سلبيات تجعل مدرجات الزعيم ميتة
 

السلام عليكم ورحمة الله وبركاته ,,

الكل يعرف انه جمهوور الهلال اكبر جمهور في الجزيرة العربية وكما قال معلق قناة

الجزيرة ان 75 % من السعوديين هلاليين والبقية متوزعين على الاندية الاخرى ,,

ولهذا السبب مدرجات نادي الهلال هي الأكثر حضوورا من ناحية العدد والكثرة

وهناالك ايجابياات كثيرة لجمهور الزعيم منها : الحضوور الكبير وملئ المدرجات ,

مساندة الزعيم في أي مدينة واي مكاان الخ ,, لكن فيه سلبيات تخرب هذي الايجابيات

السلبياات :-

1-الهدوء , 75 الف متفرج صامت ماافيه احد وده يتعب حنجرته ويشجع فريقه أو انه مستحي يشووفه احد وهو يشجع لان هذا عييييب بالنسبة له ويخرب برستيجه
وهذي السلبية في أغلب جماهير الزعيم ما عدا جمهور الزعيم في الغربية لذلك مستوى الهلال في جدة او مكة افضل من مستواه في الرياض بكثيير والدليل النتائج مو تاليف من رااسي يعني شوفووا الدعم كيف كان في نهائي شعرة ياسر
وشووفوا الدوري الموسم السابق كل مباريات الهلال في الغربية اما فوز او تعادل

2- التدخين , وهذي المشكلة في اغلب الجماهير السعودية وليست الهلالية فقط
والله ان فييه ناس كرهوا المدرجاات والملعب بسبب التدخين لانه يكتم وفيه ناس عندهم ربو وامراض صدرية

3- الرابطة , اسوؤ رابطة في الدوري السعودي بدون مناافس مع تقديري لجهود غندر و حقوي ومن سبقهم لكن لا تزاال رابطة الهلال سييئة على مر التاريخ
ويااريت الادارة زي ماتهتم بالصفقات والعسكرات تهتم بالرابطة وتعطيها شوي من حقها لان رابطة الزعيم من سيئ الى اسوء

4- التشجيع السلبي , اذا كان الفريق فايز تطبييل ومدح للآخر واذا خسر الهلال تلعين
وسب وشتم ومطالبة بتغيير الادارة والمدرب وتنسيق اللاعبين , وغير كذا فيه لاعبين مافي أمل يغلطوون ومهما غلطوا يبقى الجمهور يطبل لهم مثل ياسر القحطاني
وطارق التايب تلاقي ياسر ياخذ كرت احمر وتلاقي الي جنبك يقول ولا يهمك يا ياسر انت احسن لاعب في العالم او مثلا طارق التايب يضيع ركلة جزاء بطريقة غبية وهي طريقة الباص عيوون وباستهتاار كبير ومع كذا الجمهور يمدحه انا ما اعترض على المدح لكن اذا اخطأ اللاعب لازم نعاتبه واذا سوا شي زين لازم نمدحه وعلى العكس فيه لاعبين يعطون الفريق ويحترقوون عشان الفنيلة مثل هوساوي ومع كذا ماياخذوون ربع حقهم من التشجيع والمؤازرة

5- ترقيم المدرجات , والله الجمهوور يعاني من هذي المشكلة وهي الحضور من الظهر او العصر وهذي المشكلة تمووت الجمهور اذا بدات المباراة يكونون تعبوا
واغلب دول العاالم يحضرون قبل المباراة بربع ساعة الا حنا قبلها بـ6 ساعات

واعذرووني ان كنت قاسي في بعض النقاط لكن الاهتمام لاجمهوور شي مهم جدا


ووشكرا

فكونا من الاعتماد على الرابطة

وخلو التشجيع اوروبي بالاعلام

وبدون اي اصوات نشاز

انت طرحك جميل بس خربتها بانك خصيت لاعب باسمه

واتوقع ان هذي سلبيه اتمنى انك تتلافاها

4 نـقـاط صحيحة ..

أما النقطة الأخيـرة .. هـــذي اسمح لي أقولك .. تــبي عالم فاهمـه ..

عالم تحـتـرم أرقام التذاكـر .. إذا تم تطبيق النظام .. والله من مخالفة تبي تشوف ..

كل الشكر حبيبي

افقك الراي اخوي مفارق عزيز نبغى التشجيع اوروبي مو

طقطقه ورابطة وجيب مكرفون والله متعه التشجيع الاوربي

يشجعون بحماس وبروح مو الي عندنا تسمع ربع ساعة من

المبارة ة وباقي الدقايق ساكتين

ايه والله انك صادق جمهور الرياض ياما يحضر أو يحضر بس عالصامت

ولي ولي،كأنك دخلت قلبي وقريت اللي فيه ثم كتبته(~_*) صدقت ياخوي جمهورنا غريب بس بعد انت جاوبت على سؤالك إنهم هاجدين من التعب لأنهم يحضرون بدري_والطقاقات في الملعب مالهم داعي أظن تخصصهم زواجات وحفلات مو مباريات كرة قدم!!!!قسم بربي إني احيان أقطع الصوت واناظر المباراة ع الصامت!! ياخي ازعاااااج واحس اللاعبين ينزعجون بعد وياليت اللاعبين ينسئلون عن هالطريقة أراهن على اجاباتهم متأكدة إنهم مايحبذونها وأحسن شي الهتافات والتصفيق ورفع الأعلام والشالات_أما بالنسبه لتشجيعهم لبعص اللاعبين رغم اخطاءهم القاتله!! وليست العادية معاك حق هالشي مايخليهم يحسون بأخطاءهم بل برضآ الجمهور الدائم عنهم مهما فعلوا وهذا ليس في مصلحة الفريق ولامصلحتهم!_وأذكر سبق أن احد الأعضاء كتب عن النشاز والطيران والكل أيدوا(عدم)وجودها وإن شاءالله تنلغي من الرابطه ونرتاااااح.

معنا الزميل عبودي من ارض الميدان

المذيع:زميل عبود كيف هي الاجواء عندك؟

المراسل:الاجواء في استاد الملك فهد الدولي جميله بمنظر توافد الحشود الهلالي منذ الساعه الرابعه عصرا

المذيع:وماهي الخدمات المقدمه للجماهير؟

المراسل:نعم محيمد الخدمات التي تقدم للجماهير عظيمه وجميله ومنها منع دخول الماء والعصير
حيث رأت اداره الملعب ان درجه الحراره 48 درجه ولا حاجه لدخول المياه والمشروبات








==============



يارجال دام النمشان وطقته فيه فأغسل يدك من الحضور


يعني تخيل الجمهور من العصر متكي في الملعب وانوااااع الحر

بيجي وقت المباراه والجمهور قااااااااااااضي من الحر والعطش والارهاق
فلا تنتظر التشجيع

ياخوي من يوم شالوا الرابطه من الواجهه و الجماهير نايمة
رجع الرابطه للواجهة و شوف التشجيع

المفروض يجيبون مكبرات الصوت بدرجة عالية مو واحدة الها 5سنين في المدرجات وبعدين نبي رئيس رابطة نشيط ينشط الجمهور معها

انا بسال
وش الفرق بين جمهور يحضر وعدد75الف متفرج وصامت وجمهور عددة 30الف متفرج ونشيط ويشجع طوال المبارة

فكونا من الاعتماد على الرابطة

وخلو التشجيع اوروبي بالاعلام

وبدون اي اصوات نشاز

مشكورين على المرور

ويااريت الادارة تهتم