إقتباس el-nino-9

حيا الله المستجد ,,
ان شاء الله تلقى اللي يفيدك وبرضه نطلع منك بفائده

شف الرئيس ترى اهم ماعليه انه يعرف اسمك <<

منوووووور

إقتباس برأيي لوكاس هو لاعب محدود الامكانيات مهما تطور وعلت به المراتب عكس اكوي الموهوب من يومه صغير والموهبه عمرها ما تكون مصطنعه . بالعربي كأنك تقارت بين كامري ومرسيدس . الكامري مهما صلحت وعدلت فيها ممكن تكون جيده لكن ماراح تصير مثل المرسيدس وهذا اللي ابي اوصل له . لاعب من خامة اكويلاني ممكن يصنع لك الفارق ويوازي عطائات كبار الفريق عكس لوكاس اللي هو لسد الحاجه . لكن محتاج الصبر عليه حتى ترجع له حساسية الكره خصوصا فـ ظل حاجتنا للاعبين من هذي الخامه .

اجل اكويلاني مرسيدس << الاخ شريطي
لو سمحت هذي الرابطه مخصصه للريدز وقضاياه
<< بالعربي مثال بايخ << مستمر بالاستفزاز


لكن في الحقيقه انا مع راعي الهلي << ويلكموووووو
لوكاس تطور ومستمر بالتطور , واستدعاء دونغا له اكبر رد ,, بصراحه بالفتره الاخيره انا لو ما شوفه بالتشكيله الاساسيه , احس انه الفريق ناقص .

اكويلاني في رد سابق لي بينت ان الدكتور ناوي يعيده الى الملاعب بقوه
اللاعب وبهذا المبلغ ماهو لموسم واحد اللاعب الريدز يبي يواصل فيه حصد النجاحات

اكويلاني لو سواه بينتز ولعبه راح يقضي على كل التضحيات اللي سواه ببدايه الدوري من اجل لوكاس
خصوصا ان اللاعب مع استمراره بين انه مشروع ويحتاج صبر ويحتاج الى ثقه (وهو قده )

لوكاس مميز بالالتحامات والمراقبه بالاضافه الى المسانده الهجوميه , واللاعب يتطور على المستويات اخرى مثل التسديد من خارج المنطقه والتمرير ...



اما عن ردك على اعطاء الفرصه لفورنين فهو غير مقنع
واللاعب مااخذ الفرصه اللي تتكلم عنه . لكنه ضيع هجمه وبوقت بالنسبه للريدز تعتبر قاصمه
وللاسف صار هو الضحيه


وعن كلامك على توليف المراكز والتعامل مع لاعبين الدكه والجاهزين ,, انا للاسف اتفق معك
فعلا بينتز ما استطاع انه يستغل اللاعبين الموجودين عنده
على العكس ثبت التشكيله وبناء عليه عمل الاشراكات ,, وهذا اكبر خطاء
يعني نجوج يلعب ولاعب بامكانيات بابل مايقدر يلعب الى عشر دقائق .... ؟؟!! على الاقل شوط يادوكتور
سكيرتل هو الاخر لاعب تراجع مستواه ولاسف بينتز استغنى عنه وجعله حبيس الدكه (وهالشيء جعله مهزوز شوي ) على النقيظ مع راؤول الانفيلد .....!!!

^^

أبو ليلي .. ماودك تغير عنوان الرابطه وتخليه :

" Liverpool Fans 2009-2010 " < كلاسيكي

^^

بطوله نايمه مانشوف فيها الليدروالنينو وديل بيرو وفيا وتوتي >> تابعو الدوري الاوروبي > يروج
أنس غالي والطلب رخيص جاري التغيير ان شاء الله .

نجي الان لـ رئيس الهوليجنز بالرابطه مجيدو مشآكل
نبي نتفق على شيء قبل كل شيء كل الامثال اللي اقولها صح وتصل الى قلوب الاعضاء وتلامس مخيلاتهم

نجي لـ انبراشتك .
اولا عن اكويلاني
الفريق قدامه منافسات اوروبيه بالاضافه الى الصراع المحلي وبذلك انت بحاجه للاعبين بأمكانات عاليه مثل اللي مع الليدر وماسكي .
اشراك اكويلاني بالدوري مطلب ضروري ومهم جدا لانه بيفتح لليدر المجال للتقدم وهو مرتآح بدون الالتزام بمهامه الدفاعيه مثل ماهي الان مع لوكاس .
ما أجحد حق لوكاس بتطور مستواه لكن هل وصل حتى الان للمستوى اللي وقف عنده اكويلاني .
المشكله انك تعرف امكانيات اكويلاني وتحتاج مثله بهالموسم لاعب بقدرات هجوميه رائعه وصناعة لعب ممتازه عكس لوكاس
اللي تابعته اخر المبارايات كان يستلم الكوره وبعدها يرفع رأسه ويرجع للخلف وهذا اكبر عيوبه اللي هي انعدام الجرأه الهجوميه .
الموهبه ما تصنع ولوكاس مهما تطور ما اعتقد بيكون من اللاعبين الهاي كلاس بأوروبا مثل ماهو مع اكويلاني .
بناءآ على كلامك بأن رافا محافظ على اكويلاني للمدى البعيد ليه استعجل بالزج فيه باللقائات الاوليه لما بعد شفآئه وحاول يدخله تدريجيا لجو المبارايات وفجأه توقف واعاده للدكه بشكل ماشر وابعده عن التشكيله باكثر من مناسبه .
اناا اشوف ان رافا خايف من التغيير ونتائجه على الفريق اكثر منه محافظه على الاعب خصوصا ان مقعد رافا على المحك .
وللاسف هي واحده من اثنين يا ان الدكتور اكتسب صفة الجبن خصوصا مع كثرة الاشاعات أو أنه يكآبر بقناعاته .

إقتباس لكنه ضيع هجمه وبوقت بالنسبه للريدز تعتبر قاصمه وللاسف صار هو الضحيه

ولو سجل لكان البطل وصورة المناضل اللي استطاع اقناع رافا بامكانياته , يفترض انه يعرف بان الفرصه ماتتكرر مرتين وهو اخذ اكثر من فرصه بوقت حاسم ولو اعطى نص مستواه بالباوندسليجا كان الان مشكل ثنائي مع النينو او الاوحد برأس الحربه .
الى الجحيم ايها الغراب الدوري الروسي ويخب

يالله انبسط ياعم اعطيتك اكثر من نقطه نختلف فيها .

احد قال ان طقمهم بايخ ؟ ههههههههههههههههههههههه

مدري وش قصة الريدز هالسنه حتى الناشئين الحظ موقف ضدهم !!

بالتوفيق في المباراة الجايه في الدوري الاوربي مع ونيريا أورزتشيني > ياليل ام النادي اللي قاعد اتهجاه نص ساعه > يمدحون نسخ لصق يابكاش ..

ادعى مالك نادي الذئاب (ولفرهامبتون ) ستيف مورغان أن ليفربول قد يكون خالي من الديون إذا تم الموافقة على عرض استثماره قبل جورج جيليت وتوم هيكس الذين هم من في نهاية المطاف تواجدوا في ملعب انفيلد , يذكر ان مورغان تخلى عن محاولة شراء ليفربول في عام 2004 بعد أن كان هناك تردد من مجلس الإدارة ، واستطاع جيليت وهيكس السيطرة على النادي بعد ثلاث سنوات ولكن في عهدهم كانت هناك انتقادات شديدة من جانب المؤيدين بسبب الديون التي حصلت للنادي قال مورغان : " كنت سأضع في ذلك الوقت 70 مليون كاستثمار لـ النادي وكان يمكن أن يساهم إلى حد كبير في خفض الديون وقد يصل خفض الديون إلى مستوى الصفر "



قدرة ديون ليفربول بنحو 237 مليون والرئيس التنفيذي ظل يبحث على تأمين استثمارات من الخارج و يذكر أن النادي يضطر لدفع الفوائد على ديونه وأضاف مورغان : " إذا أنا كنت هناك اعتقد انه لن تحدث هذه الأمور "



مورغان اشترى الذئاب منذ ذلك الحين من السير جاك هايوارد و وعد أنة سوف يستثمر مبالغ كبيرة في النادي ومتفائل بشأن المستقبل بعد صعود النادي إلى دوري باركليز الممتاز

^^

الله يعطيك العافيه ع الخبر لكن يآآريت تضيف المصدر او تحذف الخبر لان النقل ممنوع .


مجلتنا .

][ اخبار الصحافه ][



][ كارلتون كول لاعب الهامرز صرح برفضه عددا من العروض الانجليزيه ويبدو ان الريدز احدها ][
LFC

][ بينيتيز يرفع بماسكي ويعتبره نموذج ][
LFC

][ رافا : مباراة السيتي ليست الحاسمه ][
LFC

][ السيتي يفقدون تيفيز قبل مباراة الريدز ][

^^
ابو عزيز ركز بكلامي

إقتباس عكس لوكاس اللي تابعته اخر المبارايات كان يستلم الكوره وبعدها يرفع رأسه ويرجع للخلف وهذا اكبر عيوبه اللي هي انعدام الجرأه الهجوميه .

يمكن اكون أخطأت باللفظ اللي هو اخر المبارايات . ع العموم المقصد اخر المبارايات اللي شفتها وعلى فكره الارسنال ماهيب منها
لذلك اتكلم على اللي اشوفه فقط .
اتمنى اكون مخطأ ونشوف اللاعب بمباراة الخميس عل وعسى .
هالحين برب للغداء وابرجع اتفرج على مقاطع خويك عسى تغسل مخي واعزز لك

تاريخ التسجيل: 27/05/2005
المكان: Jeddah
مشاركات: 4,000

مبروووووووووووووك الألفيه الرابعه يابو ليلي
وعقبال الألفيه الخامسه بإذن الله

^^

الله يبارك بعمرك والالفيه الخامسه بتكون رد على تتويج الريدز بلقب البريمير

بوهيبيا والله واحشني زمآنك , احلى عوده وبأذن الله موفق بدراستك ونشوف صورك ان شاء الله من الكوب .
اماا عن طلبك فالاسف ما اقدر اجاوبك لان الحال من بعضه وخويك مهوب المتايع بالفتره الاخيره .

بالتوفيق للدكتور بقيادة الفريق بكرهـ .
تصبحون على خير

. ][ رافا : سنعطي اليورو ليج كل ما لدينا ][ .



صرح رافا انه يعطي الدوري الاوروربي كل ما لديه وان يبذل قصارى جهده بالفوز باللقب وذلك عند عودتهم للعمل الاوروبي الخميس القادم ,

حيث صرح رافا " هو دائما صعب ولكن عندما يكون لديك مديرا فنيا لفترة من الوقت ، وكان مع فرق مختلفة ، وأحيانا كنت فقط تلعب مرة واحدة في الأسبوع ، في محاولة لتفادي الهبوط "
" عندما يكون لديك خبرة ، فلا شيء جديد عليك تعرف كل المشاعر و الاحاسيس قبل المباراة "
" كنت افضل اللعب والمنافسة على دوري ابطال اوروبا لكن الحظ لم يحالفنا "
" عليك ان تكون ايجيابي وتفكر من الناحية الايجابية التي تساعد فريقك في تحقيق مراده والآن لدينا الفرصة في اليورو ليج "
ليفربول هو المرشح للفوز و برفع الكأس يوم 12 مايو ولكن بينيتيز أشير إلى أن المهمة التي تواجههم ليست سهلة أبدا.
لا تزال هناك أندية كبيرة تورطت "، وقال بينيتيز :" إذا كنا نستطيع تعدي الجولات القادمة، رغم ذلك ، أنا متأكد من أن الجو سيكون حقا جيدة لان المشجعين يرغبون لنا الفوز بالبطولات ".

المصـدر .. liverpool