|
قال : " نحنُ لآ نفكر فقط في الفوز ! , بل نفكر في الإستيلاء عليها " . Casillas: "This league is vital"كاسياس : " هذه الليغا حيوية " . http://www.realmadrid.com/cs/Satelli...&ssbinary=true في البدآية , أكد إيكر للمدريديستا بأن الفريق يبذل قصارى جهده لـ الحصول على الليغا ! . " أوساسونا فريق يمكن ان يسبب الكثير من القلق في الركلات الحرة و له 39 نقطة , و سيقاتل ليكسب الـ 3 نقاط ليضمن بقائه في الدرجة الأولى لذلك نحنُ حريصون على اللعب بجدية و الفوز في المباراة " . " كل نقطة في الدوري يمكن أن تحدد مصيرك في نهاية الليغا و هناك أربع مباريات متبقية و 12 نقطة على المحك , سيتعين علينا أن نهنئ برشلونة إذا فاز بالليغا , و هذه هي كرة القدم " . " برشلونة لديه مباراة صعبة مع فياريال , لكنها لن تكون أصعب من مباراتنا مع مايوركا , و ملقا " على أرضهم " و أتليتك بلباو أو مبارتنا القادمة مع أوساسونا .. جميع منافسينا لديهم الرغبة في الحصول على الـ 3 نقاط , كما هو الحال مع مباريات برشلونة برشلونة قد يخسر نقاط في المادريغال , لكنها لن تفيدنا إن خسرنا أمام أوساسونا " . http://www.realmadrid.com/cs/Satelli...&ssbinary=true " الفوز في الدوري الإسباني شيء حيوي , و نحنُ نقاتل بكل قوتنا و الفوز هو كل مانفكر به , كثير من الناس يعتقدون بأن مباراة برشلونة غدًا سيكون لها دور رئيسي , و سوف نرى ما إذا كان خرجهم من دوري الأبطال سيؤثر عليهم حقًا , كل شيء ممكن أن يحدث , وهم لآ يزالون يمتلِكون ميزة النقطة الواحدة " . " و أود أن اهنئ أتلتيكو مدريد لوصولهم لـ نهائي الدوري الاوروبي و انا أشعر بالغيرة قليلاً لأنهم في إثنين من النهائيات , الدوري الأوروبي و نهائي كأس إسبانيا , لكنهم يستحقون ذلك , لقد تعبوا كثيرًا , والآن حان الوقت بالنسبه لهم للإستمتاع , و نحنُ نرفع قبعاتنا لهم " . |
إقتباس:
حتى ولو إن عمره 28 أنا اشوف إن اللاعب ماعاد يقدر يقدم أفضل من اللي قدمه في فترة احترافة في روما :D له 5 سنين مع روما والمستوى هو هو تبيه يجيه ويبدع في نادي مثل ريال مدريد .؟! ياما لاعبين كثر ابدعوا مع اندية ثانية وإذا جو للريال ضاعت علومهم .! :D |
يا عيال , بغيت اسئلكم عن ترجمتي هل تشوفون انها واضحة و دقيقة و منسقة زين ؟ يعني فيه سلبيات ؟ عشان لو فيه اي نقد اقدر اغير و اطور من مستواي .. شكرًا لكم |
إقتباس:
كل واحد يبدا في الترجمة تكون ترجمته عاديه بعدين متوسطه وبعدين يكون محترف إنت اذا واصلت في الترجمة كل يوم بتكون مترجم محترف وإن شاء الله تتطور ترجمتك وتكون افضل وافضل وافضل :smilie47::rose: بالتوفيق لك وللاخوان اللي يترجمون :smilie47: |
إقتباس:
:smilie47::smilie47: هالنوعية من الردود تعطيك ايمان بأن الواقعية و المنطقية لسى موجوده .. شكراً سليل على هالرد المختصر في كلامه الكبير في معنـاه وياليت الشباب الي يطالبون بـ اقالة بيللغريني يقرون هالرد ويحاولون يفكرون قبل كل شي في المدربين الي احنا الآن نطلبهم و وش عملوا في موسمهم الأول مع الفرق الي دربوها ؟! موري بالنسبة لي من فترة اشوفه الأفضل في العالم .. صحيح لو خرج بيللغريني وجا موري ما بكون زعلان .. لكن بتحسر على استقرار كان ممكن يعطينا أفضلية سنة قدام على الفرق الي معنا .. نرجع بالكلام لـ موري و وش عمل في اول موسم له مع الأنتر .. الكل كان يشكك فيه وفي طريقته لأنه ما قدم الأضافة المتوقعه من اسم مثل مورينيو .. كلامي عن ’ أول موسم ’ .. حتى مع بداية الموسم الثاني الي احنا نمشي فيه كانت الاخبار دائماً على انه من الممكن اقالته .. خصوصاً بعد ما تمسخر من برشلونة في الدور الأول من التشامب .. شوي شوي بدأ يفرض اسلوبه وبدينا نشوف الأنتر بهـ القوة الين وصل لـ فاينلين و متصدر الكالتشيو . الي اطلبه بعد ماتقرون رد سليل .. مقارنة بسيطة بس بين موسم موري المطلوب الأول الآن في مدريد وموسم بيللغريني الأول مع الريال وشوفوا الكفـٌة تميل لمين بـ المستوى الفنٌي اولاً .. الأرقـام ثانياً !! == رآكان حبيبي :smilie47: ترجمتك ممتـازة جداً واستمر عليها ومنها لـ الأفضل يا وحشش == بعد رجعة خالد .. فيه أعضاء من جد فاقدينهم ونتمنى نشوف لو رد منهم { قنـاص :smilie47: _ سلطـان زعيمي :smilie47: _ وليد :smilie47: _ سعود :smilie47: _ مؤيد :smilie47: _ السمي عاشق الزعيم :smilie47: _ عبدالأله قـآهر :smilie47: _ طارق النمر :smilie47: _ ابوفلاح :smilie47: _ ابوكرم :smilie47: } رجعتكم بتحيآ كثير في الرابطة .. ان شاء الله نشوفكم بأقرب وقت :wub: == لي رجعة بعد أختباري بكرة :S فيه كلام كثير عن صفقـات مدريد السنة الجاية ودي افضفض فيه دعوآتكم :smilie47: |
مشكلتنا مب في الأسماء الدفاعيه بقد ما فريقنا يحتاج تنظيم على مستوى عالي (ألبيول و جاراي و بيبي و راموس) كويسين ومب شينين بس ما لقوا توجيه كلهم مندفعين يتركون وراهم فراغات و ما يكون بينهم ترتيب و السبب هو غياب التوجيه أو خلونا نقول عدم وجود لاعب منظم لهم مثل كنفارو على سبيل المثال الوحيد الهادي فيهم هو جاراي و مش مندفع مثلهم و فيه ثقه مب طبيعيه حتى إني مع بداية الدور الثاني تمنيته يستمر أساسي بوجود ألبيول أو غيابه لكن مشكلته مع الفريق في البطء اللي هو عليه لما الفريق يلعب بدفاع عالي و كثير صارت لنا مشاكل في كشف التسلل و إخراج الكره من ملعبنا و بناء الهجمه بسرعه أضف إلى ذلك كثرة تمرير كرات محرجه لكاسياس أكثر من مره في المباراة .. زي ما قال يحيى :smilie47: أمس شف الأسماء اللي في الإنتر و شف كم كابتن موجود (زانيتي - لوسيو - كامبياسو) و في الدكه مورينهو و بتدري وش سر التألق في الدفاع .. فريقنا لو جاب تيري و فيديتش و مايكون و أشلي كول و بدون تنظيم ما راح نفلح و بنكون مكانك سر .! مؤيد :smilie47: البارح في مكالمه لي معه يقول : (ماني مصدق كيف ريال مدريد يهزم فالنسيا في نهائي الأبطال 2000 و بقلوب دفاع مثل هلجييرا و كارنكا و كامبو ) لكن رجع و جاوب على نفسه و قال ديلبوسكي :d .. إرجع وشف وش وضع الفريق هذاك الموسم و كيف إستلم ديلبوسكي تدريب الريال و بأي وضعيه و شف قابلنا من في الأدوار اللي قبل علشان نلعب الفاينل قدام فالنسيا و برضو إرجع و شف الفريق الفالنساوي في هذاك الموسم و راح تدري وش حجم إنك تلعب نهائي دوري الأبطال بقلوب دفاع أقرب ما يكونون إنهم رقله .. لكن شف وشلون الفريق على الورق كيف يلعب ! و في المستطيل الأخضر كيف يلعب ! تشوفها 5 - 3 - 2 و هي في الحقيقه هي 3 - 4 - 3 أمامك فالنسيا القوي بنجومه الكبار بأسماء مثل منديتا و كيلي جونزاليس و كلاوديو لوبيز و قلوب دفاعك كذا و تبي تفوز ؟ إيه أفوز .. ومو فوز بس مع اداء روعه على مستوى التنظيم الدفاعي و الهجومي بوجود ظهيرين عندهم القدره على (المسانده الهجوميه الفعاله و الإرتداد السريع للدفاع ) كارلوس و سلقادو .. إضافة إلى وجود أحد أروع من مر على مركز الإرتكاز الأرجنتيني ريديندو اللي كان كل شي يبدأ من عنده و تواجد التكتيكي ماكمنمان إلى جانبه اللي كان جندي من الجنود المجهولين و من الأسماء الغير رنانه في عالم الكوره إضافة للخط الهجومي بتواجد و راؤول و موريانتيس و الشاب الفرنسي وقتها أنيلكا .. ما كان عندنا وقتها شي إسمه مدرب بصلاحيات كامله و لا كان عندنا وقتها سوبر ستارز زي الأسماء الحاليه مع ذلك لعبنا بتقاليد البطوله و أمّنا خطوطنا و ضربناهم في كل الإتجاهات و اخذنا ثامن تشامبيونز من رحم المعاناة و بثلاثيه نظيفه .. اللي عمل الفرق هو المدرب بقيمته و بفكره و توظيفه للاعبيه على أكمل وجه .. إحتياجات الفريق فيه أشياء ما يبيلها شيخ :d مثل الظهير الأيسر نحتاج لاعب أكيد .. أسماء كثيره موجوده و ما فيه أي عوائق إن شاء الله بمنعنا نتعاقد على الأقل مع واحد منهم .. الوسط أتوقع عيال ديارا ممكن يطلعون أو واحد منهم أو ممكن غاغو على الأقل بشرط نكون وقعنا مع خافي ماتينيز وهو أكثر من جا طاريه بخصوص هالمركز الحساس إضافه إلى إشاعات عن سيلفا و تواجده معنا الموسم الجاي و مدري ليش أحس إن هالصفقه بتسوي حوسه في النص إلا لو طلع غوتي من الفريق هنا ممكن ولو حصل و جاء و قدر يشغل الجهه اليمنى بإقتدار و خلاها نشيطه مثل اليسرى بنكون إخترنا صح .. الشي اللي محيرني اللي هو الخانه اللي نبي نجيب فيها لاعب ثاني لخط الدفاع (هل هو قلب أو ظهير أيمن) ..؟! يعني لو قلنا مايكون يجي و ما أتوقع فيه غيره أصلا يستاهل إننا نتعاقد معه في هالمركز معناها بنشوف راموس مع بيبي + الظهير الأيسر و مايكون و بنكون سوينا نقله كبيره في نوعية اللاعبين اللي أمام كاسياس و أتوقع إننا بنضمن أشياء كثيره بهالخط الدفاعي الحلم اللي هو إن الفريق بيكون قوي جدا بدنيا في الإلتحامات و في الصراعات الثنائيه مشابه لدفاعات تشيلسي و مانشيستر و الإنتر أيضا .. و هذا من أسباب تفوقهم المحلي و الأوروبي .. ولو ما قدرنا نتعاقد معه أكيد بنجيب قلب يلعب مع بيبي و راموس يبقى مكانه و هذي ما أتمناها مثل ما أتمنى الخيار الأول الفعال الحيوي النشيط و الصلب و أصلا مثل ما قال خالد في الصيف من هو القلب الحالي اللي سعره معقول و ناديه مستعد يبيعه ..؟! فيديتش - تيري حتى مكسيس أنديتهم ما راح تتركهم بهالسهوله اللي متخيلينها أبدا ! وما أتوقع بمبلغ أقل من 30 مليون يورو بتقبل إدارة المانيو أو تشيلسي إنها تجلس على طاوله مفاوضات مع مدريد و يوافقون يبيعون لنا ركائز أساسيه بهالبساطه هذا غير إن أعمارهم كبيره بالنسبه للمبالغ اللي بتطالب فيها أنديتهم .. مع إن تيري يوم شاف الكاش حق الشيوخ :d فكر بشكل جدي في الإنتقال للسيتي بعد الراتب الإسبوعي المغري لكن بعد الملعنه و أختها قدروا يجلسونه و إعتبرها أنشيلوتي صفقه جديده للفريق .. فما بالك لو مدريد بفلوسه و إسمه يقدم عرض لتيري هل راح يقاوم ؟ ما ضنتي .. و برضو فيديتش من العام فيه إشاعات تقول إنه يبي ينتقل لإسبانيا و إنه هو و زوجته مو مرتاحين في المدينه اللي هم فيها < ياخي ذا المخرج عجزت أهضمه :d و الريال و البرسا و اليوفي يبونه وما يندري من الصادق ؟ و ما فيه إشكاليه إنك تشوفه طالع من فريقه الموسم الجاي يعني اللاعبين إحتمال كبير تلقى عنده رغبه بالخروج و الإنتقال لكن برضو ما يغير من الموضوع شي .. القضيه هنا بكم راح يفكونهم أنديتهم ؟ شغله ما قبل الأخيره (راس الحربه) و هنا أوجه سؤال لـ خالد :smilie47: هل الفريق عنده نيه يجيب مهاجم صندوق مثل هنتيلار وسط توقعك بخروج راؤول بنسبة 90% الموسم القادم ؟ نحتاج هالنوعيه من اللاعبين لأن عندها حل لين تأزّمت الأمور وما فيه غنى عنهم مهما كانت عندنا أسماء هجوميه فتاكه مثل رونالدو وهيجويين و البنز :smilie47::ba::ba1: الشغله الأخيره < والله إنك كثيييييييييييييييييييييييير ههههه :d (نافاس - دي ماريا) مدري وش صحة إرتباطنا بهم ؟ و مدري هل الفريق وضعهم كحلول بديله لصفقات أساسيه أو لا ؟ لكن أنا أتمنى لاعب أو لاعبين يكونون ورقه رابحه في الدكه مثل دي ماريا او لاعب في مستواه أو أي لاعب آخر ممكن يغير شكل الفريق 180 درجه في حال نزوله للملعب .. أتمنى أتمنى إننا نخلص كل شي في الصيف بدري و نحضر موسمنا بدري إبتداء من مدرب إذا كان متاح لنا مدرب كبير + الـ 5 لاعبين اللي بيجون إن شاء الله .. كنت بعلق على شغله صغيره و تفاجئت بهالمشاريع اللي طلعت هههههههههه :d سامحونا على عدم الترتيب و العشوائيه و الإطاله .. فمان الله :smilie47: |
|
^ ^ ^ تأهلـوا في الموسم الماضـي امام تشلسي بالحكم ..! اما في هذا الموسم ومع الحكم الاكثر من رائـع قالوا بااااي دوري الابطال |
وش فيكم ع البرشَـا خلوه بحالهم المهم ياشباب انا زعلااااااان ، انا واحد خاق على جووتي يالبييه اخرتها يبي يروح لديرة اللي بدون سراويل خخ اقصد الامارات .. فله راح يكون قريب مني بس ليته يبقى بالريال << يحب جوتي خخ |
["]Valdano:smilie47: لما تقولي ان تشيلسي كان فريق ممل راح أقولك أنت غلطان يا بعدي :d في دوري 2004-2005 : الهجوم : ثاني أقوى هجوم في الدوري بـ 72 هدف . الدفاع : أقوى دفاع في الدوري بـ 15 هدف . فاز : 29 ،،، تعادل : 8 ،،، خسر : 1 :s5s: فوق كل هذا جاب الدوري من أول سنه ما قال استقروا استقروا :d في دوري 2005-2006 : الهجوم : أقوى هجوم في الدوري بـ 72 هدف . الدفاع : أقوى دفاع في الدوري بـ 22 هدف . و بعد جاب الدوري مره ثانيه 2006-2007 : الهجوم : ثاني أقوى هجوم بـ 64 هدف . الدفاع : أقوى دفاع بـ 24 هدف . أضف الى كل هذا انه كان في الدوري الانجليزي و أنت أعرف مني بهالدوري أكيييد :yes: في دوري الأبطال 2004-2005 : وصل نصف النهائي و طلع تشيلسي الأبطال 2005-2006 : طلع من دور الـ16 :yes: الأبطال : 2006-2007 : وصل نصف النهائي و طلع تشيلسي . بعد كل هذا ما نقدر عن تشيلسي مورينهو فريق ممل أو فريق غير موزون دفاعياً أو هجومياً لاحظ مورينهو بالدفاع مرره ممتاز و بالهجوم بعد نعده من أحسن أندية أوروبا . و شكرا ً لك :d [/FONT ] |
إقتباس:
انا استغرب انك تقول لـ جاراي كويس ..! بكل صراحه لاعب لايستحق ان يرتدي القميص الابيض ..! , لو لاحظت اخوي في المباريات التي يلعبها جاراي لايمكن ان يمسك الكره و لا يرجعها لـ كاسياس , اي كوره تجيه يصرفها للحارس , لايلعب لزملائه في الامام اعتقد وبكل صدق ان الريال لم يوفق في جلبه . تحياتي لك ق1 |
في برنامج ساعة كالشيو اعلنها صحفي في اللجزيتا دلي سبورت مورينو سوف يترك الانتر نهاية الموسم سئل المذيع .. هل كلامك عن مورينو مبني عن توقع او هي اخبار ومصادر لديك قال .. نعم لدي مصادري ولدي علاقات طيبه في مدريد واعلم ان بيريز يريد مورينو وبعد فوزه امام البارسا زادت اسهمه في تولي تدريب الريال واكد .. اذا فاز مورينو بالابطال فتولي مورينو لتدريب الريال شي مؤكد .. ,, |
إقتباس:
اشكر الاخوان اللي رحبو وتآكدو ان راس مالي هو كلامكم وشعوركم الطيب تجاهي مهاجم لايوجد نيه اطلاقا واذا حدث وتم ضم مهاجم وهو امر مستبعد بنسبه 90٪ فلن يكون الا اجويرو لان فالدانو مسحور فيه نافاس يوجد رغبه فيه لكن طبيعة ديل نيدو في التفاوض هي من جعلت الريال يبتعد عنه دي ماريا لاارى احتمال في ضمه ريبيري وسيلفا وخافي مارتينز هم الثلاثي الذي شبه تم الانتهاء منهم التركيز سيكون على الاسماء التاليه لضم المقدور عليه منهم سيسك دي روسي شفاينشتايقر مايكون ايفرا اشلي كول |
إقتباس:
جاراي سيء جداآ... أفضل يلعب أمام أوساسونا بــ راموس & ألبيول قلب دفاع...أربيلوا & مارسيلو أظهرهـ... لعبها في آخر مباراتين وكأآن أكوس واحد :s2: خصوصآ قدام فالنسيا قتلوا الهجوم :wub: جاراي من جد حرآم يلعب لمدريد :rose: |
إقتباس:
بتكلم عن المدربين اول شي ثم في النهاية بقول من في رأيي الأفضل .. مورينهو .. مدرب كبير ما يختلف عليها ثنين .. الي يقول دفاعي يبالغ .. مورينهو من نوعية المدربين الي يتعامل مع كل مباراة على حدة .. لكن الانتر خلونا واقعيين فريق صعبة انه يهاجم فرق كبار .. ببساطة لاني ما اشوف عنده الحلول الهجومية السريعة .. عناصر فريقهم كويسة اوكي .. لكن لاعبينهم الافضل تلقى حركتهم بطيئه .. حتى اكبر دليل انهم يعتمدون على مايكون كأحد الحلول الهجومية .. عشان كذا مورينهو مجبور امام الفرق الكبيرة انه مايمارس قدامها الضغط القوي عشانه عارف ان فريقه ما عنده الحلول الي تخلي فريقه يحشر فريق كبير في منطقة جزاءه زي ما سوا برشلونه مثلاً في اياب التشامب .. الزبدة مورينهو خيار حلو .. لكن لا تتوقعون انه بيجي بعصا سحرية وبيحول فريقنا لـ دريم تيم .. مورينهو زيه زي بيلي بيحتاج موسم على الأقل لين يلقى التوليفة المناسبة .. السؤال الكبير والاستفهام الاكبر .. هل الادارة عندها القدرة ان مورينهو لو طلع خالي الوفاض الموسم الأول على مستوى البطولات + مشاكل كثيرة مع الاندية الاخرى .. انها تبقي عليه !? بيلقريني .. مدرب لا يعرف الا الهجوم .. هالشي شايفينه قبل لا يجي الريال .. فياريال كان فريق ممتع اجبر الكل انهم يتابعونه .. الفرق المتوسطة معروف على الاقل قدام الفرق الكبيرة تدافع .. بيلي ما كان يمشي بهالوضع .. كان يهاجم الريال والبرشا ويهاجم في التشامب .. هالشي شفناه مع الريال الفريق قوي هجومياً وقادر على تحطيم الرقم القياسي للاهداف في الليقا .. مشكلته ممكن التعامل مع المباريات الكبيرة زي ما يقول بعض الاعضاء .. انا اشوف مو كل المباريات فشل فيها كثير منها خذلوه اللعيبة ! في النهاية مقارنةً بين المدربين .. انا شخصياً مستعد للتخلي عن المتعة اذا كان فيه متعة مزعومة مقابل الحصول على التشامبينز .. لاني شخصياً حتى وان كان مورينهو مو ممتع للبعض " وإن كان ممتع لي " أضمن لكم ان السكواد نفسه سيجلب المتعة ويبقى على مورينهو البقية فالريال ليس الانتر ! لكن ومليون خط تحت لكن زي ما قلت مورينهو لين يغير كل شي في موسم .. أكاد ان اجزم انه لن يفعل شيء في الموسم الأول سيحتاج الوقت ومع الوقت يحدث كل شيئ .. لذلك اذا كنت مستعد انك تصبر لمورينهو اكثر من موسم يا بيريز .. فالأحرى ان نصبر على بيلي فهو قطع نصف المشوار وحقق نتائج يكفي انها اعجبت " الجمهور " ولا عزاء لصحافة القذارة والرخص .. شخصياً بدأت أفضل الموندو والسبورت على الاقل ما يقدرون يشنون حملات قذرة زي الماركا والآس ! .. ع العموم مورينهو يعتبر الخيار الثاني بعد الاستقرار الذي يتمثل في بيلي ! عوافي فهد :smilie47: * نسيت أقول .. يا هلا ومرحبا ومسهلا في الكبير خالد :smilie47: .. يا شيخ شوفة يوزرك يذكرني بالصيف الاخير واتذكر الايام الحلوة :smilie47: .. ايام ما كان سليم وعبدالله يخلصون اخبار اسبانيا كلها من الساعه 12 :s2: ولعد يبقى شي احد يترجمه :s2: .. عالعموم ويلكم باك :smilie47: .. ولعد تقطع يا بعدي :smilie47: والله يعينك على بثارة الاعضاء مثل عبود البنز :s2: |
| الوقت المعتمد في المنتدى بتوقيت جرينتش +3.
الوقت الان » 07:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd