إقتباس جونسون اليوم ابدااع وشعله من النشاط والحماس ما شاء الله عليه . لوكاس صاحب الهدف لو جاب الثاني كان ردينا اكويلاني

محمد الظاهر انك مضيع اكثر من المعلق

اجل جونسون بدع ماشاء الله ....؟؟!!
ابو الشباب واضح انه مالتزم بالادوار اللي عطاه بينتز
في كوره مرتده بين اغوويرو ومدافعنا الفسحه طبعا بحكم السرعه اخذه اجويرو
كان جونسون قريب والمفروض انه يرجه ويغطي مكان المدافع اللي طلع للكوره
ابو الشباب جالس يتمشى ..؟؟!!

بصراحه اذا هذا جونسو اللي انتم معولين عليه فسالفة كين تبي تتكرر وهالمره على دفاع الفريق
لاعب غير انضباطي ... صحيح من ناحية الامكانيات تطور واللاعب سريع لكنه كلاعب يدفع فيه هالقيمه
ليتنا باقين على اربيلوا وجايبين ايتو بهالقيمه



بالنسبه للوكاس الثاني اللاعب اثبت انه مقوماته ناقصه ومهو كفو يغطي مكان الونسو
كان المفترض على بينتز انه يرجع جيرارد وينزل فورنين وراء توريس ويحاول انه يخلق تجانس بين فورنين وتوريس
صدقون راح يكون ثنائي مجنوووووووون
بينتز يتاخر في انزال فورنين واذا نزله حطه بخانه غير خانته ..؟؟!! مادري عباطه او انه يحاول يوصل لشيء مع هاللاعب
واذا نزل سريع مايغير توريس ...؟؟!!
بصراحه هالنقطه اللي براس بينتز مادري وش المغزى منه
لاعب بامكانك انك تستغله في تقويه الادوار الهجوميه وممكن يلعب ادوار تبادليه مع جيرارد داخل اللقاء ليش ماتستغله ...!!!

بصراحه لقاء قمه بالسوء وقمه بالتخبط واضح اثر الونسو بشكل كبير

بهذا المستوى وبهذا الاداء وبهذي التشكيله وبهذي القناعه صدقون الدوري بعيد المنال
لازم ان بينتز يتخلى عن فلسفته شوي
ويقتنع بعدم الجدوى من اشراك لوكاس كاساسي وان المفروض ان جيرارد هو اللي يعود



بالعربي التشكيله اللي اشوفه مثاليه للفريق بالوضع الحالي
مع ان اللعب اليوم اثبت لي ان الفريق بحاجه الى مهاجم ثاني واتمنى سواريز لاعب اجاكس


رينا

انسوا ......... سكيرتل ........ كارغار .......... جونسون

ماسكرانو


رييرا ........... جيرارد ............. كويت

فورنين
توريس



* ملاحظه : اللاعب كيللي اللي نزل بديل لجونسون بصراحه اتوقع له مستقبل
اللاعب يوم نزل الفريق قدر انه يتحرك اكثر وشفته بكم كوره كان يساند بشكل منظم

عبدالمجيد .. اختلف معك 180 درجه .
الفريق مستواه مطمأن . صح المرتدات كانت تجي خطيره دائما .
وهذا عيب التجانس والتفاهم من اللاعبين وسط الملعب .. يعني شفنا مساحات يتركونها المحاور والاظهره
لكن مهوب جونسون فقط ..
جونسون امكانياته عاليه جداا ..
طبعا انا قلت اني اتكلم عن شوط ثاني بس .. الاول فات علي ولا شفته .
مشكلتنا الدفاع والمحور المتقدم ..
اعتقد أنك لو ترجع جيرارد للمحور بتفقد كثير من امكاناته بالهجوم وعطائاته .
فورنين حتى الان لعب مهاجم صريح و 9 ونص ولاشفنا ذاك المستوى ..
واحنا بموسم استعداد يعني اذا رفا ما جرب متى بيجرب ..
خله يحط اللي براسه الان ويلعب بالفريق كامل .. ولايحوس الدنيا ويجرب بنص الموسم .

عبدالمجيد اكبر دليل على كلامي .. أن جونسون اخذ افضل لاعب بالمباراه .
وركز كلامي عن شوط ثاني فقط .

كلام ابو هيبيا صح .. ما تلاحظ انك قبل اي شيء تدخل على اللي ما يدخل مزاجك يالدكتاتوري وتنقص فيه حتى لو كان رجل المباراه .
يعني انت عندك قناعه ومؤهلات .. اذا اللاعب ما ناسب المؤهلات العاليه ممكن تخليه مايسوى ريال .. وشعارك دائما وابدا كين

مساعد هدي هدي .. تراها مباراه وديه .. يعني خلنا نغلط ونستانس ونعيش حياتنا .. عشان لابدا الدوري نعرف الاخطاء مسبقا ونتلافاها .

محمد عبدالمجيد انس

ياليت تتناقشون في الموضوع حق التقديم

ومحمد غير اسم الموضوع واكتب الليفر يخسر وزي هالحركات ويوجد نقاش

عشان نصير سوينا موضوع متكامل يالله برب ابروح اذاكر دعواتكم يامنيب قايله خخخخخخخخخخ

سلااااااااااام

شـباب ,
يـاليت تشـاركون بـ المناقشـه بـ موضوع التقديـمّ !!

/

بـ النسبـة لـ العنـوان , حاولنـا , نغيـره , بسّ مدري وش سـالفتة !!
الزبـده الرئيس ولا النائب , اللي يقـّدر يغيـره , هذا العنـوان :
{ ليفربوٍلَ Vs إْتليتكـوٍُ مدريـدَ } .. $ [ .. متعـه الاتليتـكَ , تنهـيَ اللقـاءَ بـ فـوز مستحـقَ بـ الانفيلـدَ علْـىَ ليفربـوٍَل .. ]

بيآن رسمي من النآدي يبين انتقآل اكويلاني بالتفصيل



نآدي آي اس روما يعلن انه توصل لاتفآق مع نآدي ليفربول لكره القدم والعاب القوى بخصوص نقل لاعب الوسط البيرتو اكويلاني الى النآدي الانجليزي وتم الاتفآق على مبلغ 20 مليون دولآر تدفع على اربع دفعآت الاولى عند توقيع العقد وهي 5 مليون دولآر ، الثانية من 3 ملايين دولار € تدفع في 4 يناير 2010 و الثالثها€ 7 مليون دولار تدفع بحلول 30 يونيو 2010 والرابعه 5 ملايين دولار € تدفع في 30 يونيو 2011.

بالضافه الى:-

روما يحصل 0.3 مليون دولار على كل مشآركه لليفربول في التشآمب من موسم 2010/2011 حتى موسم 2014/2015 وكحد أقصى 1.5 مليون دولار.

يحصل روما بعد مشآركه اكويلاني في 35 مبآرآه على 0.25 مليون دولار .

يحصل روما على 1 مليون دولار بعد اول بطوله يحققها ليفربول سواء كانت التشآمب او الدوري.

يحصل روما على 5% من قيمه صفقه اكويلاني اذا ماتم بيعه لاي نآدي آخر.

نآدي روما ورئيس مجلس ادارته يشكرون البيرتو اكويلاني على جميع مشآركتاه مع روما وعلى امل ان يتطور ويحصل على المزيد من البطولات والجوائز.

إقتباس ن 3 ملايين دولار €

الآن بالدولر و لا اليورو يتعاملون؟
مكتوب دولار و حاطين علامة اليورو

^^

المكتوب دولار .. لكن اللي اخبره ان الصفقه باليورو والتعامل باليورو بأوروبا عدا انجلترا بالجنيه الاسترليني .
واللاعب جاي من عندكم يعني الصفقه يورو والله اعلم .
نورتنا .

شباب وش سويتو بالعنوان
لخبطتو بين موضوع التقديم والرابطهـ
ورازين الهزيمه فوق يا عل يتفرد بكم دوسينا .

مساعد لاهنت ع الاخبار ..
بس لو تركز شوي وتراجع وش اللي مكتوب ورا ..
لان نص الاخبار مكرره .

إقتباس { ليفربوٍلَ Vs إْتليتكـوٍُ مدريـدَ } .. $ [ .. متعـه الاتليتـكَ , تنهـيَ اللقـاءَ بـ فـوز مستحـقَ بـ الانفيلـدَ علْـىَ ليفربـوٍَل .. ]

^^

هلا بالخفاش المخضرم ..
ترى فيه تعقيب على ردك الاول عشان تعرف انا نحبك

اما عن العنوان فـ لخبطه بسيطه وتم الاهتمام بها .

والمباراه راس مالها وديهـ .. وأن شاء الله المستوى يكون بعد اسبوع قدام توتنهام .

إقتباس ليفربـول يراقـبّ مهاجـمّ ريدينـغ ’’ سيمـون كورتـش ‘‘ هـذا الموسـم ، بغيـة التعاقـد معـه الموسـم المقـبل .. !!

اماا عشان الموسم الجاي
الله يلحقنا خير .. خلنا نبدأ الموسم الحالي ويصير خير .
واللاعب صراحه ما اعرف عنه ايتها حاجه .

إقتباس بيآن رسمي من النآدي يبين انتقآل اكويلاني بالتفصيل

الظاهر لو بنعشيه بالنادي لكم 20 % من قيمة الاكل
والله يا انتم ما خذين من كل شيء نسبهـ .
لاهنت اخوي ع الخبر .

إقتباس عانيّ جيـميّ كاراغر من اصـابةّ وتحدث بينيّتيـز عنهـاً ‘‘ انة بخيـر واصابتـه التـواء في الكـاحلّ ’’

ما يشوف شر كارا .
وان شاء الله يكون جاهز قبل بداية الموسم ..
والدفاع من غيره .. سلطه

لاهنت بوعزيز حبيب قلبي .
وطريقه جميله ومبتكرهـ جدا