|
إقتباس:
فرصة بنزيمه كانت وسط زحمه لاعبين برشلونه ! ومن الظلم ان نطالبه بتسجيلها ! SunStyle رد كبير .. يدل على ان صاحبه يملك عقليه كبيره ! لا تحرمنا يالغالي :smilie47: |
على فكرة بالنسبة لمشاركة كريس اللي أعرفه أن أي مدرب في العالم لو من بنقلادش ،، لو عنده لاعب مهم وخايف عليه من الإصابة المفروض ينزله في الشوط الثاني مهوب الشوط الأول، يعني يمكن نتيجية الشوط الأول تكون في صالح الريال ويتقدم بهدف أو على الأقل تنتهي بالتعادل وفي هالحالة يحتفظ بكريس عنده ويريحه فترة أكثر لكن هالكرتون بيليجريني نزل اللاعب من بداية المباراة وخسره الشوط الثاني اللي هو الأهم وهو الفيصل في المباراة ،، يعني لو أن كريس نزل الشوط الثاني أبصم بالعشرة أن النتيجة ماراح تنتهي كذا |
<table border="1" cellspacing="1" width="100%" id="AutoNumber1" background="http://hitleralriyadh.googlepages.com/staylhilalyazeed.jpg"><tr><td width="100%"> السلام عليكم هاردلكم الخسارة ياشباب عندي تعليق بسيط على قضية اشراك رونالدو من البداية لو لعب رونالدو بالشوط الثاني وكان الفريق خسران وش الفايدة من مشاركته ؟ أعتقد ان بيلجريني كان هدفه من اشراك رونالدو في البداية لـ امتصاص حماس الخصم وتشتيت أذهانهم وعدم السماح للاعبيهم بالتقدم أكثر فـ اكثر أما قضية انه ينزل الشوط الثاني ماراح يستفيد منه المدرب ولا الفريق ككل لو كانت النتيجة 2 ولا 3 وش الفايدة من وجود رونالدو ؟ مستحيل تسوي شي وانت خسران وعناصر فريقك معنوياتهم طايحة بالنسبة لي لا أحب انتقاد المدرب أياً كان اسمه هو يجلس مع اللاعبين ويعرف نفسياتهم وجميع مالديهم ونحن من مسافة عشرات الآلاف من الكيلومترات ونحكم على أشياء لانعرفها الحكم لن يكون دقيقاً بكل تأكيد للجميع :rose: </td></tr></table> |
إقتباس:
ههههههههههههههههههههههههههههه في الصميم هاردلكم الخسارة الغير مستحقة .. حظ عاثر وحكم فاشل . الفريق كان أداءة راااائع جداً والمدرب ماقصر سوا اللي عليه .. وماهو ذنبة هجمات تضيع وحكم يجامل برشلونة أحتسب هدف تسلل وعدم إحتساب ضربتين جزاء لـ الريال! إقتباس:
بالعكس أنا اشوف بنزيما ماقصر .. بنزيما لعب مباريتين إحتياط مع المنتخب ومباراة الريال مع زيورخ مالعب بعكس هقويين اللي كان يلعب أساسي مع المنتخب ويلعب مع الريال على حساب البنز ومع ذلك مستواه سيء! . وجهة نظري ان بنزيما ماقصر وخاصه انه مبتعد عن المباريات لفترة . تصبحون على خير |
هناك من يقول أن يد بيبي متقدمة عن يد إبرا ! لذلك وضعت خط أحمر لتوضيح لقطة التسلسل الواضحة :rose: http://img138.imageshack.us/img138/2903/5555.jpg |
السلام عليكم ورحمة الله وبركاته للأسف مابغت تجي، استعصى علينا الفوز ارفعوا راسكم فوق، فأنتم تشجعون الملكي خسرنا بشرف كانوا يحسبونا زي الانتر بنرجع ندافع بالعشرة، ماعرفوا إنهم يلعبون ضد الملكي، اللي ما يهاب أحد حتى لو كان فريقهم وعلى أرضهم من متى فريق يلعب ضد برشلونة في الكامب نو ويكون ماسك كورة أكثر منه لفترات في المباراة وحتى قبل الطرد هجماتنا أخطر بكثير، عدولي كم هجمة لبرشلونة خطرة في المباراة وبالذات قبل الهدف؟؟؟؟؟؟؟؟؟؟؟؟؟؟؟؟ تحليل بسيط للمباراة بيلجريني لعبها صح جدا في الشوط الأول بإستثناء مشاركة هيجوين بديل للبنز الفريق كان ماشي صح، وزين إنه سمع كلامي ولعب النص زي ماقلت :d لاحظوا التكتيك مارسيلو مقفل على الجهة اليسار وعلى الفيس بالذات، لاس مقفل على الجهة اليمين وماسك انييستا اربيولا رجل لرجل مع ميسي يلحقه لنص الملعب، ويرجع مارسيلو يغطي ظهير ايسر مكانه راموس رجل لرجل مع هنري ويرجع لاس يغطي ظهير ايمن مكانه والونسو متفضي لااكزابي، وعارفله زين مايندفع عليه ابدا ولاعب معاه ببرود، لدرجة إنه ترك صناعة اللعب وصار رأس حربة الفريق كان مقفل صح على جميع مفاتيح برشلونة في الشوط الأول تحديدا، الهجمة الوحيدة اللي تقدر تسميها خطرة هي كورة انييستا اللي مسكها كاسياس كنا نقدر نخلص المباراة بالشوط الأول وبالذات كورة رونالدو ومارسيلو في الشوط الثاني استمرينا على نفس المنوال تحس البارسا ماسك لعب بس قاعد يدور ويحوس في النص بدون خطورة، مشاركة ابرا خلقت اسلوب الكورات العالية لابرا عشان قوته الجسمانية الهدف الوحيد يتحمله كاسياس 10000 % نقطة ضعفه الخطيرة كاسياس مستحيل يطلع في كورة عرضية ابدا، ومادري ليه يعني كورة عرضية وعااااالية يعني سهلة علىيك وقريبة جدا من خط الستة، علمني متى بتطلعلها واقف على خط المرمى وش تسوي؟؟؟؟؟ متوقع بتصد كورة ابرا يعني معروف أن الحارس هو آخر مدافع ويغطي هفوات الدفاع وش اقول بس، فداك ياقسيس :smilie47: خروج رونالدو واضح جدا عشان الإصابة، حنا عارفين من أول إنه ماراح يلعب كل المباراة ودخول راؤول بديل لااربيولا، اشوفه صح انت خسران بهدف والفريق اللي ضدك مطرود منه لاعب لازم تهاجم حتى لو كان برشلونة وبصراحة ماراح تفرق خسرت بهدف وإلا هدفين في الأخير خسارة نقاط من المباراة غلطة بيلجريني إشراكه لهيقوين على حساب البنز، أما غير كذا فشغله كان صح 100% هيقوين كل يوم بعد يوم يثبتلي إنه فااااااااشل جدا قدام الفرق الكبيرة، قلتها قبل حده ملقة وخيتافي غير كذا يلعب شوط ثاني وبس الوقت اللي لعب فيه البنز شكل خطورة اكثر بكثير من هيقوين طول المباراة، بإستثناء كورته اللي في الركنية واللي اشك إن كان فيه دفع من قبل بويول (أفضل لاعب في مباراة اليوم بصراحة) كاكا ابدع جدا في المباراة، نبيك كذا علاطول ياملك كريس الإصابة حرمته من الإبداع دفع بيكي لرونالدو اللي ماحسب بلنتي، نفس الطريقة الحكم حسبها فاول أما هيقوين اشترك مع بويول؟؟؟؟؟ هدف البارسا اشك إنه تسلل!!! فريقنا اليوم كله كان ممتاز وبالذات خط الدفاع، وعجبني جدا الإنضباط التكتيكي للفريق بصراحة اقولها من أفضل مباريات الريال هذا الموسم، إن لم تكن أفضلها قفلة هاردلك شباب على النتيجة، لايضيق صدركم لنا الحق نفخر بفريقنا، تنهزم من أفضل فريق حاليا في العالم واكثرهم انسجاما وبكامل عناصره، بهدف وحيد يشك إنه تسلل، وانت كنت أخطر طول المباراة ابتسم انت تشجع الملكي عوافي شباب اخوي سليم واخوي الخبراوي، عظم الله اجركم وغفر الله لموتاكم وموتى المسلمين ابو يوسف :rose: |
إقتباس:
لو نظرنا للمباراة بشكل اوسع راح نلاقي ان برشلونة حصل على فرصتين وسجل وحدة منهم وحنا حصلنا على 4 او 5 فرص وضيعناهم ليت الرود كان موجود علشان يعلم هالمبزرة كيف يسجلون ( هيجوين وكريم ) لما يلجئ فريق مثل برشلونة لتضييع الوقت والتظاهر بالسقوط في كل التحام بحثاً عن اخطاء وهم على ملعبهم , هذا يعطيك انطباع ان الفريق على الطريق الصحيح صدقوني , نواة فريق عظيم |
إقتباس:
،، ياخي عندك لاعبين يصنعون الفارق ، بنزيمه + كاكا + فان دير فارت واللي أثبت وجوده في آخر مبااراة + هاللاعبين عندهم القدرة على صنع الفارق وعلى الأقل يفرضون على البرشا أنه يطلع متعادل في الشوط الأول، يعني لا نجزمممم أن إذا ما لعب كريس في بداية المباراة معناتها أن نتيجة الشوط الأول ستكون سلبية ، الريال لاعب بكامل نجومه ،، ولاحظ اسلوب جوارديولا نجح يوم أدخل إبرا في الشوط الثاني واللي كان أيضاً مصاب بينما رسب بيليجريني في الإختبار ، وهنا تبان العقليات |
^ جآيب لي خط من وين يبو الشبآب ؟ شف خطوط الملعب طآل عمرك ! |
السلآم عليـكم ورحمته الله وبركآته اخواني الأعضاء لآحظت ان في تعليقآت صرآحة ما توقعتكم تقولون كذآ مرة تسبون البنز ومرة رآؤول ومرة بيليجريني والله اليوم كان في انسجآم لمدريد مب طبيعي لعب غير المبآريآت الي شفتها حرآم عليكم ترآ ما ينفع السب يعني ليــه والله أشوف المحررين والمشرفيــن يكتبون كلام صرآحة يخلي الوآحد تهدى أعصآبه الي يدعي على اللاعبين والمدرب ما يعصب في الرابطة يصعب مع نفسه انتم تعكسون الصورة حق الرآبطة اتمنى الوآحد قبل لا يكتب يمتلك نفسه ويكتب بطريـقة معقولة أشكر :yes: كل من رد بكل احترآفيــة واحترآم وآتآسف :cry: على كل من لا يملك غضبه وشدة قهره على عشقه للمدريد ولا يرد بالطريـقة الصحيحة اخوكم روح الزعـيم وشكرآآ |
|
إقتباس:
هلا أخوي يزيد... أنا كنت أبي أتكلم عن المدرب لكن بعلق على كلامك... في شي إسمه تكتيك ما نفهمه و المدرب لوحده فاهم وش يسوي و في شي إسمه غباء و حماقة... لما تشوف مارسيلو لا تمريرات صحيحة ولا فعالية دفاعية ولا هجومية و فرص محققة ضائعة و تخليه في الملعب هذا يصير إسمه غباء... يعني أي واحد لو ينزل بيكون أفضل من مارسيلو سواء ديرنثي أو فارت أو جرانيرو أو أي أحد لو ينزل بلجريني يلعب بدال مارسيلو كان أحسن... و بعد الهدف الفريق إهتزت ثقته بنفسه و صار التسرع واضح عليهم و كاكا كان إستفذ طاقته كان المفروض يدخل بفارت أو جرانيرو لاعبين يحتفظون بالكرة و يهدون رتم الفريق و يساعدوا كاكا المرهق على صناعة اللعب... لا أحمل كامل المسؤولية لمانويل فاللاعبين خذلوه أيضاً بتفننهم في تضييع الفرص و كما قالوا إذا لم تسجل فستستقبل... هاردلكم الخسارة و الفريق كان جيد جداً ما عدا بعض اللاعبين... تحياتـ ي ـــ |
والله ياشباب الريال ماااقصر بس ناقصه حبة حظ :( والمدرب قفل على برشلونة صححححح وين طقطة برشلونة ومتعتهم ومدري ايش , جيبولي فريق من الموسم اللي راح لعب مع فشلونة كذا وفي ملعبه بعد !!! الريال لعب بتكتيك خيااااال :yes: وفيه بعض الاعبين ماكانوا في يومهم مثل مارسيللو و هيجوين وطبعا كريس مو في كامل جاهزيته :cry: بوجهة نظري ان الريال هزمه الحكم , بسبب بسيط الهدف تسلل :ranting: وتونا الدوري طويل واتمنى التوفيق للريال |
يا جمعه الهدف تسلل واضح شوفو رجل ابراا وايده < مدام الخط الي راسمه غلط هذي ايده طالعه ورجله قل ممكن متساويه < لين مي واضحه اهي متساويه ولالا بس اليد واضحه |
إقتباس:
أبو ماكس الله يحيك :smilie47: الخط بيفرق ان كان على العشب مثلا ؟ بدون خط قدم ابراهيموفيتش متقدمة و كتفه مساوي لـ يد بيبي و يده متقدمة . من أجلك وضعت لك الخط على العشب http://img694.imageshack.us/img694/4295/9988222.jpg بعد هاللقطة تغير شئ ؟ لاتعليق |
| الوقت المعتمد في المنتدى بتوقيت جرينتش +3.
الوقت الان » 08:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd