كل واحد يدخل ويسدح رايه لو مر عليك هذا الموقف وش انت مسوي يامال الصلاح - نادي الهلال السعودي - شبكة الزعيم

وسن الهلالية · #7 27/07/2009, 05:32 AM

إقتباس

الرسالة الأصلية كتبت بواسطة Blue Sun


	يعني اقطعي العلاقة اللي بينكم .. هلا وغلا وسن .. حاولي تنصحيها لكن من بعيد لبعيد حتى ما تجرك للامور اللي هي فيها .. حتى لو انتي واثقة من نفسك بس ترى الشيطان يجري من ابن ادم مجرى الدم .. طبعا كل هذا اذا كانت علاقتك معها ما راح تاثر على سمعتك .. اما اذا علاقتك بها رح تاثر على سمعتك نصيحة لك اقطعيها مؤقتا .. لان الزم ما عليك سمعتك .. وعطي رقمها لمعلمة دين او داعية وهم ينصحوها بطريقتهم .. اسال الله لي ولك ولها ولجميع المسلمين الهداية ..

والله ماادري وش بسوي بعد
لان الموضوع مثل ماتقولين كذا طلع من يدي
والله لو فيه رقم مدرسة معاي اللحين كان عطيتها

لكن المشكلة انها على ايام الثانوية كنت
من جماعه المصلى

وكانت هي إللي تنصحني

إقتباس

الرسالة الأصلية كتبت بواسطة شكسبـal.zaeemـــير


	صراحه انا ما كملت باقي الردود بس قريت الصفحه الاولى وبالفعل محيره ناس تقول لك صح وناس تقول غلط وقبل ما ارد حاولت احط نفسي بموقفك عشان افهم القصه يعني بس شوفي من ناحيتي والله ما اترك خويي لو فيه الي فيه احاول اصحح وضعه واذا ما قدرت احاول لين يصلح ولا راح امل لان بيني وبينه ايام حلوه ذكريها بشي يجمعكم حلو وهي كانت فيه مبسوطه حاولي ترجعين لها الضحكه والوناسه وشوفي ترى من الطبيعي تغيرن اخوياك واصدقائك كل فتره بس ما اتخلى عنهم وقت الشده بمعنى اني ممكن ما اكون اكلمه كل يوم زي اول بس علاقتي ما تنقطع معه لانه ممكن يحتاجني او انا احتاجه مو قصدي مصلحه ممكن احتاج احد افضفض له تجربه خاصه لي انا ما احب افضفض الى لواحد من اصدقائي اعرفه من اولى ابتدائي وعلاقتي فيه قويه الين 3 متوسط لدرجه يسمونى اخوان وبرضوا كلنا مولودين بنفس اليوم يوم جت الثنويه تفرقت مدارسنا وصرنا نلتقي دايم لين بدت قل شوفاتنا لبعض بس اي موضوع يحتاج فضفه هو على طول كل اسراري وبلاوي عنده وهو نفس الشي وسبحان الله بعد الفضفضه تحس انك خلاص انحلت مشكلتك خخخخخخخخخخ احس اني شطحت بس اقولك لو اني مكانك ما اتخلى عنها لو كان ما كان

هذا انت قلتها
تفضفض له ويفضفضلك
يعني امر متبادل
لكن انا من ناحيه وحده
هي وبس دائمة تشتكي لي
وماتخلي لي مجال اني مثلا اقولها شي عني او اني استشيرها في شي
لاني مرة اشتكيت لها
وحرمت
لانها ماعطتني لا حق ولا باطل
ولا حتى نفعتني براي

لكن انا ما متعبني الا العشرة إللي بيننا

إقتباس

الرسالة الأصلية كتبت بواسطة روعة الأحساس


	يالغلا المفروض ماتتخلين عنهااا وتتخلين عن علاقتك فيهاابسهوله ومحدمومعصوم على الخاطئ حاولي ترجعين لهااوتساعدينهااوتنصحينهاا مره ومرتين صدقيني بتسمع كلامك

خمس سنوات ياروعه ماكفتها
تصدقين انها لما قلت لها اني ناويه اتركها هذيك الفترة قررت انها تتعدل وتتغير
لكنها كل السنيين إللي راحت ماكلفت نفسها وكلمتني وقالت ساعديني
انا دائما كنت اعرض مساعدتي لها

إقتباس

الرسالة الأصلية كتبت بواسطة الزsamiعيم


	ياحبيبتي لو اني منك تركتها وبكل قوه... أول شي انتي تقولين انها تطلع مع عياااال (فيه فرق تكلم مسن وفرق تطلع) اذا تطلع البنت [دآشرة وبكل قوه] تكلم مسن الحين اتوقع كل العالم يكلمون مسن .. اما تطلع مع عيااال يعني ضاع شرفها ,,, من يبي يتزوجها . اذا عندك ملاحظه ارسليلي خاص لأني ما ارجع للموضوع

تسلم اخوي هلا فيك

إقتباس

الرسالة الأصلية كتبت بواسطة أحلاهم واتحداهم


	اهلين وسن الي فهمته من الموضوع ان البنت تابت وتركت الدرب الي كانت ماشيه عليه الشعور الي تحس فيه طبيعي ،، خسرت مستقبلها ،، تحس انها خانت اهلها ،، تحس بتأنيب ضمير شي طبيعي تحس بالكآبة بعدين ياوسن انتي ماتركتيها يوم انها ماشية مع الشباب تتركينها الحين؟؟ هي الحين محتاجة لاحد يوقف معاها ،، اجلسي معاها جلسة مصارحة قوليلها فضفضيلي قولي الي بخاطرك كله في شي صارلك بحياتك وغيرك ؟؟ لاتخافين مني مافضحت سرك من قبل عشان افضحك الحين الله يهديها ويصلحها يارب طمنينا اذا صار شي

لا تحاول لاني حاولت اكثر من مرة اجيها من اليمين من الشمال المح لها
مافيه فايدة
تصدق وش تقو لي:خليها على الله وادعي لي
بس كذا بكل برود

إقتباس

الرسالة الأصلية كتبت بواسطة هلالية والعز عنواني


	هلا واللة وسن..~ صراحة موقف لاتحسدين علية .. انا الحمد للة ماصار موقف معي كذا .. بس اللي اقدر اقولة لك انك لازم تكلمينها وتصارحينها ..دامك حاسة انة عندها كلام ودها تقولة بس اكيد هي منحرجة (لان السالفة كبيرة واللة اعلم) وانشاء اللة انها تكون هينة وتعلمينها انها لو ما بطلت حركات بتنتهي علاقتنا .. بعد كذا اذا ما تغيرت اتركيها لفترة طويلة يمكن تحس على دمها .. وترجع وانشاء اللة اللة يهون عليها وعليك ...~ :عوافي :

والله طال عمرك
هي قالت لي مصائب لما كانت تطلع مع عيال
لكن كنت اسكت منها وانصحها بالتي هي احسن
لكن انا قلبي يقول فيه مصيبه منيله في ستين نيله بس ماهي راضيه تقول لي
وانا عن نفسي خاااااااااااااااااااايفه

إقتباس

الرسالة الأصلية كتبت بواسطة &فيصل111


	وسن نصيحة اخو اقطعي علاقتك مع هالبنت لان خمس سنوات كافيه ما اعتقد راح يفيد معها سنه او سنتين جايه... واذا حابه تساعدينها فيه طريقة افضل مليون مره من استمرار علاقتك معها... حاولي تعطين رقمها داعية او انسانه فاهمه او مختصه نفسية صدقيني راح يكون تأثير هالشي اكبر من كلامك معها ......

انا افكر كذا يرحم والديك لو عندك رقم داعيه او اي احد لاتبخل علي
تكفى ترى والله مليت
وما ودي اخسرها بعد

إقتباس

الرسالة الأصلية كتبت بواسطة 10حسان10


	شوفي عن نفسي انا ما اوافقك على تركها في هذي اللحظة تحتاجك ولازم تكونين قريبه طيب ابسالك اهلك ما يوافقون على وجودك في مكان عام يعني مثلا في الملاهي ؟ لان مكان نسائي بتالي يكون بينكم قرب مو بالتلفون وجهك بوجهها عشان تعرفين ردة فعلها من الكلام اللي تقولينا لها والمفروض تنتهزين هذي الفرصة والسبب لان كل اللي تعرفهم تركوها وانت لا فهذي ميزة لصالحك وثانيا حاولي تسحبين منها الكلام بقدر ما تستطيعين ولازم تعرفين وش السبب الاساسي من التغير الحاصل واللي قلت عنه ولا شي <<<=لان مافي احد ينقلب بولا شي لازم يكون فيه سبب بس اهم شي تقابلينها وانت في مكان عام وعادي انت وختك واذا ما تبينها خليها تطامر بالملاهي بس انتبهي مو تسحبين على البنت وتلعبين <<=بس بالبدايه بعدين دخليها بالموضوع حاولي تذبين كم كلمه تغير الجوالحزين <<=هذي مفيدة بس ارجع واكرر لا تتركينها في هذا الوقت بالذات مثل ما قالوا الاخوان والاخوات (الصديق وقت الضيق) واذا تبين فزعه مني ابشري اضبط القاء وسيناريو والحوار واذا تبين الاخراج مافي مشكله هع هع هع هع هع

والله لو السالفه بتنحل بالطريقة هذي كان من زمان ونحن كذا
تصدق اكثر من مرة قلت لها يالله نطلع ملاهي يالله نروح نتمشى ونلتقي في مكان
وتصرف تقول:ابوي مايرضى وماني عارفه وش
ومين يوديني
ومن هذي الاعذار يعني تصرف

اقسم بالله لما يطلعون اخواتها تطلع معهم
والله انها تتهرب مني

وماادري ليه
احس انها تخبي شي عني ماادري وش هو
مع انها كانت تحكي لي مصائب
لكن فيه شي اكبر ماادري وش هو

إقتباس

الرسالة الأصلية كتبت بواسطة .,. SoOSoO .,.


	نفس الراي بس اهم شي تنتبهين لا تسحبك معها او تحبك في الاشياء اللي تسويها

ماادري انا محتارة ماادري اش اسوي
وماابغى تهون العشرة بيني وبينها

إقتباس

الرسالة الأصلية كتبت بواسطة الذيب الصغير9


	كلام سليم يا راعي المسلسل خخخخخخخ .. والله يآ أوخيتي .. الصرآحه أنا أشوف إنه تصرفك غلط .. حرام تتخلين عنها وهي في أمس الحاجه لك << متعوب عليها هالجمله ترآ .. لا بس من جد يعني مثل ما قآل أخوي عاشق المدفعجي .. مفروض توقفين معها وتعرفينها على ناس صالحين .. هنا وقفت الصديق المخلص .. وهذا اللي عندي .. والله يهدي الجميع لما يحبه ويرضآه

تتوقع انه لو رجعت لها ووقفت معها خمس سنوات ثانية ممكن تتغير
بالله عليك تخيل اقعد كل فترة صداقتنا وانا اعدل فيها
انا عارفه انها ماراح تتغير
لانها ماهي قابله التعديل هذا وهي
ماراح تسوي شي هي متبيه ومقتنعه فيه