عطوا الريال ربع حظ برشلونه في كرات قرعة دور الـ 16
طحنا مع الارسنال ـ روما ـ بايرن ميونيخ ـ ليفربول والله العالم هالسنه مع مين ؟
اقوى فرق خايفين منها هي البايرن و الاينتر ع الترتييب
ويمكن اقوى فريق انا خايفن منه فعلا هو البايرن ، الاينتر وضعه النفسي بالابطال مزري
ومع افضلية الاياب على ارضنا ، قادرين نهزمهم ان شاء الله
الريال ما ينشد به الظهر دايم ، والسبب الاول والاخير هي الاصابات
الله يستر لا تجينا اصابه بعد اصابة بيبي ، محنا ناقصين
عاد الجهاز الطبي حقنا تايواني ، التهاب بالانف لازم شهر عشان يعالجونه خخخخخ
بيبي خلاص ، شيلوه من قائمة الفريق هالسنه مثل ما شلنا العام في نفس هالوقت
الرود و ديارا ، وبيبي صراحه ما يعوضه الا لاعب من نمونته
الفرنسي ميكسس جيد ، لكن وش بيصير حاله اذا رجع بيبي ؟
يعني لازم يطلع جاراي ؟ ما ودنا بمدافع سوبر بهالوقت
نبي مدافع حيّا الله ، يرضى يتكي بالاحتياط و يرضى ينقشع باي وقت
ريبيري ، الجناح المكمل لخطة الوسط هذي : لاس ـ الونسو ـ كاكا ـ رونالدو
معناها بيلعب الفريق بـ 4/5/1 أو ممكن يلعب بجناح واحد اللي هو ريبيري
ويطلع رونالدو قداام كـ مهاجم ثاني ، الصيف لاحقين عليه ولاحقين على صفقاته
اهم شئ بربسة الانتقالات الشتويه ، الرود يمكن يطلع ؟
طيب حنا الحين مع الرود ناقصين مهاجم ، وشلون والرود طالع ؟
البنز هو اللي ينشد به الظهر بالهجوم الحين ، الطعس فاهي و ثور ولا تدري متى يسجل
شفناه خمبق ام الدعوه مع طرطلونه و راسينغ و زيوريخ وحتى مع فالنسيا
ضيع ثلاث اقوال ، ثمن بدا يصحصح وسجل قولين عقب ولاده متعسره
خلاصة الحكي ، ان الطعس ما ينغزا به ، افرضوا جينا دور الثمانيه بكرا
وقام يخمبق كالعاده ويسوي فيها كونترول ع الكوره (ماخذن دور زيزو على غفله )
والا تبوننا نحتريه متى ما يصحصح ، وهنا فيه فرضيه انه ما يصحصح ابد خخخ
عقبه حلوها يالربع ، مع البربسه اللي بتصير ، ممكن نشوف رونالدو او كاكا بالهجوم
مع الرجال
البنز
اللي اذا شفته ماسكن الكوره قسم مشاعري تتراقص خخخ
لاجد الرجال معجبني جداً ، وعندي امل كبير انه بينسينا حلمنا دافيد فيا
وهذا وهو توه صغيرون بسم الله عليه ، واول موسم له ، يعني ننتظر وريث شرعي
للظاهره ، افضل مهاجم عرفه التاريخ رونالدو
ياليت يضبط معنا مود الحظ بكرا ، وياليت نفتك من الاصابات وبثارتها
وقتها يقول لكم كارلوس شخصياً انه متفائل بفريق يجيب الشامب
سلميشن يالربع ومشكورين ع الجهود الزينه
)
) 
خبر يسد النفس !! 
الوضع العادي
