|| رابطة ♥ ريال مدريد ♥ || - صفحة رقم 1162 - نادي الهلال السعودي - شبكة الزعيم

Madridi · #17416 18/04/2010, 08:01 PM

( تصميم عزوز الزعلان )

مباراة صعبة حيل .. صعوبتها مو في ان خصمك هو الباتس فقط .. صعوبتها تزيد لأن فريقك مو في وضعه ، مباراة
راسينغ فوز صعب ، مباراة البرسا خسارة ومباراة الميريا فوز بولادة قيصرية ، البيبيتا مو في فورمته ولا حالته ، في
المباريات الثلاث كان باهت ولا لون ولا طعم حتى لما سجل امام راسينغ كان مستواه العام لك عليه . مو خوينا اللي نعرفه

.. رونالدو لازم ينتبه لكومة الفرص اللي ضيعها امام الميريا ، لازم اليوم يكون كل شيء في السليم ولازم نستغل كل
شارده وواردة .

نعيما ...

وولكم باك

ودنا تكمل على مستواك في مباراة الميريا ، قدمت اداء ما شفناه منك من فترة كبيرة

، مستواك المنخفض احد اسباب
انخفاض مستوى دفاعنا بشكل عام ، اتمنى طموح المونديال مع ضغط صحافة كاتالونيا واللي تبي تقول ان فالديز يتفوق
عليك وتضغط على بوسكي لضمه يكون حافز اكبر لك لتقدم كل ما تملك ، وان قدمت كل ما تملك ، وقتها ما همني احد ،
ووقتها لو بدل ابو ظاري نزلت فريق مهاجم بلا دفاع ، لأنك انت وحدك في عزك .. توزن فِرق ، الا توزن ليغا بحالها .

توني اقول لفهد وعبود في المسن .. ليتهم ما فكوا الإيقاف ابد ان كان بيلعب زي مالعب قدام الميريا .. كان مفهي ، ومدري
وش يسوي ، وابد مخه مو في الملعب ابداً ، البيول بشكل عام قدم مستوى ممتاز هالموسم ، شيء الحين قام ينكره محمد
الفالنساوي

رغم اني متناقش معه في المسن حول البيول والرجال مأيدني انه مع الريال افضل بمراحل من كونه مع
فالنسيا ، وطبعا الحجة عنده هي من يلعب جنبه

، البيول عيبه اللي ما قدر يتخلص منه حتى الان وهو جايبه اصلا معه
من الباتس ، وهو انه يتردد امام المهاجم لما يستلم الكورة ، ولكن بخلاف هالأمر ، الولد دايم يسبق المهاجم على الكورة ،
ينظف المنطقة اول بأول وما عنده فلسفه . . . اخر مباراتين وبالتحديد في الكلاسيكو و مباراة الميريا ، كان مرتبك بزود (
البرسا ) .. ضايع ومسرح ومو حول المباراة ابد ( ألميريا ) .. مدري اذا يبي يجرب الدكة تراها تنادي

.. المهم . .ان
لعب اليوم .. ابي البيول اللي كان ممتاز اغلب الموسم .. والا هاتوا غاراي مع راموس قلوب .

فريق ممتاز هجوميا ما راح اقول خرافي ، ولكن اقول ممتاز ، عنده مهاجم كبير ورائع ولو انه هالموسم بأمانه يضيع اكثر
مما مضى ، لكن مع ذلك ما ودهم يعطوننا اياه

.. سيلفا عامل شغل خرافي في المنتصف ، يقشر كور اهداف بالكوم ،
ويوزع اللعب بشكل ممتاز جدا ، اضافة الى جناحين مجتهدين كثير وخصوصا هرنانديز اللي متفوق على ماتا هالموسم ،
والولد من تشوف عيونه تاخذ منه موقف

.. في المقابل ، بديل الهجوم رغم انه يعتبر جيد الا انه يلعب بطوله فقط ..
والإصابات مو بعيدين عنا .. بالكووووووم

طبيعي جدا .. كلنا احنا واياهم متعاقدين مع سانيتس

.. الباتس دفاعه
زي مالكل عارف .. خرابيط ، وفوق هذا وهو خرابيط .. ناقص . حتى محاوره ثقيلة بزيادة خصوصا البيلدا وحتى فرنانديز
مو مرة اللي تقدر تعول عليه .

مع ذلك ... الفريق الكبير مهما كانت مشاكله لا تستهين فيه ، مهما كان جريح .. ناقص .. فيه ستين علة .. برضوا لا تهايط
بزود قدامه .. دفاعنا في نفس الوقت مو بهاك الزود خصوصا في اخر مباراة واللي لولا الله ثم كاسياس كان ودعنا بدري
وتفاعلنا مع اخبار الماركا والميركاتو بدري وما كان جينا نعلق على خسارة البرسا

.

فرصة جتك وما بتتكرر .. تكلمت كثير عنك .. وعن رأيي في بقاءك من عدمه .. لكن الحين الفرصة بيدك اذا تبي سنة ثانية
في مدريد ، تقليص الفارق خطوة كبيرة جدا للاستمرار في المشوار ، ومنها ضغط كبير على البرسا خصوصا مع مباريات
الابطال امام الانتر ، ولو ان للأمانة البرسا ما عاد تفرق معه ضغوط .. ول عليهم

بيلغريني لازم يستغل نقاط ضعف
الباتس .. اظهره اي كلام وعمق مو هاك الزود ، كنت اتمنى من كل قلبي انه يلعب بمهاجمين .. بمعنى يكون وسطنا
وهجومنا بهالشكل :

الونسو - احد الديارتين او حتى غاغو ما عاد تفرق

رونالدو - فارت

البنز و البيبيتا .

لكن وانا اتفاهم مع فهد اقنعني ان مهاجمينا ما يتقنون تبادل المراكز ، فجأة تلقاهم سوا في المنطقة .. وفجأة تدورهم ما تلقى
احد

.. لكن لما نراجع الذهاب ، نشوف اننا فزنا لأننا لعبنا بمهاجمين .. صحيح اننا كنا مظطرين بسبب ايقاف رونالدو
واصابة كاكا وقتها لكن لأننا كمان لعبنا على نقطة ضعفهم وهو دفاعهم .

مباراتك يالدون .. لازم تسجل بدري ، لازم .. خصوصا انك بتلقى دفاع مو بهاك القوة .. الخوف كل الخوف ان فالنسيا يلجأ
لمبدأ الضرب .. وقتها بس بعذرك

اما غيرها لا .. في مباراة الميريا اديت كل شيء .. وسجلت هدف خرافي

( ينصح بالمشاهدة ) .. امام البرسا اديت اللي عليك وكامل ووافي لكن الفريق كله كان ميت وكنت لحالك
.. اليوم بحول الله تفرحنا زي عاداتك يا دون

.

اتمنى يلعب على الطرف الايسر خصوصا ان ميغيل واللي اصلا منخفض مستواه مو موجود .. يرجع ويضم للنص من
اليسار ويكون مواجه لمرماهم على رجله اليمين .. وخل الشايب سيزار يرد ان كان فيه خير .

ارجع واقول مباراة صعبة والله يستر ويعين ..

MR.LEGEND

هذي بعد المباراة .. اما نمخمخ عليها ونفرح .. والا ناخذها مع الزحلاوي تنسينا حزننا ..

مدري ليه قامط

تعال طمني يا حمادة الفلنساوي

Madrid Magic · #17417 18/04/2010, 08:42 PM

تتوقعون يسويّها بيلي ؟ إذا سواها فهو الي جابها لـ نفسه والله ! شوفوا تشكيلة
فالنسيا .. بآبلو وَماتا و ممكن نشوف سيلفا مكان أحد فيهم في عملية تبادل مراكز
يعني أجنحة صعبة صعبة , وش زود البرسا عنهم يوم إننا بنلعب بتشكيل مُختلف !
بتقنعوني جوتي بـ يجارّي ماتا أو بآبلو أو خواكين أو سيلفا ؟؟ ألونسو و جاجو
مهوب قادرين إنهم يساندون الأظهرة و يقفلون العمق ! خصوصاً إن معهم جوتي
الي بيسحب عليك دفاعياً ! مارسيلو موجوود ! خلّه قدام أربيلوا و قفّل ع جناحهم
الأيمن ! و عندنا راموس في اليمين ما عليه خوف إن شاء الله , جاجو قادر إنه
يسانده و ينهون خطورة فالنسيـا في هـ الجهة .. فالنسيا قوته كلها في أجنحته
متى ما قدرنا نحد من خطورتها بـ نرتاح كثير , و خطورة فيّا ممكن تنعدم !

مارسيلو .... ألونسـّو .... جاجو
فـارت
كريس .........
........ هيجوين أو بنزيما !

و بعدين أظهرة فالنسيا مهيب شي أبد ..

إن شاء الله يدخل كذا بس

..

MR.LEGEND · #17418 18/04/2010, 08:44 PM

غادروا الفندق متوجهين لـ البيرنابيو

غادر نادي ريال مدريد الفندق , متوجهًا لملعب السانتياجو بيرنابيو
بمعنويات مرتفعه اثر تعادل المتصدر مع إسبانيول .
و سيقابل الريال الليله غريمة فالنسيا , على أمل تقليص الفراق إلى نقطه .

الصور :

http://www.realmadrid.com/cs/Satellite/es/1330003074494/noticia/Noticia/El_equipo_se_encuentra_concentrado.htm

~HAMADAH~ · #17419 18/04/2010, 08:53 PM

متى المباااراة يآ’شباب السآعة كم ؟؟؟

شطحة : لآتفوتكم مباراة رومآ

ll F.H ll · #17420 18/04/2010, 09:12 PM

إقتباس

الرسالة الأصلية كتبت بواسطة صانع الأمل


	متى المباااراة يآ’شباب السآعة كم ؟؟؟ شطحة : لآتفوتكم مباراة رومآ

المباراة
الساعـه 22:00

الساعه العاشره

Madrid Magic · #17421 18/04/2010, 09:20 PM

الرسميـّة من مُراسل الماركا :

كاسياس
مارسيلو ... راموس .. ألبيول ... أربيلوا
جوتـّي .... ألونسـّو .... جاجو
فـارت
كريس .........
.......... هيجوين

الله يستر !!!

~HAMADAH~ · #17422 18/04/2010, 09:21 PM

فكيت آزمـــة وربي

ثآنكس

MR.LEGEND · #17423 18/04/2010, 09:30 PM

كالعادهـ , غدآء الإداريين :

مملكة الريـال · #17424 18/04/2010, 09:37 PM

وكان حال لسان يورنتي يقول

والله يا بيريز سعر سليفا قليل جدآ
ياليت تزوده شوي وتعطينا لاعب مجانآ

بيريز يرد عليه .. 25 مليون تبي حياك
ولا نشوف لنا حل مع ربيري او نافاس

,,

الله يستر من مباراة اليوم
وخصوصآ وجود مارسيلو ظهير
احس بتكون شوارع فيه وانواع الثغارات

أبوصالح الهلالي · #17425 18/04/2010, 09:42 PM

التشكيلة الرسمية للمباراة :

كاسياس .
أربيلوا راموس ألبيول مارسيلو

ألونسو جاجو

جوتي فارت
هيجوين كريـــس

فالنسيا

سيزار سانشيز .

برونو ، مارشينا ، الكسيس ، خوردي ألبا .

البيلدا ، بانيجا ، بابلو ، سيلفا .

ماتا ، فيا .

بالتوفيق للريال

KUN AGUERO · #17426 18/04/2010, 09:45 PM

تشكيلتنا اليوم

كنت أتمنى ممادو ديارا أساسي,,مكان قاقو

بالتوفيق للريال

قفلة

أيمن جادة

تكفى إثبتلي لو مرة إنك معلق زين ولاتجيب طاري مسي في مباراياة الريال

ولاتنتقد مبلغ رونالدو <<تقل دافع من فلوسة شيئ

,

MR.LEGEND · #17427 18/04/2010, 09:47 PM

يا عيال ..

لآ أوصيكم , شوفوها بالتعليق الإنجليزي
ولا ترى ايمن وسادهـ , بيرفع الضغط و السسكر
..

كاسياس
مارسيلو ... راموس .. ألبيول ... أربيلوا
جوتـّي .... ألونسـّو .... جاجو
فـارت
كريس .........
.......... هيجوين

هذي مشكلة بيلي , مايثبت على تشكيلة !
مآرسيلو ظهير ! , الله يستر من الشوارع

و ان شاء الله يكون جوتي مرووق ع الآآآآخر
نبي اسييستات على كيف كيفك يا جوتي

برب بالتوفيق لنـآ

Madridi · #17428 18/04/2010, 09:50 PM

ريال مدريد Vs فالنسيا

قمة الجولة الـ 33 لليغا الاسبانية

في تمام الساعة 10 مساءاً بتوقيت مكة المكرمة

على أرضية السنتياغو بيرنابيو

|| .. روابط عربية .. ||

|| .. روابط أجنبية .. ||

FansRealMadrid.OurToolbar.Com

تقبلوا تحيات فريق عمل التولبار

GLACTICOS

Madridi

جيكالي الهلال · #17429 18/04/2010, 09:51 PM

بالتوفيق للريال في اختباره الصعب

متيم زعيم القمة · #17430 18/04/2010, 09:53 PM

تمنيت يدخل ابو ظاري بغاراي بدل جوتي ومارسلو يكون في الوسط مع فارت
علشان يعمل ضغط على لاعبين الفلانس ويطبق الارتداد الهجومي بالشكل الصحيح
والاحتفاظ بجوتي كورقة رابحة كما تعودناه يكون مفيد اذا دخل في الشوط الثاني
لكن خيرا ان شاء الله

ان شاء الله يكون اربيلوا والبيول وراموس في مستواهم المعهود والمامول ولا يكرر
المستوى الاسوا من السيء في المباراة الاخيرة

بالتوفيق للريال والفوز باذن الله