ياشباب لاتفهمون غلط

موب إني قلت نبي نهاجم ونكثف الهجوم خلاص اجل أنا ابي اكنسل الدفاع وأهمية الدفاع

لالا أنا قصدي نأمن الدفاع ونحصن أنفسنا لكن مو بالشكل المبالغ فيه صح انا لازم أدافع وأضع تكتيك دفاعي جيّد , لكن موب على حساب الهجوم الي ابيه يكون فتاك خصوصا في ذا المباراة .

ومدري ليه انتم مستنقصين من لاس ..!
شيء غريب والله
لاس بإمكانه ينظف المنطقة بالشكل المطلوب وللمعلومية لاس عنده السرعة في نقل اللعب وهذا الشيء مانلقاه في ممادو . والشيء المتوقع اننا بنواجه مرتدات فقط من فريق ليون وهذا الشيء يوجب على المحور استخلاص الكرة وارجاعها بشكل سريع للمهاجمين وإذا سجلنا لنا هدفين او ثلاثه وقتها انت ملزم تحافظ وتكثف دفاعك . وللمعلومية برشلونه العام كان يلعب بمحور واحد فقط وقدامه تشافي بلاي ميكر وانييستا صانع لعب مباشر او بالاصح همزة الوصل بين الهجوم والوسط . شف وهم ثلاثه قدروا يملكون منطقة النص كله . بالرغم من ان مافيه الا واحد دفاعي وهو يايا . يعني لاس كفاية وقدامه فارت وقوتي شيء حلو واحد يمسك كورة ونظرته للملعب حلوه ويقدر يتحكم بالرتم . والثاني اللي هو فارت صاحب مجهود وافر وبيكمل المجموعة . ولاننسى دور الاظهره اللي يمتازون بالجانب الدفاعي اكثر من الجانب الهجومي . يعني انا عندي اثنين قلوب دفاع واثنين اظهره ولاعب محور يعني عندي 5 لاعبين يدافعون بشكل مباشر وماراح يشاركون في الهجمة الا في حالة النزول الكامل من لاعبين الوسط والهجوم لـ اداء الهجمة وبالتأكيد مباراة كبيرة مثل هذي بيكون فيها تبادل مهام بين الاظهره وماراح احد يصعد على حساب الثاني .

بـ كذا انا مأمن نفسي ومحصن منطقتي وبرضوا اقدر اهاجم بـ [ شراهه ] واريح عمري والعب شوط ثاني من دون أي ظغوط تذكر .

^

انظروا للجانب الإيجابي في لاس . وخلونا نأمل عليه الكثير بالشي الي نعرفه عن لاس وخلوا المستوى المنخفض في علم الله وتمنوا ان لاس يكون في مستواه المعروف وقتها بيظهر لو قدام اللي هو
. اكيد لاس موب مستواه بداية الموسم . لكن المباراة ذي بيكون عنده احساس بالمسؤولية وبيكون عارف ان ذا المباراة ماتحتمل أي اخطاء واكيد بيكون فيه جلسة تجمع اللاعبين مع الادارة او أي أحد مختص في ذا الأمور يطلعهم من أجواء الظغط ويخليهم أمام أمر مهم ولازم الكل يكون في يومه وبالتأكيد يوم مثل ذا بيكون كل لاعب في ريال مدريد يتمنى إنه يُظهر كل قواه ويحاول يسعد الجماهير الي تبي تفك ذا العقدة أولا وحصد اللقب ثانياً .

لآس
فاغت .. جوتي

اول شي بسم الله .. صراحة تشوف كل البشرية تكتب ورجعت تتحمس وودك تشارك ..
بالنسبة للتشكيلة الي فوق الي قالتها الماركا الظاهر .. من النظرة الاولى تتحمس لها .. وتتخيل قوتي وفارت قدامهم كريس وكاكا وتتخيل الاغتصاب الي بيصير في المباراة ..لكن لو فكرت فيه شوي .. من الي بيغطي راموس اذا تقدم , خصوصاً ان انطلاقات راموس في اليمين جزء لا يتجزأ من تكتيك بيلي .. لاس اكيد بما انه لحاله بيتفرغ لـ تغطية العمق .. فارت يلعب يسار وبيسنتر عشان يساند اربيلوا في توقيف قوفو .. جوتي لا والله ابشروا بالشخمطة من دلقادو اذا كنت انا خايف ان راموس لحاله موب موقف له تبي تفرغ جهته ويقابل قوتي ؟!

مشكلتكم انتم تتحمسون اذا جيتوا تفكرون في المباريات .. قبل لا تفكرون في هالمباراة .. تذكروا احوالكم بعد اليوفي .. أرسنال .. البايرن .. روما .. ليفربول .. وتعرفون الله حق وتقمطون ويا زين التوازن وعدم الاستعجال وتدوير الكورة في النص وتاخذ راحتك مع جمهور البرنابيو وتستفز وسط ليون لين ما تلقى الفراغ المناسب وتسجل .. اما سالفة هجووم من اول المباراة ما تنفع ذي .. خاصةً ان اغلب المدربين الفايزين يجيك يتفلسف في الاياب ويهاجم اول 10 دقايق عشان يربك الخصم .. طيب في هالحالة وش نسوي ؟! نمسك كورتنا صح ولا نخنبق ونقبل هدف !

انا واثق في فريقي صراحةً .. من الدقيقة 1 إلى 90 اذا ما قبلنا هدف فيه امكانية انك تسجل .. طيب ليه تستعجل على قولك ؟! عندك ناس تقدر تلعب تحت الضغط لا وبعد تستنزل تحت الضغط .. كريس , هيقوين , راموس , فآغت , قوتي .. بس ترا ضغط انك تسجل هدف .. موب زي ضغط انك تسجل 3 اهداف ( في حال ان ليون سجل ) ؟! يعني هدي يا بيلي لا تستعجل .. دخل في روس هاللاعبين انهم يمسكون كورتهم ويهدون اللعب لا يندفعون ولا يقمطون زي ما صار في الانفيلد .

عشان كذا انا اقول ادخل كذا يا بيلي وازهل المطش للعيال ..
.... ممادو
فاغت ... لاسنا

في حالة هجمتهم ممادو يتفرغ للعمق .. وفاغت يساند اربيلوا .. ولاس يساند راموس أو يغطيه في حالة الهجمة المرتدة ..
في حالة هجمتنا يتحول فاغت للاعب الدائرة ( دور الونسو في الليفر واسبانيا ) .. وراه ممادو , يكون قدامه خيارات كاكا في العمق او اليمين .. راموس في اليمين .. رونالدو في اليسار ( يكفي ) .. وبعض تقدمات اربيلوا الي نبيها تكون خجولة بكره ..
ولاس يغطي مكان راموس ويكون هو الظهير عشان اذا صار غدرة ولا شي وجت هجمة مرتدة يكون الدفاع مغطي .

جوتي هاللاعب ما اثق فيه الا اذا نزل كـ بديل خصوصاً اذا كان فريقنا تحت الضغط .. نزله بدال لاس ( في حال كانت 0-0 ) او ( 1 -0 لهم لا قدر الله ) لانه راح يفرق في المطش .. فيه خيار اتمنى بيلي ما يهمله في حالة انها تقفلت في وجهه - الله لا يقوله - درينثي بدال اربيلوا عشان عامل السرعه والعرضيات الممزوعة .. لا صدق درينثي اعتقد انه ثاني خيار بعد قوتي في حالة ان الفريق مهزوم .. اما اذا كان فايز جرانيرو ينفع لانه يمسك كورته ويهدي اللعب والكنترول عنده - ما شاء الله - كويس ويقدر بكذا يتحكم برتم اللعب والفريق .

حاس اني كثرّت .. هذا ما في جعبتي < متعوب عليها ..
احلى واطلق ولاكم للي رجعوا .. خصوصاً حبيب ألبي ثامر ( قلب < ما لقيت قلوب في الصفحة ولا رصيتها لك )

بييس

يا ملاعين ... ما جيتوا تناقشون الا وانا مداوم


برجع واناقشكم وخلكم تروحون

< -- هذا العضو رد بشكل سلبي من القهر لانه في الجامعة والشباب رجعوا للرابطة

بلغوا على الرد

إقتباس الرسالة الأصلية كتبت بواسطة Valdano ^ انظروا للجانب الإيجابي في لاس . وخلونا نأمل عليه الكثير بالشي الي نعرفه عن لاس وخلوا المستوى المنخفض في علم الله وتمنوا ان لاس يكون في مستواه المعروف وقتها بيظهر لو قدام اللي هو . اكيد لاس موب مستواه بداية الموسم . لكن المباراة ذي بيكون عنده احساس بالمسؤولية وبيكون عارف ان ذا المباراة ماتحتمل أي اخطاء واكيد بيكون فيه جلسة تجمع اللاعبين مع الادارة او أي أحد مختص في ذا الأمور يطلعهم من أجواء الظغط ويخليهم أمام أمر مهم ولازم الكل يكون في يومه وبالتأكيد يوم مثل ذا بيكون كل لاعب في ريال مدريد يتمنى إنه يُظهر كل قواه ويحاول يسعد الجماهير الي تبي تفك ذا العقدة أولا وحصد اللقب ثانياً .

مرة ثانية حياك ياغالي


اسمحلي ماراح اجازف ببطولة مثل بطولة الأبطال، واللي تلعب على جزئيات صغيرة جدا، على أمل إن لاس يكون في أفضل حالاته

على مستوى لاس الأخير وطريقة لعبه الإندفاعية، مافي شيء يضمن لي إنه يوقف لوسط ليون لحاله

بصراحة دخول بيلجريني بتشكيلة الماركا بيكون ضرب من الجنون ومجازفة كبيرة جدا

نقطة ثانية

برشلونة يلعب بتوريه أو بوسكيتش خلف انييستا واكزافي، صحيح على الورق محور واحد، لكن دفاعيا انييستا واكزافي بصراحة أفضل بمراحل من دفاعية فارت وقوتي

وفوق كذا طريقة لعب برشلونة هي إن ضغطهم يبدأ من عند الهجوم ودفاعهم يكون متقدم جدا لحدود الوسط تقريبا ويلعبون على خطة التسلسل
فأي فريق بيلعب ضدهم بينضغط من عند ملعبه، بداية من الدفاع تقريبا، وماراح تفرق إذا كان برشلونة وقتها بيلعب بمحور دفاعي صريح أو لا، بما إن كل الفريق يدافع ويهاجم في نفس الوقت


نقطة أخيرة

مو شرط ان ليون سيء محليا بيكون سيء اوروبيا
هذا شيء وذاك شيء ثاني

ترى ليفربول محقق الأبطال وهو مركز رابع في الدوري
ديبورتيفو البايخ محليا وصل لين دور الأربعة في الأبطال عام 2003
حتى شتوتجارت السيء جدا محليا كان بيفوز بنتيجة كبيرة على البارسا قبل كم اسبوع لو استغل الفرص اللي جته في الشوط الأول تحديدا

بطولة الأبطال وضعها مختلف كليا، لا تحكم على مستوى الفريق المحلي على الأبطال
لو الوضع كذا كان الانتر محقق آخر ثلاث بطولات اوروبية ومايطلع من دور ال 16


نلعب في البداية بتوازن وهدوء لأن المسألة مجرد هدف واحد للتعادل، بعدها العمال النفسي لحاله بيخليك تدخل أهداف ثانية مو هدف واحد بس

كل اللي اتمناه ان بيلجريني يبدأ بفارت اساسي على حساب جرانيرو وقوتي
ويثبت لاس وديارا محاور ثابتين خلفه

صدقني بتشوف ريال ممتع جدا


والله يكتب اللي فيه الخير

إقتباس الرسالة الأصلية كتبت بواسطة BENZEMA10

ههههههههههههههههههه
وش ذا الدعاية الخايسة الله يفشلهم الانفصالات

إقتباس الرسالة الأصلية كتبت بواسطة BENZEMA10

ههههههههههههههههههههههه ,, وقسم بالله تفطس الظحك الله يفشلهم هالـإنفصآلآت

" أحد اعزوفـات البرنابيو , روح تقرع طبول الرعب في الخصوم "

بصوت للراجل ده

اما بالنسبة للتشكيلة اما ليون

اتمناها هكذا

___ كاسياس ___

اربيلوا ___ غاراي ___ البيول ___ رامووس

كاكا ___ لاسانا( حمّودي على قولتكم ) ___ غوتي ___ فارت

كرس ___ هغواين

والى اللوقاء

إقتباس الرسالة الأصلية كتبت بواسطة كارلوس شخصياً ههههههههههههههههههههههههههههه قايل لك .. هيجواين هذا غريب ؟ لا نصيته و نخيته .. خااااار ابن الكلب وينك يا رووودي بس يا صلصة الكاتشب

طعوسي هذا هدافك هالموسم والموسم الماضي

مودعنا ليون يالبدر

بذكرك هيجواين وش بيزين

مبروك شباب الفوز على الصلب



سؤال نقاشي /
هل تفضل جوتي احتياطي .. او اساسي ؟
مع العلم .. ان جوتي ما ينجم الا اذا كان احتياطي ؟