|
إقتباس:
الحين ابجيبلك مباريات قويه لعبها الريال بدون كرستيانو والريال فاز فيهن اول مباره ضد اتلتيكو مدريد فزنا عليهم بارضهم بدون كرستيانو ثاني مباره ضد فالنسيا فزنا عليهم بارضهم بدون النجم الربتغالي وان ماخاب ضني كاكا بعد مالعب ثالث مباره ضد اللي كانو عقده دبيرتيفو لاكورنيا فزنا عليهم بارضهم بدون كرستيانو فكيف تقولي الريال بدون كرستيانو مايسوي شي ؟ وهو طوق نجاح الريال ؟ إقتباس:
طيب نقول انهم في اسوء ماوسمهم اشبيله اخرج البرشا من كاس اسبانيا وهو في اسوء موسم له على قولتك !!! فيا ريال تعادل مع برشلونه على ارض برشلونه وهو في اسوء موسم له على قولتك!!! فالنسيا تعادل مع برشلونه وهو في اسوء موسم له على قولتك!!! اتلتيكو مدريد اللي فزنا عليه رايح جاي يفوز على برشلونه وهو في اسوء موسم له على قولتك!!! إقتباس:
شف من عندك بدفاع الانتر زانتي ، لوسيو ، تشيفو او سامويل ، مياكون تقارنهم بغاري اريبلو اليول !!!! يمكن اللي يمكن تقارنهم معه هو الوحيد راموس اللي زي مايكون في الضهير الايمن فقط إقتباس:
وفي الختام الاختلاف في الرأي لايفسد للود قضيه |
إقتباس:
وصراحة كل أسم أقوى من الثاني باستثناء سكولاري |
http://www.palvoice.com/forums/imgcache08/32570.gif الي كنت متوقعه .. صار ! الكل يطالب بإبعاده .. من كان يقول انه " داهية " الآن يقول انه جبان ! يا الله .. كأنه ديجا فو .. كان الذي حصل .. حصل بالأمس فقط .. بنفس الطريقة .. بنفس الأسلوب .. بنفس الكم .. ! وكانني ارى كابيلو الآن امامي وليس بيلي .. العضو يدخل الرابطة يسب في كابيلو واطردوه واجلبوا المتعة ! وكأنكم ما تعلمتوا من أخطائكم .. الاستقرار مطلوب وهو المطلب الاول لكي ينجح مشروعك يا بيريز ! انشيلوتي .. سكولاري .. هؤلاء افضل من بيلي !؟ انشيلوتي كان ياكلها رايح وجاي من الانتر والادارة تاركته .. مدرب شخصيته ضعيفة ما يقدر يفرض نفسه على لاعبينه ! وسكولاري اضحك حينما تقارنه بـ جريتيس حتى ! كابيلو .. مورينهو .. الاو داهية أسطورة التدريب وكبير مدربين العالم ..والثاني مدرب كبييير تكتيكياً ويعرف كيف يقود فريقه .. لكن اسأل نفسك بيدربون فريق مالهم كامل الصلاحية فيه .. انسى ! وشف وش سوى مورينهو في شيفشينكو .. وكابيلو مدرب معروف انه يختار صفقاته بنفسه ! بينتيز .. مدرب بطل أوكي .. لكن شوف نتائجه في الدوري الانجليزي .. مستحيل انه يسوي كل شيئ في موسم واحد .. بتصبر عليه .. طيب اصبر على بيلي ! عن أي تشامبيونز تتحدثون ؟! تحلمون فيها والله .. لو كل سنة عقلية نبي مدرب جديد موجوده !! لذا المطلوب الاستقرار ثم الاستقرار ! غلطات ساذجة ما نبي .. تفكير عقيم ونبي مدرب جديد ما نبي .. سنة سنتين ثلاثة نصبر وليه لأ !؟ المطلوب في رأيي في الصيف اعطاء كامل الحرية لبيلي في اختيار " مراكز " من يريد الفريق التعاقد معهم .. اوكي بيريز تبي تختار اللاعبين لكن خلي بيلي يختار المراكز .. المطلوب في الفريق في رأيي ( ظهير أيسر , قلب دفاع , جناح أيمن في نفس الوقت عنده القدرة انه يلعب صانع لعب , ظهير أيسر بديل ) ! والتركيز على الكانتيرا تركيز كبير والتعاقد مع لاعبين من امريكا الجنوبية فيها على الأقل نتعاقد ونسجل اكثر من 10 لاعبين في مختلف المراكز 100% وان شاء الله راح ينجح لاعب منهم .. هذا المطلوب من الكانتيرا لاعب كل سنة نستفيد منه .. خصوصاً في الشق الدفاعي ! يالله بيس :( |
هلآ شباب... أولاً هاردلك ونعوضهآ إن شاء الله,,, صحيح أننا لم نستطع أن نرفع رأسنآ بعد المباراة ... وأن أكبر المتشآئمين أقر أنها ستنتهي بالتعادل... ولكن .. في الكلاسيكو والديربي... "الأفضل حالاً .. يخـــسر !" عمومآ الشوط الأول كان الريال كلام ثاني كان مارسيلو ورونالدو مسوين شغل...لكن لما يصل مارسيلو و رونالدو لخط الـ18.. يضيــعون ! 4 فرص في المبارة محققة .. 1 لهيجوين في آخر الشوط الأول .. يوم أن صاد بها 10 عصافير و30 حمامة :) 1 لألونسو في العرضية والتي لعبها برأسهـ! 1 لرونالدو في الشوط الثاني.. 1 لـ دارت يوم أن دخل جوتي وأول لمسة لـ دارت أمام المرمى..وأضاعها ! عموماً أنا أختلف مع من يطالب بإلغاء عقد بيلجريني.. لأنه تحكمه عواطفهـ... 12 فوز متتالي في الليجا ومن ثم هزيمة "من بطل العالم"... يعتبر إنجاز... نعم نحن كمدريديين لآنرضى إلا أن نكون الأول.. لكن أنتم في بناء فريق جديد... وبيلجريني هو المهندس.. وخذوها مني...هو يعمل جيــــداً ! و م ض ة : نختلف...نختلف...نختلف ولكننا نتفق في حب مدريد...:smilie47: ومن كان لآيتفق معنا في ذلك... فهذآ ليس مكانهــ:rose: |
دعوة للنقاش بسم الله الرحمن الرحيم في البدايه انا بشوف راي اللي يقول لي بليجريني ..بنبدا بالابطال والمدربين اخر 5 سنين نبدا بجميع المدربين ..تعادل خساره الارسنال ..رايح جاي مع روما ..تعادل خساره ليون ..رايح جاي ليفربول سنه وحيده مع فريق لاشيء مع الداهيه كابيلو فوز في ارضك 3 -2 بدفاع هلغيرا وتوريس ؟ وخساره 2 - 1 غياب بيكهام ورييس الاجنحه وادخال روبينيو الشوط الثاني اخره بعد مشاكله مع المدرب سنة كابيلو كاسيس توريس راموس كنفارو وهلغيرا والجميع كان لا شيء الا راموس قاقو لم يكن الكثير كان عادي جدا ديارا قدم المطلوب بيكهام قدم وريس وروبينيو قدمو هيغوين كان عادي فان قول الاسطوري وراوؤل موسم فاشل مثل غيره احتياط قوتي من تملك غيره ؟ احرزة الدوري وخسرة بشرف في الابطال بفارق الاهداف رغم الاصابات بلجريني اربيلو غارااي البيول راموس الونسو لاسانا ديارا قاقو كاكا رونالدو قوتي فاندرفارت بنزيما هيغوين في اوج عطاىه ؟ ماذا حدث ميلان خساره تعادل ..اشبيليه خساره فوز بشق الانفس ..برشلونه على راسك رايح جاي ويبدل مهاجم اخر 10 دقايق ليش الخوف؟ ...ليون تعال خساره صح كابيلو خسر وتعادل مع ليون لكن لاتنسى ماذا فعلنا في ليون كل مباراة الاياب ومن كان ليون بجنينو والاخرين ناتي لبنيتز بفريق لايملك نجوم الا جيرارد اخذ البطوله من ميلان الذي يملك جميع النجوم ناتي لمورينهو بورتو ؟ تشيلسي من لاشي الى كل شي الصراحه ماذا فعل بلجريني ..ماتبي تفوز ب رونالدو وهيجوين كل مباراه هدف ..متى بتفوز ؟ احترم اراىكم ولكن مدرب كبير ولا الاستقرار ؟ ..لا بصراحه ابي مدرب كبير فليذهب الاستقرار للهاويه مورينهو كابيلو بينيتز من اول مواسم جابو بطولات ما احتاجو استقرار ولا بطيخ الكوركون 4 - 0 ؟؟؟؟؟؟؟؟؟؟؟؟؟؟ وفوز واحد صفر سنه خسرة من سرقسطه 6 - 1 بلكسمبرجو لاتنسى ولا تفقد الذاكره في البرانبيو كنا نحتاج 5 - 0 فزنا 4 - 0 وكان سرقسطه ايمار وديغيو مليتو وجابريل مليتو وايورثون والفريق علم الجميع معنا كرة القدم بلجريني لسة المطلوب ولا احترم قدراتك التدريبيه ..في مباراه احتاج هدفين اخرج كاكا وادفع براوؤل في مباراه خسرة ب 1 امام البرشا والفريق ضاىع في الوسط لماذا الانتظار ادخل لاعب وسط مباشره ولا اترك لكي يحرزون الثاني ..وبعد الثاني ادخل راوؤل محل افضل لاعب مرسيلو وانتظر اخر عشر دقاىق لادخال بنزيما مكان هيغوين ..ماذا فعلت بهذا التبديل ..بصراحه مايفعله بلجريني لا يشفع له الي يقول الثاني ..ذكرني متى اخر مره ريال اذا خسر الدوري ماجاب الثاني ؟.. الموسم الي فات الثاني ..خواندي راموس بفريق اقل مستوى ونجوم فاز 13 مباراه متتاليه اظن او 11 كنت اتمنى بقى راموس للاستقرار لكن لا اتمنى بقى بلجريني للاستقرار بلغريني مدرب لكي يفوز على الفرق الضعيفه فنالسيا اتلتيكو ضعيفان وحتى لو تعادلو او فازو على البرشا لنه البرشا فقط لم يكن في يومه ولاتنسو كازان في كامب نو اتلتيكو كم مباراه خسر وفنالسيا امام الصغار احترم الجميع ولكن مع خواندي استطعت ان افوز على فنالسيا واتلتيكو واشبيليه في ارضه بالاربعه هاتريك لراوؤل بلجريني وماهو بلجريني فقط للجلوس والاستمتاع لهيغوين ورونالدو انا اظن لو اجيب اي مدرب يمسك هالفريق يجيب الثاني في الدوري لنه الدوري الاسباني برشا مدريد فقط احترم الاراى ولكن لن ولن ياتي مدرب يقود الريال افضل من http://cdn.epltalk.com/wp-content/up...io-capello.jpg |
" " عـــ الزعيم ـــاشق .. اول شيء اذا برشلونه حالياً مو فريق نجوم اجل من النجوم :d ؟ ابيدال بويول بيكي الفيس توريه انييستا تشافي كيتا بيدرو ميسي ايبرا .. هذا فريقهم الاساسي تقريباً وكله نجوم .. وكلهم يلعبون مع بعض من 5 سنوات يمكن ما عدا ايبرا بس تصور ! بينما مدريد دفاعنا زلايب للاسف ما عدا راموس والوسط ما فيه غير الونسو اللي ثابت طول الموسم .. ولا باقي اللاعبين من اصابه لاصابه ولا استقروا مع الفريق .. واذا ع البايرن .. البايرن قابل المان بالاياب وكان مطرود من المان لاعب وروني طالع لاصابته ولا قدر يفوز :d .. خسر وتاهل بحسبة الهدف بهدفين .. وبالنسبه لبيلي مع فياريال .. وصل لدور الـ 4 بالابطال ، ووصل للمركز الثاني في الليقا .. لاحظ وهو مع فيااريال .. وبعدين جمهور مانشستر صبر 4 مواسم ع فيرقسون .. وانت مع بيلي ما تقدر تصبر موسم كامل ؟ ياخي وش ذنب بيلي اذا لنا ست سنوات من مدرب لمدرب .. وشلون لك ثمان سنوات صابر ؟ بيلي ماله شغل بثمان سنوات بيلي شغلته بالسنه هذي .. واشوف ان الحظ هو اللي خلانا نطلع من الابطال للاسف .. " لو كان بيلقريني زلابه .. لو كان ما يفقه بالتدريب .. بافهم شلون تقولون ان الفريق مب لازم يستقر وبيلي عجز يثبت ع تشكيله !! لعنبو داركم مدرب يوم عرف لاعبينه مبارتين ع بعض ما عرف يثبت ع تشكيله .. رونالد وكاكا وهيقوين والكريم ولاسنا ومامادو وفارت وقوتي وراموس وبيبي .. كل شوي واحد مُصاب وواحد راجع من الاصابه .. وشلون تبونه يجيب العاشره وهذا وضع الفريق ؟ بيلي لا جهاز طبي ولا اداري ولا لاعبين الكل خذله .. حتى الحظ يا جماعه ما وقف معه .. الجهاز الطبي كل اسبوع يختار لاعبين يصابون .. كل اسبوع والثاني طالعن لنا واحد مصاب وحايسن التشكيله .. الجهاز الاداري كل يومين طالعين بتصريح وبنجيب لاعب وبنشيل لاعب وللاسف هم اللي جابوا وشالوا لاعبين بدون ما يشاورون حتى بيلي .. رغم كل هذا قدر يوصل لصدارة الليقا .. قدر يتصدر مجموعته .. طلع من الابطال بالحظ اجل هيقوين مرمى فاضي وبالقائم ! وش ذنب بيلي وقته ؟ بالكلاسيكو الذهاب هو اللي قايل لكريس يضيع انفراده ؟ ولا هو اللي قايل لبيبي اكسر التسلل ؟ بالكلاسيكو الاياب هو اللي قايل لفارت يعطي فالديس الكوره ؟ ولا هو اللي يقول لاربيلوا خلك واقف وبيشخط من عندك بيدرو ولا تلمسه ؟ على كل هذا .. وتقولون فاشل !! فرضنا بيلي فاشل هالموسم .. ولا اقتنعتوا بالكلام .. اصبروا عليه يا عالم !! مورينهو اول موسم ما قدم مثل ما قدم بيلي .. فيرقسون اول موسم ما قدم مثل اللي قدم بيلي !! ما فيه احد من اول موسم بيحقق كل شيء .. اصبروا ع الاقل موسم واحد بس .. موسم واحد .. |
إقتباس:
إقتباس:
إقتباس:
لكن متى يجي الفرق؟؟ مورينهو بالإمكانات المتواضعة للاعبيه مقارنة في لاعبي الريال اللي قدر يوظفهم صح ، وصدقني لو نفس الأسماء اللي في دفاع الإنتر نقلتها للريال لوجدت نتائج أسوأ من ذلك طالما أن بيليغريني مدربهم إقتباس:
|
السلام عليكم أحترم كل الردود إذا كانت تبي تناقشك في ردك و في مضمونه مب يجيك واحد و يقلب الموضوع شخصي و يخلي اللي قال الراي الفلاني بزر و مدري إيش طيب كلام حلو و ردود كثيره بخصوص الإستقرار و بقاء المدرب و ضربنا أمثال في فيرجسون و مدري مين يا ناس يا بشر الجميع الكل و أعني هنا 100% من مشجعين الفريق في الرابطه أو في أي مكان في العالم كلهم يبون الإستقرار ولا يعارضونه أبدا .. لكن نصبر و نستقر على من يستحق الصبر و ما فيه أي شي يخليني أصبر على بلغريني نتائجنا في الإختبارات الكبرى تقول كذا .. فيرجسون جلس 8 سنوات ما حقق شي مع مانشيستر في أول سنينه .. بتصبرون 3 سنين بدون بطولات ..؟! وفي الليقا الأضعف و الأقل قوة من البريمير ليج ..؟! ما أعتقد أبدا .. يا جماعه المدرب اللي بيعطيني بصيص أمل إني أتوقع منه عمل أفضل من اللي راح هذا بأعطيه ثقتي و صوتي في بقاءه لموسم آخر لأنه يستحق و كان ضده أشياء فلانيه إلخ إلخ إلخ .. لكن إذا كان العمل اللي راح سيء وش تتوقعون يكون الموسم الجاي ..؟! أقل سوء يعني .. أنا قلتها و باكررها حتى لو تم بقاء بلغريني الفريق ما راح يحقق أهدافه .. البطولات الكبرى يبيلها مدربين عمالقه .. مورينهو جاء للإنتر و جاب دوري فاز فيه مانشيني بعاهات و خرج من التشامبيونز اللي هو جاي علشانها من الـ 16 .. الموسم اللي بعده جاب 5 لاعبين و كلهم في المراكز اللي يحتاجها الفريق ضاع في دوري المجموعات و تاهل بصعوبه و قعد يشتغل على المباريات ورا المباريات علشان الإنسجام و التفاهم و بالفعل ما وصل إلى دور الـ 16 إلا وهو فريق عملاق مختلف تماما عن الفريق اللي لعب في دور المجموعات و عن الفريق اللي لعب الموسم اللي قبله و طلع من الـ 16 من فيرجسون .. هنا لو حصل ما حصل سواء تأهل الإنتر أمام برشلونه أو لم يتأهل راح أبقي على مورينهو لأني شفت عمل و واثق انه بيتحسن و بيكون أكثر قوه و صلابه و شخصيه من الموسم اللي قبله .. وهذا الشي لا يقارن فيه مورينهو مع بلغريني أبدا .. صلاحية 100% فيرجسون الوحيد مع مورينهو نجحوا فيها غيرهم ما نجحوا حتى فينغر و بينيتز عندك قوارديولا عطوه صلاحيه في أول موسم جاب لعيبه و صرف مدري كم وصل آخر شي باعهم مثل (هليب/كاسيريس) مب شرط المدرب اللي عنده صلاحيه 100% ينجح الصلاحيه هذي لا تعطى إلا لمن يستحقها و أثبت نجاحه فيها و مب هي مشكلتنا من الاساس كلام مب مرتب بأطلع للدوام و بأرجع الساعه 11 و أكيد لي عوده للتعقيب إذا فيه نقاش # نقطتين إضافيه بخصوص الصبر على المدرب * فيرجسون لما جا للمان جا لأنه حقق كأس الكؤوس بفريق إسكتلندي إسمه أبردين و حصل على البطوله أمام ريال مدريد عنده شي سبق و حققه و هو اللي يعطيه الأفضليه للبقاء و للصبر عليه * فينغر صبروا عليه إدارة أرسنال و جلس المده هذي كلها لأنه الفريق كان غائب عن المنافسات الأوروبيه من عام 72 و مارجع الفريق يلعب في المنافسات الأوربيه إلا في عام 97 و تحت قيادة فينغر و هو من أعادهم إلى أوروبا وهذي افضليه تعطيه الحق في الثقه و الإستمرار مع الفريق السؤال هو : وش الشي اللي يخليني أصبر على بلغريني و أعطيه ثقتي ..؟! سلام |
للي يقارن اول موسم لـبيليغريني باول موسم للسير بتدريب المانيو اقوله لا ينسى ان السير وقتها ما كان عنده نجوم ولو السير يستلم هالنجوم الي عند بيليغريني والله ان يحرق العالم حرق |
إقتباس:
هلا بك يالغالي :rose: من بداية الموسم وأنا أحاول الإبتعاد عن نقد البيلي لأني مقتنع تماماً بموضوع الإستقرار لنا أكثر من ست سنين ماعشنا إستقرار تدريبي والنتائج كلها سلبية جربنا كل شي تغيير مدربين لاعبيين شراء لاعبيين والحاجة الوحيدة اللي ماجربناها هي الإستقرار التدريبي لكن بيلي من بداية الموسم مالاحظنا عليه تكتيك مميز لاتقول لي ماخذا فرصة شوف جوارديولا : من أول موسم صبغ الفريق بفكره الراقي شوف انشيلوتي كيف صنع كورة حلوة لتشيلسي حتى لو ماحقق بطولة هالموسم لكن جمهوره راضي عليه عندي استعداد اصبر سنتين من دون بطولة بشرط أشوف إن فريقي يتغير ويتكتك داخل الملعب تقبل مروري:rose: |
إقتباس:
من أحسن منطقياً فرق بين الوضع اللي كان عليه سير اليكس قبل 24 سنة يوم مسك المان سنة 86 والآن |
اين الحكمه من اخراج هذا الاعب :yes: http://img710.imageshack.us/img710/2564/99828572.gif http://img684.imageshack.us/img684/4472/96590051.gif http://img28.imageshack.us/img28/2333/18698088.gif الحكمه سهله اذا كنت احسن لاعب في الفريق ومب نجم لازم تطلع لنك ماعندك مدرب :s2: |
إقتباس:
درر درر ، نصبر على مدرب جبان ؟ مدرب ما يغيير الا اذا انلقم اقوال الريال من الشوط الاول .. واضح عليه الدجه خصوصا بنص الملعب مافيه الا محاولات شخصيه من كريس و مارسيلو و تشابي ما فيه تكتيك .. مافيه منهجيه واضحه نصبر على وش ؟ عشان الاستقرار ترى الاستقرار الفني مب دايماً ايجابي ؟ اكبر واوضح دليل بالعالم .. ارسين فينجر وضده حاله معاكسه تماماً .. السير فيرجسون يعني شئ يمكن يكون صح ويمكن يكون خطأ الحمار وهو حمار .. يشوف الشوط الاول والريال محشور ما يقدر يمسك كوره .. بينهق اقل شئ .. تعبيراً على ان الوسط مب عاجبه بيلجريني طال عمره .. واقف يحتري يجي قول .. عشان يغيير سلامات ؟ لا وشوفوا التغيير الذكي مارسيلو يطلع ؟ يا ناس هذا يفكر من وين ؟ كنت مغرم بتجربه اسمها الاستقرار الفني لكن بعد مباريات مثل ميلان (ذهاب ـ اياب) ـ ليون (ذهاب ـ اياب) ـ برسا (ذهاب ـ اياب) كلها فشل ذريع .. غيرت نظرتي صراحه انا واثق ان فالدانو ما راح يخلي .. بيلجريني وهذا بنظري هو الشئ الصح |
سلالام بخش بنقاش بيلجريني ع السريع قولوا اللي تقولونه عني لكن ابي اللي يدافع عن بيلجريني .. يجاوبني على هالاسئله ؟ س / كاكا ـ يلعب يوم السبت بالليجا يقدم مستوى جيد .. يلعب الثلاثاء مع البرازيل يكون هو افضل لاعب بالمباراه كلها ؟ وش السبب ؟ س / تشابي الونسو .. يكون هو الكل بالكل بالوسط مع جيرارد بليفربول يجي الريال يقدم مستوى جيد ؟ لييييييه ؟ س / قدام ليون .. الفريق متاخر بقول .. يجي بيلجريني يطلع كاكا ويدخل راؤول ؟ س / قدام بيلباو .. مارسيلوا من نجوم المطش ويجي بيلجريني ويطلعه ؟ ليييه ؟ س / قدام البرسا .. مارسيلو الكل بالكل بوسط الريال مع تشابي ؟ وفارت سئ جداً .. يجي بيلجريني ويطلع مارسيلو ويدخل جوتي ؟ وبعده يجيك ويدخل راؤول و يطلع فارت ؟ ليه كاكا ما يظهر بمستواه الحقيقي ؟ ليه تشابي ما يظهر بمستواه الحقيقي ؟ السبب هو تقييد بيلجريني لكاكا بمركز محدد وكاكا تعودنا نشوفه دايما مع ميلان والبرازيل لاعب حر يتحرك بكل الملعب نفس الشئ تشابي الونسو نشوف احيانا لاسانا متقدم عن تشابي كأنك تشوف لاسانا محور هجومي وتشابي محور دفاعي وهذا اللي ظلم تشابي وما خلاه يظهر بمستواه الحقييقي حتى الان كل هالامور من يتحملها ؟ اللي ييتكلم عن روبين وشنايدر ويعيد الكلام والموال السامج هذا وشهو شنايدر ؟ وش زين لنا ؟ لعب اول نص موسم وبعده اختفى ولاهوب تكله ابد ولا ينشد به الظهر ولا يستحق اصلا يلعب بالريال مع انتر هالسنه مالعب اكثر المباريات بسبة الاصابه اللي مخلي انتر قوي هو ان دفاعه حاليا افضل دفاع بالعالم سواء بالاساسي او الاحتياط روبين .. هو اللي طلب الخروج ؟ وش تبون الااداره تزين ؟ سبحان الله .. الموسم الماضي يسبونهم ويقولون نبي لاعبين من طراز كاكا وكريس وهالسنه يوم جاء كاكا وكريس بشحمهم ولحمهم قالوا يا زين شنايدر وروبين وش هالتفكير يا ناس ؟ ع العموم ،، ما ابي بيلجريني يستمر ابدا لانه مدرب خواف ولا يصلح للريال ودايم قراءاته غلط وتغييراته غلط ان شاء الله يجينا مدرب كبير يفهم انه يدرب ريال مدريد سلالام |
إقتباس:
قوارديولا ؟! .. جاه فريق جاهز مجهز مع احترامي .. تكتيك .. تشافي .. ميسي .. تجانس .. ما احتاج لاعبين جدد .. فقط سد النواقص .. كل العوامل له .. ركز على التجانس هذا الي ينقص فريقنا الحين .. انا صراحة ما اشوفه اضاف شي تكتيكياً داخل الملعب لـ برشلونه .. العوامل الي خارج الملعب هي السبب في الي مسويه .. العوامل النفسية .. قربه من اللاعبين .. اعتقد هذي اهم اسباب نجاح بيب .. لكن بيلي تعال نشوف .. فريق 70% جديد .. فوق راسه فالدانو و بيريز وصحافة مدريد محاسبة على اقل الاغلاط ! صنع فريق قوي .. أقوى هجوم في اوروبا .. صنع لك فريق قدر يحجر اقوى فريق في العالم على ملعبه ولولا الله ثم ضياع الهجمات كان الفوز مدريدي .. صنع فريق يفوز في الريآثور لاول مره من 18 سنة .. شي ما قدر عليه زيدان في عزه .. شي ما قدر عليه ريال بداية الألفية الثانية ! شي ما قدر عليه كابيلو ولا ديل بوسكي ! بتبديلاته انتم اول من صفق له .. تغيير فارت وقوتي الي الكل استغرب يوم نزلهم كيف ينزل ثنين نفس ستايل وطريقة اللعب مع العمق .. مع ذلك تغلب على اشبيليه بعد الخسارة 2/0 ! تكتيكياً شف فريقنا هجومياً كل ما فشل حل أوجد حل .. مع الاطراف فشلنا الدخول مع العمق .. العمق فشل اللعب على الكور الطويلة من راموس والونسو .. لا مركزية من اللاعبين مره كريس عمق هجومي ومره هيقوين جناح .. مره الونسو يقود المرتدة وفارت يأمنه ورا ومره العكس ! إيجاد موقع جديد لـ تشابي الكل في البداية ما وافقه الرأي .. الحين الكل اعجبه الوضع الهجمة لازم تبدأ من تشابي .. ممكن البعض يقول تشابي احسن كمحور هجومي لكن انا اتحدث عن كيفية توظيف اللاعبين عشان خدمة النهج التكتيكي للفريق .. الاستقرار وآخخخ يالاستقرار .. متى بـ تعقلون يا مشجعين الريال وبترضون بالاستقرار ! إقتباس:
بس حبيت اذكرك فيرقسون جاب كاس الكؤوس موب التشامب ! بالضبط 83 .. يعني معليش الكورة ما كانت بنفس الوضع التكتيكي الي تعيشه الحين .. بيلغريني بـ فياريال وصل لدور الأربعة الاوروبي .. ممكن تذكر لي وشو فياريال قبل بيلي ؟! خرج بشرف في نص النهائي ببلنتي امام الارسنال ! .. اخذ الثاني في الليقا ومن يقدر ياخذ الثاني في الليقا معليش ! صنع فريق صار من الاربعة الكبار اسبانياً في فترته .. الي ابغى اوصله .. جبنا مليون مدرب وكلهم عطيناهم سنة وحده .. جربوا هالمره سنتين استقرار يا عالم استقرار لو ان الي يدربنا اديموس ولا ناصر الجوهر ! |
| الوقت المعتمد في المنتدى بتوقيت جرينتش +3.
الوقت الان » 02:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd