المباراه صراحه حماس ورتم عالي .. صح دفاعنا خنبقو .. بس هذا شيء طبيعي وبالحكم على انهم طالعين من
الشباب فـ مستواهم كويس جدا .. ويصلحون كـ بدلاء ..
لكن لاغنى عن سكرتل واجيير وكارا ..
جونسون اليوم ابدااع وشعله من النشاط والحماس ما شاء الله عليه .
لوكاس صاحب الهدف لو جاب الثاني كان ردينا اكويلاني
المعلق كان اكثر من رائع . مدري عشانه مدح الليفر ولا .. لكن الوكاد انه بطل .
وخصوصا يوم قال "توريس ممكلة الهجوم" ..
"جيرارد يعني الثقهـ".. يوم قالها انا خقيت معهـ . تحسونهـ يعرف يمدح ابن اللذين
لاحظتو يوم يمسك فورلان الكورهـ بعدي يالجماهير بردو قلبي شوي
هذي فااتت على المعلق ..قعد يحوس شوي يبي يعرف ليهـ يصيحون عليه .
الفريق اليوم كامل ممتاز ما شاء الله باستثناء الدفاع .. وكلامي عن الشوط الثاني فقط .. الاول روح ما شفتهـ .
يعني نقول ان شاء الله ندخل مطمأنين جدا بمباراة السبيرز ومع عودة الغائبين بيكون الوضع افضل ان شاء الله .
يالله واحد يذب لنا نقش هوون خلنا نهذري شوي عن المباراه ..
جيمي كاراغير الذي خرج في بداية الشوط الاول مصاب بشتابك مع احد لاعب اتلتيكو مدريد في المباراه الوديه التي جمعت ليفربول مع أتلتيكو مدريد التي انتهت لصالح اتلتيكو بهدفين مقابل هدف المدرب بنتيز واثق كل الثقه أن اللاعب سوف يكون جاهز لمباراة توتنهام وتحدث رافا في مؤتمر صحفي بعد المباراه وقال: " اللعب في حاله جيده الان وقد اصيب في ألتواء بالكاحل بعد الاشتباك بينه وبين لاعب اتليتكو مدريد ويجب اننتظر نحن نمتلك ثلاث لاعبين مصابين وهم يتحسنون مع مرور الوقت واعتقد ان جيمي كاراغير سوف يكون جاهز للمباره القادمه مع توتنهام "
جونسون اليوم ابدااع وشعله من النشاط والحماس ما شاء الله عليه .
لوكاس صاحب الهدف لو جاب الثاني كان ردينا اكويلاني
محمد الظاهر انك مضيع اكثر من المعلق
اجل جونسون بدع ماشاء الله ....؟؟!!
ابو الشباب واضح انه مالتزم بالادوار اللي عطاه بينتز
في كوره مرتده بين اغوويرو ومدافعنا الفسحه طبعا بحكم السرعه اخذه اجويرو
كان جونسون قريب والمفروض انه يرجه ويغطي مكان المدافع اللي طلع للكوره
ابو الشباب جالس يتمشى ..؟؟!!
بصراحه اذا هذا جونسو اللي انتم معولين عليه فسالفة كين تبي تتكرر وهالمره على دفاع الفريق
لاعب غير انضباطي ... صحيح من ناحية الامكانيات تطور واللاعب سريع لكنه كلاعب يدفع فيه هالقيمه
ليتنا باقين على اربيلوا وجايبين ايتو بهالقيمه
بالنسبه للوكاس الثاني اللاعب اثبت انه مقوماته ناقصه ومهو كفو يغطي مكان الونسو
كان المفترض على بينتز انه يرجع جيرارد وينزل فورنين وراء توريس ويحاول انه يخلق تجانس بين فورنين وتوريس
صدقون راح يكون ثنائي مجنوووووووون
بينتز يتاخر في انزال فورنين واذا نزله حطه بخانه غير خانته ..؟؟!! مادري عباطه او انه يحاول يوصل لشيء مع هاللاعب
واذا نزل سريع مايغير توريس ...؟؟!!
بصراحه هالنقطه اللي براس بينتز مادري وش المغزى منه
لاعب بامكانك انك تستغله في تقويه الادوار الهجوميه وممكن يلعب ادوار تبادليه مع جيرارد داخل اللقاء ليش ماتستغله ...!!!
بصراحه لقاء قمه بالسوء وقمه بالتخبط واضح اثر الونسو بشكل كبير
بهذا المستوى وبهذا الاداء وبهذي التشكيله وبهذي القناعه صدقون الدوري بعيد المنال
لازم ان بينتز يتخلى عن فلسفته شوي
ويقتنع بعدم الجدوى من اشراك لوكاس كاساسي وان المفروض ان جيرارد هو اللي يعود
بالعربي التشكيله اللي اشوفه مثاليه للفريق بالوضع الحالي
مع ان اللعب اليوم اثبت لي ان الفريق بحاجه الى مهاجم ثاني واتمنى سواريز لاعب اجاكس
السلام عليكمْ ورحمة الله وبركاتة !
مساء الخير على الجميع ..
بس عندي استفسار بسيط :
- متى اخر بطولة حققها الليفر , وكانت على حساب من ؟
عندي معلومات بالخصوص نفسة , لكن حاب اتأكد لا أكثر .. !!
ويعطيكمْ العافية ياشباب , وبالتوفيق لـ الليفر : ) !
..
.
يا هلا بك خيوو .. اخر بطوله عام 2006 كأس الاتحاد الانجليزي قدام وستهام بمباره اسطوريه ابدع فيها الليدر .. واخذ هدفه افضل هدف بنهائيات البطوله . اتمنى افدتك . وتقدر ترجع لـ اول صفحه موجود فيها انجازات النادي بالتاريخ .
عبدالمجيد .. اختلف معك 180 درجه .
الفريق مستواه مطمأن . صح المرتدات كانت تجي خطيره دائما .
وهذا عيب التجانس والتفاهم من اللاعبين وسط الملعب .. يعني شفنا مساحات يتركونها المحاور والاظهره
لكن مهوب جونسون فقط ..
جونسون امكانياته عاليه جداا ..
طبعا انا قلت اني اتكلم عن شوط ثاني بس .. الاول فات علي ولا شفته .
مشكلتنا الدفاع والمحور المتقدم ..
اعتقد أنك لو ترجع جيرارد للمحور بتفقد كثير من امكاناته بالهجوم وعطائاته .
فورنين حتى الان لعب مهاجم صريح و 9 ونص ولاشفنا ذاك المستوى ..
واحنا بموسم استعداد يعني اذا رفا ما جرب متى بيجرب ..
خله يحط اللي براسه الان ويلعب بالفريق كامل .. ولايحوس الدنيا ويجرب بنص الموسم .
عبدالمجيد اكبر دليل على كلامي .. أن جونسون اخذ افضل لاعب بالمباراه .
وركز كلامي عن شوط ثاني فقط .
كلام ابو هيبيا صح .. ما تلاحظ انك قبل اي شيء تدخل على اللي ما يدخل مزاجك يالدكتاتوري وتنقص فيه حتى لو كان رجل المباراه .
يعني انت عندك قناعه ومؤهلات .. اذا اللاعب ما ناسب المؤهلات العاليه ممكن تخليه مايسوى ريال .. وشعارك دائما وابدا كين
مساعد هدي هدي .. تراها مباراه وديه .. يعني خلنا نغلط ونستانس ونعيش حياتنا .. عشان لابدا الدوري نعرف الاخطاء مسبقا ونتلافاها .
جونسون بالعكس اشوفه انه مبدع بالمباراه بحكم انها مباراه وديه الاخطاء عادي ليش تحاول
التنقيص من اللاعب حتى من قبل لايجي اجل تبينا نقعد على أربيلو عبد المجيد اذا جينا عند الجد جونسون
في المباريات الاستعداديه وهو توه لاعب جديد على الفريق قدم أداء رائع انت الحين حكمت على اللاعب من
مباريات وديه ورغم النقص الدفاعي حملته المسؤاليه كامله انا مألمه لو كان سكرتل وكاراغير موجودين
كان قلت اخطاء جونسون لان الظهير يحتاج الى التقدم وفي حال تقدمه كاراغير يغطي مكانه
بس انت يا عبدو منت هاضم اللاعب لو عمل المستحيل << تكفى لاتنبرش علي
بالنسبه لفريقنا انا سبق وان ذكرت انه يفتقد ثقافة الفوز الفريق مو محتاج لاعبين الفريق كامل
اقصد انا في الموسم الماضي اقسم بالله ليفربول اذا ماسجل في الشوط الاول هدف على الاقل احط يدي على قلبي
ليش ندخل المباراه وحنا ما ندري حنا راح نفوز او نتعادل او نخسر ليش ما ندخل المباره ومافي غير الفوز
الفريق فيه نقطه سلبيه ليش ماتضقط من بداية المباره ليش تستنا يجي فيك كم هدف على شان تلعب كويس
هاذا مو ممنطق اني اذا خسرت ابدع ليش مانشيستر يدخل المباره وهو ضامن الفوز وفريقنا
انا مابي مستوى شبعنا من المستوى 20 سنه ابي فوز وحد صفر بس بالعربي ابي الثلاث نقاط جاهزه لو بدون مستوى
المهم النتيجه مثل مايلعب مانشيستر لاعبينهم عندهم ثاقفة الفوز عكس فريقنا الي مدري وش ينقصه بالضبط
انا اشوف ان الفريق مو ناقصه اي شي
![][ رابطة عشاق الريدز || 2009-2010 || ][](iconimages/t792129_rtl.gif)
.. صح دفاعنا خنبقو
.. 
لو جاب الثاني كان ردينا اكويلاني
الوضع العادي
