.



لو شلنا من روسنا الاسم اللي يجي بعده , هل بيلّيغريني يستحق الخروج ؟! الموسم اللي فات سوّا شغل مع الفريق والله ! فريق جاي من موسم يُعتبر "كارثي" , 8 لاعبين جدد , إدارة جديدة ومعهم مشروع جديد , الضغط على الفريق غير طبيعي , من الصحف اللي رفّعت بالفريق , من المهزلة بالموسم الماضي إلى أكبر مُرشّح لدوري الأبطال ! رئيس أعلى سُلطة كرويّة بأوروبا يتحدّى الفريق ! مسألة ان نهائي الأبطال بالبيرنابيو هذي بحد ذاتها تساوي أضعاف اللي قلته ..
ظروف الإصابات , أخطاء تحكيميّة شنيعة ! بعض اللاعبين ما قدّموا المأمول منهم , وين الملامة هنا ؟! ما أنكر انّه جاء منّه كم خطأ , لكن إيجابيّاته كانت تغلب .. قراءته للمُباريات بطلة , خطّته وتكتيكه مُمتاز , شي طبيعي انّه يحتاج وقت , التجانس بين اللاعبين صعب يجي من موسم !
مسألة تعامله مع الضغوط , هو هادئ , مهو لازم يكون عنده أسلوب مثل مورينهو , يعطي الريال وجه عشان يبعد ضغوط النهائي عن لاعبيه (وجه كاتم الضحكة) ..



جاء مورينهو , بعدين ؟! المسألة أكبر من انّه مُدرّب كبير وجانا ! الحُريّة اللي يطلبها , طريقة نظامه وإدارته للفريق مهي مُتوافقة مع نظام الريال ! هل الإدارة تبي تلبّي له اللي يبي ؟! المُعطيات تقول كذا , لكن الصبر عليه لازم يطول , الموسم الجاي مهو لازم يكون الفريق مُطالب بالأبطال - وهذا المُتوقّع للأسف ! - , ما أقصد انّها ما تكون هدف , لكن عدم إحرازها ما يكون "فشل" ! أو حتّى الموسم إذا كان خالي من الألقاب ..
مورينهو يبي يمسك الفريق بحالة أفضل من الحالة اللي مسكها بيلّيغريني , أغلب شغل مانويل مُمكن يطير , لكن مجموعة اللاعبين تبقى مُمتازة وممكن تسهّل كميّة شغل كبير على مورينهو ..