|
السلام عليكم بصراحه الريال في الشوط الاول كأنه يلعب ضد نجران ولا الرائد مستوى غريب مررره والسبب ان اللاعبين مستهينين في الخصم لكن الريال من بدايه الشوط الثاني وخصوصا بعد دخول جوتي والفريق متغير بشكل كبير واللي زاد الطين بله هدف خيخون اللي صحى الفريق بصراحه بعض اللاعبين طايح مستواهم بشكل كبير مثل جرانيرو وخصوصا لاس اللي في اول الموسم كان من اهم اللاعبين في الفريق لكن الحين والله افضل جاجو عليه !! عموما اهم شي ان الفريق جاب الثلاث نقاط ومبروك علينا وعقبال الدوري يارب إقتباس:
على اساس المجهود الخرافي اللي سووه !! ولا عشان وراك تشامبيونز !! |
غرانيرو : يجب ان نفوز في مبارياتنا المقبلة http://d.yimg.com/a/p/afp/20100320/c...4OqtHYdBThAw-- - بعد الفوز على سبورتينغ خيخون بثلاثية صرح لاعب وسط ريال مدريد استيبان غرانيرو والذي استبدل في الشوط الثاني بالاعب الارجنتيني غاغو ، صرح قائلا : " فوز مهم لنا ، يجب علينا ان نواصل الضغط على برشلونة اسبوعا خلف اخر ، علينا ان نفوز في كل مبارياتنا المقبلة ان اردنا تحقيق لقب الدوري " ، غرانيرو اعترف ان الفريق لم يتحرك جيدا في الشوط الأول وسلم نفسه لخطة بريسيادو بقوله : " خيخون لعب بضغط عالي في الشوط الأول ونحن لم نتحرك جيدا على الاطراف ولذلك كان اللعب ضيقا امامنا ، ولكن علينا ان نواصل الكفاح ، لم يتبق لنا الا الدوري وعلينا ان نحارب من اجله علينا ان نفوز به " . واضاف : " دفاعنا ادى جيدا ، وهدف خيخون لا يقلل من عمله ، علينا ان نسجل حتى لا نقع في حرج مرة اخرى ، لا اعلم ان كان برشلونة سيفوز غدا ولكن لازال هناك الكثير من اللقاءات " . http://www.marca.com/2010/03/21/futb...269127785.html |
إقتباس:
|
غاراي : علينا بذل المزيد من الجهد http://d.yimg.com/a/p/ap/20100320/ca...RmUGCL2DhOAw-- - صرح المدافع الأرجنتيني في صفوف متصدر الليغا ريال مدريد إزكويل غاراي بعد فوز فريقه على سبورتينغ خيخون معبرا عن اهمية الفوز بقوله : " فوزنا مهم للغاية ، كنا متأخرين ، في النتيجة ولكننا عدنا بمساندة الجماهير ، طبيعي ان تكون الجماهير متذمرة بعد الهدف قليلا ولكنها عادت للمساندة وحقننا الانتصار ، علينا ان نواصل في التفوق ، وعلينا بذل المزيد من المجهود للحفاظ على صدارتنا " . غاراي عبر عن سعادته في مدريد واهمية ان يبذل مجهودا كبيرا للعب اساسيا بقوله : " علي ان ابذل قصارى جهدي لأبقى اساسيا ، انا سعيد جدا في مدريد وامل ان احقق معه الدوري هذا العام ، انا في النادي الاكبر في العالم وامل البقاء هنا طويلا " . http://www.realmadrid.com/cs/Satelli...as_finales.htm |
ألف مبروووك الفوز وإنشاء الله يستمرون على نغمة الفوز لكن المستوى لك عليه الشوط الأول كان سئ جدا الفريق ضااايع موب عارف يبني هجماته بشكل صحيح أتمنى يتغير الوضع في المباريات الجايه حظنا إنا بعد الخروج لعبنا مع فرق ضعيفه وحققنا الفوز وهذا أهم شي نرتاح وترجع الروح وبعد زوال الضغوط ونسيان صدمة الخروج بنشوف مستوى ممتاز ويارب يبدا من المباراة الجايه شباب كم يفصلنا عن الكلاسيكو كم مباراة؟؟ وش بعد الديربي؟ |
مبروووووووووك اهم شي الحين النقاط بعد الخروج من الابطال المستوي بيكون مهزوز طبعا والتركيز مش ولابد بس زين انا لعبا مع فرق ضعيفه وفزنا... المستوى من المباراة الجاية بيرجع إن شاء الله شباب كم باقي على الكلاسيكو كم مباراة؟؟ بعد الديربي وش باقي؟ |
الف مبرووك 3 نقاااط متى الكلاسيكو ياشبااب ..؟ |
السلام عليكم ورحمة الله وبركاته مبروك الفوز فوز غير مقنع بصراحة فريق مثل سبورتينج خيخون وعلى أرضنا، المفروض ننهي المباراة من بدري العام وحنا سيئين راقعينهم 7 نروح للمباراة الشوط الأول كان باختصار عك كروي من الريال لا تمريرات صح لا تحركات صح، إن كان بكورة أو غير كورة لا قتالية، ولا روح ونحمد ربنا إن حنا لاعبين قدام فريق بايخ والا خرجنا مهزومين من الشوط الأول سبب العك الكروي بلخصه في لاعبين 2 تحديدا اولا لاس مستواه من سيء إلى أسوأ، لا تمركز صح ولا قطع كورات صح والأسوأ من هذا كله التمرير عنده صاير زيرو إصراره الدائم على تغيير اللعب من جهة إلى أخرى، وكوراته دائما خطأ ياخي عطها الونسو وهو يعرف يوصلها صح أو يصر على التمريرات الطويلة للمهاجمين، ويتجاهل دور فارت تماما واللي هو المفروض يقوم بالدور هذا تحسونه امس يلعب وهو مغصوب حتى الجمهور كرهه اتمنى من بيلجريني يخليه يدفي الدكة شوي ديارا وجاجو بصراحة يستاهلون ولو نصف الفرص الكثيرة اللي اعطيت لي لاس ومااستغلها الاعب الثاني جرانيرو كل يوم بعد الثاني يأكدلي إنه موب كفو يلعب للريال اللي يضيق الصدر صدق إنه قعد على حساب شنايدر :ranting: يعني لا استلام صح لا تسديد صح لاتمرير صح امس اكثر من مرة اربيولا يفتح معاه على اليمين ويلعب الكورة وراه ويأخره واكبر عيوبه تأخير الهجمة تلقى العالم منطلقة صح واللعب سريع وهو يلف ويدور ويركض بالكورة شوي ووالله ماكذب يوسف سيف أما قال على كورته اللي شاتها بشكل غبي وبرجله اليمين اللي يلعب بيها دائما، هذه مو شوتة واحد يلعب في ريال مدريد انا مادري هل بيلجريني يشوف فيه شيء حنا مانشوفه؟؟؟ هل هنا فيه أعضاء في الرابطة يشوفون في جرانيرو شيء أنا ماشوفه ياريت أحد يشرحلي بعد عك الشوط الأول بلجريني دخل قوتي بديل عن السيء جدا لاس نجم المباراة الأول بصراحة وبدون منازع رغم إنه مالعب إلا شوط واحد بس لعب الريال كله اختلف صرت تحس إنه في فريق يلعب فيه فريق منظم وعنده هجمات حتى فارت وكريس وهيقوين تحرروا اكثر بعد دخول قوتي وصرنا نتوقع هدف للريال في أي لحظة هدف خيخون الوحيد تسلل واضح جدا بصراحة وإن كانوا يتكلمون عن هدف فارت إنه باليد فهدفهم غير صحيح أصلا بعد كورتين ثابتين فاول من كريس ويكملها فارت وركنية من جرانيرو (حسنته الوحيدة في المباراة) وضربة رأس من كريس يتابعها الونسو قلبنا تأخرنا بهدف إلى هدفين في دقائق لكن كان جرانيرو مازال يعك في الملعب ومخرب رتم الفريق وجماله وأخيرا صحى بلجريني ودخل جاجو ومن الوقت اللي دخل جاجو الملعب ومسك الوسط مع الونسو وقوتي، صار احتفاظنا بالكورة اكثر سيطرتنا بالملعب اكثر تمرير سهل ممتنع يرهق أي خصم التغيير هذا من بلجريني طفى حماس خيخون تماما تغييره الثالث، راؤول بديل لفارت غير إن فارت مرهق ويبي يريحه لمباراة خيتافي بعد كم يوم والا بصراحة ماله تفسير خاصة إذا اخذنا في الاعتبار إن راؤول قاط مع قوتي وجاجو والونسو في الوسط ومسوي زحمة المفروض يكون متواجد فقط في 18، الكورة الوحيدة اللي تواجد فيها راؤول في ال 18 كان ممكن يسجل منها هدف بعد عرضية مارسيلو ولعبها بالرأس خلاصة الكلام اتمنى من بلجريني للمرة الثانية إعطاء الفرصة لديارا وجاجو على حساب لاس السيء جدا مؤخرا جرانيرو، مع عودة كاكا من الإصابة اتمنى أن لايلعب اساسي، خاصة إذا لعبنا ضد فريق رتمه سريع، ويضغط بسرعة على الخصم، مثل اتليتكو والبارسا وإلب فرق الدوري الاسباني عموما قوتي يوما بعد يوم يثبت إنه ناجح جدا جدا جدا إذا دخل كبديل قاراي تمركزه سيء جدا، ومعظم الأوقات ينسى اللاعب اللي خلفه أو ماسكه، ومايضغط عليه بالطريقة المناسبة وجود راموس كقلب دفاع يحرمنا إبداعاته الهجومية في الجهة اليمين واللي يشكل فيها هجوم لوحده كريس :smilie47: غم إنانيته امس وإصراره على تسجيل هدف، إلا ان إصراره كان في صالح الفريق، وسجلنا هدفين بسببه، وكان مصدر خطورة دائم على خيخون هيقوين :smilie47: 20 هدف من 20 مباراة، تكفى كملها قدام اتليتكو والبارسا بالذات وتنهي اسطوانة الإبداع امام الفرق الصغيرة متى نشوف البنز :smilie47: وكاكا :smilie47: بس عندي إحساس إن ابارسا بيتعطل اليوم سرقسطة صح مستواه سياحي السنة هذه بس يصير حقنة وممل جدا على ملعبه المخيس :d قفلة سليم :rose: وباقي الشباب بالتوفيق لكم في الاختبارات للجميع :rose: ابو يوسف |
مبروك الفوز شباب . مباراة امس مثل ماقال الشباب شوط أول سيء وشوط ثاني مختلف كلياً شاهدنا فيه لعب رايق وطقطقه وشغل حلو . اللي اعجبني أمس خانة هيجوين الجديدة في الشوط الثاني . مالاحظتوا إنه مسك الجناح الأيمن وفرغ الهجوم لـ كريس , وكم كورة راوغ فيها وعرضها لـ المهاجمين والقادمين من الخلف . بصراحة حسيت إن هيجوين يلعب في ذا المركز من زمااان ويعرف كيف يتعامل معه , أتمنى من بلجريني يلعبه أكثر في ذا المركز عشان الموسم الجاي يسحب هيجوين على اليمين ويتعاقد مع مهاجم مثل فيا بـ حيث يكون التشكيل كذا . كريس كاكا هيقوين .............. فيا [ أو أي مهاجم ينشد فيه الظهر ] بيكون عندنا مفاتيح لعب كثيرة ومفيدة بـ نفس الوقت , هيقوين يضم مع المهاجم في حال كانت الهجمة من عند كريس ,وكريس يسوي نفس الشيء إذا كانت الهجمة عن طريق هيجوين . أشوف إن الريال بيكون كذا أكثر توازن واكثر خطورة واكثر فعالية . خصوصا إن نية الإدراة السنه الجاية إنها تتجه لـ ترميم الدفاع . ومن المحتمل نشوف ظهير أيسر ممتاز مثل فليبي . وقلب دفاع ثقة مثل فيديتش . ويتفرغ راموس لـ الظهير . أتوقع بـ هذي التعديلات بنشوف فريق قوي ومتماسك حتى في أحلك الظروف . رأيكم في خانة هيجوين الجديدة .؟ |
رأيكم في خانة هيجوين الجديدة .؟ هلا خويي في النقاشات :d والله شف بالنسبة للموسم هذا خله رأس حربة احس لنا لأن ماعندنا مهاجم غيره راؤول ماينشد به الظهر والبنز ماعتقد إن ممكن بليجريني بيلعب بكاكا وكريس وهيقوين والبنز سوى إلا إذا كان مهزوم ب 3 :d غير إن البنز أصلا مو مهاجم صندوق يعني بتلقاه هو اللي على الجناح ممكن هيقوين يجنح يمين أو يسار بشكل مؤقت أو على حسب الهجمة زي امس اما يجنح يمين تلقى فارت وكريس يدخلون الصندوق وهم بصراحة أفضل من هيقوين في الكورات الرأسية النقطة المهمة في الموضوع هو إن ماودي نخسر كريس كلاعب حر في اليمين أو اليسار أو حتى خلف المهاجم ونقيده بمركز رأس الحربة صحيح كريس لبى قلبه :smilie47: عنده كل الإمكانيات إنه يكون رأس حربة صريح بس اشوف فوائده اكثر إذا كان حر اكثر من إنك تقيده بمركز واحد بس لكن إذا بيكون الوضع على حسب رتم اللعب وإذا جنح كاكا أو هيقيون يتحول كريس رأس حربة مؤقت، في هذه انا اؤيد وبشدة يكون كريس رأس حربة فيه شيء حلو كان يسويه سكولاري وقت تدريبه لمنتخب البرتغال كان يلعب كريس يمين أو يسار ووقت مايحس أن كريس أجهد وتعب يغير خانته لرأس حربة ويلعب ب (سيماو أو فيجو أو كواريزما أو ناني) كأجنحة وإذا بدأ كريس يرتاح شوي يرجعه لاعب حر وينزل رأس حربة صريح عملها اكثر من مباراة وكانت نتائجها بصراحة ممتازة خاصة مع الفرق اللي تملك أظهرة ودفاع على مستوى عالي وقوي ارجع لسؤالك :d هيقوين ممتاز في خانته اليمين وعرضياته متقنة بصراحة بس اتنمى يكون رأس حربة لأننا حاليا مانملك غيره وإذا الله احيانا وياك وجبنا مهاجم صندوق زي العالم في الصيف وقتها جنح بهقوين زي ماتبي ورجع أيام هيقوين ونيسترولي حقت كابيلو وموسم شوستر الأول يسلمو على النقاش :rose: |
السلام عليكم ورحمة الله وبركاته مبروك ياشباب الفوز وعقبال تعثر برشلونه اليوم ان شاء الله لي تعقيب لس على المباراة كما قالو الشباب الشوط الاول جدا كان سيء بس الشوط الثاني كان فرق السما عن الارض هيجواين ماقصر هو الشباب بس للان يعيبه الانانيه شوي امس كريس كل شي سواه بس كان ينقصه الهدف هذا ماكان عندي انتظر ارائكم |
إقتباس:
للاسف هيقوين ما اعتقد راح ينجح في الموقع هذا كـ " جناح " بشكل دائم ... ممكن يصير تبديل المراكز اثناء المباراة هذا الشي مطلوب ويسوي كل مدرب في العالم .. لان اللا مركزية دائماً تتعب الخصم .. لكن انك تدخل به من بداية المباراة لـ نهايتها جناح صدقني ما راح ينفع .. هيقوين لاعب فيه مميزات الهيد سترايكر الخرافي .. سرعة , قوة جسمانية , هيدر , تمركز , وتحرك مربك داخل منطقة الجزاء .. فيه شي بعض الاحيان تقول انه الافضل فيه .. وبعض الاحيان تقول بالله ذا مهاجم .. الي هو الفينشنق .. وهذا شي طبيعي جداً جداً جداً لـ لاعب بعمر الـ " 22 " سنة فقط ! احد مشاكل هيقوين والي هي اعتقد السبب انه ابداً ما راح ينجح في الجناح .. الي هي مهارة المرور من اكثر من لاعب .. معروف اهم شي في الجناح السرعة + العرضيات + مهارة المرور من اكثر من لاعب .. هيقوين تتوفر فيه الاولى والثانية .. لكن يفتقد للثالثة بشكل كبيير .. البيبتا عنده القدرة انه يمر من لاعب واحد خصوصاً اذا كان الاخير.. ببساطة لان اللاعب يكون في وضعية صعبة ما يدري هل انت بتسدد او بتمر او بتمرر , وبعدين في هالوضعية تقدر تمر من اللاعب بسرعتك او بقوتك الجسمانية .. لكن لما يجيك ثنين هذي يبيلها .. رونالدو .. مارسيلو .. كاكا .. هذي امثلة للاعبين في فريقك عندهم مهارة المرور من اكثر من لاعب .. ارجع لكلامي لاني احس اني شطحت شوي .. هيقوين كـ جناح دائم راح يخسر الريال مشروع هيد سترايكر ناجح .. لـ يتحول لـ جناح عادي او جيد على الاقل .. ممكن في حالة ان الريال وقّع مع فيا .. انك تلعب هيقوايين كـ مهاجم ثاني .. صحيح انها ممكن تأثر على مستواه الي نشوفه خرافي في الفترة الاخيرة في انه يكون الهيد سترايكر .. لكن مهاجم ثاني على الاقل راح يكون فيه تبادل دائم بينه وبين فيا < ضمن انه بيجيهم :d + ما راح يكون بعيد مره من منقطة الجزاء زي لما يكون جناح .. خصوصاً ان الجناح دائماً مطالب بمهام دفاعية خصوصاً في النصف الاول من ملعب الخصم ! هذا ما في جعبتي يا فهد :d .. لك حرية التعليق انت او ابو يوسف او الجميع .. فيني حيل اناقش صراحة :d بيس :d |
إقتباس:
لأن آخر شيء ممكن أطلبه من الجناح هو إنه يمر من أكثر من لاعب . وفيه أكثر من لاعب نجح في ذا المكان وهم يتفقدون مهارة المرور على سبيل المثال الجناح الفرنسي الطائر [ جينولا ] اللي كان يتميز بالسرعه ودقة العرضيات سواء كانت عالية او ارضية . وكان يتميز بـ التمركز الصحيح في الجناح ويعرف يختار المكان اللي تنطلق منه الهجمة وأيضا التسديد خيار مهم للجناح وكان يتميز به ايضا جينولا . واعطيك مثال ثاني , بيكهام كان ولازال عديم المراوغه , لكنه خطير جدا في ذا المركز ويصنف من افضل لاعبي العالم في الجناح لأنه يتميز بالمهارات المطلوبة للجناح , هيقوين اعتقد يملك مهارات عدة تخوله إنه يمسك الجهه اليمنى طول بـ عرض , سرعه تسديد دقة عرضيات وقليل من المهارة , هذا مايلغي إننا خلاص كنسلنا هيجوين من خانة رأس الحربة , لا , لكن إذا عندي لاعب يلعب في أكثر من مركز ومتمرس في كل مركز يجيده هذا يجعلني كـ مدرب في مأمن ويتيح لي العديد من الخيارات . . لك المايك عزيزي أبو دجة . |
إقتباس:
أدري إن هيقو أفضل كـ مهاجم لكن انا اقول يعني في حال جبنا مهاجم كبير نستفيد من هيقوين في ذا الخانة وهو كفو لـ سد ذا الخانة عنده يقدر يسجل وعنده قدرة على صناعة اللعب وعرضياته توب التوب وذا المواصفات كفيلة إنها تخلي هيقو جناح . :rose: لاهنت أبو يوسف أنت والمحلل الكبير المهايطي أبو دحة على المداخلة :smilie47: :rose: |
تقيم الماركا للحكم http://estaticos.archivo.marca.com/f...ntuacion/4.gif المفروض يعطونة 2 و كثيرة علية هو و مساعدينة |
| الوقت المعتمد في المنتدى بتوقيت جرينتش +3.
الوقت الان » 01:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd