اهلاً بكم .. في فقره جديده وخاصه .. برابطة الريال !
حيثُ نستضيف .. احد اعضاء الرابطه في نقاش عنوانه الحب والموده !
وبالتشاور مع ادارة و اثنين من اعمدة الرابطه وقع الاختيار على العضو !
المشاكس .. المشاغب .. زعلوهـ !
بعض التفضيل بينه وبين ثلاث اعضاء اخرين .. سيكونون يوماً هُنا !
اللقاء تم قبل قليل في كورتادو كافيه مع العلم ان اجزائه الاولى تمت في لقاء سابق !
اليكم .
س / من أنت ؟!
ج / من جدك انت محد يعرف زعلوه بالزعيم خخخخخخ > مسوي مستر قول بالغصب  معك نايف الشمري من الرياض ،، عمري 17 ادرس بالثانويه ودافور مره قولوا ما شاء الله يعني واكبر مهايطي بحوش بيتنا خخخخخ وهذي خشتي واعذرون لو طلعت الصوره كبيره
س / نايف .. كيف بدايتك بالزعيم ؟
ج / بدايه عاديه جداً .. اذكر اني بديت صح اشتغل وانزل مواضيع ايام اليورو والحين لي تقريباً سنه بس الظاهر 8 شهور منها ايقاف خخخخخخخخخ
س / لماذا انت شخصيه عنيفه ؟ بالرغم ان محياك ما يوحي بهالشئ ؟
ج / ايه صادق .. ردودي شوي متوحشه انا عندي مبدا يا ثامر .. الردود المريضه للناس المريضه .. والقياس على الناس طبعا
س / لو فكرت وعملت احصائيه لـ اكثر عضو منبوذ بمنتدى العالميه .. يمكن انت تحتل الافضليه بلا منازع .. وش السبب ؟
ج / شئ يشرفني حقيقه  هذا اكبر دليل اني عضو غير عادي  يعني بعض الاعضاء ما يقدر يصلح تاثير باي مكان يكون فيه .. لكن انا على حسب كلامك صلحت هالتاثير وبقوه تبي الجد يا ثامر .. وخلك من الكلام اللي قلته كله لانه مزح بالاول والاخير .. الاعضاء يبون واحد يحط قلوب و ورود ويمدح ويرفع وانا هالشئ ما يتماشي ابد مع شخصيتي .. لاني اعتقد ان هالشئ نفاق في نفاق ! وانا اكره شئ النفاق .. او شئ يسمونه ( زمن الاقنعه ) يعني انت يا ثامر اكثر واحد تعرفني معرفه شخصيه .. واكيد لاحظت هالشئ فيني .. انا احب شئ اسمه التزبيد واكره شئ اسمه المجامله والخرابيط هذي .
س / كلامك يحتمل نوع من الصحه .. لكن ماذا كنت ستخسر لو تمكنت من بناء قاعده جيده من الاصدقاء في المنتدى وقسم العالميه بشكل خاص ؟
ج / حب ابناء المدريدستا يكفيني عن اي حب ترى نص المنتدى مدريدي يابو
س / لماذا الانذارات والايقافات تلاحقك دائماً .. الخلل اين يكمن بنظرك ؟
ج / والله مثل ما قلت لك .. المشرفين يبوني اذا ناقشت احد احط له قلووب واشرح له واتودد له .. وانا هالشئ ما يجوز لي ابد .. وهذي هي شخصية زعلوه
سواء بغاها احد او ما بغاها .. ما راح اغيرها ابد الين اقتنع انها خطا .
س / لكن مع هذا الا انك مناقش بارع وتعرف من اين توكل الكتف ؟
ج / يسلمك ربي .. بس انا اشوف نفسي عضو عادي جداً اكثر الاعضاء يكرهونه
ربما عشانه يحشرهم وانا اقول ربما .. يعني لحد يزعل بعد من هذي .
س / ماهي انطباعاتك للميركاتو المدريدي الساخن ؟
ج / اقل شئ اوصفه هالميركاتو بانه تاريخي الى ابعد الحدود ،، يمكن البعض زعل
اخر الميركاتو بعد بيعة روبين خصوصا ،، لكن حسب كلام الاداره انه هو اللي طلب الانتقال ،، والا من كان يحلم بكاكا و كريس و الونسو وبنزيمه في ميركاتو واحد .
س / الان مضى على استلام بيريز زمام الرئاسه حوالي اربع شهر تقريباً ؟ هل فعلاً هو مقاول كم يقول البعض ؟
ج / مقاول عندي اطلق من مزور وحقير مثل كالديرون .. ويلبى المقاول اذا كان جاب لي افضل لاعبين العالم في ميركاتو واحد .. ما انكر ان الشامخ كان له اخطاء قبل
لكن هو اعترف بخطاه ووعد انه يعدل من سياسته .
س / صفقه تمنيت اتمامها لمدريد ,, وصفقه لم تتمنى اتمامها ؟
ج / ديفيد فيا تمنيته صراحه لان نجاحه مضمون ،، صفقه ما تمنيتها مافيه .
س / حظوظ الريال في الموسم الجديد مع الفريق الجديد .. كيف تراها ؟
ج / متفائل بقوه في موسم ناجح ،، وخوفي من شئ واحد بس هو الاصابات والا غيره ما همني والله .
س / بلجريني .. هل هو المدرب المناسب للريال في هذه الثوره ؟
ج / اول شئ لازم نشكر الاداره على هالشئ ،، لانها حاولت مع اكثر من مدرب وما قدرت لاسباب كثيره .. يعني الوقت اللي كان يبي فيه الريال مدرب .. ما كان فيه مدربين متاحين بالسوق وبلجريني مدرب كبير وما عليه كلام والى الان ماشي كويس .
س / اهم صفقه تشوفها بالميركاتو الكبير ؟
ج / كاكا ـ كريس ـ الونسو .. بالترتيب .
س / برايك ماهي ابرز عيوب ومميزات ممنتدى العالميه ؟
ج / المفروض يعطون دروس بالتاريخ لـ اغلب الاعضاء هناك خخخخخ ايه واحب استغل هالفرصه وابارك لهم تاجيل الدراسه المميزات اشوف لجنة الفيديو والاعلاميه شغالين شغل حلو وصايرين مرجع كبير للشباب العربي .
س / نايف انت موقوف الان .. مالسبب ؟
ج / السالفه تدري بها يا ثامر من اوله الى اخره .. عضو مدريدي اللي هو انا ذب وتوقف وعضو مانشستراوي ذب وما جاه شئ .. وهنا الفرق .
س / من كلامك استشف انك تلمح الى ان هناك من يكيل بمكيالين ؟
ج / ثامر خذ الزبده .. مانشستراوي تعييييييش .. مدريدي انذاراات وعقوبات .
والله يسامح من كان السبب .
س / ماذا تقول لمن ظلمك ؟
ج / من كانت له قدره على الناس .. فليتذكر ان هناك من هو قادر عليك .
س / كل عمل فيه اخطاء يا نايف .. والمشرفين بشر ؟
ج / والمدريدييين كومبيوترات ما يخطون خخخخخخخخخخخ وما يستحون بعد طراها ذاك ايه
س / هل هذا اعتراف بانك اخطات ؟
ج / انا اخطيت و تعاقبت .. غيري اخطا ما تعاقب .. هذا يسمى ظلم والا لا ؟؟ وترانا نعترف حتى لو اخطينا .. يعني ما تعوق معنا مظلومين ونعترف بعد لكن انا احب اوجه كلمه صادقه للمشرف الكبير مستر قول .. واقول له ما قصرت والله يعطيك العافيه .. ووجهت التحيه له على وجه الخصوص لانه ما يرضى بالظلم .
س / عضو تعتز فيه .. عضو لا تأبه له ؟
ج / اي عضو مدريدي .. اي عضو برشلوني الا ما ندر .
س / موقف محرج ؟
ج / المواقف المحرجه كثيره والله .. ابرزها : يوم كنت بالثالث متوسط كنت جايب جوالي بقاعة الاختبار خخخخ المهم ان المدرسين اللي يراقبون علينا كانوا ذاك اليوم شديدين مره .. وكنا بشهر رمضان المبارك .. فجاه وانا احل بالورقه الا اسمع جوال دق خخخخخخ .. والنغمه هي الاماكن خخخخخ يعني تخيل مراقبين مطاوعه وجايب جوال معك لا والنغمه اغنيه وحنا بنهار رمضان .. المهم انا كنت احل واقول بنفسي ياخي سبحان الله نفس نغمة جوالي خخخخخخ .. المهم الجوال طول وهو يرن وراعيه شكله ما انتبه له .. واناظر بالمدرس الا عيونه شابه نار ومعصب .. يقول بصوت عالي من ذا اللي ما يطفي الجوال ؟ الطلاب كلهم انخرشوا وانا انخرشت واقول بنفسي يا حيوان ياللي جوالك شغال طفه وفكنا ياخي .. المهم الجوال كل شوي يدق والمدرس كل شوي يصارخ خخخخخخخخ ويتبع الصوت الين جاء عندي خخخخخخ وقال قم يا طالب .. وانا اقوم من الخرشه واذكر ان جوالي هو اللي يدق خخخخخ > توه يفطن ان جواله اللي يدق خخخخخخخ المهم ان وجهي طاااااح قدام العالم .. المدرسين يحسبوني متعمد مخلي الجوال ما سكرته .. ما يدرون اني اصلا اقول بنفسي سبحان الله نفس نغمة جوالي خخخخخ الوكاد اني هذاك اليوم انجلدت واخذوا الجوال مني وما عطوني اياه الا يوم اخذنا التقارير دوروا وجههي ذاك اليوم
على السريع
س / عرّابك ؟
ج / زيدان اللاعب مب اللي انت خابر خخخخخخخخخخ
س / بيت شعر .. تجده يداعب شئ ما بداخلك ؟
ج / يا زمان الذل زل .. معاد بقى بالناس طيبه .
س / هل دخلت لعبة الحب ؟
ج / ريال مدريد استولى على كل مشاعر الحب عندي .. معاد عندي مشاعر صراحه
س / عضو تفتقده ؟
ج / بلا شك .. الثعبان الازرق وعمدة المدريدستا عاشق الزعيم 
س / مسلسلك المفضل ؟
ج / ادلخ والطف اثنين بالعالم .. دنحي و منااحي
س / نايف .. كلمه اخيره ؟
ج / انا بغيب شهر بسبب الايقاف .. اللي يبيني يلقاني بالسبورت فور ايفر واحب اوجه تهنئه خاصه .. لـ هلالي موت واقول له من العايدين والله يسامحك ومشكور ثامر والله اعتز فيك صراحه لاني اعرفك شخصيا .. وانت قلم كبير ولك مكانتك في قلوب المدريدستا .. وهذا بنظري اهم شئ .
اشكر نايف على صراحته ووضوحه .. ووالله يا نايف ان صدري ضاق بسبب ايقافك .. لكن ترجع لنا قوي ان شاء الله وانتظرونا مع اطلالة كل شهر في لقاء خفييف كهذا مع احد اعضاء الرابطه
وشكرا
| 
.
.
!
الوضع العادي
