باك بعد طول انقطـاع :d .. اعذرونا على القصور .. اختبارات وشوية ظروف
وان شـاء الله راح اكون كثييير عليكم هالفترة :s2: ..

نقاشات ومعلومات حلوة صراحة .. بداية من نقاش جهاد و عبدالعزيز ’ قلب لكل واحد فيكم ‘ :s2: .. الى ردود محمد وابواصيل وحلمـي .. واخبـار ثمووور و برهوم وغلافات رائد
يعطيكم الـف عافية بجد على هالشغل الكبير يا رجـال :smilie47::smilie47:

راح اخشش عرض في نقـاش جهاد و عزوز

http://static.guim.co.uk/sys-images/...errard-002.jpg

في البداية كتبت رد قبل فتـرة على هالموضوع .. وكنت رافض فكرة قدوم جيرارد من الأساس لأنها راح تخفي الكثيـر من قدرات كاكا وراح تزعجه .. هذا شي .. الشي الثاني اننا ما راح
نشوف الونسـو في المكان الي احنا نبغاه والي طالبنا فيه بيللغريني من بداية الموسم .. الي هو محور هجومي بأدوار دفاعية أقل من الي تُكلف له .

عندي نقطتين في الموضوع .. بأمسك الأولى .. والي توافق وجهة نظر عبدالعزيز .. نجي نحسبها بالعقل كذا قبل الرسم التكتيكي و التوزيع الميداني .. كاكا - جيرارد - الونسو ؟! .. لما
تفكر فيها هل ممكن هالثلاثه يعطونك الفعالية الدفاعية في حال انك قابلت فريق بيلعب لك بطريقة هجومية وممكن ياخذ البول بوزيشن منك !! .. في نفس الوقت هل هالثلاثي يقدر يصد الكونتـر
اتـآك من الفرق السريعة سواء كانوا من صغار الليغا او انك طحت في فريق ايطالي ولا انجليزي يقفل عليك الملعب ويكسر خط وسطك بنقل الكرة السريعة من ملعبه لـ ملعبك ؟! النقطة الأخيرة
هل هالثلاثي يقدر يجـاري خط وسط سريع ومهاري وفي نفس الوقت يتناقل الكرة بشكل سلس ونسبة التسليم تتعدا الـ 95% ؟!

من وجهة نظري ان الثلاثة هذولا ما راح يعطونك الفعالية الدفاعية الي ممكن نصورها لـ انفسنا .. السرعة ما راح تكون ملازمه لهم وممكن ينضربون ببـاصين .. نفس الكلام هذا
وبما ان جهاد جايب طـاري لعب البرسا نكتشف اننا ما راح نقدر نطبقه لـ سبب ان لاعبي البرسا اسرع من لعيبتنا .. لو نلاحظ لما يفقد الكورة برشلونة شلون كون البريسنغ على الخصم
في نص ملعبه الين ما يستردوا الكورة سواء قطعوها او انهم حشروهم وشتتوها .. في الأخير الكورة ترجع ويرجع مرة ثانية المد الهجومي والأستحواذ وتدوير الكورة في نص الملعب .

شيء ما نقدر نضمنه .. هو توظيف مورينيو لهـ الثلاثي .. بما ان جيرارد هو طلب من طلبـات الشيخ مورينيو .. أكيد في باله طريقة يقدر يجمع فيها هالثلاثه .. هذي النقطة الي خلتني أراجـع
فكرتي الأول حول تداخل ادوار كاكا - الونسو - جيرارد في نص الملعب .. الي لحس مخي اكثر هي كم طريقـة شفنا فيها بعض الأندية تلعب بها .

نمسك في البداية ليفربول .. نشوف التوظيف البطل لـ الثلاثي ماسكيرانو - الونسو - جيرارد .. بيختلف معي عزوز على وضعية تشبيه ماسكي بـ الونسو .. وهذا شي طبيعي .. لكن نظـرة
بسيطة ان الونسو ممكن يعطيك هالدور الدفاعي اذا كان فيه تكامليه في الأداء من المجموعة بشكل كامل .. بمعنى ان الونسو يكون هو المحور الدفاعي والمهام الدفاعية تكون منـاط فيـه
لكن هذا ما يعني انه هو المسؤول بس عن الطريقة الدفاعية لـ الفريق .. اوكي يعرف وين يوقف يخلص الكورة اذا فيه كورنر يكون مسنتر على قوس الـ 18 ونفس الكلام اذا فيه عرضية
يغطي مكـان الظهير اذا تقدم ويكون اخر لاعب في الملعب اذا تقدموا السناترة لـ المشاركة في الكور الثابتـه .. الونسو قادر يعملها وقد سواها معنا الموسم الماضي وكان مميز صراحة فيها .

نشوف الوضعية الثانية .. الونسو - جيرارد .. ما اتوقع فيه اختلاف على قيمة الليدر في هالمركز لأن هو المركز الي طلع لنا جيرارد الي نعرفه مع ليفربول .. امكانياته الدفاعية جيدة
وماعليها و المساندة الهجومية رهيييبة ولاتوصف صراحة .. النقطة الأخيرة .. جيرارد - كاكا واتوقع هذا المركز الي يحب يلعب فيه كاكا من فترة .. الي هو رأس مثلث وقائد ونقطة نهاية
لـ خط الوسط بحيث ان التوزيعه النهائية تكون عنده هو .. وهذا الوضعية الي نشوفها فيه الآن مع السـامبا .

بـ النهاية .. ما فيه حاجة ملحـٌه لـ التوقيع مع جيرارد .. لكن لو وقعنا معه ما راح اكون زعلان ابداً لأنه لاعب ممكن يعطينا الأضافة في وسط الملعب .. وراح يعطي حلول أكبر للفريق
ولـ مورينيو الي ما اتوقع انه يطلب شيء الا بعد دراسة لـ كل الأحتمالات الي ممكن تصير .. ولو ان تاريخه مع الطلبات زباله :s2::s2: .. بس ما فيه مانع اننا نتفائل شوي :smilie47:

لي رجعة بعد ما اقرى مقابلة ديارا .. والله يا اني مشتاق له هالكلب :smilie47:

http://cdn.bleacherreport.net/images...play_image.jpg
.......................... :smilie47::smilie47:

آآآه من الفراق :cry:

راكان قلبت المواجع .. اول صورة جات في بالي هالصورة
ياهي لحظـة صعبة بس :cry: