والله قلتها من الدور الأول في الليجا وكثير خالفني الرأي،،
وهو طالما أن بيليجريني مدرب للريال والله ماراح نشم بطولة ،، مدرب متخبط ،، ما يمر أسبوعين إلا ويطلع بتشكيله، والله ان الشوط الثاني ماشفته بعد ما رأيت تخبط الفريق في ضياع الفرص وحسم المباراة في الشوط الأول ،، الثور بيليجريني لو تلاحظون ركز على الهجوم ونسى ان في كرة القدم شيئ اسمه دفاع ما بقى إلا يقول لكاسياس يطلع رأس حربة ،، من حظ الفريق أن الفريق المنافس ليون ما استغل المرتدات ولا كان لقموهم كم هدف من الشوط الأول
والله أن ليون فريق ولا شيئ لكن حظه أنه طاح في فريق مدربه بيليجريني اسوأ مدرب مر على تاريخ الريال ،، وأنا اقول اسوأ مدرب لأن لاعبين مثل لاعبي الريال الحاليين لو تجيب مدرب بحجم هؤلاء اللاعبين الكبار مثل البرتغالي مورينهو كان طلع فريق الريال فريق الأحلام ،، هالثور التشيلي دفن نجم الدوري الفرنسي واللي الفرق الكبيره تتهافت عليه حتى اثر على مستواه بسبب دكة الإحتياط والسبب قناعته في لاعب ابوعشره ،، ابوعشره اللي هو العاهه الأرجنتينية هيجواين، لاعب خذ رجال عند الفرق الخشاش ،، لكن في مباريات الحسم وخاصة دوري الأبطال يقلب كرتوووووووووووووووووووون،، من بداية دوري الأبطال ما سجل إلا هدفين ومع ذلك يحتفظ فيه المدرب أساسي ،، بعدين طبيعي هاللاعب يسجل في الليجا 16 هدف ،، لو تلاحظون في كل مباراة الرقابة الشديدة تكون على اثنين هم كاكا وكريس ،، وهالتنكة واقف في ال18 بدون رقابة وتجيه الكور على طبق من ذهب ويسجلها ولو فيه بداله ماسورة تضرب فيها الكورة كان دخلت هدف،، والله يرحم ايام المحلل الكبير خالد بيومي في ART يوم يقول اللاعب دا ماقتنعتش بيه ،، والله انه صادق
وزاد المدرب الطين بله في العاهه الثاني جرانيرو ،،
والله إدارة الريال تعض اصابع الندم على بيع الداهية الهولندي روبين على حساب الكديش هيجواين وجرانيرو

بيليجريني + هيجواين+جرانيرو = اورام خبيثه يجب ان تجتث من الملكي

وعذرا إذا فيه لخبطة لأن اكتب من المحمول وعلى عجاله

شرط راح نطلع من نفس الدور السنة الجاية

ما كاسر خاطري الا رونالدو وهو يلعب مع هالجحلط , تلاقيه متحسف على طلعته من مانشستر. خلونا نجمع قطية ونساعد رونالدو يدفع قيمة كسر العقد وينحاش

ترى هيجوين عمره 22 سنة , خلوا عنكم سالفة " مايصلح لدوري الابطال وحده الليجا " , ان راح والله العظيم ان تبكون عليه لما تشوفونه مع غيرنا

الريال ماعاد هو من كُبار اوروبا للأسف

انا اقول لازم نحفر ارضية ملعب البرنابيو وندور عن اي شي مدفون هناك , مصدر للطاقة السلبية مثلاً ياخي جربنا كل شي ومانفع



الي يذبحك ان بلجريني جالس يتفرج على ليون وهو ماسك الوسط في الشوط الثاني ! خسارة او حتى تعادل في الكلاسيكو ونقول له باي باي قبل ينتهي الموسم

يقولون زوجة كاكا كتبت كلام خطير وسب في بلجريني في التويتر علشانه طلع الذيب الامعط

قل لن يصيبنا إلا ما كتب الله لنا !

قَدر الله وما شَـاء فَعـل !
شُعـور متضارب نوعاُ مـاَ لا أدري ماذا أكتب ؟
مدريد , الإدارة , المدرب , اللاعبين , الجمهور أصابه الإحباط !
لا أدري , حلم تبخر بمجرد هفوة بسيطة من الدفاع تسببت في ولوج هدف الخروج المبكر
العالم تقوم وتقعد , صحف الماركا والأس تعنون , عنوان { الخـروج المبـكر ) !
الذي لطالما تعودت عليه الصحف لمدى يقارب الـ 6 سنـوات !
لا شك بأن الجميع يشعر بالقهر والندم على ما فات !
ولكن كل شيء مكتوب ومقدر لنا في هذه الحياة الفانية !
ويوم لك ويوم عليك !


بنظري بأن بيريز لن يسكت عن ملايين الدموع التي إنهمرت , لن يضيع الـ 250 مليون التي دفعت !
سيحـاول بميركاتو آخر والرجاء أن يكون في الجوانب الدفاعية !
الذي كـان من أسباب خروجنا المبكر من الأبطال والكأس !


كريس , كاكا , راموس , كاسياس
الله يكون بعونكم , عليكم الوقوف مع مدريد , وأن يرجع كما كـان


المدرب أرى أنه المدرب المستقبلي للريال !
فما يقدمه الآن من عروض سابقة خير برهـان !
خير من أن نبدأ من الصفر , من خط الإنطلاق !

الله الله بالدورِي فَهو ما تَبقَى لنا من هذا الموسم

المباراة بالأمس كانت كالحلم الذي لم أفيق منه حتى الآن !
ولا أدري هل سأفيق ؟
لعلي لن أفيق إلا بأن أرى الملكي يروض هذه الكأس صاحبة الإذنين الكبيرة

في عقلي الكـثير من الكلام , ولكنه إختفى عندما بدأت في الكتابة !

مستقبل مدريد في هذه الآونة , له إما إحتمالين :

أن يعود الموسم القادم بقوة لم نعهدها من قبل تأكل الأخضر واليابس
أم ينخفض مستوى الفريق 180 درجة مئوية تحت الصفر ويكون بلا أداء يشفع

بيريز بإنتظارك

لا يوقِــف ... !

ll,,ll







Nothing to say ,,

Nothing to Explain

Only one Photo ,,

Could express what really happened yesterday :







you just let us DOWN ..!!

GO TO HELL


!!

السلام عليكم خروج منطقي جداً ومعليش ابكتب رد صريح جداً البارح بكل صراحة فقدنا مارسيلو اللي على الاقل يفكنا من العك اللي يسويه كاكا كاكا سيء جداً جداً حتى وان كانت العاطفة بالنسبة للبعض تقول غير هالكلام بس الواقع يقول ان كاكا سيء جداً جداً ... إلخ يعني البارح انانية طاغية والكرات تنقطع منه بسهوله وغير كذا يلعب هو ورونالدو على خط واحد وراموس المسيكين بلحاله على الجهة اليمنى هيجواين انا رايي فيه ذكرته من زمان ومن الروابط السابقة بس البارح تم الختم على صحة النظرية اللي قالوها الشباب ان هيجواين يجيب العيد بالمباريات الكبيرة انفرادة امس لاتعلييييق وبقوة يعني اللاعب متجاوز الحارس قبل لايدخل منطقة الجزاء والمرمى 7 متر بالعرض والخيارات كثيرة ركز ثانية وحده وشوت بقوة وتريح نفسك لكن العجلة الزايدة وطريقة التسديد اللي يُخيل للمتابع ان الحارس مغطي المرمى واختار انسب زاوية والواقع ان المرمى مفتوح على مصراعيه حتى وان كان فيه لاعب مغطي لكن يقدر يشوت الكرة على ارتفاع عالي بحيث ان المدافع يصير ابعاده للكرة صعب المهم ان الفريق الآن بحاجة لريبري ونافاس معاً مزاجية كاكا غير مقبولة أبحاول بإذن الله انزل بعض الصور المتحركة من خلال بعض الانفرادات الضائعة

وشلون ما اخطأ ؟ فهموني !
بدايته للمطش غلط .. تكلمت كثير عن جرانييرو وعن الكارثه اللي بتصير
لو شارك اساسي !

وفعلاً .. جرانييرو شارك .. من شافه الشوط الأول ؟
لاعب ماله بصمه ابد على الوسط .. ولا شفت منه اي شئ !

تمريرته غلط .. رفعاته بالكورنر دايم قصيره وع القائم الأول !

الشوط الثاني .. شفت تبديلين لـ ليون !
والله ان قلبي فز .. هذا شوط المدربين .. لا يكون الفرنسي ناويها بس !

وفعلاً .. انقلبت الطاوله .. والفريق صاير مفكك بشكل غير طبيعي !
وبيلجريني .. يناظر .. مثلنا بالضبط !

اضعف الايمان ياخي .. دخل ديارا بدال جرانييرو !
اكسب لاعب .. اكسب محور !

الوسط مكشوووف بشكل مذهل للفرنسييين !
والله توقعت الهدف .. وفعلاً جاء الهدف !

بعد الهدف .. يمكن الأمال انتهت بنسبة 60 % !
يجي بيلجريني ويصعقني بتغيير .. الى الان ماني مستوعب منه !

كاكا ـ راؤول ! حتى لو كاكا يلعب ع الواقف .. يبقى لاعب ممكن يسوي لك !
اي شئ .. راؤول هههه ما شفته الا بالمطاق بينه وبين مدافع ليون !

وهذا شئ عهدناه من راؤول .. يحب يكون بالصوره !

كل هالأخطاء يتحملها بيلجريني .. وياليت لو بدأ المباراه بفارت !
كان شفنا الفرق .. ممكن القيم ينتهي الشوط الأول !

،

هيجواين ـ هيجواين ـ هيجواين !
قلت اكثر من مره .. هاللاعب ما اثق فيه ابد .. ما ادري ليه !
سبب نفسي .. عاطفي .. ما ادري وش السبب صراحه ؟

خذلنا في مباريات كثيره سابقه .. قالوا الشباب !
الفريق كله سئ .. والفريق منتهي .. وش ذنب هيجواين !

الشوط الأول امس .. امتداد للشوط الثاني الممتع مع اشبيليه !
الريال سوا كل شئ !

هيجواين .. يضيع .. ومو شئ جديد عليه وربي !
ضيع قدام برشلونه بالكلاسيكو الاخير .. ضيع قدام فالنسيا .. ضيع قدام اشبيليه !
ضيع قدام ليون .. هذي ابرز الفرق الكبيره اللي قابلناها حتى الان هالموسم !

لكن .. فوق فهاوته .. وغبائه .. يكون انااني ؟
يعني هيجواين عايش بجو البيتشيتشي .. عايش بجو الريكورد !
عموماً .. هجومنا .. بدون الكبير نيلستروي .. مكان فارغ و شاغر ابد !

الرود .. اذا شفته يلعب .. تجيني حاله انتعاش كبيره !
شعري كله يوقف .. جلدي تجيه قشعريره !
مهاجم .. بمعنى كلمة المهاجم !

همه الفريق .. الفريق .. الفريق .. بعدين يفكر بالالقاب الشخصيه !
نادر .. ما شفت الرود في حالة فهاوه مثل النائم هيجواين !

عموماً .. انا ما اطالب براس بيلجريني !
لان هذا اكبر غلط .. والاداره ما راح تسويه لانها ذكيه وفاهمه وش تسوي !


شئ طبيعي يا بوس .. انت متعود ع الانتقادات !
لانك انسان ناجح .. الناس اللي شافوا الميركاتو التاريخي اللي كنت بطله !
قالوا .. الكره في ملعب بيلجريني واللاعبين .. والاداره سوت اللي عليها !

الحين .. جايين ينتقدونك ؟
معليه يا بوس .. ناس جُهال .. ما شافوا النعمه !
يبونك مزور .. كاذب .. منافق .. مرتشي !
لكن انت اكبر من كذا .. ومنهم بعد !

خذلتنا ,, قهرتنا ,, رفعت ضغطنا
للاسف يالبيبتا ,, امام الكبار انت لا شيء تكرر هذا السيناريو سابقا امام
ميلان وبرشلونة والان امام ليون للاسف يالبيبتا اصبحت الخبيبتا.

هاردلك !
من القهر انك تدفع 250 مليون ويطلعك ليون ؟!
ما عندي كلام كثير قسم بالله ضغطي الا الحين ما نزل عجزت انام امس بالليل
ما ارتحت , هيجواين لازم ما يجددون له يعلمونه ان مستواه قدام سيفيا وليون
ما يشفع له انه يرفعون راتبه , ينلحط براتبه الحالي لمين يشوف له دبره لمستواه
وتضييعه للفرص السهله ,
امس فقدنا مارسيلو فقدنا الاعب الي يخترق من العمق فقدنا للاعب الي يعطيك اوفرات
من اليسار موب اربيلوا !
دخول جرانيرو خطآ × خطآ القهر اني دافعت عنه قبل المتش والحين انا اقولكم اني
غلطان انا دافعت عن واحد ما يستاهل عك كروي سقيم مريض وزود عليه ماخذ كرت
بفاول غبي ,
للاسف الخساره يتحملها مانو والاعبين الى كريس ومعه كذا لاعب اما البقيه لا تعليق !
كلام مانو انه هو الي يتحمل الخطآ الهدف منه الدفاع عن الاعبين وايضاً عشان ما
تتأثر نفسياتهم من الصحافه , على العموم الي يشوف بعض الردود ما تدري وش ترد
عليه بأول الرد تلقاه يسفل بمانو انه هو السبب بالخساره وببقيه رده تلقاه يسفل
بباقي الاعبين ليش ما تقول الكل يتحمل الخساره ؟

..