عبدالرحمن أسمحلي كليتشي ما يقارن كـ ظهيرأيسـر بمارسيلو
صراحة كليتشي كل مميزات الظهير فيه سرعة وتغطية الجوانب الدفاعية
والإنطلاقات الهجوميـة ، صحيح أن بعض المباريات ما يأديـها بشكل جيّد
لـكن كـ إمكانيـات إمكانياته على مستوى عالي .
بصراحة شفت الشوط الاول في لقاء البارسا والقنرز
بصراحة كليتشي افضل بنسبه بسيطه من مارسليو
لكن الحق ينقال .. الريال يحتاج لظهير افضل من كليتشي ومارسيلو
واذا الريال ناوي ظهير ياليت يشيل من باله اسم كليتشي لن ما راح يفرق كثير
ابي ظهير يكون متوازن .. دفاع 50% هجوومي 50%
معليش عبدالله ..
احترم رايك .. صحيح يمكن اني بالغت بمقارنته بـ مارسيلو ..
بس كليتشي أبداً موب ضالتنا في الظهير ..
هو صح الحين بعد اصابته سيئ مره مره ..
وقبل اصابته كان حليو ..
لكن بشكل عام ظهير سيئ دفاعياً ونكباته واجدة ..
فيه مميزات الظهير الهجومي معك أوكي ..
لكن دفاعياً برحة على قولة فهد ..
بعدين مدام عندنا فيلبي لويس اسباني وصغير وأحسن من كيلتشي دفاعياً ..
ومتعود على أجواء اللا ليقا !
وش يحدنا نروح لكليتشي ؟!
أحترم رايك عبود .. لكن كليتشي مهوب ضالتنا أبد أبد أبد بالثلاثة !
دحمي شوف أنا لو تقولي وش خياراتك لـ الباك الأيسر
إيفـرا أولاً و الخيـار اللي بعده كليتشي ، الريـال إذا مـاقدر
يجيـب إيفرا من المانيو مع أن مافيه شيء مستحيـل مع بيريز
من وجهـة نظري أن كليتشي هو الخيـّار الثاني في حال فشل الأول
فيلبي لويس ظهـير جيد بس وش المانع إذا جـابه الريال مع إيفرا أو كليتشي
خصوصاً أن درينثي بنهاية الموسم بيطـلع ، على فكرة ترا لويس برازيلي
موب إسبـاني .
والله انك صادق هذا من أفضل الأضهرهـ بالعالم (أنا للأمانة ماأذكرة بالدفاع هل هو ممتاز أو لا ,لكن كهجومي أي فريق بالعالم يتمناهـ,,,(والله يامُعة رجل بعد يذكرني بطيب الذكر كارلوس شخصياً
ظهير داج , معليش يعني .. ومستواه هالموسم دروب كبييييييييييييييييير , كل الارسناليه ينتقدونه .. يكفيك انه الظهير الثالث بـ فرنسا !! بعد ايفرا وابيدل , ودومنيك يمكن ما يستدعيه خخخ حده ارسنال , والانديه اللي بالحيل تدفع , نادينا الملكي ما يبي الا لاعب ملكي
على العموم ما عندك اظهره يسار ابطال هالموسم , نص اللي مع الانديه الكبيره داجين ..
أفـضل ظهير ايسر في العالم .. ما شاء الله , يا بخت المانشستراويه فيه , ظهير عصري .. رفعاته سم , مراوغ , لياقته عاليه , وبالدفاع مب صاحي .. المواسم الماضيه هو ورونالدو كانو يشكلون جهة نووية على اليسار .. لكن من وجهة نظري صعبه يجي , لأننا اصلاً بنجيب فيديتش منهم خخخ
أفـضل ثاني ظهير أيسر بالعالم من وجهة نظري ..
الريال الموسم الماضي كان يفاوضه , وكان قريب يجينا ..
لكن مدري ليش هونا ؟!
على العموم هالموسم كان بطل مستواه وبقوة .. بحكم اني تشيلساوي في البريمر كنت اتابعه واجد ..
لكن عقب اصابته , يمكن ما يرجع مستواه , خصوصاً انه تقريباً صار كبير بالسن ..
لكن ما يمنع نجيبه ويعطينا 3 سنوات قدام
خـوي رادوي خخخ
مركزه الاصلي قلب دفاع , لكن قدم مستويات حلوة هالموسم وهو ظهير ايسر ..
قدر يكتم ميسي في المايتزا ..
بالنسبه لي لو يجي , خيار مش بطال ..
فيليب لام .. ظهير عصري , يلعب بالرجلين , يمين ويسار لكن رجله الاساسيه يمين .. ان ما خاب ظني , لعب مع المانيا ظهير ايسر .. مميزاته تقريباً مثل حقت ايفرا , مراوغ , رفعاته كويسه , تسديداته حلوة [ وجه يتذكر هدفه على كوستاريكا في كاس العالم ]
فارغاس ..
لاعب فيورنتينا , كان فيه كلام الصيف الماضي انه يجينا ..
المشكله انه يلعب جناح ايسر مع الفيولا , لكن ما يمنع انه يلعب ظهير معنا ..
اصلاً الولد جوكر , يمديه يلعب محور , وجناح , وظهير ..
ازين ما في الولد رجله القويه , ويمتاز بالتهديف
15 مليون + ديرنثي , مهب شينه يا بيريز ..
فيلبي ..
ظهير ديبورتيفو , برازيلي , وعمره 23 بس , يعني يعطيك بالراحه 8 سنوات قدام
جته اصابه خلته يغيب لين نهاية الموسم .. فالدانو تغزل فيه هالموسم ..
وهو اكبر مرشح انه يجينا في الميركاتو القادم نقول ان شاء الله ..
الولد بينفجر في كاس العالم القادمه مع البرازيل اذا قدر يلحق ..
على العموم غير هالـ 6 ما نبي , لو بيجي غيرهم اشوف من وجهة نظري نصمل مع اربيلوا ازين ..
إقتباس
عن موضوع الظهير بصراحة عندكم ريزا حق روما ..
أشوف إنه من أميز الأظهرة كيف لا وهو مسجل 5 أهداف في الموسم الحالي
تسديدات + سرعته مهب مره + بس قوته البدنية تعزز له كثيييير
وش رأيكم أنتوا ؟؟
مجنون اللاعب ذا , منزمان وانا خاق معه .. ظهير عصري من جد .. لكن تو اول مواسمه مع روما , صعبه يجي ..
\\
الريال Vs الرايسنق ( يزيد ضدي )
1- افضل لاعب من فريق الرايسنق فريق داج ما عندك احد .. افضل لاعب لويس قارسيا معهم لاعب ليفربول السابق , ان ما خاب ظني جته اصابه .. مدري بيلعب ضدنا ولا لا .. عندك هنريكه بالدفاع , برازيلي .. كاناليس خوينا وواحد شايب محور , كولسا ..
2- مميزات اللاعب مدري ما فيه اي مميزات تذكر على اللعيبه اللي فوق .. كاناليس يمتاز بالمراوغه , لكن اذا ما عطيته مساحه بيضيع ..
3- افضل طريقه للسيطره عليه وانهاء خطورته كتم اللاعب وما تعطيه جوه ..
أول شي مبروك الفوز في الديربي ولو إن في المُباراة أمور ما تبشر بـ خير
أول شي , مستوى الفريق في الشوط الأول سيء جداً لـ درجة أني لم أشاهد الفريق هذا الموسم يلعب بـ هذا المستوى حتى لو أنه خسر المُباراة ..
الشي الثاني واللي منزعج منه أكثر إستقبال الفريق أهداف كثيرة , مثل الفريق ما يسجل أهداف كثيرة إستقباله بـ هذا العدد في آخر 10 مُباريات , لا سمح الله في آخر الدوري بـ تضر الفريق حتى والفريق مُسجل أكثر الأهداف في الدوري ..
8 مُباريات باقي !!
مُباراة الكلاسيكو بـ تشكل ضغط على الفريق الخاسر لاسيما باقي 7 مُباريات بعدها , بس المُشكلة سـ تكون في الظغط فقط !!
من ناحيتي , أشوف الفريق بيواجه مُباراة صعبة من مباريات الـ 8 الباقي غير مباراة الكلاسيكو .. اللي أشوفها من وجهة نظري سهلة إن شاء الله ..
شفت تصريح من جوارديولا , مدري إذا أحد الشباب هنا ترجمه أو لا
يمكن نوع من التخفيف الضغط لـ الفريق , خُصوصا ً الفريق عنده مُباراة مُهمة في التشامبيونز قبل مُباراة الريال ..
,
أبو عابد حبيبي
كليتشي أبد مب الإسم اللي ينتظره الفريق بعد إعتزال كارلوس حتى إيفرا اللي أشوف بعض الشباب يفضلونه على غيره
إيفرا كويس , بس فيه الأحسن , ورُبما خروجه أسهل من خروج إيفرا حتى
" فارجاس - لام "
الأول أتمناه من مُدة !!!!
عضيت أصابعي بعد ما راح فيورنتينا هذا اللي لا قالك ظهير , مهارات , تغطيته الدفاعية أفضل بـ كثيرر من إيفرا وغيره غير كذا ,
الولد عنده رجل , وهذا اللي يحتاجة الفريق صراحة من بعد رحيل كارلوس .. الخيار الثاني , لام
لاعب رايق يعجبني بـ صراحة ما يتفلسف أبد !!
مهاراته حلو وغير كذا تسديداته أيضا ً .. بس لو خيروني , فارجاس ..
وما ينافس فارجاس سُوى فارجاس ( رأي شخصي )
مُباراة الراسينج سهلة نسبيا ً , الفريق مُقدم وماشي على مستوى حلو بس خوفي هـ الـ 11 إنتصار المُتتالي , يخلي الفريق مرتاح و يصير شي في المُباراة ما توقعه ..
عودة جوتي و كاكا مُهمة جدا ً قبل الكلاسيكو !! الأخير كنت أتمناه يلعب المُباراة كاملة , بس الأخبار اللي سمعتها ما أتوقع بيكون موجود من البداية ..
وجود لاس بـ جانب ألونسو في مُباراة الراسينج لابد منه خُصوصا ً إذا فعلا ً بيلي ناوي يلعبّ الأول مع ألونسو في الكلاسيكو
سمعت خبر ألونسو يقول , إنه يرتاح لما يلعب مع جاجو , لمّا يلعب جاجو , ألونسو تسّهل عليه التقدم بـ شكل أريح بـ كثير إذا كان لاس عنده نفس الشي مع إسبانيا , يتقدّم وبوسكيتس يغطّي عليه وهذا الشي اللي خلانا نشوف ألونسو اللي نعرفه في آخر المُباريات
محتار ما بين جاجو و لاس في الكلاسيكو ! خصوصا ً ألونسو يرتاح مع الأول , والثاني يحتاجه الفريق من جميع النواحي بس المُشكلة مستواه الهابط !!
بس جد جد أتمنى أشوف لاس النصف الأول , الولد مُستواه نازل مرة والسبب مدري ليش !!
أتمنى يركز بيلي على هـ النقطة و يتكلم مع اللاعب نفسه ويشوف لنا حل قبل نهاية الموسم و يثبت لاس إنها فترة أي لاعب وعدّت ,
هذا اللي عندي حاليا ً , بعد الكلاسيكو بتنكشف أمور كثيرة و ما راح نعرفها فعلا ً إلا بعد المُباراة ..
الله يحييك اخويه حسين وشد حيلك ترا رابطة الريال يسمونها رابطة الدوافير مافيه إلا قوة مشاركات ونقاشات حلوه ....
بالنسبه لمباراتنا مع الراسينغ اتوقع تكون بروفه للكلاسيكو بل أكيد 200% والكلاسيكو هذا العام غير جداجدا لأنه بيكون بعد نهاية دورال8 والبرشا إن شاء بيخرجون ولن يوصلون للنهائي بحول الله ..فبيكون هناك رغبة تعويض من كلا الفريقين ولاكن الريال بيعوض إن شاء الله ونحسم الكلاسيكو لصالحنا
أسمحلي كليتشي ما يقارن كـ ظهيرأيسـر بمارسيلو 
)
..
بنهاية الموسم بيطـلع ، على فكرة ترا لويس برازيلي 
لك يالدحمـي 
)
الوضع العادي
