وآآضحـة اكيييد الشوالـي , ياشيخ تبينا

نسمع والله الديوانية والاستراحة وخويي الكتلوني

فكنا تكفـى مع ان الاثنيين مدريديين .. بس
الشوالي معلـق روعـة .. ,,

~|| غـلاف صحيفـة الماركا ليـوم السـبت ||~

- نهائي الليـغا ..

( جرافيك ) من الماركا بخصوص ( CR9 ) تستعرض فيه ابرز مهارات البرتغالي .. !!

اصدرت صحيفة الماركا الاسبانية و المقربة جداً من الفريق الملكي ريال مدريد ( جرافيك ) عن كرستيانو رونالدو متباهيتاً بمهاراته العالية من حيث التسديد و المراوغة و الكرات الرأسية ، و هذه هي المرة الثانية التي تنتج فيها الماركا شيء كهذا بعدما اصدرت لكاكا بعد انتقاله لريال مدريد .


للمشاهدة : هنا

ولكم باك لكل اللي رجعوا ... واتمنى ما تقطعونا .. خصوصا اللي وعدوني بالاستمرار مثل FLORINTINO وكتبت اسمه
باليوزر متعمداً لاني زعلان منه وهو عارف هالشيء . لازم تكثر ردودك يا نائبنا ويا كاتبنا

................

صفحات كثيرة فاتتني بسبب التقديم واللي للأسف ساحبين عليه .. لكن مأمل خير في حال الفوز ( رغم انه ما ضنتي ) ..

نمشي مع الردود حبة حبة ونتكلم عن بعض ما فات .. وتحملوني .

إقتباس بالعكس يانايف

إقتباس أشوف حسنة جرانيرو الوحيدة هي الركنيات جرانيرو صنع 5 اهداف عن طريق الكورنرات اللي يرفعها ولا هو كـ مستوى عام دجة ازين مافيه الركنيات بدع بداية الموسم ويوم ارتفع رتم جميع اللاعبين طفى هو وهذا الشيء يبين لك معدن اللاعب إنه موب كفو يقدم مستوى ثابت طوال الموسم , يطلع كل قوته في بداية الدوري ويخورها مع تتالي الجولات . بعكس اغلب نجوم الريال اللي بدوا في استرجاع مستوياتهم بداية الدوري بالتدريج

لاحظ يا فهد وش يقصده نايف ..

اوكي سجلنا كثير من اوفراته .. واللي هي اكبر مميزاته .. لكن كم من اصل كم ؟! .. مع البيكس كنا نعاني من ضراب الرؤوس ، اما الان ورغم اننا نسجل كثير .. لكن كم من اصل كم ؟! .. اسأل نفسك هالسؤال وتعرف وش يقصد بدر .

عموما غرانييرو .. خامة جيدة ومخ 0 .. ذكرني بالفريدي لما يصير اساسي كثير ، يحن للدكة ، المشكلة ان بيلغريني اضطر لأنه يشركه اكثر من مرة لأهداف تكتيكي ، لكن في بعض المبارايات بصراحة كان حرام انه باقي في التشكيل .. المهم ان كل المؤشرات والعقل و المنطق .. يوجب علينا اننا ننسى غرانييرو ويجب انه يكون OUT .

إقتباس السلام عليكم بما إن الكلاسيكو قرب بسم الله نفتح باب الهياط ودي كل لاعبينهم يلعبون ابرا، وبيكي، وانييستا، حتى لو يرجعون رونالدينو بعد والله حلاتها دق الخشوم وهم كاملين

ابو يوسف خلك عاقل .. ودي نفوز وبس .. ما همني كلاسيكو او غيره .. همني اننا نفوز باللقب فقط .

بالنسبة للنقاش اللي انت جاوبت فيه عبدالإله .. اتركه لردي الجاي واللي بيكون فيه تصوري للمباراة ومنها نناقش كل هالامور .

إقتباس اخوي زعلوه معليش البارسا مو ميسي ميسي لاعب خورافي صح مافيها اختلاف لكن تختصر البارسا كله في ميسي صعبة شوي وانا اخوك لاتنسى اكزافي، بصراحة لاعب مجنوووووووووووووووووووون

بالضبط .. ميسي لاعب خارق ، لكن متى ما تعملنا معه صح ( بدون اهمال البقية ) بننهي الخطورة . . فينجر انهى ميسي ذهابا وتلقى هدفين ولولا الله ثم الحظ كان والمونيا كان طلع بفضيحة في الشوط الاول ، وبيب اخطأ خطأ شنيع جدا والا كان طلع فايز .

إقتباس علينا جهاز طبي مدري وش يبي ؟ روني انصاب الاسبوع اللي راح قالوا بيرجع بعد 3 اسابيع .. واليوم اخبار من انجلترا تقول انه بيكشخ بالاولد ترافورد الرود .. مدري كم شهر ما طقها معنا .. راح لهامبورج واساسي بعد بنزيمه ، سمعت انهم ما يدرون وش اصابته اصلاً ، مره يقولون فتاق ومره تمزق لا جد هالوضع ما ينسكت عليه غياب كاكا ، هزيمه معنويه لمدريد ، وفوز معنوي لبرشلونه ومع هذا كله ، متفائل ان كاكا بيلعب الكلاسيكو

تشوف انت يا بدر مرة ثانية اقول ولكم باك ... امس طلع خبر ان الادارة قلقة في هالأمر .. بدري .. المفروض من زمان .. يوم قرب الموسم ينتهي توهم ينتبهوا ، لابد من التصحيح لبقية المواسم .

إقتباس رونالدو هو اللي بيخلي الفريق يولع بالروح والاصرار يخلي الداج اللي مثل قرانيرو زيكو الجديد

بالضبط يا حمادة .. لازم المدرب والادارة تشتغل كثير وكثير جدا على النفسيات .

إقتباس قال : شف هي مباراة قوية البرشا في احسن اوقآته . والريال يعتزم بروح الريال المعروفـة . واتوقعهـآ : 3 \ 1 للريــآل .. قسم بالله فرحت .. قلت قسم بالله لو فاز الريال باي نتيجة بيكون عشائك انت واخوك ورابطـة الريال في موقع الزعيـم كلهم على حسآبـي .. >> الله يعين تستاهلوون

عزوز قلبي .. لو هي بهالأمور .. كان ما عاد تفرجنا مباريات .. صدف وتوفيق .. والمباريات مكتوبة عن رب العالمين قبل تبدأ .. شغل التوقعات والتنجيم وحتى التشاؤم والتفاؤل ما اؤمن به .

إقتباس مباراة عنوانها من يجرؤ ؟ من يجرؤ و يفتح النيران ؟ من يجرؤ و ييبعد الخصم عن مفاتيح لعبه ؟ من يجرؤ و يخطف الثلاث نقاط ؟ من يجرؤ ليذيق الخصم مرارة الهزيمه ويشعر بحلاوة الإنتصار ؟ هل لمدريد كلمته ام برشلونه ؟ هل ينطق مدريد و يرد اعتبارهـ ؟ هل سوف نرى بيلجريني يقول لجوارديولا : غادر الملعب مبكراً فليس لك اي انتصار هنا ؟

فهد رد .. فهد رد

تسلفني الـ ss .. باقي معك والا .. من طول الغيبات جاب الغنايم .. لا تقطع يا .. والا بلاش

إقتباس بـ اختصآر .. تمنيت أن يأتي الكلآسيكو بـ هذه الظروف !

ظروف غدارة يا زاهر غدارة .

إقتباس رغم وجود زيدان ورنالدو ولويس فيغو لم نستطيع تجاوز دور الـ 16 !! ماهي مشكلة الريال بضبط ؟!!

قلناها قبل يا برهوم .. الريال ما عمره جرب الابطال عامين بمدرب واحد .. جربوها طيب .. كل شيء جربناه .

إقتباس السلام عليكم يالله انك تحييهم مبطي عنكم ومقصرين بحقكم والله لكن يعلم الله اني منب افووت ردودكم مير ان الواحد تجيه اوقات ماله خلق يحط ايده على الكيبورد ويكتب شي خخخـ هاردلك الخروج من دور الـ16 << يالليل طاريك المخيس

عمر الكندي اطلق ولاكم يا تسلب .. وين الناس حتى مسن ساحب علينا طيب الدحمي في كندا ما سحب مسن وش عذرك انت ؟!

إقتباس بـدري يا راؤول .. بــدري ,. أفـضـل مباراة شفتها للريال في الكلاسيكو !! " موسم طيب الذكر كابيلو " كانت على العيد و أحلىىىىىى عيدية ملكية ,.!!

الدحمي .. كنت بتكلم عنها .. وسبقتني .. بدري يا راؤول بدري .. بدري يا راؤول بدري .. لنا جلسة معها

إقتباس السلام عليكم والله مني عارف وش اقول .. مستحي منكم كلكم على هالقطعة الطويلة لكن ظروف الدراسة مع قطعة النت المفـاجئة عندي ابعدتني ايام كثيرة عن الرابطة ..

كل تبن .. عندي مالك عذر .. وما راح اقبل منك شي لين اشوفك هنا كل يوم

إقتباس أسباب تقلقني في لقاء الكلاسيكو .. - مستوا كاسياس هذه الايام - خط دفاع الريال وخصوصآ قلوب الدفاع أسباب تجعلني اتفائل في لقاء الكلاسيكو .. - قوة الهجوم المدريدي - وجود لاعبين مثل .. راموس .. الونسو.. اربيلو .. رونالدو .. هجواين

محمد .. الظاهر انت تخاف تنام احيانا بس هالمرة .. انا اشاركك كل شي

إقتباس كفانا تمجيد بتاريخنا , لنرمي بضمير ’’ نحن ’’ إلى مكان بعيد نسبيا , إلى أن نسطر تاريخنا - الحاضر - بفريقنا - الحاضر - , لنزرع روحا تستشهد فيها أجيالنا القادمة على شجاعتنا ! لنبحر في بحر الصبر إلى أن نصل إلى المرسى , فـ -عناصرنا - ليست قادرة على النضال لكيان لم يعيشوا مجده , فلتصنع مجدها بعرق صبرها !

اهم شيء .. جبتها على الجرح .. لازم نلعب وكأننا نصنع تاريخنا .. لنترك تاريخنا وهياطنا للصيف فترة الهدوء .. الان يجب ان نصنع تاريخ جديد .

إقتباس نبيها بكره بس ! تكفون نبيها ..

محمد .. من امتع الردود لك بأمانة على انك اختزلت الريال في صورة .. لكنها تكفي عن الف حرف

واصل يا بطل . .

إقتباس الريال يبي له شئ واحد بهالمطشات الحظ وبس كثير مطشات لعبناها وخذلنا الحظ فيها اخرها مطش ليون وكور هيجواين

الحظ ما عمره وقف معنا في مباراة مفصلية من زمان .. تهقون يوقف معنا هالمرة .. ما ضنتي

إقتباس غياب إيبرا و أبيدال , غياب أبيدال ليس مؤثرا , فالبرسا لديهم البديل الممتاز و ذو مستوى رائع . أما غياب أيبرا فهو مؤثر و خبر مفرح بالنسبة لنا , فبعدم وجوده يرتاح ألبيول و جاراي . يرتاحوا من ضرباته الرأسية , فبغيابه تقل الحلول بالنسبة للبرشا ,

بالعكس .. ابيدال ممتاز دفاعيا عادي هجوميا .. الان ماكسويل يتقدم كثير وبيشكل علينا ضغط رهيب .. لكن لازم نستغل المرتدة من جهته .

إقتباس الشيء الأكيد .. انه مهما صار .. مشروع بيريز مستمر لـ 5 مواسم قدام .. موب مبارة وحدة تهدم هالمشروع الجبـار ..

لو خسرنا هالليلة يا أخ .. ما اعتقد ان مانو بيجلس خصوصا مع اغراءات خروج بينيتز المتوقع و مبلغ 7 مليون البسيط بالنسبة لنا لجلب مورينيو .

إقتباس شباب عندي اختبارات انا بس بتكلم عن مباراتنا الجايه وانا اعتبرها عاديه جداً كأي مباراة يلعبها الريال صحيح كلاسيكو لكن على الورق مباراة زي اي مباارة بالدوري هالسنه

اول شي الله يوفقك في الاختبارات عزوز .. اما انها مباراة عادية . . فكثر منها

إقتباس حقيقة كنت أفكر في حالات مشابهه لـ كلاسيكو الغد مباشرة مر بي كلاسيكو 4-2 .. كلاسيكو النجوم كلاسيكو شبيه جداً بـ هذا الكلاسيكو , فريقين مليئين بالنجوم كان في عام 2005 سجل زيدان و رونالدو و راوؤل و اوين .. و في المقابل سجل لـ برشلونه إيتو و رونالدينهو 2005 / 10 / ابريل 4-2 و غداً 2010 / 10 / ابريل

ياليت يا عبدالاله .. ياليت كلاكيت ثاني مرة .. وبنفس الاسلوب كمان ... زمان يالزين

إقتباس أعِيدُو لـِ البيرنَآبيُوْ مَآ أفقَدهُ آلسُفَهآءُ مِنكُم

كلام كبير يا ابوكرم .. كلام كبير كبير

ابو يوسف ودي اعلق على كلامك الاخير .. بس اغلبها قناعات ما اقدر اغير فيها .


يعطيكم الف عافية .. لي رجعة

ورجاء لا تقطعونا .. خلوكم كذا

خلوا الرابطة حية ..