][ رابطة عشاق الريدز || 2009-2010 || ][ - صفحة رقم 394 - نادي الهلال السعودي - شبكة الزعيم

رابطة عشاق تشيلسي · #1 01/05/2010, 08:28 PM

][ || EPL 37 || السيتي ينتصر بـ ثلاثية.. السبيرز يكسب بولتون ..وغداً الليفر يستقبل تشلسي ..المانيو في ضيافة سندرلاند ..|| ][ ‏

لاتخلونا الله لايهينكم

عاشقة البحار الزرقاء · #2 01/05/2010, 08:56 PM

واو مبروووووووووووووك افتتاح الرابطه وانا من عشااق

ومحبي ليفربووووووووووووووووووول (الريدز) وان شالله

ياخذ الدوري الموسم القادم باذن الله تعالى

ومشكووور وما قصرت ع مجهودك الرائع والمميز وبالتووفيق لك

Anfield Fan · #3 01/05/2010, 10:01 PM

يامحمد

انا ما ودي نفوز بس وش نسوي .
لو كان الفريق يرضى بالخسارة الحين راح يرضاها بعدين و بعدين و هذي المشكلة
طوال المواسم الماضية كنا نرضى بخسارات مذلة كخسارتنا قدام المان بثلاثية ، و خسراتنا قدام أرسنال قبل موسمين في أكره مباراة بتاريخ الليفر
واللي خلاني استنتج اننا نبي نفوز
أن تشلسي معطلين بدري و ما لعبوا
بينما لعيبتنا راح يدخلون و عينهم على التعويض
خصوصا مع التصاريح من بابل و جيرارد

ادع ربك ان سندرلاند يعطلهم

تخيل بس نفوز على تشلسي 3-0
و مانشستر يخسر 3-0

راح اكون أسعد إنسان بالعالم
خصوصا مع فوز الإنتر و الهلال و الريال بكرا XD <<< ضامن

بالتوفيق لليفربول

LIVER 4 EVER · #4 02/05/2010, 02:22 AM

^^

زياد .. انا باسر بتلقان ضدك

ياحبيبي لو ليفربول يهبط ولايحلمون بالزعامه ....... تجي تقولي مصلحه فريقي

مصلحة فريقك سلمك الله انه يطلع من الابطال عشان ينباع الفريق ويعرف ان الفريق ناقصه دراهم
واسماء لاعبين ....

اما روح الانفيلد فهي معروفه لكنه ماراح تكون بيومه

ولو هي بيومه وينه يوم الخميس ...؟؟!! بعد ماوصل الفريق يطلع !! بختصار ماهو هذا الريدز ولاهي روح الانفيلد اللي نشوفه هالموسم ..... نعيدها موسم للنسيان

اعتقد ان جماهير الريدز راح ترفع الاعلام الزرقاء لاول مره في تاريخها . ماهو حب بالازرق معروف درجه كره هاللون في الانفيلد
لكن ظروف اللقاء هي اللي تجبرنا على الوقوف في وجه الريدز ... لاجل الريدز وسيادته وكبريائه .. الكل مطالب بمسانده البلوز

L F C · #5 02/05/2010, 03:13 AM

http://www.mirrorfootball.co.uk/news/Rafa-Benitez-edges-closer-to-Liverpool-exit-door-after-accusing-the-club-s-owners-of-breaking-promises-about-transfer-funds-article412297.html

بينيتيّز بحرّقة يتحدث عن مافعلة الامريكان في ليّفربول . . يقوّل :

- وقعت عقدي ووعودني بتوفيّر المال . . لكن في الأخير الأمور تغيرت . . !
- تركت فالنسيا بسبب الظروّف التي تغيرت داخل النادي ، وهُنا إيضاً تغيرت الظروف !
- تُريدوّن أن تعرفوا الفارق بيننا وبين مانشستر وتشيلسي وأرسنال ؟ . . فقط ألقوا نظرة على دكة بدلاءنا في مُباراة إتليتكو . . !
- الكل يتوّقع أن بإسم وتاريخ ليّفربول . . إن يكون الريدز في المُقدمة دائماً . . لكن الشئ الحقيّقي هو أننا نُنافس تحت ظروّف مُختلفة بسبب وضع الأموال وبناء الملعب . . !
- لا أستطيع أن أتحدث عن المُستقبّل . . - مُستقبلي هو مُباراة تشـيلسي غداً - . . !

Anfield Fan · #6 02/05/2010, 03:32 PM

المباراة ستبدأ الآن

جماهير ليفربول ترفع صورة كبيرة لمدربي الليفر

شانكلي ، بيزلي ، ......... ، هولييه ، رافا

جماهير الوفاء و الحب

بدأت المباراة

$$البرنس$$ · #7 02/05/2010, 03:40 PM

شباب تكفون ابي رابط نقل تعليق عربي

Anfield Fan · #8 02/05/2010, 04:06 PM

أبشركم الهدف الأول لتشلسي من دروجبا

يبدو ان الزعامة باقية

Anfield Fan · #9 02/05/2010, 04:12 PM

خالد الغول منقهر يقول وين روح ليفربول و التعليق كله ليفربولي

ياشباب انتم ما فهمتوا قصدي
قصدي انه الفوز قريب لنا وراح أفرح فيه
و الكل شاف تصريح جيرارد انه نشأ في ليفربول للفوز فقط

لكن الخسارة راح تفرحني أكثر بينما الرد اللي فوق اعتقد انه للموسم الجاي اكثر من هالموسم بعد إعادة النظر

عالعموم فريقنا مسيطر لكن تشلسي متقدم

الله ينهيها على كذا

السهم الصعب · #10 02/05/2010, 04:50 PM

قوووووووووووووووووووووووووووووووول
2-0 جاب الهدف لامبارد ..فريق سيء جداا واولهم الغبي جيرارد هذا وهو لاعب خبرة لاتقولون لي عاادي موب هذا الخطاْ الارعن
وقبل شووي ضاعت هجمه من بابل ..

فيلسوف · #11 02/05/2010, 05:27 PM

يالبى قلوبكم ياعيال

ابشروا باللي يسنتر هنا الموسم الجاي مؤازرة لكم لين ماتحققون الدوري

السهم الصعب · #12 02/05/2010, 05:07 PM

تغيير لليفر
دخووول الاعب ديفيد نغوغ بدل الاعب اوكيلاني..

السهم الصعب · #13 02/05/2010, 05:13 PM

الاعب الوحيد اللي يلعب من قلبه الحارس رينا والباقين يتفرجوون
يعني هو الصااحي فيهم على الاقل تجملوا شوي مابقى الا 8 دقايق
هاردلك على المستوى الفاشل.. واشوف من نظرات توريس قبل شووي انه ماراح يقعد مع ليفربوول

السهم الصعب · #14 02/05/2010, 05:27 PM

انتهت المباراة بفوز تشيلسي بعد احتساب 3 دقائق وقت بدل ضائع
الف الف الف مبروووك لتشيلسي يستاهلوون والله لعبوا في الليفر لعب
واهنيهم اذا جابوا الدووري افضل من ليفربوول فنيا
ومانبغى نغني على الاطلال على سابقنا نبغى شي جديد اووكي 43 بطوولة لكن في الوقت الحالي ليفربول فاشل
وحتى الدوري الاوروبي طار علينا يعني حنا مثلنا مثل ايفرتون وفولهام

Arsenal · #15 02/05/2010, 05:40 PM

,

السلام عليكم

هاردلك يا شباب

تسآؤل بسيط

قبل شوي جابوا لقطات بعد مباراتكم لـ بينيتيز و اللعيبه يدورون على الجماهير و كأن بنيتيز يودع الجماهير !!

لكن ممكن فيه احتمال لانها اخر مباراه بالانفيلد هالموسم ولا انا غلطان ؟

موفقين ان شاء الله

,