|
http://www.almlf.com/get-4-2010-almlf_com_bgz5z3lx.jpg</B> كفاك أنك هٌزِمت .. وكان فريقك ضعيف شخصية داخل الملعب ! </B> والفريق الذي قابلته كان يلعب بدون رأس حربه صريح ! :) </B> كفاك أنك هٌزِمت .. وانصاغ فريقك تحت رحمة تكتيك الخصم ! </B> فتحكموا برتم المباراه .. رفعوه وخفضوه على مزاجهم .. أو لنقل : مزاج بيب ! </B> كفاك أنك هُزِمت .. وفريقك لم يكن الذي يقرر ما يريد !</B> بل هُزِمت وفريقك ينساق صاغراً خلف قرارات الآخرين !</B> ليس عيباً أن نُهزَم على أرضنا وبين جماهيرنا .. فمباريات كُرة القدم كُلها ( فوز وخساره ) . </B> لكن العيب كُل العيب ، أن يكون سوء تكتيكك سبباً في تكتيف فريقك وربطه وتكميمه داخل ملعبه ! </B> أنا ما أبكي على ضياع فرصة .. ولا على رعونة مُهاجم أمام المرمى .. ولا على هدف مٌنِعنا من فرحته بسبب العارضه ! ولا على سوء تغطية مدافع لنا حرمتنا من الفوز ! </B> أنا أبكي لأنه لا يوجد تكتيك ياجماعة الخير .. الريال فريق ( مهلهل تكتيكياً ) بصراحه ! </B> فريقنا يملك نجوم كبار .. لكنه فريق ضعيف شخصيه مع الكبار ! </B> حتى الأن لم أرى تغيير تكتيكي .. أو حتى تغيير يقلب المباراه من بلجريني أمام الفرق الكبيره ! </B> انظروا لـ بيب ( وسأكرر هذه العباره كثيراً ) أنظروا له ولتبديلاته في الشوط الثاني . </B> فعل مايريد في المباراه ، وبتبديلاته أيضا ( أكمل ) ما يريد !</B> انظروا لإعادة المباراة ، وشوفوا دور كُل لاعب برشلوني بالشوط الثاني ! </B> واضح ان فيه تكتيك ( مُحترم ) .. تكتيك ينشد به الظهر .. تكتيك يجبر كل لاعب يقوم بكل ماهو مطلوب منه .</B> وكفاكم تبديل أنيستا .. اللي قتل اللعب .. ليؤكد من جديد .. أنهم تحكموا فينا على مزاج بيب :) فأقول من جديد : أنظروا لـ بيب !</B> لا أريد أعذار على غرار : ( بيب مُستقر مع فريقه .. أما بيلي فهو أول موسم له ) !</B> أيلزم أن تكون مُستقراً لفتره أطول .. كي تعلم أن راؤول لاعب بطيء .. لاعب سيقتل لك اللعب في وقت تحتاج لمن يوقظ الهجوم !</B> أيلزم أن تستقر .. كي تعلم أن ( إخراج مُهاجم وإدخال مهاجم آخر ) ليس له قيمة ولا معنى وأنت مهزوم على أرضك وتبحث عن التعادل ! </B> أيلزم أن تستقر .. كي ترى اللاعب النشيط في الوسط ( مارسيلو ) ! ولا تخرجه !</B> كُنت أتمنى الإبقاء على مارسيلو .. وإدخال جوتي مكان فاندرفارت .. أو حتى المغامرهـ ! </B> مارسيلو كان نشيط وتحركاته حلوه .. وهالشي كان ممكن يفتح مساحات لجوتي لصناعة هجمه على روقآن ! </B> مُدرب جبان .. همه بالشوط الثاني .. أن لا يلج مرمانا الثالث !</B> كان سيلج والله لولا لطف ربي ! فرصة ميسي لو أنه متأكد وواثق أنها مارح تكون تسلل .. كان استلمها بتركيز وحطها بهدوء بالجول ! لكنه حسّ أنها تسلل فلعبها بسرعه دون تركيز !</B> أعيد وأكرر .. البرشا ياجماعة الخير فاز علينا بدون ( رأس حربة صريح ) . </B> مسك المباراه طولاً وعرضاً .. وسجل هدفين ! دون رأس حربه !</B> وش تقول يابيلي ؟! </B> عادي نضيّع قدام المرمى ، عادي عادي ! </B> لكن ما يكون تكتينا بهذا الشكل ! </B> http://www.almlf.com/get-4-2010-almlf_com_89nyw0u7.jpg</B> أوقات أقول : ( أبصبر .. أبي أستقرار ! ) </B> وأوقات أقول : هو فيني حيل أصبر بعد !؟ هو فيني حيل أنتظر استقرار نتيجته مجهوله ! </B> العمر يجري .. العمر ضاع ! </B> وحنا ننتظر ( كفو ) .. يعطينا استقرار!</B> أخاف أصبر .. وتكون نتيجة الإستقرار ماترضي ( طموحنا ) ! ويضيع العمر أكثر .. ومافينا حيل نصبر ! </B> دُمتم بأجمل حال :ba:</B> |
مدرب يبي يكون شخصيته على حساب الفريق :ranting: فيه مدرب عنده كاكا + رونالدو + الونسو وما يعرف يهاجم صح ما يعرف يتكتك صح:to: رونالدو كان عند افضل مدربين العالم ويعرف التكتيك كاكا كان عند انشلوتي ويعرف التكتيك الونسو كان عند ملك التكتيك بينتيز مدرب عاقب جوتي وبعدها جوتي ضبط لان جوتي كان غلطان ويحسب كل مرة بيسلم وانه مايهمه لاعب كبير ولا الا اجل فيه احد ما يلعب كاكا مههههههههههههبول ذا المدرب :to: لاحد يقول اصابة مهي باصابة بس هو بيسوي انه ما يهمه لا كاكا ولا غيره يعني انا كلمتي هي الاولى محد يناقش ولا يقول شي والي مو عاجبه ينقلع :ranting: الونسو ملعبه بمركز ماهو بمركزه:s3s: الونسو خلوه يلعب بمركزه الي يحبه قسم بالله ان تقولون كنا نقول ياليت عندنا تشافي البرشا وانتم عندكم الي اطلق منه:yes: كل هذي دلاخة قسم بالله لو يجي افشل مدرب بالكون :s5s: ويدرب هالنجوم ان يصير افضل مدرب بالعالم s121s احد عنده كاكا + رونالدو + بنزيما + الونسو + راموس ويخسر:to: نعنبو داره كاكا لحاله فريق كريستيانو لحاله فريق |
والله مصيبة إذا فريق مكلف 250 مليون يورو ويطلع بدون أي بطولة ، لا والمشكلة أن خروجه لم يتم عن مستوى مقنع بالعكس ،، مستوى سيئ ،، كأس الملك من فريق الدرجة الرابعة كورن فليكس :to: دوري الأبطال من فريق عادي جداً لا والخروج تم في السانتياجو وأخيراً الدوري وعلى أرضك أيضاً ،، ما قدر الريال حتى يطلع بنقطه وحدة ،، والله ياجماعه اللاعبين يعتبرون كوكبة من النجوم ،، لكن من اللي يوظفهم صح ،، حط مثل هاللاعبين قدام سير أليكس أو مورينيو أو فينجر أو كابيلو وشف فريق الأحلام وش يسوي |
السلام عليكم ورحمة الله وبركاته هاردلك جميعا وش رايكم فيني بس امس وانا متفائل وجدا بعد :cry: وش اقول بس؟ نلعب ضد البارسا على ملعبنا وبين جمهورنا وحنا متصدرين الدوري واكبر رصيد من الأهداف، وأفضل ثنائي هداف في الدوري، ومدرب حقق 11 فوز على التوالي كلها كانت مجرد ارقام ارقام فقط البارسا يلعب بدون رأس حربة صريح هنري وبويان وتوريه وانييستا احتياط ومع ذلك نخسر وبجدارة لحد يقول حكم ولحد يقول حظ لولعبنا 100 دقيقة بعد ماراح نجيب هدف، إلا بيجي فينا اهداف جوارديولا امس اثبت بصراحة انه مدرب كبير وكبير جدا البارسا مافاز بميسي ولا بإبداع اكزافي البارسا فاز بإبداع بيب لاحظوا تشكيلته بداية المباراة تحسونه حافظ الريال صح وعارف هو وش يبي من المباراة ميليتو وبيكي قلوب دفاع بيويول يمين وماكسويل يسار كيتا مع ماكسويل الفيس مع بويول كذا الأجنحة قفلها تماما على الريال، وصار صعب نلعب على الأطراف بوسكيتش محور دفاعي مقفل تماما على فارت اكزافي محور هجومي بحت ويضايق الونسو ميسي يلعب في المسافات اللي بين قلوب دفاعنا البطيئين وبين محاورنا ويضغط على قلوب الدفاع وعلى جاجو وبيدور يلعب خلف راموس دائما بكذا بيب قفل على الريال تكتيكيا تماما لا يسار ولا يمين ولا عمق ولا حتى اظهرتنا ومدربنا :d صاحب الأرقام الكبيرة نايم في العسل شوط اول يلعب فيه مارسيلو ورونالدو بس ومعاهم راموس الباقيين ضايعين رونالدو ارهق تماما في الشوط الأول كل ماستلم كورة معاه ثلاثة بيكي وبويول والفيس يرجع النص يكون معه كيتا وبوسيكتش وبيدرو بعد وكأن خطتنا في الشوط الأول عط الكورة لكريس وهو يتصرف، والمفروض منه يركض لحاله اكثر من عشرين متر كل شوي ويتخطى اكثر من لاعب ويجيب هدف لحاله، وكل مايدور على هيقوين يلقاه مسنتر جمب ميليتو يسولف معاه، وإذا جاء يعرض كورة له عند الباب، يلقى ابو الشباب رايح يمييييييييييين وينتظر الكورة تجيه هناك ارهاق كريس في الشوط الأول اثر عليه كثير في الشوط الثاني طبعا مع العك الكروي الكبير من الريال في هذا الشوط كنا متوقعين هدف من البارسا في أي لحظة وللأسف جابوا هدف وبأقل مجهود يلعبون فيه ون تو بين ميسي واكزافي يفكون فيه الدفاع كله وقدام 6 لاعبين من مدريد شفتم سخرية دفاع اكثر من كذا :cry: بدأ الشوط الثاني وقلنا هذا وقت الريال والفريق معودنا مؤخرا يلعب شوط واحد بس في المباراة ولكن شوط يكمل فيه الفريق عكه الكروي بيب (المبدع تكتيكيا امس) غير مراكز اللاعبين في الشوط الثاني نفس الأسماء بس تغيرت الخانات عرف إن بيلجريني مسألة وقت وبيدخل قوتي وبيدأ يلعب في عمق البارسا رجع الفيس ظهير ايمن ونقل بويل طهير ايسر قدم ماكسويل جناح، وخلى كيتا بجانب بوسكيتش عشان يأمنون العمق الدفاعي ونقل بيدرو عند اربيولا ومارسيلو عشان يزعجهم تماما وبعد مادخل الهدف الثاني قام بإخراج ماكسويل ودخل بداله انييستا عشان يقتل اللعب تماما البارسا جته 4 فرص خطيرة فقط على المرمى كلها من اكزافي ثلاث لميسي ووحدة لبيدرو جاء منها هدفين وكاسياس صد 2 ومع ذلك يظل كاسياس دون مستواه اللي نعرفه نجي الحين للمهم مدربنا http://www.almlf.com/get-4-2010-almlf_com_bgz5z3lx.jpg اللي اشوفه السبب الأول والثاني والثالث والعاشر لهزيمة امس موب عشان فزنا نطبل له وإذا انهزمنا نطب فيه لكن حنا عندنا عيون نشوف بيها ونقدر ولو بشكل بسيط نعرف الصح والخطأ في التكتيك اللي يقوم بيه المدرب حنا متفقين على التشكيلة اللي دخلت فيها كأسماء لكن كتوزيع مهام خاطئة على أي اساس يلعب جاجو امام الدفاع كمحور متأخر، وهو معروف بإندفاعاته ومايعرف يركد على أي اساس الونسو ماسك اليمين مع راموس من متى الونسو يلعب يمين؟؟؟ ليه مالعبت بنفس طريقة المباراة الأولى الونسو مع اكزافي يعرفله صح ويقدر يضبطه اكزافي مايبيله لاعب مطفوق زي جاجو أو لاس يبيله واحد بارد زي الونسو أو ديارا الكبير وجاجو خله مع راموس يسانده ضد بثارة بيدرو وكيتا إذا كنت ناوي تلعب بالطريقة هذه على الأقل خلي ديارا بديل جاجو في هذا المركز تنبلع شوي :mad: وإذا خايف من ميسي ميسي معاه 2 قلوب دفاع وبيساندهم أي واحد من الوسط كل ها خوف منه؟؟؟ تجي الشوط الثاني وتصلح غلطتك وترجع الونسو في الوسط وتخلي جاجو يمين طيب حلو دخل قوتي بحكم إن نصك منتهي وعمق البارسا هو الشيء الوحيد في الشوط الأول اللي ممكن تهاجم منه يدخل قوتي بديل مارسيلو على أي اساس؟؟؟ ابي افهم ذي النقطة؟؟؟ مارسيلو افضل لاعب لك في الشوط الأول ومسوي قلق للبارسا في الجهة اليمين تطلعه احس بيب يقولك ياخي انت رهيب ريحتني من القلق بكذا شليت الجهة اليسار تماما وخليت كريس المرهق لحاله من جد يركض ومعاه ثلاث لاعبين لأن اربيولا معروف من زمان ماله علاقة بالهجوم إذا كان ظهير ايسر وانت مهزوم ب 2 صفر على ارضك وهذه مباراة تحديد بطل الدوري ليه الخوف؟؟؟؟ ليه الاحتفاظ باربيولا على حساب مارسيلو ليه ماقمت بتغييرك اللي سويته في مباراة اشبيلية رجع مارسيلو ظهير يسويلك جبهة لحاله في اليسار ويفك الضغط عن كريس شوي جاء بعدين وكملها صح يدخل راؤول ويطلع فارت؟ ابي افهم انت من جدك مترجي خير من راؤول يعني بيعدل النتيجة طيب اشرحلي كيف؟ هل يسدد من بعيد زي فارت مثلا بيقدر يمرر زي فارت، أو يركض زي فارت فارت وهو سيء جدا امس أفضل من راؤول، لأن راؤول نقص وبالذات قدام الفرق اللي تلعب برتم سريع تبديلين ريحت فيهم كثير البارسا جت عاد المصيبة اللي ماتتفسر مهزوم 2 صفر وعندك مهاجم بره تدخله آخر عشر دقائق تبيه يقلب النتيجة مثلا، ليه سوبر مان وفوق كل هذا تطلع هيقوين وتدخل البنز كيف تجي ذي حتى لو افترضنا إن هدافنا الكبير غائب عن المباراة ماتطلعه لأنه مهاجم وبتحتاجه على الأقل يشغل دفاع البارسا حطه يمين وخله يرفع لراؤول والبنز وكريس طلع جاجو ماله فائدة الحين وانت خسران وعلى ارضك والا خايف من التاريخية تبي تطلع تقول انا انهزمت 2 بس موب ستة؟؟؟؟؟ وش بتفرق انهزمت 2 أو 3 أو حتى 4 في جميع الحالات ماراح تخسر اكثر من اللي خسرته بالعكس ممكن تقلب النتيجة وتصير بطل المباراة كلها :cry: بيلجريني بصراحة انت مدرب جبااااااااااااااااااااان جدا في مباراة الأمس وخفت اكثر من اللازم من البارسا مادري نسيت انك تدرب الريال؟ والا نسيت انك على ارضك؟ على الأقل العب بجرأة المباراة الأولى حتى نفسيا الفريق ماكان جاهز والومك انت لأنك نفسيا انت ماكنت جاهز لومي على المدرب اكثر من اللاعبين البايول عارفين ان نكباته كثير ومكنا متوقعين إنه بيقلب تيري والا فيردناند في يوم وليلة هيقوين عادته اللي مايبطلها بطل وهداف وكبير وتمركز ومهارات قدام الصغار والصغار فقط جاجو وقاراي واربيولا وفارت لعبوا على قد امكانياتهم لكن حتى بالأأسماء هذه كان ممكن كثير نفوز على البارسا لو عندك مدرب صح يقدر يهيأ الفريق نفسيا قبل مايكون تكتيكا روبين كازان لعب مع البارسا مرتين بكامل نجومه وفاز في الكامب نو وتعادل مع في روسيا وين اسماء روبين كازان قدام اسماء لاعبينا؟؟؟؟؟ مباراة امس تفوق فيها بيب وبجدارة على بيلجريني الدوري ولنكون منطقيين ضاع علينا لازم البارسا يخسر اربع نقاط وحنا نفوز في الباقي كله عشان ناخذه وبصراحة ماراح يكون له طعم وحنا ماخذين الدوري وصاحب المركز الثاني هازمك رايح جاي لثاني سنة على التوالي مالوم الأعضاء هنا على زعلهم وضيقة صدرهم وتسفيلهم في اللاعبين والمدرب كنا مأملين كثير في فريقنا امس زي ماكنا مأملين في فريقنا في مباراة ليون وللأسف خذلنا في المبارتين وعلى ملعبنا :mad: كاكا امس فقدناه كثيررر حسينا بقيمته امس كثيرررر نقول الحمد لله على كل حال مادري اطالب بشوتة بيلجريني لأنه فشل في اختباراته الكبيرة كلها حتى الآن والا اطالب بالاستقرار لم نكن نطلب بطولة كبيرة جدا من بيلجريني هذه السنة لكن ماقدمه لنا يجعلنا نشك في امكانيات التشيلي التدريبية لفريق بحجم الريال السؤال هو هل ماقدمه بيلجريني لنا من تدريب وتكتيك ومعاملة للاعبين في الفريق فنيا ونفسيا يجعلنا نطالب ببقائه لاستقرار الفريق؟ مرة ثانية الحمد لله على كل شيء قفلة راؤول وقوتي آخر كلاسيكو للجميع :rose: ابو يوسف |
أستغرب من بعض جماهير الريال الي حطو السبب والعلة و المشكلة في بيلغريني 1- مانويل في هذه المباراة لعب بطريقة صح قفل على البرسا وخلى البارسا يتناقلون الكرة بعرض الملعب الا في كورة الهدفين ومرتين بعدها صدها كاسيس لكن شف الكور الطولية الي جاء منها الهدفين كانت باسباب فردية من اللاعبين, الهدف الأول البيول شايف ميسي جاري وهو يطالع في الكورة و الثاني تقدر تقول استفاده من مساحة في هجمة مرتدة من البرشا 2- الي يقول البرشا لعب من غير رأس حربة والله ثم والله لو أن البرشا لعب برأس حربة كانت الخطورة أخف لأنه بدون رأس حربة وبوجود لاعبين مثل بيدرو و ميسي وخلفهم اكزافي (:smilie47::smilie47::smilie47:) فما تدري من وين بتجيك الخطورة لاعبين سريعين وكل لاعب ممكن يدخل من العمق ويكون مواجه للمرمى بعكس لما يكون الخصم يلعب بمهاجم صريح تكون أغلب الخطورة من نفس المهاجم 3- الي يقول الفريق مهزوم ويلعب مهاجم مكان مهاجم والمطلوب من مانويل يطلع مدافع أو لاعب نفص ويدخل مهاجم أقول شكلكم نسيتو ستة العام 4- الخطأ الوحيد الي وقع فيه مانويل هو مركز الونسو يعني الونسو المفروض ياخذ حرية أكبر للأمام يعني يلعب مكان فارت و يدخل محمد ديارا مكان فارت يعني يكون جاجاو و ديارا محاور دفاعية و الونسو كلاعب حر 5- الي يقول لو أنه مورينهو أو ارسن فينغر أو السير أو بينيتز ماكان صار الي صار انا بقولهم لو أنه أحد هذولي المدربين ماكان رضى يجلس في النادي والرئيس هو الي يجيب اللاعبين ودوره مهمش في النادي قفلة كل ماتجي مباراة لنا ضد البرسا ما أبكي الا على هذا اللاعب http://www.diariosdefutbol.com/image...11/robinho.jpg |
ياعبيد لي يومين ماجاني النوم و القلب عليل و كابرت(ن) جراحه على فريقن هقيته يجيب لي علوم يكسي ملعبه بثوب أفراحه جابله رئيسه بأغلى الأثمان نجوم تحرث الملعب بدون استراحه ترك جمهوره في الكامب نو مصدوم و في السنتياجو قلب تفائلنا مناحه مآ عآد فينآ صبر .. الحل { مدرب بصلاحيات 100% } .. |
إقتباس:
لك :rose: يا إبراهيم ! بـ التوفيق :ba1: |
آلله يعين ثم آلله يعين ثم آلله يعين ! http://estaticos01.marca.com/imagene..._portada_0.jpg هآردلك لكٌل عشآق آلمرنغي [ آلملكي ] آللي مع بيلغريني مآظنتي يكمل آلمشوآر بآمكـآنـنـآ آلفوز ع البـآرسـآ لكن بدون تكتيك مآ آتوقّع فريق بلآ هويّة وكأنـي آشآهد فريق حوآري بدون مدرب البارسـآ يلعب بثقة وخـآرج آرضه ووسط تكتيك محنّك من بيب وبمعنويآت مرتفعة وبدون رأس حربة لكن بآلمقآبل آلريآل لم يتعرض للآرهآق لآمشآركآت خآرجية قريبة مثل برشلونة ويلعب هذه آلمبآرآة على ارضه وبين جمآهيره ويخسر وهو آلمتصدر حرآآآآآآآآآآآآآآآآآآآآآآآآآآآآآآآآآآآآآآآم مآرسيلو OUT ليه يابيلغريني آزعجهم بتحركآته آلسريعة آلآفضل بالشوط آلآول فآن در فآرت مفروض يخرج ويدخل قوتي ليته آسآسي بس تطلع فان در فارت تدخل رآؤول آلبطيئ آللي مآحرك سآكن وفريقك مهزوم بهدفين تدخل مهآجم تطلع مهآجم آخ منك يآبيلغريني ! http://globoesporte.globo.com/Esport...1280-DP,00.jpg مشتآق مشتآق صدقني لك مشتآق :smilie47: وينك يآريكآردو آشغلت عقولهم بالذهآب أزعجتهم بشتى آلطرق مصآب منذ فترة وجهآز طبي فاشل غير قآدر على تجهيزك بسرعة كآن آلله في عونكم إن شآء آلله آلمبآريآت آلمقبلة آنتصآرآت وأمـآنينـآ بتعثر البارسـآ يذهب اللقب للمرنغي >>> معجزة |
مســآآء الخيــر,,, هـاردكمـ الخســآره متــوقعه الخسارة من برشا ولابعد بنتيجه كبير 4 كـآن هذا المدرب موجود عز الله مافيه بطوله http://www.almlf.com/get-4-2010-almlf_com_bgz5z3lx.jpg هذا يعرف يفكـر؟! مايعرف تكتيك ولايعرف يوظف الأعبين بمكانهم صح الله يخلف بس إذ كان الريس يبي بطوله ومستوى يقلع المدرب هذا ولاا لا يفكـر ببطولات دائم هذا المدرب ّّّّّدمــتمـ بخيــر,, |
إقتباس:
وهذا ردي من قبل المباراة لأني متوقع أن السالفة مدبرة من ورى هالمدرب وصدق توقعي إقتباس:
|
السلام عليكم:rose: اكتب هذا الرد وانا كلي حسرة على المباراة اكتب هذا الرد وانا جاي من المدرسة واناوع المسخره الي صارت لي من(طلاب)(مدرسين)كل واحد يقول لي 2 والله حتى استاذي قام يستهبل علي:ranting: ليش..؟ لأن المدرب فآآشل لأن المدرب لايوجد عنده تكتيك رونالدو يجنح ومافيه احد معه تمريرات خطأ*خطأ من نقاط المباراة 1-اربيولا لاعب نكبه+فآآشل+تمريراته خطأ 2-المدرب يدخل راؤول :mad: ليش..؟ 3-هقواين تعامل مع الكورة بكل رعونة 4-بيبي:smilie47:غيابه والله ثم والله مأثر علينا 5-البيول نكبنا في كم كورة صرآآحة ريال مدريد مو مثل اول الرشا النادي الاول ومن يقول غير ذلك فهو كآآذب مدرب مثل بب مدرب راائع صغير في السن كـمدرب اااه بس وين ياروبينهو وينك ياروبن الريال ماتنفعه فلوسة صدق البب يوم قال الريال يشتري لاعبين اما نحن فنصنع الاعبين بلغة الارقام ريال مدريد 31 بطولة دوري:ba: برشلونة20:s4s: انا مو العاده اني اشارك في الرابطه بس المباراة امس قهرتني سببت لي عقدة الى اللقاء |
. . http://www.almlf.com/get-4-2010-almlf_com_bgz5z3lx.jpg اتمنى ان يقال في اقرب وقت لانه مدرب فاااااشل فاااشل مدرب بلا تكتيك وتغيراته عجيبه ..!! اتمنى ان يأتي مدرب كبير للملكي مدرب تكتيكي درجة اولاً اتمنى مورينهو او كابيلو او ... اهم شي مدرب جيد امس بيلغريني يطلع مارسيلو وهو مقدم مستواء جيد ويبقي اربيلو .. !! اربيلو امس فاشل ماادري وش فيه وفارت لاعب مميز بس امس يرفع الضغط ضيع هدف لو سجله لتغيرت الامور كرستيانو امس ايضاَ ماكان في يومه ماقدم مستواه المعروف ..!! وهيقواين مايظهر الا امام الفرق الصغير .. !! الملكي فقد الليغا بنسبة 85% اتمنى من الادارة تجهيز الفريق للموسم القادم من الان وجلب مدرب وبالتوفيق للملكي الحبيب :cry::smilie47: وكما ظهر في عنوان الرابطة الخيره فيما اختاره الله . اخوكم علي :rose: . |
اذا بلجريني ما تحرك بهالمباريات متى يتحرك ؟ تشوف فريقك متاخر بهدف وانت محتاج للفوز وبرشلونه ماسك اللعب ، ماسك النص ، يطقطق على راحته وين دورك هنا ؟ يعني ما تغير الا اذا انلقمت باهداف ؟ ليه ما بدا بيلجريني الشوط الثاني بجوتي ؟ ليه يطلع افضل لاعب بالريال مارسيلو (مع الدون) ؟ ليه يبقى فارت السئ ؟ ليه تطلع فارت وتدخل راؤول ؟ تغييرات غبيه جداً ومنطق غريب جداً من بيلجريني سوء تعامل مع الفرق الكبيره وما ادري وش السبب معليش بيلجريني انا من مناصريك لكن بعد امس .. خلالالالالاص الاخطاء نفسها .. احس ان بيلجريني ما يوجه اللاعبين ولا يقول لهم شئ بالتدريبات انا ضد استمرار بيلجريني لان استمراره بيفسد مشروع كبير خلاص .. خسرنا اول سنه يمدينا نعوض السنوات القادمه بس لازم مدرب كبير هيجواين ؟ ما ادري وش اقول صراحه ما يستاهل يلبس قميص الريال امس الا تشابي والدون ومارسيلو وراموس والباقين ما حولك احد |
يا شباب وين الاخبار وين الماركا والاس وين كلام اللاعبين ؟؟؟ </B> مافيه ولا خبر الا خبر واحد ؟</B> يا شباب ما ندري وش يصير بكره يمكن برشلونه ينهزم وزي ما لحقناه قبل كذا يمكن نلحقه ثانيه انا اول واحد فيكم اعصابي رايحه فيها بس عاد الشكوى لغيرالله مذله </B> اذكروا الله ونبي نشوف الاخبار تكفون شباب </B> تقديري واحترامي لعشاق الريال مدريد</B> :rose: |
| الوقت المعتمد في المنتدى بتوقيت جرينتش +3.
الوقت الان » 07:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd