مو انا السبب السبب اللي خلانا نشوفه وماباقي الا يسوون له دعوه عندنا على شان نلمسه ونتبرك فيه استغفر الله العظيم !
كتب واحد عن مذيع اسمه ابوعيده له برنامج بقناة سكوب واستفدت من هاللي كاتب وهو يسب ويشتم التالي :
اول مره بحياتي اعرف ان فيه قناة اسمها قناة سكوب .. وعرفت انها للكاتبه فجر السعيد وعرفت مذيع له برنامج يصيح ويبكي فيه ويخلي الناس يصوتون له على شان مايسافر والكثير الكثير الى حد اني عرفت انه كان يشتغل مسعف وهذا اكبر اعلان واحلى واجمل اعلان اشوفه بحياتي بالرغم من انه ماكان كاتب الموضوع قاصد انه يعلن له او ينفع هالقناة من الاساس بل يبي يسب ويشتم ويحذر الكل من متابعة هالبرنامج .. نجي لشاعر المليون البرنامج اللي كرهوه وسبوه ولعنوه السعوديين بالذات وسوو موقع على الانترنت على شان يشهرونه أأ قصدي يقاطعونه ويحاربونه .. لكن الغريب ان اللي فاز فيه زياد بن حجاب بن نحيت سعودي ! وعرفنا فيه عيده الجهني سعوديه ! والحارثي المرجوج وهو سعودي ! والظفيري وسعد بن زبن الخلاوي وغيره الكثير الكثير وهم سعوديين وابدعو بالبرنامج والكل صوت لهم مع العلم انهم بعد ما فاز الشبرمي وخسر الفراعنه قامت الحرب العالميه الرابعة على شاعر المليون وايقنت ان هالبرنامج راح يخسر ولا راح يشارك فيه احد وصار العكس والسبب الوحيد في اعداء هالبرنامج اللي سوو له دعايه قويه على شان يقاطعونه وصارت له دعايه على شان يشتهر اكثر واكثر ..!
واللي قام يستعرض بمغامراته الجنسيه والغراميه وطلعوه بقناة لبنانيه والكل من كتّاب صحفيين وايميلات تجيني بالهبل ماقصّرت بشهرته وتعريف الناس كلهم فيه وانا ورب الكعبه ماسمعت فيه الا من النت والجرايد ولكن شفت وقريت اللي ما راح اقدر اشوفه بالقناة نفسها واللي قاهرني ان الكل يسبه ويشتمه طيب ليه تشهرونه وتحاولون تعرفون الناس فيه وكنه احد ابطال المسلمين اللي فتح نص العالم !
جاني مره من المرات على الايميل الموضوع اللي فيه جهاز القلب وصايره الذبذبات كلمة الله وفيه موضوع الاعضاء العلمانيين اللي بدو يفكرون بهالفكره الجهنميه ووشلون يشهرون فكره لهم بمنتديات المسلمين السنيين اللي يصدقون كل شي ويشهرون كل شي وقامو وضبطو الصوره بالفوتوشوب وسووها وحطو الموضوع يمكن في منتدى واحد وبظرف يوم واحد اشتهر الموضوع وصار اشهر من نار على علم مع ان اللي سووه يضحكون على عقولنا ! اي شي يشتهر عندنا الزين والشين وكل مشهور مستفيد سواء محبوب او مكروه تجيني ايميلات كثيره سامجه بس يبون يشهرونها واحد منها مصورين جزمه الله يكرمكم عليها خطوط والوان وخرابيط وجالسين يقربون فيها ويقولون شف شف شف شف عليها كلمة الله ! قسمن بالله عجزت بلقى كلمة الله عليها تعالى الله عن ذلك ولكن الموضوع صار يرسل لي باليوم اكثر من عشر مرات طيب على الاقل كرّمو ربنا سبحانه وتعالى عن هالتفاهات ليه تدورون اي شي يضر بالاسلام وترسلونه لنا يالمسلمين حتى لو كان كذبه بس لازم نصدق فيها ونلعن ونشتم واللي سوا هالشي يضحك على سماجتنا !
الحل الوحيد في نظري ووجهة نظري الخاصه انا اشوف انه واللي انا اسويه /
اي موضوع اشوف فيه اساءه للمسلمين او فيه عيب او خطأ او ماهوب مرغوب فيه اكتمه واحرقه واحذفه ولا اخلي له وجود واقطع راس الفتنه من اولها وتخمد النار من اول شراره لها ماهوب اشعل الشراره واروح احطب لها الحطب واخليها تحرق المكان وانا فيه واصيح اقول ياناااااااااااااااس شوفو شووووووفووووو ياناس خلاص طيب حاول تطفي الشراره من اولها وصدقني ماراح تنكوي من بداية النار ولا راح تحترق منها .
وفيه نقطه حبيت اوضحها انا ياواحد اسهمت بشهرة كل من تم اشهارهم سابقا ولكن مو انا السبب السبب باللي هايطو لهم كنهم ابطال وشجعان وهم مجرد ناس يبون يرقون على اكتاف اعدائهم ومحاربينهم وحنا ماقصرنا وفينا وكفينا وقمنا بالواجب معهم http://alskran.com/vbi381/images/smilies/smile.gif
موضوع جا ببالي واكيد فيه المؤيد له والمعارض وانا استفيد منكم وافيد اذا قدرت http://alskran.com/vbi381/images/smilies/smile.gif

بقلم أحمد السكران