إقتباس مدري ليه مانيب خايف من الخروج من الابطال يمكن يكون شعور تفآآئل أو لا مبالاه الشيء اللي متأكد منه اني ابي ارفع شعاار كلنا ليوون الين يبيضون الوجه قدام الطليان .

مثل ما توقعت بالحالتين , الشعوراللي كان عندي هو اللامبالاه . لنا سنين طويله واحنى نقول نبغى الدوري حتى لو كانت الظريبه الابطال . وحصل هالكلام . العام قبل مباراة الريال الذهاب لعبنا قدام البورو وانهزمنا وهذي كانت ثاني هزيمه لنا واحد اسباب ضياع اللقب تشتيت الفريق باللعب على بطولتين والفريق يعاني كثيــر في غياب لاعبين محددين وبالاخص بالهجوم .
فـ يمكن تكون هذي خيره لنا بالعوده للابن العاق .
من جهه ثانيه اعتقد الخروج من الابطال هو الخط الاحمر اللي لازم يوقف عنده رافا مع الملاك والاخ الكريم برسلاو ويناقشون وضع الفريق الحالي والتدهور الحاصل فيه بسبب كثرة الاصابات وعدم وجود البديل المناسب للاحتيااطيين .
السنه هذي ظروفنا كانت استثنائيه جدا من كان يتوقع قبل نبدأ مع السبيرز ان الفريق بينقصه اكثر من 8 لاعبيين اساسيين ومثلهم بالاحتياط . يمكن يكون العدد مبالغ فيه لكن كيف انت كمدرب تبي تولف تشكيله تلعب فيها الموسم الماضي وايضا بالصيف
وتتفاجا باول الموسم انك تلعب بالرديف وبشباب الاكاديميه .!!!!!!!!!!

ما ألوم الفريق ابدا لكن الوم اشكال مثل هيكس وجيليت عبدة الدراهم , رافا كان حاسب حساب تأخر عودة اكويلاني واوريليو ففكر بجلب تيرنر وكاترمول . لكن ما شفنا الا الرفض القاطع مع العلم ان رافا كان بيده او بالاحرى مازال بيده اموال من بيع الونسو واربيلوا ..؟

هذي اللي كان بخاطري اتكلم عنه بعد المباراه خصوصا لما شفت الاسماء اللي بالملعب واللاعبين اللي تحاملو على نفسهم ع الرغم من الاصابه .

^^

تصريح برسلاو جيد تماما. خصوصا اللي يتكلم فيه عن رافا . قالها بصريح العبااره
وقعنا مع رافا قبل 6 اشهر وهذا اللي بيصير وبينهي المده كامله معنا ولا لـ أي سبب وقعنا إذن .
اماا عن كلامه عن الاموال والخسائر . فهذا اخر شيء افكر فيه لانها بشكل او باخر ماراح نشوف منها اي باوند بيد رافا .
وبالعكس ممكن نقطة تحول بحيث الملاك يدعمون النادي اكثر عشان يحصلون نتائج افضل او بصريح العباره
اموال اكثر .

لاهنت ابوعزيز , مجيد مبروك التاهل .

^

محمد .. بيرسلاو يقول .. ان ثلاث مباريات على ارضنا بـ اليوروبا ليّق تبي تدر
علينا ملاييّن تساوي الميزانيه الموضوعه لـ التشامبيونز :$

^^
قال تقريبا .يعني بالعربي الخساائر من الخروج من الابطال بتكون محدوده .

الشيء الايجابي .اننا اصحاب الرقم القياسي بالفوز بالبطوله مع الانتر واليوفي ونبي نعزز هالرقم السنه ذي ان شاء الله
يعني الخروج كان من باب التغيير نوعا ما
اصلا من اول احس ان فيه شيء مميز بهالبطوله وخلها تعيد لنا ايام 2000

شطحه .
فيورنتينا اتمنى تكون مشاركتم مكان الريدز مهيب لمجرد المشاركه >> دقه
اصلا هالفريق عليه لون مدري وش يبي (فوشي) >> يستفز مجيد

السلام عليكم
هاردلك الخروج من البطولة
والله ان البطولة بدون ليفربول بتكون بطولة بدون طعم ولارااائحه ولا لون
مدري كيف الفريق ما قدر يتاهل على الرغم من الاسماء والداهية اللي في الدكة
يالله كبوة جوااد ومعوضين الموسم القادم ان شاء الله وبرضة ياليت يجيبون الدوري الاوربي بالمرة

مبروك التأهل عبدالمجيد وتاهل الفيولا وخروج الليفر من مصلحة الكالشيو وان شاء الله يكملونها الميلان واليوفي بكرة ويتاهلون ويفتكون من الحسابات

هاردلك جميييعا
يا حبيّـبي يامحمد والله لو اني اعرف رافا بينتز وامون عليه كان سفلت فيه لين بكرة كلش ولا يضيق خاطرك

^^
ما رحت بعيد نبي منك تسطر اللي انت عندهم هيكس وجيليت
البلا كله من هالملاك وهم من رجع الليفر سنين ورا وهم من بيخلونه نسخه مطابقه للمكبايس وليدز
ولا الوم رافا بهالشيء يمكن كلامي فوق مهوب دقيق شوي لكن المقصد منه اني ما الوم رافا وهو قاعد ينافس بـ الليفر الاولمبي .
ماا اقول الا ياحظ اللي عنده رئيس مهوب امريكي >> وجه يتذكر ابوظبي القابضه .
نورت الرابطه مسيو ناصر وداري ان شطحت عن السالفه لكن خلها فضفضه من اللي اشوفه بالفريق .
لكـ

إقتباس الرسالة الأصلية كتبت بواسطة هلاليـــــــــ أصيل ^^ ما رحت بعيد نبي منك تسطر اللي انت عندهم هيكس وجيليت البلا كله من هالملاك وهم من رجع الليفر سنين ورا وهم من بيخلونه نسخه مطابقه للمكبايس وليدز ولا الوم رافا بهالشيء يمكن كلامي فوق مهوب دقيق شوي لكن المقصد منه اني ما الوم رافا وهو قاعد ينافس بـ الليفر الاولمبي . ماا اقول الا ياحظ اللي عنده رئيس مهوب امريكي >> وجه يتذكر ابوظبي القابضه . نورت الرابطه مسيو ناصر وداري ان شطحت عن السالفه لكن خلها فضفضه من اللي اشوفه بالفريق . لكـ

صراحة وضع الليفر غريب !
يعني الحضور دايم full واسعار التذاكر غالية ماا ذكر اني لقيت تذكرة في البريمر كلها مبيوعه ودوري الابطال تحضرها مع الضيوف 35 جنيه استريلنيي
غير كذا حقوق النقل وووو
يعني اندية انجلترا ماشية بالسليم ماديا
ومع ذلك ما نشوف الليفر يسوي صفقات قوية واخرها على ما اعتقد توريس
ناهيك عن توجه رافا بينتز للاسبان ومدري من صرح وقال انه بيتورط اذا تطبق قانون 5+6
الملاك المفروض يرخون مخابيهم شوي على النادي واصلا النادي اكيد ممتاز اقتصاديا على عكس الكالشيو اللي اهم مورد فيه معدوم جدا ( اللي هو الحضور الجماهيري )

على طاري قولتك يا حظ اللي ماعنده رئيس امريكي
ترا مانشستر مالكهم امريكي <--- والله يا انا رايح وطي معه ساحب على كل شي ومسلم الخيط والمخيط لفرجسون هذا الرئيس والا بلا

تدري رئيس يوفنتوس منهو ؟ ترا جنسيته فرنسي طبعا ماوصى عليه بلاتيني ابد كيف الديموقراطية بفريقنا

على طاري الاموال وتغذية الفريق بالصفقات , اذكر بعد ماصعد اليوفي للدرجة الاولى كان يترنح ماليا , اجتمعو مجلس الادارة والمساهمين وسوو تصويت وانتهت النتيجة الى ان المساهمين بيدفعون للنادي 105 مليون يورو دعم !!
صراحة هالحركة اعجبتني , كل شي بفريقنا ماشي بالسليم اجتماعات ومساهمين وتصويت وامور تجارية بحتة , على عكس الليفر والانتر وتشيلسي اللي ينفرد بالقرار شخص واحد
رغم ان فيه عائلة تملك 66% من اليوفي الا ان البقية لهم رأي ويدعمون النادي

ما ادري هل هالشيء موجود في الليفر ؟ ما اعتقد حقيقة

<--- احس النقاش بيطلع كااايف وبنطول فيه

^^

نآصر شلون ما يطلع كايف وانت فيه . الا يتكيف غصبا عليه

اجل باسم الله

عن الجزئيه الاولى فـ مشكلة الفريق الماديه هي بوجود الامريكان . النادي مثمر وعائداته من الابطال والدوري سواء حقوق النقل او الحضور الجماهيري ممتازه خصوصا مع وصافة الدوري العام .
لكن عذر الملاك الاوحد هو الديون اللي على النادي وهذا الشيء المثقل على كاهل الفريق .
هم متمسكين بالنادي لانهم لاقين من وراه خيره مع الاسف عشان كذا ذكرت انه فيه نواحي ايجابيه بخروجنا من الابطال .
اماا عن الصفقات القويه فـ نظام الفريق من بعد اول سنه لرافا معنا هي نظام بيع لتشتري .
خروج نجوم كثر من الفريق وحتى لاعبيين ممتازين كتدعيم للدكه كان بسبب هذا النظام .
للعلم فقط . الملاك وعدو رافا بدعم الفريق بـ 20 مليون بالصيف الماضي ومع كذا ما شفنا الا اموال بيع اللاعبين امثال اربيلوا والدون والباقي راح بحجة تسديد الديون لـ احد البنوك . تخيل مجموع قيمة انتقالات اللاعبين من الفريق على حسب الصحف الانجليزيه 40 مليون + 20 الموعوده.
ومجموع انتقالات اللاعبين الى الفريق هو 40 مليون وعليك الحساب .!!
اماا عن التصريح فـ المقصود هو لاعبين الاكاديميه اللي 40% او 60% منهم اسبان وصاحب المقوله اكيد معروف انه هو السير والهدف واضح !! لكن تاثيرها على المدى البعيد ممكن يكون معه حق لانها نسبه كبيره من شباب الاكاديميه وناشئيها واللي هم تدعيم للفريق الاول مستقبلا . ومعروف ان الملاك ابعد ما يكونو عن دعم الفريق باي شكل من الاشكال . لذلك ممكن نكون بورطه من هذي الناحيه .

اماا عن الجزئيه الثانيه فـ مع الاسف الامريكان لهم نسبة 100% من اسهم النادي وبيدهم الحل والربط حتى انهم مره كانو ناوين يبدلون رافا بـ كلينسمان وهذا يبين لك انهم ما طقو شور لـ احد لو الله ثم مضاهرات الجماهير ولا كان النادي بخبر كان .
للأسف النظام التجاري البحت مهوب دائم يكون جيد مثل ماهو حاصل مع المان الان .
تفكير الملاك مادي بحت حتى انهم الان ومع اعذارهم لرافا بشح الاموال فهم ناوين يبنون ملعب جديد للنادي لزيادة الدخل مع انه لو دفع لرافا قبل اقفال السوق الصيفي بـ 14 مليون كانت الاوضاع الان افضل .

شطحه تبين لك جشع هالملاك القبيحين .
جيليت وهيكس اعلنو انهم يبون مستثمر جديد يدخل معهم شراكه والكل يبي يبيع جزء من حصته بالمناصفه للشريك الجديد
ومع وجود الاميرفيصل بن فهد الكل قام يلف من ورا الثاني لضم الامير معه ويبغى من الاخر بيع حصته كامله عشان يستفيد من وجود الامير خصوصا اذا كان الاخير من النوع الداعم مثل ابوظبي القابضه . وصارت بينهم مشاكل من جديد .
وبعدها الكل قام يقدم الكلام المعسول لتهدئة الجماهير وقامو بدعم رافا بكل الطرق المعنويه على الرغم من انهم كانو من كبار منتقديه ودائم بينهم خلافات مع رافا على خلفية تدعيم الفريق .
حتى انه كتب بشروط عقده هو حصوله على الدعم المادي اولا باول >> تخيل !!
عن نفسي افضل اداره مثل المان يونايتد او السيتي .ولا افضل تكون مثل البلوز او الريال اللي ممكن يفرض على المدرب لاعبين ما يحتاجهم ويرغمهم عليه والامثله كثيـر .
ادارتنا تعطي المدرب الضوء الاخضر بشراء اللي يبي لو يحطها كلها بـ لاعب واحد لكن بحدود المبلغ الضئيل اللي معه ..!!

^ ^ ^

يؤ يؤ والله الوضع مزري اجل !!
طيب الحين وضع ليفربول مع رافا والملاك الامريكان مهوب افضل من ايام التنح جيرارد اولييه والادارة السابقة ؟ احس الوضع حاليا افضل من السابق لكن مهوب هو الافضل والمأمول

الغريب ان ملاك الاندية يدعمون
موراتي يدعم الانتر سواء من جيبه الخاص او من شركاته
وابراهيموفتش نفس الكلام
يمكن مانشستر ما يدعمون مباشررة بس مسلمين السير كل شي
الارسنال متقاطين مع فنجر بحيث انهم يهيكلون الفريق اقتصاديا من جديد ورئيس ارسنال ماله الا 2% من الاسهم على فكرة
مدريد سياسته ما تعجبني
البرشا هي افضل سياسة لاني ارى والله اعلم ان سياسة القرار الاوحد والمركزي هي اسوأ شي وهذا اللي حاصل مع ريال مدريد , صفقات قبل المدرب على عكس البرشا اللي المدرب له الصحلاية والدليل عدم رغبة بيب بسامويل ايتو وباعه باقرب فرصة وبرضة بايعين واحد فلتة لليوفي تشوفونه بعدين

سياسة الانتر سياسة في تدخل اهواء الرئيس واكبر دليل ريكوبا
الميلان مدري وش يبي سياسته مهيب واضحه سابقا كان برلسكوني يدعم الحين ما يدفع شي مغير يخزن قروش الابطال وكاكا ولا صرف منها شي
اليوفي زي ما قلت لك سياسته مجلس ادارة ومساهمين ومع ذلك ما نقدر نغفل حق العائلة المالكة اللي تكفلت بجزء كبير من صفقة محمد سيسوكو ولها تاثير كبير على النادي

تساؤولاتي بعد الفلسفسه السابقة /

وش اقرب سياسة من السياسات اعلاه قريبة لسياسة الليفر ؟
وش تفضل اي سياسة منها ؟
ايهم احسن وضع الليفر الحالي والا ايام اولييه ؟
فلوس الونسو وين راحت ؟
كم قيمة العقد السنوي لـ Carlsberg اللي في فنايل الفريق ؟

^^
الاتحاد الاوربي فـ حال التساوي بالنقاط يرجعون لمباراة الفريقين . يعني طلعنا او بشكل اخر اهلنا للدوري الاوروبي طز

نآصر امم سوري النت فصل والدنيا حاست ولا قدرت اشغله الى هالحين .
بما انك حصرتها على هالنقاط فـ بعطيك اياها مرتبه .

* الاقرب اعتقد المان لان رافا له صلاحيات كبيره الان بعد توقيع عقده الجديد واللي طلب فيه يكون هو الامر الناهي بامور الفريق الفنيه ومايتبعها عكس ماكان الوضع مع ريك باري .
للمعلوميه الامريكان عندهم فلوس الدنيا كلها وهيكس توه بايع نادي تكساس رينجز او شيء زي كذا بملغ وقدره ولايهون جيليت ومع كذا ما شفنا ايتها دعم محرز للفريق .

* اعتقد اني افضل سياسة البرسا بناءا ع كلامك لاني بصراحه ماني ملم بسياسة البرسا لكن ان يكون المدرب هو الرئيس هذا اللي افضله بكل تاكيد ويكون مدعوم بكل قراراته هذا الشيء المطلوب .

* اذا مانيب غلطان الرئيس السابق للنادي ماباع الفريق الا لما تاكد ان هالملاك كانو ناوين على دعم واذا ماني ملخبط المالك السابق كان من مشجعين النادي لكن ماكان عنده ميزانيه تسمح له بدعم الفريق فـ فتح المجال لغيره .
الملاك الجدد مع اول قدوم لهم دعمو النادي وهذي حسنتهم الوحيده بجلب رافا والونسو وجارسيا ومن بعدهم النينو .
لكن بعد كذا شفنا كلام فاضي ووعود واهيه .
اعتقد انك حطيتني بين خيارين احلاهم مر .

* الباقي من فلوس الونسو سددوها على اساس مديونيه لـ احد البنوك بناءا على تصريح حدا هالاوادم .

* وقيمة عقد شركة النحس 7,5 مليون سنويا لكن ابشرك من الموسم الجاي بتغيير الرعايه لانا وقعنا مع بنك نسيت اسمه بـ 20 مليون وصار الفريق موازي للمان كـ اكبر رعايه بالبريمير .

ع فكره احد اسباب هبوط المكبايس رئيسه التووحفه واذا ماني غلطان مثله ليدز .