✰¤¶` العضو المتميز مواصل من عام 1413هـ ( ضيف المجلس العام )`¶¤✰ - صفحة رقم 10 - نادي الهلال السعودي - شبكة الزعيم

Hictar · #1 02/08/2009, 03:05 PM

شاكر لجميع من حضر وقرأ
والجميع جايهم الدور - لكن وربي أحس مداوم 16 ساعة باليوم

إني أطلع من الدوام - يبدأ دوامي بالمجلس

أتوقع بعد الإستضافة - بآخذ إجازة أسبوعين - لأن عندي إكتفاء

الهلالي 11
هلا بغلاهم ومآخذ حلاهم
والهواء شرقي والجمال نجدي ( ما أدري نسيت النكات بالشات )

أنا جايك يا عبدالرحمن بس إرفق عليّ

وجميل منك ومن فياض - إجتماعنا على جنيفر آنيستون
ياخي ما ألومكم
الصبيه موقفه شباب أمريكا على رجل وحده - وش جيزنا ما نوقف معهم

اليوم إن شاء الله على العصرية - نبدأ الدوام

V.valdés · #2 03/08/2009, 04:04 AM

اهـلين اخوي مواصل

عندي بعض الاسئله اتمنى اني ما اثقل عليك

س1- كيف تقدر تجمع افكارك -ماشاء الله عليك- انا اكتب مواضيع براسي بعدين اذا جيت اكتب هنآآ تطير هي ثقافه مع الزمن تكتسبها ولا لازم تنميها ؟؟>>>>> والله كانت عندي اسئله كثيره لاكن ضاعت

س2- قريت لك برد عن شخصيتك او شي زي كذا تقول انك كنت ماتقول لا انا نفس طبيعتك

اللي كنت عليها يجيني مثلا واحد يقولي باخذ شي منك فرضا انه جوال ما اقدر اقول لا حتى لو كنت ادري انه بيجي اجهزها لاكن تضيع اذا جاء يطلب

وش السبب؟؟ لاني والله اعاني منها

س3- ماهي اسباب عدم الثقه بالنفس ؟؟ وماهي اسباب زيادة الثقه بوجهة نظرك باختصآر ....

س4- بوجهة نظرك ليش بعض البشر مايكون عنده صديق هل هي عدم ثقه بالأخرين ..؟؟ او لم يجد الشخص اللي يفهمه ويفهم شخصيته وتفكيره ..؟؟

يمكن السؤال هذا اغلب الاعضاء يسئلونك لاكن والله ماسألتك الا انه يهمني....س5- ايش تحليلك لشخصيتي من كلامي وكم تتوقع عمري

يعطيك العافيه واسفين ع الاطاله

الهنوووف · #3 03/08/2009, 08:01 PM

مواصل

بتوقيعي اعلان عد عدد جديد للمجلة

عطنا رايك

يعطيك العافية ع هالاستضافة وماقصرت
شكل انهد حيلك

Hictar · #4 03/08/2009, 10:56 PM

GERRARD-8

لو يغلط عليك احد غلطه خفيفه وعانيها بقصد انه يقهرك مثلاً دقشه بالسيارة
وش راح تسوي ؟
كل شئ ولا المزح معي بالسيارة أو تمسك ثوبي

أنا أمزح باللسان - فأتوقع المزح بيكون معي باللسان
بمجرد ما أحد بس يمسك ثوبي ( أتنرفز ) - وهذي أعتبرها نقطه ضعف فيني

فما بالك بالسيارة.

الهلالي11
ولك الواه الواه

1- رايك بالهلالي 11 .... اكيد ما تعرفني كويس الى الان لكن بشكل عام رايك
بهاليوزر من خلال متابعتك له سواء هنا او بالعالميه او على الطبيعه !!
أنا معرفتي فيك يا عبدالرحمن بسيطه - لكن واضح إن ( فيك لعانه - واللكاعة تقوطر منك مقوطر )

وما أنسى نظرتك لي بعد المباراة النهائية على الكأس
عطيتني نظره كأنك تقول ( لو بتجيني بدفنك ) - فأنا قصرت الشر

أما اللي لاحظته عليك بإختصار:
إنت تجوز لي وتنفع تصير صديقي

3- اسمحلي اسال عن شخصك الكريم ... ولو سؤالي مكرر ارجو انك تجاوب مرة
ثانيه لاني والله ما ادري وش اللي دار بالصفحات الماضيه !!
عمرك !! متزوج او لا !! السن المناسب للزواج !!
الأجوبة هذي كلها بالصفحة الأخيرة

4- كنت مخطط اتزوج بـ 23 ... لكني فضلت شراء سيارة احلامي وتاجيل الزواج شوي الحين انا تقريبا 23 ... وتخطيطي اتزوج او اخطب يعني بالـ 24 او 25 حتى ... لكن مؤخرا بدت تطلع ببالي شغلات جديده !! هل تعتقد ممكن احقق هالشغلات وانا متزوج !! والا انسى موضوع الزواج حاليا لان بعد الزواج بتصير الامور مو بيدي وخارج السيطرةيعني لزوم المصاريف اللي تطلعلك والالتزامات وغيرها ؟
طبعاً أنا ما تزوجت - وكان من أسباب تأخري بالزواج
تفكيرك - إني ما راح أحقق أي تقدم بعد الزواج - وهذا اللي أسمعه من كل إنسان متزوج ، خصوصاً والمعيشة صارت جداً غاليه.
لكني أنصحك بالزواج بسن الـ 25 ولا تتأخر ، شفني الآن.
كل اللي أعرفهم عيالهم بيدخلون المدارس السنة الجاية أو اللي بعدها!!.
وأنا أحس إني ضايع - ووحيد!!.
لا تغلط غلطتي يا عبدالرحمن - الرزق اللي الله كاتبه بتاخذه.
ورزقك مو بيدك إنت متى ما بغيته بيجيك!!.

عتيبية هلالية

الكثير يتقارع الى ذهنه فكرة ان افيد الاسلام , بمعنى او اخر ماذا قدم مواصل للاسلام , كرجل مسلم يمتلك عدة مميزات تجعل منه إنسان يقدم لمجتمعه والاهم لإسلامه ؟! "ولاتحرمنا من افكارك "
ما راح أقدم أفكار - المسألة بسيطة جداً.
لا تحتقرين أيه عمل تقومين به - حتى ولو كلمه - بإمكانها أن تؤثر بالشخص المقابل ، ويكون عمله في ميزان حسناتك وأنتِ لا تعلمين.
أذكر قبل مده صليت مع ( ياسر الدوسري ) بمسجده ، وبعد الصلاه تكلم عن هذا الأمر وذكر قصه حصلت له شخصياً يقول :
كان عمري صغير جداً ( وما أتذكر كان بالإبتدائي أو بالمتوسط ) وأرسلته والدته لمحل البقالة وفي الطريق مّر عليه رجل بالسيارة ( يوزر أوراق فيها أذكار ).
يقول : فتعداني لصغر سني!!.
وبعد أمتار توقف - ثم عاد إليّ وأعطاني الورقه.
يقول : أخذتها منه - وأنا مداوم عليها إلى يومنا هذا ( وهذا الرجل الذي تردد بإعطائي الورقة لا يعلم بعظم الحسنات التي أتته والتي ستأتيه من جراء عمله ).

اممم كيف ترى الاسئلة ؟!
تمنيت يا عتيبيه أنك جئتي مبكرة بالصفحات الأولى - فأنا أحب هذه الأسئله.
وأعتذر لأخذ سؤال واحد فقط.

106sarona106

حبيت اسألك ما هي مصادرثقافتك ؟؟
السؤال اللي كنت أتوقعه ويمكن الصيغه اللي بغيتها ( من الشخصية اللي أثرت فيني )؟.
أنا عندي أخو أكبر مني ( ما شاء الله تبارك الله عليه ) أختصر الوصف بـ إجتماع 8 مبدعين ( من الدرجة الأولى ) برجل واحد.
من صغر سني ( على إن الفرق بيني وبينه خمس سنوات بس ) كان يحتفظ بمكتبه بالبيت ( خاصه فيه ).
ولما ألاحظ منطقه بالكلام يعجبني - فأخذت أقرأ من كتبه ( لعلّي ألحق عليه ).
وكل ما تقدمت خطوة - تعداني بخمسين خطوة.
ما شاء الله عليه ، طبعاً ما راح أذكر مجالات إبداعه ( غير الثقافة خوفاً عليه من العين ).
لكن بإختصار ( توقعي أيه أمر يسويه ) ما شاء الله عليه.
بالأخير حسيت إني ما راح ألحق عليه - فإستسلمت

صدقيني لو ما الله مّن علينا ( بالإسلام بالمملكة وإتباعنا لسنه النبي عليه الصلاه والسلام ) لما تمنيت أن يولد بالسعودية.

F.C.Blugrana

أذكر فيه كلام لك بنفس ذي الاستضافة ! تقول فيه إنّ التحاقك
بمراكز صحيّة أو نوادي رياضيّة ! سببها متطلبات المرأة !
ما تشوف إنّ البنت اللي عندها مظهرالرّجل الخارجي ’ شيء مهـمّ ‘
فيها من السّطحيّـة الكثير .. !! ’ وجهة نظر ‘ !؟
كشكل خارجي فقط ( نعم ) أعتبرها سطحية جداً.
- وللتوضيح فقط ( دخول النادي والحفاظ على الجسم ) ليس من متطلبات المرأة ، ولكني أرى في نفسي بأن لها الحق كما لي الحق بالإختيار.
فلو خيّرت الآن بين إمرأه بدينه وإمرأه رشيقة ( بالطبع ستختار الرشيقة ).
ولكنك مهما بلغت من بدانه - ربما ستقبل بك إمرأه رشيقة - خوفاً على نفسها من العنوسة!!.

الهلالي 11 · #5 03/08/2009, 11:18 PM

^
^

شكرا لك

ومن جد الله يعينك استضافه متعبه بس تليق فيك

رايك افتخر فيه ... لاني والله احب اسمع كلام مثل هذا عني من الناس
( اللي يهمني ) رايهم

بعد كذا ما هتم لكلام اي احد

لان سبحان
الله مرات الواحد يكون مهتم لناس ويحب يكسب احترامهم ... واذا قدر
يوصل لهالشي يحس انه حقق شي معين بباله ... حتى لو صارت شغلات
ثانيه مو على هواه يطنش لانه اصلا من الاساس ما فرق معه ولا حسب
حساب هالشي !! فاهم علي انت والا تحس اني ما اعرف اشرح

بس هذا ما يمنع اني اقولك الملكع انت ووجهك الله يسلمك

اشكرك جدا على رحابة صدرك يا صقيقي

ونصيحتك لي
انا حاطها امامي وانت شجعتني عليها ... وان شاء الله بالكثير 25
لو صح لي قبل ما رح اوفر

سي يو

Hictar · #6 03/08/2009, 11:42 PM

عاشق السندباد9

مواصل تذكر موضوع ( كبرياء انسان ) صالح , ابي اعرف وش كان الموضوع بالنسبه لك .. ووش صار على خويك صالح !!
أنا أساساً كنت متوقع لموضوعه النجاح - لأنه نزله أول مره بمنتدى ( بناء وثقافة ) ، لكن أسلوبه ما عجبني ( وكان يذكر أمور ) مالها سنع تذكر

بالبداية - كان الموضوع بالنسبة لي عادي جداً.
لحد ما سمعت طراطيش كلام بأني أنا صاحب اليوزر الثاني ، وإني أتفشخر!!.
هنا قفل مزاجي ، ولولا الله ثم بعض الأعضاء اللي يعزون عليّ كان وقفته.
أما صالح فما زال يشتغل على الليموزين - وصك عمره ألحين 34 وما أعرس وما كان له نيه من الأساس بالزواج - لكن اللي يشوفه من البنات اللي يركبون معه
غير تفكيره 180% ويبي يحصن نفسه!!.

راَي مواصل الصريح بـ القطاع العسكري الي هنا , ووش رايك الي يحسب القطاع العسكري .. الافراد الي عند نقط التفتيش .. ؟ ( ياليت توضيح كامل لان رأيك يهمني )

أنا عانيت منهم لكن من زمان جداً.
وأتوقع تعاملهم السئ مع الشباب وحكمهم للشكل الخارجي ( لبس - شعر - ربطات )!!.
لكن صدقني لو بيلاحظ على السائق ( اللبس اللي تعود عليه ) - راح يتعامل معه بكل إحترام.
هذي وجه نظري واللي لاحظته عليهم.

الأسطورة القدام

س1- كيف تقدر تجمع افكارك -ماشاء الله عليك- انا اكتب مواضيع براسي بعدين اذا جيت اكتب هنآآ تطير هي ثقافه مع الزمن تكتسبها ولا لازم تنميها ؟ والله كانت عندي اسئله كثيره لكن ضاعت
أجل أشوى إنها ضاعت

أعتقد يا الأسطورة إن الذاكرة القوية لإستحضار المعلومة هي السبب.
أغلبنا تمر عليه عشرات المعلومات لأول مره بكل يوم - لكنه ما يهتم فيها ، وينساها بعد فترة بسيطة.
أنا الحمد لله عندي ذاكرة قوية - لكن من سنه تقريباً - أحس إن الذاكرة مهيب اللي على خبري.
بديت أفوت كثير - كثير.

س2- قريت لك برد عن شخصيتك او شي زي كذا تقول انك كنت ماتقول لا انا نفس طبيعتك اللي كنت عليها يجيني مثلا واحد يقولي باخذ شي منك فرضا انه جوال ما اقدر اقول لا حتى لو كنت ادري انه بيجي اجهزها لكن تضيع اذا جاء يطلب وش السبب؟؟ لاني والله اعاني منها
س3- ماهي اسباب عدم الثقه بالنفس ؟؟ وماهي اسباب زيادة الثقه بوجهة نظرك باختصآر ....
السؤال الثاني والثالث مترابطة مع بعض ( فجمعتها ).
أنا قلتها لك يا عزيزي أول مره بتنطق كلمه ( لا ) بتكون صعبه وصعبه للغايه - كأن اللوز بحلقك بتطلع معها!!.
وبمجرد ما تنطقها ( راح تحس بخوف ) من زعل الإنسان اللي رفضت طلبه.
لكن إستمر - على كلمه ( لا ) إذا شفت أن الأمر يخصك أو أنك مستغل.
وشخصيتك وثقتك بنفسك راح تتغير للأفضل - لدرجة إنك تنطق لا بوجه مديرك

س5- ايش تحليلك لشخصيتي من كلامي وكم تتوقع عمري.؟
إنت طيب جداً - جداً
تحب تساعد غيرك بقد ما تقدر - ويمكن تتأسف إذا ما قدرت على الطلب.
تشيل هم غيرك - وغيرك ما حسّوا فيك!!.
المشكلة إن شخصيتك حلوه - لكنها ما تصلح بالزمن هذا.
وحتى الشخص اللي بتساعده يمكن يكون ( حقير ) ، لأنه يعتبرك ساذج وإستغلك!!.
فمهما قدمت من مساعدة ما يبيّن في عينه!!.
أما عن العمر فأتوقع إنك بين 22 - 24 سنه.

الهنوووف
إن شاء الله بتشوفين ردي هناك

106sarona106 · #7 03/08/2009, 08:53 PM

وبالغد أتركه للأعضاء - لشرشحتي

.
.
.

يعني عادي نحش فيك بكره ؟؟

اجل بكره بيطلع الجانب الشرير من شخصيتي

106sarona106 · #8 04/08/2009, 07:55 PM

إقتباس

الرسالة الأصلية كتبت بواسطة 106sarona106


	وبالغد أتركه للأعضاء - لشرشحتي . . . يعني عادي نحش فيك بكره ؟؟ اجل بكره بيطلع الجانب الشرير من شخصيتي

لاول مره في حياتي اكتشف

ان ما عندي سالفه

حاولت وحاولت وحاولت احش

بس ما فيه فايده

ما لقيت شي <<<<<<مشكله اللي تبي تحش ولا عرفت

يمكن لاني ما اعرفك زين مع اني متابعه لردودك ومواضيعك<<<<وهذا اللي فاقع مرارتي

بس سبحان الله

يمكن انت اصلا ما فيك عيوب

واصلا كيف احش بشخصيه اعتبرها مثاليه بالنسبه لي واحتسبها كقدوه

واحاول اتتبع خطاها

ـــــــــــــــــــــــــــــــــــــــــــــــــ

مواصل :

استميحك عذرا <<<<<<ترى تعبت فيها

للافس الشديد

لم استطع ان احش فيك ربما في المرات القادمه

حاول مره اخرى

ـــــــــــــــــــــــــــــــــــــــــــ

نجي لموضوع ثاني

ودي افضفض

والله جد

ودي اطب حش في احد في المنتدى

ودي احس اني أمون عليكم

بس مدري شلون

استحي

<<<<<<برررررى

اقول طيب يمكن ذا الشخص او الشخصه

مو عادي عنده اني اقط الميانه معاه

الهنوووف · #9 04/08/2009, 09:04 PM

رائدة
برافو عليك

بالنسبة لي فيه اعضاء مو اخاف منهم اتحاشاهم مثل ماقالت رائدة
يمكن شخصيتي ماحب الي ينتقدني علنا وينتقص مني
وفيه ناس تتلذذ بهالشي انها تنتقد الاخرين

وتحس انها قوية ومحد قدها

طبعا كلامي بشكل عام مااقصد مواصلنا

بلد الوليد
تسيف الحال

حبيت هالاستضافة لاني احب اشارك او اتابع النقاشات

R D H · #10 03/08/2009, 09:46 PM

السلام عليكم ورحمة الله وبركاته

مساء الخير والإحساس والطيبه .. مساء مايليق إلا بأحبابي ..

أعلم أنك قبل أن تبدأ بقراءة هذا الرد .. قمت بإلقاء نظره سريعه على محتوى الرد لترى هل من أسئله ؟!

فلن أخيفك .. لأنك ألقيت نظره .. وصدقني أنا مشفق عليك .. مشفق جداً ..

فقد مررت قبلك بموقع أخر بكرسي الأعتراف ( كما يسمونه وأسميه )

وأعلم أنك إن لم تمر بهذه الحالات .. فإنك بالتأكيد ستمر بها ..

الصداع
ارتفاع وانخفاظ الضغط
فقر الدم
الدوران
الألام الظهر
.
.
أذن لم اجد غير عصير الطماط

أعيد وأكرر .. ليس " سواد عيونك " هو السبب الذي منعني من كتابة أسئلة كثيره لك ..

بل لأني مستعجل جداً .. وهذا الرد قد يكون قبل الأخير .. قبيل سفري بمشيئة الله غداً ..

يالله ابعد شوي الحين .. وخليني اعيش جوي ..

بصراحه من أكثر الفعاليات تميزاً .. والأميز أنها مع عبدالله !

عبدالله .. كلامي هنا مارح يأخر .. ولا رح يقدم .. لا رح يزيد .. ولا رح ينقص ..

لأنك بمديحي .. وبدونه .. رح تبقى عبــــدالله ..

سبق وأنت تحدثت عن إعجابي الكبير بشخصك في موضوع فيارق ..

وأنت قرأت ردي .. فماذا لدي لأضيفه فوقه ؟!

تعجبني الشخصيات التي لا تخجل من أرائها مهما كانت مختلفه وضد التيار ..

تستهويني جداً .. تلك الشخصيات التي ترى أنه لا فائده من المجامله .. مادام انها تخالف رأيي الداخلي ..

يعجبني ويعجب كل الناس .. الشخصية الواضحه جداً .. فالناس لا تحب تلك الشخصيه التي تخفي تحت الكلام المعسول كلاماً مختلفاً ..

الناس تريد من يهدي لها عيوبها وينصحها بحق .. لا أن يجاملهم ويجاملهم ويجاملهم ..

أنت صاحب فن التزبيد لـ الآخرين !

تعرف متى تستمع ومتى تضحك

رائع في الصمت وفي الكلام

قلب كبير مشبع بالعطف والحنان ممزوج بالرحمة والأنسانية

( أوعه تصدق هالسطر

)

تتميّز بالثقافه التي تعكس مدى

رقيّك ورقيّ ما تقدم من كتابات

المعروف في تعاملك وشخصيتك

(الصدق والوضوح . والتلقائية والغموض احيانا)

مشوارك رغم قصره حافل بالعطاء

نسعد بروئية حروفك ونهيم في بحر مشاعرك << خخخخخخخخخ كن خواطرجياً ولو يوم .

مجرد وجود اسمك في لائحة ( المتواجدون الأن ) نشعر بالاطمئنان << اطمئنان حمزه تعرفه ؟!

//

استمتعت في قراءة أغلب الإجابات .. لا أقصد هنا أنه أغلب الإجابات أعجبتني والباقي لا .. بل لأني لما أقرأ إلا جزء منها .

ماعندي إلا 4 أسئلة بسيطه

1 - وش رايك فيني ؟ وهل ترغب تصير صديقي ؟

يعني .. ( إيجابيات + سلبيات ) .

2- وش كانت نظرتك يوم قرأت أول رد لي بالمجلس .. ؟!

3 - هل سبق وأن نشر أحدهم غسيلك ؟! وماكان نوع هذا الغسيل ؟

4 - ما أنواع " الخرفان " بوجهة نظرك ؟

وكفايه لأني تعبت أوي أوي ..

يعطيك العافيه يا عبدالله .. موضوع جميل جداً ..

والشكر موصول للإستشاريين .. عرفوا من يختاروا ..

يعطيكم العافيه جميعاً ..

أخوك / إبراهيم

Hictar · #11 03/08/2009, 11:46 PM

بالنهاية :
أحب أشكر كل من مّر وقرأ ( وعلى رأسهم الزوار )

أوسأل ، وأعتذر لمن لم يسعفني الوقت بالرد على باقي أسئلته.
وكلمة أخيرة :
أغلب ما ذكر بردودي أعتبر أنها وجه نظر شخصية - تحتمل الخطأ.

والطلب الآن :
أطلب من الجميع ذكر عيوبي - فأنا كنت صريحاً معكم
فكونوا صريحين معي.
ولا أحد يخاف - أنا معطيكم الضوء الأخضر

^ العنود ^ · #12 04/08/2009, 12:56 AM

ماقصرت على الاجوبه عبدالله ,,

بعدين مررره استغربت ان البنات يخافون منك !!

بالعكس حبوب ونيتك طيبه ,,

اما البنات يختي خافوا من سهل من المشاغب <<< ابدا ترا ماتخاف منهم ’’

اما مواصل بالعكس مافي اي شي يخوف منه ,,

ثاني شي ماتعجبك الا حليمه بولند وجينفر

ماعندك ذووق ابدا ههههههههههه

قرده سوده وقرده شقرا

بس خلاص هذا الي ماعجبني

برب مذاكره

شبوط · #13 04/08/2009, 01:19 AM

شاكر لك اخوي عبدالله على سعت صدرك لاعضاء المجلس العام ,,,
وان شاء الله نردها لك في زواجك وفقك الله يالغالي و دمت بخير ,,,

مَاهِينُورْ · #14 04/08/2009, 03:31 AM

.*

خلّصت الإستضافة !! يعني مايمديني أسأل ؟

كل يووم أأجل الأسئلة رأفة بك

ما شاء الله الإستضافة طووّلت و مجتهد بالإجابات , والأسئلة توها بالبداية

~> أول مرّة أشووف بردودك أخطاء إملائية غريبة

/
يلآ خيرها بغيرها

أهم شي استمتعتنا بقراءة الإستضافة وتعرفنا على شخصية مميزة

تبينا نذكر عيوبك ؟!
حتى لو عطيتنا الضوء الأخضر أنا ماقدر

مافي عيووب ما شاء الله تبارك الله
خاصة بعد هالإستضافة أعجبتني الكثير من أراءك
نسأل الله لك الثبات والتوفيق
شُكراً لك

/
أحلى مافي الموضوع اني عرفت ان في بنات مثلي يخافون

الحمد لله يا شذى و وجدان كنت أتوقع ان عندي عقدة نفسية

* العنود

إقتباس


	بعدين مررره استغربت ان البنات يخافون منك !! بالعكس حبوب ونيتك طيبه ,, اما البنات يختي خافوا من سهل من المشاغب <<< ابدا ترا ماتخاف منهم ’’ اما مواصل بالعكس مافي اي شي يخوف منه ,,

ماقلنا ان نيته شينه بالعكس "ما شاء الله تبارك الله "
هو فقط هيبة ,, طبعاً مو بس مواصل جميع الأعضاء الذكور ومن ضمنهم المشاغب وسهل الله يذكرهم بالخير

لكن مدري ليش مواصل كان أكثر هو و واحد ثاني

/

بالتوفيق عبد الله وشكراً لك على سِعة صدرك

من أكثر الإستضافات تميزاً ما شاء الله

ذكرتنا باستضافة قديمة لهلاي الظهران الله يذكره بالخير

طيب عادي أسأل سؤال خفيف و أخير ؟

هل تعتقد بأن غرابة وطرافة اسم معرفك لها دور في شهرتك ؟

~> أذكر هالسؤال لأني بحثت عن مشاركاتك قبل لا أشوف لك أي مشاركة
كان في موضوع بصيد الإنترنت زمان قبل ما أتفعل

عن أغرب أو أطرف المعرفات بالشبكة
أكثر من رد قالوا انه مواصل من عام 1413هـ

~> أجب بنعم أو لا عشان مانكلف عليك

\

شكراً لكل من وقف خلف هذه الإستضافة وجميع فعاليات المجلس

الله يجزاكم خير

.×

في أمان الله

i am here · #15 04/08/2009, 03:03 AM

أنا أول مرة من بداية معرفتي لشبكة الزعيم والمجلس

ما عمري فكرت أدخل هالموضوع أبد

دي أول مرة أدخلو وأقرأ الردود كلها تقريبا

شكرا جدا جدا لمن خلف هذه الفعالية فهي متميزة بحق

وزاد تميزها العضو المتميز والرائع

واللي يخوف حبة وحدة << أول كان حبتين

مواصل

في البداية أقلك أريقاتووو ,, كوماسميدا,, غراتسي ,, مرسي,, قراسياس

Obrigado,, V?aka,,Te?ekkürler,, Mul?umesc,, توماري ميهر باني ,,, شكرا

لأني استفدت حاجات كثييييييييييييييييييييييييييييييييييييييير من خلال إجاباتك

وبإذن الله رح أطبقها في حياتي

لأن على قولك الطيب في الزمن دا مايعيش

وأنا أكلت على راسي كتير بسبب طيبتي

بالنسبة لعيوبك

هو مو عيب بمعنى عيب

الحين كلهم يقولو إنك تزبد المهم الكلمة دي أنا فهمتها

على إنها صراحة قاسية عفشة

أنا معاك الصراحة حلوة ولازمه كمان بس بشويش

لأن مو كل الناس يتحملو الصراحة القويه

اممممم تقريبا دا اللي عندي

لأن معرفتي فيك ليست بالكبيرة

والحمدلله على سلامتك بعد العناء

في الإجابة على الأسئلة

العنود,, أنا معاكي سهل مو بس يخوف اليخوف

بس المشاغب نوووووو هو صح يضارب مع البنات كتير

بس مايخوف أبد

سايو نارا