|
اول اختبار للريال ومروض تفرحون ان الاخطاء جت بأول المشوار غيركم تعادلو بس ما عدلو الاخطاء مثل اليوفي :( بس العيب بالدفاع |
http://d.yimg.com/a/p/sp/getty/be/fu...eal_madrid.jpg فيه فرق بين انك تكون ماتتوفق بخططك ، وبين انك تذبح فريقك .. باختصار شديد ابوضاري ذبح الريال بهالمباراه .. تشكيلة على الورق 100% .. بأرض الملعب دمّر لاعبينه .. كاكا المفروض الليله يكون حُر .. يكون الكل بالكل .. يكون هو المفُكر .. هو المُلهم .. ابوضاري كان له كلام ثاني .. قيّده وترك قوتي هو الحُر !؟ ليه !؟ اشبيلية فريق رتمه سريع .. محاورك ما راح يغطون كل مساحات الملعب وكل الأطراف .. ذا شيء بديهي .. بدل ما تعطي قوتي واجبات دفاعيه وتلزمه بها وتعطي فريقك توازن دفاعي .. على الأقل تترك ألونسو وديارا يساندون الأظهره .. تاركه حُر ويسحب رجوله .. وبالأخير مالقيها إلا ديارا وألونسو .. الأطراف دمااار .. مارسيلو صار خط سريع لنافاس .. واحد مع واحد مانقدر نقول إن مارسيلو سيء ونكبه مثل ماشفت بعض العيال يقولون الحين .. واحد مع واحد .. فرص نافاس بتسّحيب مارسيلو اكثر .. بس وين اللى يساند نافاس .. هنا نرجع لمحاور .. ما أقول إن المحاور سبب الهزيمة .. سبب الهزيمة إن بلغريني ترك كل ضغط اشبيلية على اثنين فقط " ديارا / ألونسو " هالضغط سواءً من الأجنحه " لورينتي / نافاس " أو من العمق " زاكورا / ريناتو " ! بالشوط الأول الهجوم معزول تماماً .. بن زيما وراؤول مافي ممول لهم .. بن زيما يحاول ينزل للنص عشان يستلم له كم كوره .. خمينيز اجبرنا بذاك الشوط نعتمد على العمق .. مهوب شطاره فيه كثر ما ساعده ابوضاري بهالشيء ! قوتي وظيفته العمق .. ما يلعب إلا بالعمق .. كاكا قدرو يحجرونه .. من يوصل الكور لثنائي الهجوم .. المفروض بمثل هالمباريات تنزل يا راؤول أو بن زيما قلب هجوم .. و البيبيتا لازم يكون اساسي .. وحتى هيغواين المُفترض يكون يميل للأطراف .. مثله مثل كريستيانو .. لكن تلعب الإثنين ؟! حتى يوم شغل مخه وشاف مافي فايده من الاثنين سوى .. شال بنزيما خخخ طيب يابوضاري .. بنزيما قوته البدنيه تساعده كثير .. مهاراته الفنيه موجوده .. أقل شيء ممكن يعمله يمزع لك بالوب .. لكن راؤول وش اللى خلاك تجلسه .. لاهو اللى يفيدك بـ الون تو ولا شيء .. وش استفدنا منه !؟ ولا شيء .. بالشوط الثاني خمينيز لعبها صح .. طلّع بيروتي ونزّل كابيل .. داري ان راموس معه كرت اصفر .. وبيستفيد من المساحات اللى يتركها وراه .. ونجح يفتح خط سريع ثاني بجهتنا اليمين خخخ شفت كم رد يقولون قلوب الدفاع داجين .. والله انا بالعكس اشوفهم كانو بالموعد بهالمباراه .. ألبيول وبيبي اعطيهم اعلى سكور سوو كل اللى عليهم .. حاولو يغطون الأجنحه باللى يقدرون عليه .. http://estaticos.marca.com/marcador/.../8_300x234.jpg الهدف الأول يتحمله مارسيلو .. بيروتي بحركة حلوه يناولها لنافارو اللى عرّضها صح لنافاس .. والهدف الثاني يتحملونه كل الفريق .. المفروض بالشوط الثاني يطلع قوتي من بدايته ويدخل جرانيرو ويعطيه واجبات دفاعيه .. ويعطي كاكا كامل الحريه بالنص ويطلب من هيغواين انه يجنّح .. دخول فارت ماهو شين ابداً .. بس توظيفه لفادرفارت غلط بالملعب .. لاتذكرت شيء ابرجع .. http://estaticos01.marca.com/imagene..._portada_5.jpg قلووووب :smilie47: M A D R I D FLORINTINO Madridi الله يسلمكم يا عيال :smilie47: .. ابد ذيك السالفه انتهت و وصّلنا رسالتنا http://vb.eqla3.com/images/smilies/biggrin.gif وان شاء الله معكم على طول هنا .. مير كـ بداية شكلي ابكون وجه نحس http://vb.eqla3.com/images/smilies/biggrin.gif |
الريال عنده حلين ياراؤول وجوتي الي اسم على مسمى:ranting::ranting: ياالبطولات العب الحلو والاداء المقنع دفاعنا فيمتو الوسط ماكان في الفورمة بختصار الريال استحق الهزيمة كاكا:smilie47: وين ايام الميلان رجعها تكفى راؤول ولا بريال بيبي:smilie47: مبدع انا ماصدق الريال باسمه مافيه هجوم الي يسجل مدافع البيول بــــــطل راموس جيد جدا مارسيلو لازال دفاعك فيتمو جوتي انتقل اعتزل المهم اطلع من الريال نفس الكلام الى راؤول الونسو ماكنت في المستوى الي الجمهور يتوقعك فيه ديارا اول مبارة كاساسي زين بن زيما ماسمعت اسمك ولا مرة في المبارة ايكر مبدع :smilie47::smilie47: هاردلك نعوضها ياشباب الدوري طويل تونا بداية المشوار لاتيأسو |
إقتباس:
مو بمحله فرق بين اسبانيول واشبيلية مدري اقول للأسف او اعدها مكسب رونالدو صار رقم صعب تعويضه في الريال والفريق من دونه شبه ضائع |
فلورنتينو (عبدالله) عيني عليك بارده :smilie47: نفس المضمون اللي كنت بتكلم فيه فريق سيء في مباراة اليوم بدرجة كبيرة مو جالس اشوف اي تكتيك بالملعب اللاعبين يلعبون بشكل عشوائي كويس الهزيمه جت في وقت مبكر جدا يمدينا نعوض ونصلح اخطائنا , الفريق واضح انه سيء جدا بالعرضيات وهذي القوة اللي كان يعتمد عليها اشبيله اليوم . آقتنعت اليوم بشكل كبيير ان مارسيلو ماينفع آبدا منحط دفاعيا وانت جالس تلعب مع فريق آعتماده الوحيد على الآطراف والعرضيات . ديارا والونسو جدا غير متجانسين وقوتي اللي اليوم قدم مباراه سيئه له , وآيضا كاكا ماسوى اي حاجه تشفع له ، بنزيما ماكأنه موجود اليوم ، راؤول اموت واعرف وش مهمته بالضبط , هيغوين حاول يعمل له اي حاجه بس نفس المهاجمين اللي قبله , بشكل عام الفريق كله سيء ماعدا القديس :smilie47: يالبييييييه بس ياكاسياس بدونك كنا راح نطلع بخساره تاريخيه . برآيفت .. اللي يرفع ضغطك زياده المتعصب البرشلوني آيمن جاده :ranting:, المعلق الحقير السامج اللي والله ماله في التعليق بس ضد الريال \ الحمد لله على كل حال :smilie47: |
هاردلك يا شباب .. الفريق كله سيء ماعدا كاسياس وبيبي وديارا كاسياس .. مهما تكلمت ماراح اوفيك حقك .. لولا الله ثم هو كان تاريخية .. لك :smilie47::smilie47::smilie47::smilie47: من هنا الى باب بيتك .. مارسيلو ... لو أجيب أخوي الصغير واسأله وش رايك في مارسيلو بيقول فاشل في الدفاع وجيد في الهجوم .. يعني بيلغريني ما يشوف ولا وش سالفته .. جوتي .. سيء جدا ً لا يصلح أن يلعب في المركز اللي لعب فيه اليوم .. الونسو ... ما ادري وش اقول .. سوء تغطية في الكرات العرضيه .. و مرر كم نقله حلوه للهجوم .. كاكا .. حاول وحاول لكن ما معه احد .. معه واحد قدام اسمه راؤول كل كوه جايه لكاكا اما يدخل ويخرب عليه او يضيق عليه المساحه .. راؤول ... انا ابي اعرف وش يسوي ورا ، يرجع يضيق على كاكا ويخرب الكور عليه وبس ..والهدف الثاني السبب هو 200% كان هو اللي مراقب ريناتو ويوم رفعوها راح وخلاه مدري وش فيه .. وش اقول وش اخلي يا حامل اشارة الكابتنيه .. بنزيما ... يمكن نقول معذور لان مامعه احد يعطيه كور من النص .. ويلعب قدام لحاله بين 4 مدافعين .. البيول .. قدم اداء لكن لايقارن بما قدمه بيبي .. راموس .. ما قصر لكن مامعه احد تلقاه ورا و قدام عشان كذا لياقته نزلت ومايرجع يغطي اذا ضيع الكورة قدام .. بليغريني للاسف اليوم مدري وش فيه .. وتغييراته دمار في دمار ..يعني انت شايف الفريق في الشوط الأول كان سيء .. ابي افهم ماتغير ليييييه .. كان المفروض انه مع بداية الشوط يطلع راؤول وجوتي وينزل هيقواين وجرانيرو .. اما تغيير ديارا هذا بلحاله نكته .. هالحين ديارا افضل لاعب تطلعه وتخلي قوتي ..!!!!!! http://i.dailymail.co.uk/i/pix/2009/...77_468x383.jpg صدق من قال / في الليلة الظلماء .. يفتقد البدر |
هاردلنـا ع الخسـّاره ،، المستوى اليوم سيء لـ الغايـة ..! كاكا اليوم علامة أستفهام على مستوآه ؟! رونالدو أثر بشكل كبير في الفريق اليوم .. إضافة الى ان البنز ماقدم شيء .. وبللي مدري وش حببه بـ رآؤول ، يعني مفروض يوم نزل هيقوين ينزله بدال رآؤول ،،! وأيضاً العرضيات مشكلة في الفريق ..! الفريق بشكـل عام لم يقدم المستوى المأمول منه سوآ كـاسياس :smilie47: اللي أنقذنـا من أهداف محققه .. معوضين إن شاء الله في الجايات .. :rose::smilie47: |
هاردلك لنا يا شباب الصراحة الريال محتاج لهزة عشان يحسبون للفرق الف حساب ولا يدخلون الاعبيين وهم ضامين المباراة واليوم كان مارسيلو نقطة ضعف وكل الهجمات الخطرة من عنده جوتي قدم اداء جيد لولا لاعبيين اشبيليا اللي طلعوه من جو المباراة بيلغريني اخطا في سحب بن زيما لو سحب الكابيتانو واشرك هيجون وسحب مارسيلو النكبة لعب درينثي لكن الحمد الله على كل حال والجاي افضل |
إقتباس:
|
فالدانو يقلل من غياب رونالدو " الجميع يتحمل الغوز والخسارة وليس من الائق الحديث عن الغيابات" http://www.aleqt.com/a/247497_43221.jpg عبر المدير العام لريال مدريد خورخي فالدانو عن أسفه لهزيمة الفريق الأبيض ضد اشبيلية (2-1) ، لكنه شدد على "الروح القتالية" حيث قال "الشيء الجيد في هذة المباراة وجود الروح القتالية بين الاعبيين وكان يبحثون عن الفوز حتى نهاية المباراة على الرغم من عدم وجود انسجام بين الاعبيين" وقال " لقد كانت مباراة مجنونة وقد سنحت لدينا العديد من الفرص" واضاف "ان لاعبيين اشبيليا يلعبون مع بعضهم من مواسم وكونوا لهم هوية عظيمة وذلك بايجادة الاعب على الاظراف". فالدانو اثناء على القديس ايكر كاسياس وذلك بتصدي لهدفيين محققين وتجاهل غياب المصاب كريستيانو رونالدوحيث قال "اننا جميعا نتحمل الفوز والخسارة وليس لائق الحديث عن الغيابات" . المصدر http://www.marca.com/2009/10/05/futb...254694085.html |
http://cache.daylife.com/imageserve/...T5fBs/610x.jpg مازلت عند رأيي السابق بلجريني سيء جدا في التبديلات تبديلات اليوم ماشفت لها أي أثر .. مافيها أي منطقية .. تلعب برا أرضك ضد فريق قوي بدنيا وسريع .. وصلب وخشن .. تحتاج ( تخطف ) هدف .. دفاع محصّن .. كل هذا ، وتطلع بنزيما وتترك راؤول ؟! تبديل سيء جداً .. وشفنا راؤول ماسوا بعده بالذات في كورة كان كاكا منطلق والكابيتانو جنب المدافع .. لو كان مهاجم ثاني .. كاكا مباشرة بيعطيه ثرو سريع يخليه منفرد .. لكن لأنه الكابيتانو المتفرد في البطء لعبها له هادية على رجله .. ومع ذلك ضاعت ! خروج مامادو ونزول فارت .. بينما ( جوتي ) جالس يعك في الملعب مقابل مستوى ممتاز لمامادو بالنظر للاعب راجع من إصابة ! لو كنت مدرب حتى في المباريات ( الي يُقال ان جوتي يبدع فيها ) ما اِشركه فوشلون بمباراة مثل هذي ؟! جوتي يلعب كورة كورتين .. ممكن يصنع هدف .. لكن في المقابل لاعب نكبة بطيء ينهي الهجمات يتسبب في مرتدات كثيرة يكشف العمق والأظهرة خطأ كبير أخسر خانة عشان اللاعب ( يمكن ) يكون في يومه ويلعب كورتين حلوة ! مارسيلو كان فاتح شارع كبير على الجهة اليسرى .. مع ذلك بلجريني ماتحرك ! كان يقدر ينزل درينثي جناح .. منها يحيي الجهة اليسرى هجومياً ويفتح الملعب ويرجع يساند الجهة اليسرى المنشقّة ! قبل كل هذا نرجع للنقطة الأساسية والمشكلة الأم في بلجريني أقر نظام المداورة وهو مالعب بفريقه الأساسي 3 مباريات متتالية ! اوكي كلنا نعرف التشكيلة الي يلعب فيها المباريات القوية .. لكن وين الاستمرارية ! تونا في بداية الموسم .. وفريق جديد .. نحتاج أولاً للإنسجام وفرض رتم معين على جميع اللاعبين حتى يتأقلمون معه بعد كذا تبدأ المداورة على نطاق ضيّق .. موب نغيّر 3-4 أسماء كل مباراة ! إذا فرض الريال شخصيته .. وعرف الجميع نظام لعبه الجديد سواء امتلاك الكورة في نص الملعب وتناقلها .. أو اللعب الإنجليزي السريع والكرات البينية ذيك الساعة نبدأ ندخل لاعب أو اثنين في المباراة .. ومن خلال البقية يتشبعون من طريقة اللعب الجديدة حتى تُفرض على جميع أعضاء الفريق .. لكن بالشكل هذا خطأ يابلجريني .! نزول فارت غريب .. صحيح اللاعب قدم شي لا بأس به بالنسبة لغيابه الطويل وصحيح إني أشوفه أحق من جوتي بالمركز لكن بلجريني ماكان يضمه حتى لفريق المباراة .. وفجأة يعلق آماله عليه في مباراة زي هذي ؟! السؤال .. ليه نظام المداوة مايشمل فارت ؟ رأيي في نظام المداورة المبكر .. هو هروب مانويل من إجلاس راؤول على الدكة .. فالحل إنه يعتمد المناورة قبل أوانها حتى تكون ( عذر ) لسكوت الجماهير عنه .. نهاية .. أنا شخص مقتنع بـ بلجريني وواثق فيه كثير لكن هذا مايعني إني ما أنتقد النقاط الي أعتبرها أخطاء من وجهة نظري الشخصية :rose: |
عجبني كلام عبدالله فلورينتينو صحيح ان الفريق كانت عليه ضغوط من الجمهور اللي ماسكت الين اخر لحظه والدوري بدري عليه المشوار طويل ويمدي التعويض بس فيه نقظه انا مستغرب منها http://www1.pictures.zimbio.com/gi/R...C22JwoFSSl.jpg بصراحه هذا ماهو كاكا ميلان ولا كاكا البرازيل مدري وش فيه ؟؟؟ إقتباس:
الجواب يا ابو عابد ان راؤول ماقدر عليه كابيللو تبي فبنقر اسبانيا يقدر عليه :s2: راؤول مارح نرتاح منه الا اذا اعتزل والله يعيننا عليه بس بس انا مستغرب من بيريز يعني الى متى وانت بتسكت على لاعب زي كذا !! :mad: بتقولي لاعب له تاريخه ومدري ايش طيب على تاريخه على عيني وعلى راسي ماقلنا شي بس مصلحه الفريق اهم من تاريخ ذا .... :ranting: http://www3.pictures.zimbio.com/bg/R...ONALDO_B-GR_02 :ba1: :ba1: |
السلام عليكم. بصراحه عرفت إن غياب كريس راح يأثر بالفريق الان من بدايه الدوري وهو مسوي شغل جباار وكبير ! وهذا الي راح يفقد الفريق هيبته ذا إعتمد على لاعب واحد ولكم في المانيو خير مثال !! شـوف المانيو الحين تقريبا اي فوز يكون بصعووبه بسبب عتمادهم على كريس قبل الحيـن حالهم يرثي له ! إتمني الفريق كاكل مايعتمد على الاعب الواحد ويعتمد على الفريق كله وهذا هو سبب نجاح اشبيليه اليوم اشبيله مقدم مستوي مجنون في شوط أول بيروتي الاعب مجنون + رقم سبعه في اشبيله عاملين الهواايل هاردلك ياعيال |
<table border="1" cellspacing="1" width="100%" id="AutoNumber1" background="http://hitleralriyadh.googlepages.com/staylhilalyazeed.jpg"><tr><td width="100%"> السلام عليكم هارد لكم الخسارة ياشباب ياليت نبتعد عن انتقاد المُعلقين مافيه فايدة من انتقادهم في الرابطة وماتضيف أي شي للاعضاء كلام أيمن جادة سليم اليوم التعادل ممتاز جداً لـ مدريد على هالفرص اللي شفناها لاشبيلية التعادل يُعتبر انتصار الواحد لابد مايكون عنده حساسية زايدهـ هو قال وجهة نظره وكل المُعلقين يقولون مثله ليش احنا نهتم بـ ايمن جادة عن غيرهـ دام ان كلامنا لايفيد الرابطة بشكل عام كـ أعضاء وكـ زوار مالفائدة من الحديث عنهم ؟ كلامي ليس دفاعاً عن أيمن أو غيرهـ بل الحديث عام أرجوا أن نبتعد عن ذلك في المشاركات القادمة هارد لكم الخسارة مرة اخرى مباراة غريبة والحمدلله انها انتهت 2/1 فقط اشبيلية ماسك اللعب من أوله لـ آخرهـ وهجوم مدريد اليوم كله مو بالفورمة حتى كاكا مستواهـ كان عادي جداً جوتي كان ظهورهـ أكثر فعالية من كاكا برأيي حتى لو تواجد كريستيانو المباراة كانت صعبة والجمهور عامل عمايله بالفريق الهجمات ماكانت تبدا بشكل سليم وكذلك نهايتها يمكن الهجمة المنظمة الصح اللي صارت اليوم كانت آخر هجمة بالمباراة الفريق باختصار شديد كان ضايع جداً و الهجوم معزول تماماً عن المباراة مباراة للنسيان أتمنى بيلجريني يفكر بالمباريات القادمة وينسى هذه المبارة وأهم شي يستفيد من الأخطاء اللي صارت :rose: </td></tr></table> |
http://www.realmadrid.com/cs/Satelli...&ssbinary=true "خطآن كلفانا المباراة ، ولكن كانت لدينا فرصة لتحقيق التعادل". " لقد كانو يستحقون الفوز . و كانت لديهم فرص التهديف أكثر مما فعلنا . " " من المهم أن نكون في المراتب العليا في هذه المرحلة من الموسم . لا يمكنك التنبؤ بما سيحدث من الآن فصاعدا. " " لا يمكنك ان تكون سعيدا عندما تخسر ، ولكننا ارتكبنا الأخطاء التي أدت إلى أهداف. أعتقد ان المباراة خسرناها بأخطاء دفاعية. الحقيقة ان اثنين من قصار اللاعبين سجلوا برؤوسهم و هذا شيء يقلقني ". " كريستيانو رونالدو لاعب مهم ، ولكن قمنا ببناء فريق لتعويض اللاعبين الغير جاهزين ". http://www.realmadrid.com/cs/Satelli...2009-10-05.htm |
| الوقت المعتمد في المنتدى بتوقيت جرينتش +3.
الوقت الان » 02:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd