هلا والله وغلا شباب ,
حيآكم الله ..
ممتاز يابيريز ممتاز ممتاز .. قلتها قبل ممتاز بعد ماطلعت سعر زيدان وبيكهام ورونالدو وكل السوبر ستارز , ممتاز .. عقليه تجاريه ستفيد الملكي بكل الاحوال وان شاء الله بداية اتجاهـ مشروع الشامخ الى الطريق الصحيح مع تحقيق الليغا ان شاء الله ,
عموماً مباراة الميريا .. غداً قد تكون سهله على الورق لكن الميريا على ارضه والفريق من بعد كلاسيكو خسران فيه بأرضه وبين انصارهـ هنا الكلام .. يعني صعبه شوي .. كل ما اريد من الفريق اول ثلث ساعه تجنباً من اي سيناريو .. هدف اول الثلث ساعه فقط ! وعلى كذا ناكل المباراة اكل استحواذ وتملك للملعب بكامله .. الله الله ياملكي .. و بالنسبه لأخر الموسم والقلاتيكوس الثالث مابي اخوض فيه لان .. اشوف انه يعني لقب الليقا مازال لنا فيه امل بأذن الله .. يعني لما تخسر مباراة ثلاث نقاط فقط من غريمك التقليدي والمنافس .. ماهي نهاية المطاف ! علينا بكل بساطه الفوز بكل المبارايات السبع القادمة فقط فقط فقط !
بالتوفيق ان شاء الله بكراً ..
قرأت 90 % من الردود ما بعد المباراة ، اتفقت مع بعضها .. واختلفت مع البعض الآخر ، استمتعت مع الكثير واستهجنت
القليل . ولكن هيا كذا المنتديات .. فيها من كل شكل ! .
قبل الكلاسيكو قلت وبالحرف هذا النص : ’’ لن الومك اطلاقا فيما قد تفعله في حال خسرنا ، نعم سأكون اول من يؤيدك لو
استعدت شيئا من فلورنتينو الضياع في فترة مابين 2004 - 2006 ، اليوم يجب ان نفوز .. يجب ان نفوز حتى ولو 1/ 0
، فوز و3 نقاط تعطي الثقة .. ولكن ايها الشامخ .. ارجوك لا تكن كمن يطالب بإذلال البرسا .. ارضى كما نرضى بفوز
يقود الى اللقب ، وانا اثق بأنك كذلك ‘‘
باقي على رأيي .. ما راح الومه في أي شيء ، مهما فعل .. شخص صنع قاعدة يبنى عليها فريق وبشكل كبير خلال شهرين
! ، له حق يطمح وينال ، خصوصا وانه بإمكانيات اقل ، وبإسماء اقل ، بنينا عودة مدريد بعده في 2006 ! .
اعذروني شوي .. هي حالة من التوهان اعيشها ، ما صرت واثق وش ابي بالضبط ، تشابكت عندي كل الصور والرؤية
اكيد ( ضبابية ) . . . ومع ذلك مع بيريز في أي قرار يتخذه مع نهاية الموسم ! واكيد شرط انه يكون يتبع هالقرار .. قرار
ثاني فيه مصلحة كل مدريدي ! .. فالأهم والمهم دائما ... ريال مدريد
وفوق هذا ... شكراً لكل شيء .. فلورنتينو سويت اللي يبطي احد غيرك يسويه
اثق بك !
كلمة رددتها كثير هالموسم ، وتقريبا في كل رد اكتب رأيي فيه بعيد عن الاقتباسات ! ، قبل المباراة قلت انه لو خسرت راح
تهتز ثقتي فيك كثير ، طبعا واضح انه لو خسرنا بسببك .. زي ما حصل ، فأنت قدامي المسؤول الأول في الخسارة ! ..
مانويل اعجبني عمله كثير هالموسم ! ، لكن بأمانة الخطأ تكرر في كل مواجهاتنا الكبيرة هالموسم .. تخيلوا ! ، نخسر اهم
مواجهتين هالموسم بخطأ مدرب .. صدقوني مهما كانت ثقة الشخص فيه بتهتز وبقوة ، فما بالكم بالثقة اللي ازعجتكم فيها من
بعد عودة الفريق للواجهة وتحديدا من كلاسيكو الذهاب الى الان ! .
في مباراة الكوركون الاعمى كان يشوف خلل الجهة اليسرى والنهاية اذلال ما بعده اذلال ! ، في مباراة ليون سلم النص لهم
رغم انه واضح جدا ضرورة دخول ديارا وتخفيف الضغط والسير بالمباراة الى شوط اضافي على الأقل ! .. مباراة السبت
المشؤوم ! يخرج الاعب الوحيد اللي ادى كل اللي عليه !!!!! ومن بعدها ما قدرنا نبني هجمة من يمين البرسا رغم انه صفا
لنا الفيس لحاله ! فوق هذا وهو اللي مخليني مو مستوعب الى الان ، اني مو قادر استنتج تكتيك الفريق في الملعب ابدا ،
اوكي توزيع الاعبين في الملعب معروف ، لكن تكتيك الحركة والتغطية و بداية الهجمة او نهايتها ، ابدا مو موجود . مهما
كانت قيمة بيلغريني وقيادته للفريق وعلاقته بالاعبين والنظام اللي يفرضه و و و و و .. لكن اخطاء تكتيكية هي المحك
وهي اللي تعلن نجاحك في موسم او فشلك ! .
كنا نقول ما نطالب الفريق بأي شيء لأنه مشروع طويل المدى وصعب جدا تطلع بشيء من اول موسم ! لكن انه يكون
ابتعادك على المنافسة بذات الاخطاء المتكررة ومن ذات الشخص امر مؤلم .. حتى لو كان هناك تخاذل او استسلام
للضغوط من لاعبيك .. لكن الخطأ قدام عينك واضح وما تقدر تنكره ! حتى لو بيلغريني ( ابوك او ولدك ! ) . مع ذلك انا
باقي تائه ودي يجلس بيلغريني سنة بشرط صلاحيات كاملة فنيا ! وجعل فالدانو فقط اداري ينهي الأمور الإدارية وقائد لحملة
التعاقدات مع الاسماء والمراكز اللي يحددها المدرب . وحتى لو راح مانويل يكون المدرب الجديد بذات الصلاحيات وطبعا
لازم يكون اسم يطرب اذان اي شخص والا خلوا بيلغريني ابرك ! خصوصا ان الادارة قالت قبل الموسم انه غير مطالب
بشيء كبير في اول موسم حتى لو كانت مناورة لتخفيف الظغوط ، فمع احترامي للجميع الوحيد اللي ترتجي منه شيء كبير
في سنة وحده هو الدون فابيو كابيللو .
يوووه جعلها تبطي سنينك
دام الهذرة جابتني لملك تغيير المجريات .. كابيللو له ذكريات حلوة .. الا ما تنسى ابد الفارق او الفكرة الاساسية اللي خلتني
اجيب طاري كابيللو غير انه الوحيد اللي ترتجي منه شيء كبير مرة في اول سنة وتكون واثق .. هو انه خلال المرحلتين
اللي مرنا فيها في عقدين مختلفين ، كان يبني اساس متين .. متين جدا للي يجي بعده .. ويا يستغله صح ! او .....! في
1996 جانا وجبنا الليغا معه .. ووقتها رجع كابيللو يأسس في مدريد الفريق اللي اهلكه كثر التغيير ، هالاساس اللي سواه
كابيللو مع بعض التعزيزات جابت الابطال مرتين رغم انه ما كان فيه وقتها استقرار .. ولكم الاسماء .. هينكس - هيدينك -
توتشاك في 3 سنوات بعدها جاء الاستقرار الحقيقي مع ديل بوسكي . واللي مع اساس جديد وتعزيزات قوية من
فلورنتينو وبقايا تعزيزات سانز .. جاب التاسعة وحقق معنى المتعة الحقيقية اللي تنتج بطولات .
خالد (Ro9ni) محادثتنا ليلتها فتحت في راسي مشاريع كبيرة والله يسامحك فيني ما خليتني انام ليلتها ، خصوصا مع
تصريح كابيللو المغري جدا جدا جدا ، ( لطالما تمنيت ان اختم مسيرتي في مدريد ) هالتصريح يخلي اللعاب يسيل
خصوصا ان كابيللو بنسبة كبيرة ما راح يكمل مع الانجليز بعد المونديال ، كابيللو اسم مغري مو بس لأني ابغي بطولات و
الان ، لا كابيللو من النوع اللي يؤسس لثقافة قوية ومتينة وتستمر لسنوات متى ما لقت اللي يستغلها ويبني عليها صح مثل
ما حصل في العقد الماضي ! . ومثل ما عمل في ميلان و روما ويوفي وفي مدريد على مرحلتين .
بأختم هالجزئية : استمرار بيلغريني من عدمه واضح جدا بأنه راح يحدده لقب الدوري ! بعيد عن الأرقام الخرافية و و و و
ترون حتى خواندي راموس جاب 10 انتصارات متتالية بفريق نصفه في تنصيف بنو مدريد عاهات !. ومع ذلك طلع
بفضيحتين ما تنسى بسبب مغامرتين فاشلتين ! اللقب مو مستحيل ، لكن صعب جدا جدا جدا ، نسبة انه يتعثر البرسا في
مباراتين فقط ، وانك تفوز في المبارايات الجاية كاملة نسبة صعبة ولكن سبق وقلنا مو مستحيلة ، ولا تنسوا ان الليغا ما
فيها شيء مضمون وان التعثر وارد جدا
. شخصيا اصبح استمرار بيلغريني عندي امر غامض جدا ، حتى لو جاب اللقب ووقتها بيكون جابه من فم الاسد ، ودي
يجلس ونشوف الاستقرار عليه هل بيعطي نتيجة والا لأ خصوصا وانه بيصير بطل . وما ودي اصبر سنة جديدة بشكل
غامض .. خصوصا انه خسر كل التحديات الكبيرة وياليتها خسرها بحظ او صافرة او كان عذره الاصابات على تواجدها ،
الا خسرها وبقراراته ! وهذا اللي مخليني ادخل مرحلة الشك في واحد كنت اثق فيه كثير ! . البعض يشبه بمورينيو ويجب
ان نكون كجماهير الانتر ! . ولكن مورينيو ما خسر تحدياته كلها ! .. ورغم قراراته الفاشلة في التعاقدات اول الموسم ..
الا انه فاز على كبار ايطاليا ، وخسر من المانيو لضعف امكانيات مو لقرار خاطئ ! . وهنا الفرق .
الاسماء البديلة ما فيها المغري اطلاقا الا كابيللو وكابيللو فقط بالنسبة لي انا ! .
اوكي خسرنا .. اوكي مستوى هاللي في الصورة ما نقارنه بفابري او دي روسي او حتى كامبياسو .. ولكن !!! ما ادري
وين وجه الانتقاد في الكلاسيكو ! .. فريق تائه في الملعب .. مستوى تشابي هو الأسوأ له طول الموسم حتى في مباراة
الكوارث امام اشبيلية ما كان تشابي تائه ومستسلم بهالشكل ، ومع ذلك .. هالمملوح قطع كور لين قال بس .. وسوى فاولات
قلت انه بياخذ الطرد معاها من الشوط الأول .. والبعض هداه الله جانا ينتقد لمجرد الانتقااد .. ومع ذلك يبقى حقه وما نقدر
نسلبه اياه !
فئة تحمل ما حصل لمدريد من 2004 لخروج هذا الشخص .. وفئة ثانية تقول انه خروج ديل بوسكي مع خروج اريجو
ساكي كان هو السبب الرئيسي . ما علينا ! .. خلونا في الفئة الحالية .. فئة مع وضد و و و .. ما فيه احد يقدر يجزم اطلاقا
بأن فالدانو يتدخل في عمل مانويل بيلغريني ، ولو قلنا انه يتدخل في من يبقى ومن يخرج فهالشيء ما يفسر ابدا ان بيلغريني
يطلع افضل لاعب في اللقاء امام البرسا ! ، وما يفسر اطلاقا خطأ بيلغريني بعدم قراءة الشوط الثاني مع تغييرات كلود بيول
في مباراة ليون ! وماله اي دور في مدرب يتفرج على ظهيره الايسر يتمرمط وما يتحرك الا بعد ما لقم 4 وعدل كل شيء
بعدها ! .
انا اقف وبكل حيادية مع الرأي اللي يطالب بالحد من صلاحيات عمل فالدانو ، بحيث يكون عمله فقط قيادة دفة المفاوضات
في الصفقات اللي تكون بطلب المدرب ، ويقوم بكل الادوار الادارية المعتادة في مركز مثل مركزه مثل ما كان يعمل اريجو
ساكي . وضد اللي يطالب بخروجه اطلاقا ، لأنه ان خرج فصدقوني الامور ما راح تكون مضبوطة بين بيريز وبين اي
مدرب بيقود مدريد ، لان بيريز زينا يقود الريال بقلب العاشق اللي ما يرضى الخسارة .! ثقافة في مدريد ما تنمحي ..
بيريز قائد اداري واقتصادي محنك بس لا تنسوا وش صار لما كان اتصاله بالمدرب مباشر من 2004 - 2006 ، ادوار
فالدانو لازم تكون بحدود شبيهه بحدود ادوار بلانكا في الانتر و ديفيد جيل في مانيو و كينون في تشيلسي .
ورم ينهش في مدريد ! . ما ادري يا ليت اهل الاختصاص في الاخبار المالية يعلمونا هل سانيتس تربطها مع الادارة عقد
طويل الأمد وبشروط جزائية قوية ! .. المسألة عندي مو بس اعداد خاطئ للاعبين لأن هالامر يشترك فيه جهازنا اللياقي
واللي كمان لازم تلتفت له الادارة وبشكل قوي . . لكن المسألة في تشخيصات خطأ ! .. من فتاق الى تمزق عضلة ضامة
في كاكا ، ومن شد الى فتاق مع بينزيما ، وقبلها التشخيص الخطأ في اصابة الرود قبل عام و التأخير الحاصل مع رونالدو
الى ان تخدل فان ديك ! .
نادي مثل ريال مدريد يصرف ملايين في التغيير والتجديد ما اعتقد انه عاجز انه يكون لنفسه جهاز طبي متكامل ، واطباء
يعملون تحت شعار ريال مدريد فقط وليس بالتعاون مع ( عيادة ) .. كنت اقول لنجم و ابو دحة .. ان امنيتي ان ريال مدريد
يتعاقد مع اجهزة طبية خاصة وبمعداتها كاملة من المانيا !! مو عشان اكتشفوا وش عند روبين او شي من هالقبيل ! لا
ابدا .. لكن لاحظوا الألمان .. حتى كثير الاصابات عندهم تلقونه بسبب كثرة احتكاكاته فقط .. وشوفوا لاعبين منتخبهم كيف
.. شوفوا انديتهم والتعامل مع المصابين والتشخيص السليم جدا .. رود فان نيستلروي ما قبلوا به وهو مصاب فعليا وغائب
من حوالي العام الا لأنهم واثقين من اجهزتهم انها مو سلق بيض .. ومو تعالج بالطريقة النفسية زي سانيتس ! .
فيه اكثر من جزئية كنت بتكلم عنها .. لكن سبحان الله وقت كتابة الرد لما جيت ادورها ما لقيتها .. لكن متى ما تذكرتها جمعت افكاري حولها وكتبتها ..
هلالي ويموت بسامي ... صدقني الاعجاب متبادل .. خصوصا لما ترد على البعض في مواضيع في العالمية
فكرة بان يكون باتو مع كاكا , في صحيفة ديلو سبورت ذكرت اليوم بان الريال وتشيلسي قد يدخلان لاعب في الصفقة , الريال يحلم بان يكون كاكا باتو يشكلان ثنائية من جديد ولكن هذه المرة بفريق الريال
الريال عرض منذ مدة مبلغ 55 مليون يورو ولكن الان تغير العرض فمن اجل تخفيض القيمة قد يدخل بنزيما بالصفقة بالمقابل شيلسي فانه عرض الصربي ايفانوفيتش الذي كان الميلان مهتما به في الصيف من اجل تخفيض قيمة الصفقة
بياتي :"ريال مدريد و برشلونة لطالما تلقا معاناة كبيرة علي ملعبنا".
لاعب نادي ألميريا بابلو بياتي تحدث لـ Radio Marca عن لقاء ريال مدريد حيث سيحل الأخير ضيفا في ملعب البحر المتوسط, و قال بياتي عن اللقاء : "في الحقيقة أنا دائما ألعب لهدف محدد, إن سارت الأمور كما خططنا لها و إن تفادينا الأخطاء سنحقق هدفنا".
و أضاف :"فريقنا قوي و سنقاتل بقوة ضد ريال مدريد و لن نكون خصما سهلا لهم, فكلما جاء ريال مدريد أو برشلونة هنا عانا كثيرا و تلقا مشاكل كثيرة, و هدا السيناريو سيبقي مستمرا".
.. و بالنسبه لأخر الموسم والقلاتيكوس الثالث مابي اخوض فيه لان .. اشوف انه يعني لقب الليقا مازال لنا فيه امل بأذن الله .. يعني لما تخسر مباراة ثلاث نقاط فقط من غريمك التقليدي والمنافس .. ماهي نهاية المطاف ! علينا بكل بساطه الفوز بكل المبارايات السبع القادمة فقط فقط فقط ! 
:
بعدها جاء الاستقرار الحقيقي مع ديل بوسكي 
. 
الوضع العادي
