http://www.hodood.com/site/sportstv2.php

رابط عربي

مباراه ماتبي شيء .
برمنجهام مقفلين وتغطيه ع النينو تماما ولعبهم ع المرتدات وسبب خطورنا علينا .
رافا لازم يسحب و لوكاس اللي سبب اكثر من هجمه خطيره وينزل ماسكي لانه بيعطي الفريق اريحيه اكثر بالتقدم
ولازم يطلع بنعيون اللي مستواه هزيل اليوم ومهوب قادر ع الاختراق ابدا وينزل بابل اللي اوقع انه بيغير شيء بالمباراه خصوصا رغبته بمسح صورة الكرت الاحمر باخر مباراه .
النينو مع التغطيه لازم يجنح ويترك كويت والليدر وحتى ماكسي للدخول بحرية للصندوق فـ ظل هذي التغطيه الرهيبيه على النينو .
التسديد من خارج المنطقه ايضا خياار مغتوح للاعبين خصوصا اذا وجدت المساحات مثل ما حصل بالشوط الاول لكن التمركز الجيد من الاعبين مطلوب لـ فتح خانات للتسديد .

.

.

اللي يبغى يتفرج ع المباراه ,,

الرابط اللي جابه اخوي L F C مضبوط مرره .. ما قطع معي ولا مره

وبالتوفيق للريدز ان شاء الله

مع السلامه

الان تأكدنا العيب والمشكله من مين
رافا عندك بابل ممتاز عندك ماسكي ممتاز ولا انسى النينو وآجيير .
ليه تحدني على عاهات ولاعبين فاقدين لمستواهم ؟؟؟؟

كله لعيون الدوري الاوروبي !!!!!
الى متى واحنا نعاني عشان البطولات الخارجيه على حساب الدوري .
تفائلنا بعد الخروج من الابطال على اساس تركيز المنافسه ع الدوري وتفاجأنا انك تفرط حتى بالمركز المؤهل للابطال لعيون الدوري الاوروبي !!!!!!!

بابل + جونسون نجوم المباراه يلا منازع
نغوغ كان تحركاته ممتازه ودخوله يحسب لـ رافا لكن اللي يحسب ع الدكتور هو اخراجه لـ النينو اللي من انصاف الفرص يجيبلك اهداف المفروض دخول نغوغ ع حساب كويت وهذا شيء بديهي ولو ملاحظين كيف النينو تفاجأ بالخروج ومثله جيرارد + رافا مهيب عوائده يبدل من الدقيقه 64 لو احد مركز شوي .

.

.

يالله الحمد لله على كل حال

بالله عليكم الحين لوكاس وش محله من العراب ؟!

لا تمريرات صح ولا قطعات صح ولا حفاظ ع الكوره صح ولا وقوف في المكان الصح !

وأما بابل لازم اذا نزل يعمل شغل .. ويثبت لرافا أحقيته باللعب أساسي ,, لكن لا حياة لمن تنادي

وأمأ خروج توريس حدث ولا حرج .. حتى هو والليدر أستغربوا !

لسىـآ باقي 5 جولات = 15 نقطه .. وان شاء الله تكون كفيله بضمان المركز الرابع

مع السلامه

^^

زياد عادي وجهة نظرك وتحترم سواء كنت اتفق او لا .
لكن الجمله الاخيره كنك تستفزني ارد وكأنك متأكد اني ما اتفق

يالله ما نردك .

إقتباس انت كل موسم تقول رافا يضحي بالدوري عشان الأبطال الحين رافا ضحى بالأبطال لعيون بطولة تحفظ ماء وجه ليفربول الموسم الجاي ، ولو فزنا بالدوري الأوروبي و السوبر ما ظني فيه لاعبين راح يرفضون هازم بطل

اول شي وش الجديد بأن رافا يضحي بالدوري لأي سبب .
ثانيا وش يضمن لي أن الموسم الجاي رافا بيركز ع الدوري وبيترك الدوري الاوروبي !!
ثالثا كيف تضمن بقاء النجوم وانت ماتأهلت لـ بطولة أقدر أسميها مطمع كل لاعب على وجهه المعموره انه بشارك فيها ولو بشوط واحد ومثلها كيف تبي تجلب نجوم لهم وزنهم وانت تلعب بالدوري الاوروبي !! والكلام هنا عن نجوم لهم وزنه ولو بتتكلم عن فالنسيا فـ لاعبينها ملو من المشاركه بالهبطوله واذا انتقلو أكيد ما يبون العوده لها بأي حال من الاحوال خصوصا اذا ماتوفرت عروض افضل .

إقتباس 20 سنة كثيرة مرة ، رافا اقتنع ان الأهمية في الموسم الجاي لقب البريمر ليج و اظن انك بالموسم الجاي ان احيانا الله تبي تقول الله يلعنك يا رافا ضحيت بالدوري عشان الشامبيونز . بعدين مباريات الخميس وش فيها ؟ تطقطق فيها و تطور مستوى لاعبين بمشاركات خارجية ضد فرق قوية ، يعني لو جبنا هذا نقدر نجيب الدوري .

صدقني بنقولها حتى وان كنا بالدوري الاوربي لاني مازلت اذكر العام والفريق متصدر والكل صار يرشحه للقب كيف لا وهو بطل الى رأس السنه ومع كذا اخذنا احلى هزيمه من البورو قبل مباراة الريال .
والاصابات شيء وارد بظل الاعداد السيء والتنقل الكثير بالصيف الامر اللي يضعف برنامج الاعداد والكلام ماهوب عن المبارايات او قوتها الكلام عن كيفية الاعداد النفسي والبدني اللائق لـ المنافسه على اصعب بطوله مثل البريمير ولنا بـ أصابات هالموسم خير مثال واكثرها لو تلاحظ حدث بدون اي احتكاك .
واختلف معاك حول ان الدوري الاوروبي بيزيد من خبرة ومستوى اللاعبين بالعكس بتكون استنزاف للفريق خصوصا انه مستحيل ينزل رافا بالبدلاء ويخليها مثل كاس الرابطه . !!

إقتباس لاحظت شيء ؟ عندنا احتياط لكل لاعب و مع وجود شباب يعتمد عليهم مثل باتشيكو و كيلي و سبيرنج

كيلي مصاب حتى اخر الموسم لذلك ما اشوفه كسب الخبره الكافيه انه يكون بديل كفؤ الموسم الجاي وباتشيكو سيء الى ابعد الحدود وايضا ما اكتسب الخبره الكافيه لاكن الكلام ع عودة نيميث & سبرنغ طار لـ نادي نسيت اسمه .
ديجآ + نغوغ ما اشوفهم البدلاء الكفؤ مع تطور مستوى الاخير لكن حتى الان ماهو طموح الفريق او بمعنى اخر هل هو اللي بيغطي غياب النينو بـ كفائه !!
الغريب انك ما طريت لوكاس >>> ننتظر تفلت خويه

بشكل عآم الفريق يحتاج ترميم بشكل كبير من الدفاع الى الهجوم ونحتاج اكثر من 5 لاعبين ع الاقل حتى نقدر ننافس ع الدوري ومعه بطوله او حتى الاول لحاله .

هذا والله اعلم

وتستمر العقده !!!

هاردلك شباب .. ماشفت المباراة بصراحه

لكني اتفق مع زياد في كثير من اللي قاله ,, وبالنسبه للتشكيله اعتقد الليفر بحاجه الى مهاجم من نوعيه 9,5
لكن بينتز ماراح يجيب احد ,, لانه مقتنع ان جيرارد افضل بهذا المركز (والحقيقه لا الفريق بحاجه الى لاعب زي ديفو او بينت )
واذا ماحصل اتمنى اتمنى اشوف اما ميلنر اوجينس او اقرع السيتزن << نسيت اسمه وانا اكتب ايرلند << جابه الله

بالاضافه الى ان بينتز مايلام ترى بيرمنجهام فريق صعب وبصراحه فريق له شخصيه وخصوصا على الكبار

إقتباس زياد عادي وجهة نظرك وتحترم سواء كنت اتفق او لا . لكن الجمله الاخيره كنك تستفزني ارد وكأنك متأكد اني ما اتفق

هذي مفروغ منها و السبب جملة عبدالمجيد

إقتباس لكني اتفق مع زياد في كثير من اللي قاله

إقتباس اول شي وش الجديد بأن رافا يضحي بالدوري لأي سبب . ثانيا وش يضمن لي أن الموسم الجاي رافا بيركز ع الدوري وبيترك الدوري الاوروبي !!

يضمن لك انه الموسم هذا ضحى بالأبطال عشان الدوري
و طلعنا من المولد بدون حمص

إقتباس صدقني بنقولها حتى وان كنا بالدوري الاوربي لاني مازلت اذكر العام والفريق متصدر والكل صار يرشحه للقب كيف لا وهو بطل الى رأس السنه ومع كذا اخذنا احلى هزيمه من البورو قبل مباراة الريال .

والله عن هالفترة ماكنت متابع لأني انقطعت من بعد مباراة نيوكاسل 5-1

إقتباس والاصابات شيء وارد بظل الاعداد السيء والتنقل الكثير بالصيف الامر اللي يضعف برنامج الاعداد والكلام ماهوب عن المبارايات او قوتها الكلام عن كيفية الاعداد النفسي والبدني اللائق لـ المنافسه على اصعب بطوله مثل البريمير ولنا بـ أصابات هالموسم خير مثال واكثرها لو تلاحظ حدث بدون اي احتكاك .

هنا اتفق معك سويسرا لأندونيسيا لأسبانيا لأنجلترا قبل الموسم ب10 ايام ؟؟
هذا ارهاااق كبير

إقتباس واختلف معاك حول ان الدوري الاوروبي بيزيد من خبرة ومستوى اللاعبين بالعكس بتكون استنزاف للفريق خصوصا انه مستحيل ينزل رافا بالبدلاء ويخليها مثل كاس الرابطه . !!

شكلك ما فهمت قصدي
قصدي انها مبارياتها كثيرة و مثلا لو اصيب النينو هل يعود بمباراة مثل مباراة فولهام الموسم هذا ؟؟
شفنا وش صار فيها رغم تسجيله الهدف كان غايب عن مستواه ، اما لو عاد بمباراة مثلا لبنفيكا او اي نادي آخر ستكون فرصة جيدة انه يستقوي عليهم و يتجهز للدوري

إقتباس كيلي مصاب حتى اخر الموسم لذلك ما اشوفه كسب الخبره الكافيه انه يكون بديل كفؤ الموسم الجاي وباتشيكو سيء الى ابعد الحدود وايضا ما اكتسب الخبره الكافيه لاكن الكلام ع عودة نيميث & سبرنغ طار لـ نادي نسيت اسمه .

وانا اقول من نسيت
نيميث راح لأيك اثينا و مقدم مستوى قوي هناك و شفنا إبداعه ضد ايطاليا بكاس العالم للشباب
بعدين سبيرنج معار لنادي مدري شسمه ويرجع نهاية الموسم
باتشيكو مقدم مستوى كبييير مع الرديف و كابتن الفريق الرديف و يكفيك إبداعه بمباراة ليفربول ب ضد مانشستر سيتي

إقتباس يجآ + نغوغ ما اشوفهم البدلاء الكفؤ مع تطور مستوى الاخير لكن حتى الان ماهو طموح الفريق او بمعنى اخر هل هو اللي بيغطي غياب النينو بـ كفائه !!

انت شفت مستوى نجوج بمباراة برمنجهام رغم تضييعه لفرصة ما تنضيع بس كان نجم المباراة من الريدز و للحين صغير و راح يتطور
المهم رافا يعطيه الفرصة و تشوف مستواه كيف

إقتباس الغريب انك ما طريت لوكاس >>> ننتظر تفلت خويه

لوكاس انا اشوفه جيد كأحتياطي اما أساسي فهو غبي في المباريات القوية رغم انه يمرر تمريرات دقيقة بس ما عنده الجرأة للتمريرات الطولية

إقتباس بشكل عآم الفريق يحتاج ترميم بشكل كبير من الدفاع الى الهجوم ونحتاج اكثر من 5 لاعبين ع الاقل حتى نقدر ننافس ع الدوري ومعه بطوله او حتى الاول لحاله .

الدفاع ما فيه مشكلة

نحتاج فقط ب3 لاعبين و ذكرتهم برد سابق لي

محور هجومي في حالة عدم انسجام اكوي
وسط أيسر و الأفضل سيلفا
مهاجم سريع و صراحة ما شفت شيء ليوفانوفيتش و ان شاء الله اشوف قريب