أبسألك سؤال تقارن دفاع انتر ميلان بزلايبنآ ؟
فرق السماء عن الارض لا واحتياطهم افضل من الاساسي عندنا ,
انا كمدرب وش تبغيني اسوي اذا هجومي قوي ودفاعي زلايب والعب قدام افضل فريق
بالعالم ؟
حتى الهجمات الي ضاعت امس فرص سهله ضاعت برعونه وقدام ليون نفس الشيء
هنا من المسؤول عنهآ بلجريني او الاعبين ؟
امس بس طلع هيجواين وهو كان زفت وقامو الجمهور كلهم يعارضون , طيب انتم
بعد المباراه ليش تقولون ان هيجواين كان زفت وتعارضون على تبديله ؟
هي شغله هياط كل واحد يكتب رد ويبي المدرب الفلاني ولا الاعب الفلاني لانه معجبه
ما فكرو بشيء اسمه استقرار ولا فكرو بشيء اسمه تأقلم لاعبين مع المدرب وخططه
يعني نقيل مانو الحين ونجيب مدرب ثاني ويقعد الموسم الجاي كله يضبط الفريق
ويحوس على بال ما تتأقلم المجموعه ونطلع من كل البطولات ثمن لا بقى 10
جولات اقلناه وجبنا واحد ثاني خخخ وش استفدنا اذا حنا كل سنه بمدرب ونبي كل
البطولات , اصمل على مدرب واحد حتى لو هو زلابه زي كل الانديه اقل شي سنتين
بعدين يقيله اذا شاف انه ما غير شيء بالفريق , حنا مثل خيريز وطقتهم اي تعادل
ولا هزيمه على طول اقاله مدرب .

..

بعد ان عاد بعض من الهدوء بعد الصدمه المتوقعه جدا اود ان نحلل بعض من اسباب الخساره (الكامله) بوجهة نظري

كامله بسبب ان البارسا ملك الملعب طولا وعرضا



مدرب صراحه ممتاز لكن جبان بنفس الوقت،ممتاز لانه استطاع ان يحقق ارقام لم تحقق من فتره طويه جدا , ولكن حققها مع عدم وجود مستوى في بعض المباريات ,جبان لانه يخاف من الهزيمه لاتوجد لديه الشجاعه وايضا هناك نقطة مهمة جدا جدا جدا يفقدها
الا وهي قراءة الفريق الخصم , يلعب ويظف اللاعبين على مستوياتهم رأيناه في اكثر من مباراه لا يجيد هذه الخاصيه ابدا والنتيجه دخول اهداف كثيبره جدا بالريال هذا الموسم،امام البارسا وظف اكثر من ثلاث لاعبين لمراقبة ميسي مع العلم ان خطوره ميسي ليست بمراقبته بل بتوزيع لاعبي الدفاع والمحاور توزيع صحيح بحيث لا يكون هنالك مساحات بين الحاور وبين المحاور والمدافعين
ولكن انه لم يوظف لاعب واحد فقط او اثنين بالكثير لمراقبه (برشلونه) الا وهو تشافي , رأينا الهدف الاول كيف مررها تشافي لميسي , تمريره انت وحظك وايظا كان تشافي اذا مسك الكره اعطى حريه لميسي وداني وبيدرو بالهجوم من الاطراف والعمق
وهنالك من يقول ان بيلي لايوجد منه فائده بتغيراته الخاطئة ، لكن ارى انه وفق بتغييراته سوى تأخير دخول جوتي .
ولكن بالاخير انا اتمنى ان يعطى بيلي كامل الحريه باختيار الاسامي التي يريدها في اي مركز يريده,ولا تتدخل باختيارته ابدا واذا فشل يتم مناقشته.
بيلي كم اتمنى ان تستمر 3 مواسم على الاقل



لاعب اعطى 85% من روحه للريال في هذا الموسم لكنه للاسف لم يجد لاعبين يساندونه ، ابتداء بكاكا وانتهاء بتشابي الذي لم يوظف في مركزه الصحيح



لاعب ينتظره مستقبل كبير جدا لكن للاسف يحتاج لمهاجم اخر خبير يساعده ويتعلم منه اصول الهجوم والتمركز, قبل قليل تابعت مباراة هامبورج ورأيت حبيب القلب الرود وكانت النتيجه 1-1 الى الدقيقه 88 استطاع ان يهدي فريقه الفوز وعندما رأيته يسجل تحسرت جدا لتركه الريال.



سر ونحن خلفك يا ملك اوروبا كل اوروبا

هارد لك يا عيال



ما زلت مصرّ انه هو الرجل المناسب لـ مدريد
إقالته معناها اننا بنبدا من الصّفر
من الأول ما كنا نطالب الفريق ببطولة .. مدري ليش تغيّر الكلام ,
فيه كلمة أعجبتني .. مدرب بصلاحيات 100% .. هالشيء ما راح يصير بوجود فالدانو و هنا المشكلة
..

بالنسبة للمباراة

في البداية .. التشكيلة صح .. الضغط خرافي .. تمريرات غلط من برشلونة تسبب فيها الضغط
بس المشكلة الارهاق !
الضغط في البداية كان المطلوب منه التسجيل و هذا اللي ما حصل للأسف !
برشلونة تعامل مع المباراة بواقعية .. امتصاص الحماس + استغلال فرص
مدريد تحققت لهم فرص كثيرة للتسجيل
الارهاق سبب مشكلة .. لاعب ينطلق ( رونالدو ) ما يلقى مساندة ليه ؟ الباقين مرهقين
و هيغوين كان عالة ..
عجبني التمياط في تحليل مباراة برشلونة و آرسنال
قال : قبل لا تضغط على ميسي .. امسك اللي يمرّر لـ ميسّي ! تشافي قدّم مباراة كبيرة
4 فرص لبرشلونة كلها طلعت من رجله !
تشافي كان مختفي تحت الضغط في البداية .. كان ينتظر الوقت اللي يطلع فيه

بنزول جوتي مرر تمريرتين كانت كافية للتعادل .. بس تعامل فارت و هيغوين الغبي ما ينلام عليه احد غيرهم

..

عموماً ..

أفضل فريق بالعالم صعب صعب احد يجاريه .. تكتيك بطل و لاعبين متشرّبينه
مع ذلك .. كان فيه فرص محققة للتسجيل .. مدريد ما كان بذاك السّوء !



كالعادة !
0 تحت الضغط
لكن لا تنسون ان قدامه برشلونة ! و الضغط عليه رهيب و هو بهالسن الصغير و يعتمد عليه كـ مهاجم مدريد الأوّل ! يبيله وقت و صبر
الغلطة مو غلطته .. غلطة الادارة ..
ولا يستاهل الاساسي حالياً غيره .. بس اتمنى اعطاء الفرصة للبنز من جديد عشان يثبت نفسه
صعب وجود الاثنين بالدكة لـ عيون مهاجم جديد .. كلهم صغار و لازم يلعبون من وقت لـ وقت
و بنفس الوقت صعب تفرّط بواحد منهم !



الخوف منّه
مانبي تتكرّر الغلطة و ينطرد بيليغريني
نبي نشوف تصريحات من الادارة تؤكّد وجود بيليغريني لموسم ثاني

و كلام الصّيف للصيف !

طبعا كثير من الأعضاء يطالبون بإقالته , لن آخذ رأيهم بعين الاعتبار الآن وأناقشهم فيه ,
بالتأكيد العاطفة ستلعب دور في هذا الطلب ,
بيليجريني أثبت بالأرقام أنه مدرب جيد , كما أنه نظم خطوط الدفاع تنظيم رهيب حقيقة ,

أخوي
Hala Madrid

إذا تسمح لي ,
الأغلبية مقتنعة ببيلي و مؤيدة للاستقرار , لكنك نتحدث
عما حدث في الكلاسيكو , وتنكر أخطاء المدرب
المفترض , كما نمتدح المدرب إذا أصاب , من حقنا أن ننتقدة إذا أخطأ !
خاصة أن أخطاءه كانت واضحة و بكلاسيكو ,

إقتباس انا كمدرب وش تبغيني اسوي اذا هجومي قوي ودفاعي زلايب والعب قدام افضل فريق بالعالم ؟

على الأقل نظم الوسط , على الأقل قاتل على التعادل !
التشكيلة بالبداية لم تكن سيئة , لكن وسط ضائع , لاعبين يعتدون على مهاراتهم فقط !
وش رايك كمشجع إذا شاهدت فريق ثلاث أربع تمريرات صحيحة ورا بعض ما يقدر عليها !
" وش ردة فعلك ؟ "
طبعا بتقول , وين التنظيم , وش هالفريق الملخبط , ليه اللاعبين ظايعين !
مباراة أمس المذنب الرئيسي المدرب .

أما الاستقرار فلا خلاف على ذلك ,
وهو مدرب كبير يحتاج لوقت ,
وكما ذكرت من قبل , في أحد مواضيع " ملكي مخلص " ,
اقالة بيليجريني أكبر الأخطاء من الإداره لو حدثت
المدرب قدر بهذا الوقت القصير أن يغرس البذره التي
لو وضعت في التربه المناسبه و سقيت من الماء الكافي
و صبرنا عليها
ستخرج الشجره العملاقه منها .
وقد بدأت جذور هذه الشجره تتكثف .
وان أقال - لا سمح الله - ستموت هذه الشجره دون أن
نتلذذ بثمارها .

فما بالك إن لم يختر التربة ولم يعرف خصائصها ,


شاكر لك ,

السلام عليكم حظ أوفر مستقبلاً ما أحب اكتب رد طويل لكن أبعطي كلام مختصر وان شاء الله يكون خفيف عليكم مانشستر الفريق الحالي جلس مدربه أليكس فيرجسون 4 مواسم لكي يبني فريق يستحق المنافسة خلال الموسم الرابع كاد مانشستر يونايتيد أن يهبط والحملات الجماهيرية والاعلامية قامت عليه من كل مكان الموسم الخامس بدأ التيار المانشستراوي وبدأ فيرجسون بحصد الألقاب حتى وصل إلى ذروة البطولات ( بطولة دوري أبطال أوروبا ) ومن بعدها أعطي اللقب الذي يستحقه السير عقلياتنا نحن العرب وهذه حقيقة لا تُخفى عقلية عجولة جداً تريد كل شي بسرعة متى ماوصل الإنسان لمرحلة الصبر على كل شي سيصل للقمة أعود من جديد ريال مدريد في عهد كابيلو بدأ البناء من جديد ولم يكتمل لأن الادارة كانت بعقلية عربية وأقالت كابيلو بحثاً عن الهدف المزعوم ( المتعة ) النهاية هي خسائر بالاربعات والخمسات والستات موسم شوستر الأول كانت في نفوس اللاعبين جزء كبير من روح كابيلو بنهاية الموسم انتهت وبدأ العهد الجديد مع شوستر والذي من خلاله عادت الصيحة المدريدية المتكررة هي اقالة المدربين بيلجريني حالياً يعمل بنفس عمل كابيلو ولكن المشكلة أننا لانصبر كابيلو كان من المغضوب عليهم حتى كلاسيكو الـ 2-0 راؤول ونستلروي بعدها بدأت علامات الرضى ومالبثت أن انتهت بعد كارثة الريكرياتيفو ثم عادت بعد التعادل مع برشلونة في كلاسيكو الـ 3-3 ثم سقطت في مباراة الراسينغ في أهداف جاراي من ضربات الجزاء ثم عادت علامات الرضى بعد التتويج بالليغا القضية اننا نغضب ونرضى ثم ماذا الصبر هو الحل الأمثل أنا بالنسبة لي لا أحب انتقاد المدربين خاصة خلال الفترة الأخيرة نعم كنت أنتقد شوستر لأن ذاك المدرب نظامه ( فايز بعشره ولاخسران بـعشره قبل الدقيقة 75 مافيه تغيير ) موجة الانتقادات وصلت لـ المجلس العام والصراحة بعضها أصاب كبد الحقيقة والبعض أخطأت الطريق للجميع

صـرح البـرتـغـآلي كـرسـتـيـآنـو رونـآلـدو وقـآل : أعـتـرف إن الخـسـآره مـن بـرشـلـونـه قـآسـيـه
والـبـرشـآ كـآن أفـضـل مـعـضـم فـتـرآت المـبـآرآة , وفـوزهـم عـآدل
بـسس الأمـل مـوجـود , وقـدآمـنـآ سـبـع مـبـآريـآت ولآزم نـشـد حيـلـنـآ
وقـآل إذآ كـنـآ نـبـي الدوري مـفـرووض مـآ نـقـول عـن الخـسـآرة فـشـل , قـدآمـنـآ " 21 نـقـطـه "
ولآزم نـؤمـن إن هـذآ شـيء مــمـكـن , وقـآل
أنـآ لآعـب مـحـتـرف ومـسـتـحـيـل أسـتـسـلـم لـ " اليـأس "
نـقـدر نـفـوز بـ " الدوري " , ولـكـن لآزم نـتـعـلـم مـن خـسـآرتـنـآ قـدآم البـرشـآ
وكـذآ الكـوره يـوم لـك ويـوم علييك
ونـشـووف مـن بـيـآخـذ الدوري بـ " النـهـآيـه "

المـصـدر

مـلآحـظـة : الصـورة مـن بـرى المـصـدر