سلام عليكم

هلا شباب .. الف مبرووووووووك الفوز والبدايه من هنا

حاليا الليفر حصل على ثلاث نقاط .. والفريق يحتاج الى ثقه اللاعبين اولا بقدراتهم بعدها بقدرات مدربهم
ومنها ستظهر الروح المعروفه عن مايسمى بالمارد الاحمر ... المختفي هالموسم


لي تعقيب على كلام عبدالله ذا ريدز & وابو عزيز &

اشوفكم ماسكين تسفيل برافا وكانه هو السبب ...؟؟!! قولولي وش اخطاء فيه بينتز

لاحد يجي ويقولي اللاعبين مصابين وهو السبب ؟؟
ولاحد يجي يقول انه كبت عليه ملايين الدنيا وهو رفض انه يشتري احد ...؟؟!!

تكتيكيا الليفر لعبه سليم .. وهذا هو دور رافا والشيء الوحيد اللي يكون مسؤول عنه الدكتور هذا الجانب

انا بكلامي ماقول ان بينتز ماخطى ابد لكن بينتز حاول قدر الامكان انه يحافظ على مقومات الفريق

الليفر هالموسم واجه مشكله بالدفاع وبالكرات العرضيه وهذي هي اللي يتحمله بينتز ....
وقدر انه يحل وتخلى عن افضل مدافعينه سكيرتل لعيون حل هالاشكاليه ... تحسب له


بعده طلعلنا لوكاس والاخطاء اللي ارتكبه اللاعب ... وهذي بينتز غير مسؤول عنه لانه رحيل الونسو ماكان بيده
وبالعكس طور اللاعب وقدر انه يستفيد منه والدليل لقاء المان وكيف ان اللاعب قدر انه يواجه لاعب بحجم سكولز وقدر انه يوقف بوجهه ويجاريه مع فارق الخبره ....؟؟!! من من المدربين اللي يتجرا على هالشيء غير الدكتور ولاتنسون ان اللاعب محور يعني مافيه مدرب تكتيكي يحل هالاشكاليه بهالسرعه
الارسنال رحل جيلبرتو سيلفا برغبة فينجر او بمعلوميته ومع ذالك الى الان ماقدر انه يحل الاشكاليه .. مع ان فينجر قدر انه يحل اشكاليه رحيل النجوم { هنري وبيريز وباتريك فيارا ..... }

جت مشكلة الاصابات بعده وهذا الشيء غير متوقع ... انه جيرارد وتوريس يعودون الى الاشكاليه اللي ضيعت الدوري على اليفر الموسم الماضي ... ومع ذالك تخطى الاشكاليه بتواجد بن عيون وتالق نغوغ
وهذي ايضا تحسب لبينتز
لكن ايضا من الي يحسب عليه ... انه تونجاي لاعب مدليزبره كان قريب من الليفر ومع ذالك الليفر فرط بالصفقه وراح بارده مبرده لستوك ... وهذي مشتركه المسؤليه مع الامريكان

الليفر باع الونسو وباع ليتو وباع اربيلوا بما يعادل 40 مليون
وشراء جونسون بـ11 مليون والباقي تسديد ديون على بورتسموث
وشراء اكويلاني ب20 مليون
وتفاجى بينتز ان الاداره تقوله انه مافيه ميزانيه (وكان الحركه مقصوده ) من توم وجيري
مع انه مالجى الى الان لطلب المزيد من المبالغ (يعني الصفقات اللي سواه منه واليه )

اعارة نيمث هي الغريبه واعتقد ان بينتز لجاء للاعاره لمحاوله تطوير اللاعب بالاضافه الى تقليل المبالغ الي راح يصرفه النادي
حاليا بينتز يبي يتخلص من فورنين ودوسينا وبابل والسبب اعتقد مشابهه لسبب التخلي عن نيمث بالاضافه الى ان البعض ماصار يتوافق مع خطط بينتز وطريقه لعب الريدز


فيه نقطه مهمه ... وهو اهتمام بينتز بالجيل الناشئ ,, وهذي نقطه مهمه وخفيه على الكثيرين
الريدز في المستقبل القريب راح يكون من افضل الانديه كلاعبين شباب يدعمون الفريق الاول
والسبب اهتمام بينتز الكبير بهالمستوى من الفريق واعادة تاهيل الفريق من هالنقطه تحديدا هي بذرة استمرار الليفر فريق كبير لما يحقق الدوري
تفكير بينتز تفكير كبير وعقلاني .. صحيح الليفر يعيش ضغط مطارة المان على اللقب
لكن تصرف بينتز هو الامثل .. دليل هالشيء انه الشايب طلع وتكلم عن طريقه بينتز وسياسته واعتماده على لاعبين اسبان في درجة الشباب << هالامر مقلقه كثير .. وجالس يدرسه

لمسه بينتز واضحه على الفريق ... اتمنى من الجميع انهم يحترمون بينتز ويثقون بامكانيات بينتز وقدراته
وزي ماقدر باول مكوسم جاء فيه من حل الاشكاليه في خط الدفاع وخلق انسجام بين كارغار كقلب دفاع وهيبيا
وحقق الابطال ... وبعدها بكم موسم قدر انه ينافس على الدوري وتعلم درس مهم ..
وبنفس الكيفيه قدر بينتز انه يعطي الليفر هيبه بين الكبار (في اوروبا ) قبل ماتكون بالدوري اللي لازالت بتصاعد

قادر على انه يوصل الليفر الى الاستمراريه ... وخلق منافسه ريدزاويه طويله الامد (وهذا اللي يشتهر به الليفر )
وهذي في الحقيقيه هي الطريقه اللي اتبعها المان في خلق نفسه كبير ومنافس على البريمير في سنوات معدوده


الليفر صبر كثير ... ومابقى الى القليل ... بينتز سيصل الى مبتغاه

الجمهور بالرغم من اللي صار بالفريق من خروج من الدوري الابطال وابتعاد الفريق عن المنافسه ... الى انه يصرح بسخط على الرؤساء وماشفت اي احتجاج يتهم فيه بينتز ... غير عندنا هنا ...
يعني المشكله مشكله ثقافه كرويه ... والمدرب ماهو ساحر

اللي صار في لقاء سندرلاند ولقاء الارسنال ومواجهة توتنهام والسيتي وبيرمنجهام
امور خارج نطاق التغطيه ومابيد بينتز شيء يسويه للتفيخه وتقدم رينا وهفوه دفاعيه وثقة زائده


ماعليش شباب طولت عليكم ... لكن هالكلام عن مدرب بحجم بينتز زاد هاليومين وكانه هو السبب
وبصراحه في امور وخفايا يجب الواحد انه يقراه قبل مايقدم الاتهام لمدرب له خبرته وله تجربه في بناء فريق
وعلى فكره من الاسباب اللي خلته يترك فالنسيا هي التدخلات واللي حله الموسم الماضي في الليفر باقاله باري

فالنسيا بعد ماحقق الدوري مع الدكتور .. تلخبط وماعرف يتصرف
وشراء دي فايو وكورادي ... وكانوا افضل لاعبين بالكالتشيو هذاك الموسم
لكن ولان الامر بدون تخطيط .. فشلوا في الخفافيش
هذا اللي اخاف على الليفر منه .. انه يعمل ماعمله الخفافيش مع بينتز
ويعود الفريق كما كان ... زي مارجع فالنسيا الى فريق قوي لكنه يفتقد للمنافسه وطول النفس .. بالرغم من الاسماء اللي يضمها الفريق



تحياتي للجميع

السـلام عليـكم
مبرووك الفوز اول شيء
مستوى الفريـق كان رآئع جدآ
وما كان في عيوب في الهجوم بس كان فيه كم غلطة في الدفاع :
يعني لو فريق ثاني كان ممكن يسجل
مستوى اللعب الجماعي كان جدا ممتاز
مممممم خط الوسك فالبداية كان برضوا في كم خطأ بس احمدلله ربنا سترها
اتمنى الآن تنسون مباراة الأرسنال ،
لانها مبآرآة وانتهت وقدر الله وما شاء فعل .
وبالتوفيـق لليـفر
،،،،،،،،،،

إقتباس شكراً بينيتيز ،، انقلع خارج النادي فـ فيه ( غيرك ) قادر على صنع الانجازات مع نادي اسمه ليفربول لايملك من المال [ الا اسمه ]

افااا يا ابوو عزيز انت تقول هالكلام ؟؟!!
مالك الا رافا مدرب باقي مع الفريق ولا يشتكي ولا يرغب الرحيل في اصعب الأوقات وكل الإنتقادات
تحسس المدرب يحب الفريـق من قلب
وبدون جلب الكبار صرىحة ما توقعت الكلام يطلع منك ابد ابد


قفلة ..

آهـ .. يآ جليـنز شفت لما تسوي غلطة وش يصير فيـك

قفلة لابو عزيز ،،

من فيه غير رافا لليـفربول ؟؟

تقرير : ليفربول يعرض على فان نيستلروي الإنضمام إليه لستة أشهر على سبيل الإعارة

فان نيستلروي يصّر على مغادرة مدريد ليتمكن من المشاركة مع منتخب هولندا في كأس العالم ..

مراااااااااااحب

مبروك الفوز و هارد لك بنفس الوقت

اجل الحين ويجان نفوز عليهم بالموت ؟؟

بس فيه شيء واحد يخليني اتفائل

ان النينو لو سجل ما يوقف ابد

وعلى فكرة ترون الأهداف مانزلت بالإستديو

إقتباس قفله لأنس ياخي فيه سؤال من فتره براسي حاولت امسك نفسي بس ماقدرت اللقافه سوف تقتلني بما انك اتحادي وشلون جيت هنا اقصد لشبكة زعيمنا ووشلون تحمل تشوف اللون الازرق معذبكم وسوري على السؤال الغبي هذا

انس من الإتحاديين العقلاء

اقول احمدي ربك انه ماهو نصراوي

اما عن الإجابة فهي اما شئيين

واحد دعاه للرابطة

او لأن ما عندهم رابطة بمنتداهم << و هذي الأقرب

إقتباس شكراً بينيتيز ،، انقلع خارج النادي فـ فيه ( غيرك ) قادر على صنع الانجازات مع نادي اسمه ليفربول لايملك من المال [ الا اسمه ]

شرايك حموود بالتفسير الخاطي

اعتقد انه قصده ان لو يجي اي مدرب مهما كان ما راح يجيب بطولات دون مال

شف فيرغسون رابح 94 مليون من صفقة واحدة و شرى 3 لاعبين بربعها

و تشلسي ما يحتاج على قولة واحد هنا رئيسهم يكح فلوس

آرسنال شبابهم ما ينتهون

حنا لا تعليييق

الف الف مبرووك فووز الليفر صرااحه انا خفت بعد هدف ويجان انا كنت متوقع بيجي هدف لهم
لكن الحمد لله عدت على خير واقول لاانس مستر انفيلد شجع ليفربوول واترك الاتحاد بعد الخمسة خخخخخخخخخ

اقوول انا صح اكره بنيتيز بس ترى هو الوحيد اللي فاهم قدرات ليفربوول
ويعرف ان امكانيات الليفر عادية المفرووض تقول انقلع ياجيليت مايدفع شي

رافا بنيتيز : الآن ليفربول يريد الفوز بأكثر من مباراة على التوالي


تحدث مدرب ليفربول رافا بنيتيز عقب الفوز الصعب على ويجان 2-1 والذي ظهر فيه ليفربول بشكل جيد لأول مرة هذا الموسم منذ أكثر من 10 مباريات.
وقال المدرب الإسباني لصحيفة الميرور : " لقد كانت نتيجة رائعة، والأهم كانت عودة توريس بعد شهر دون تدريب بسبب الإصابة"
وأضاف : " لم يكن من الضروري البدء به اليوم فقد أردت حمايته ليكون جاهزاً أمام بورتسموث".
وعن هدفه الحالي لهذا الموسم ، رفض رافا التحديد واكتفى بالقول : " الآن نريد الفوز في عدد من المباريات بشكل متتالي وسنبدأ من بورتسموث".
يذكر أن فيرناندو توريس غاب لأكثر من شهر بسبب مشاكل في العضلات ، لكن عودته تبدو هي ما كان يحتاجه ليفربول حيث استطاع ليلة أمس تسجيل الهدف الثاني والذي أكد الفوز لفريقه.

goal

فرناندو توريس يلمح برحيل مدرب ليفربول نهاية الموسم الحالي!!

المح مهاجم ليفربول "فرناندو توريـس" اثناء حديثه مع موقع ليفربول عن اقتراب رحيل بينيتيز نهاية الموسم الحالي مؤكداً في الوقت ذاته صعوبة انتهاء مسيرة المدرب مع الريدز بهذه السهولة..