|
مبروووك حامل@@ (( قصة حقيقية )) يسعدني بعد غيبه ان اعود لمجلسي العام المحبوب بموقف لن أنساه ماحييت:naughty: الحكاية بدأت قبل سبع سنوات بعد ان أجتزت اختبار الوظيفه قمت بالذهاب لعمل كشف طبي لدى مستشفى الملك سعود بالرياض (( صحارى )) وكان من ضمن الكشف عمل بعض التحاليل:at: بعد اخذ عينة الدم طلب مني الانتظار ساعه لظهور نتيجه التحليل ابو الشباب راح يفطر ويتفقد مرافق المستشفى وبعد ساعه من الجوله التفقديه رحت استلم نتيجه التحليل وكان استقبال المختبر فل على الاخر الكل يبي يعرف نتائج تحليله حريم ورجال انتظرت الموظف ينادي على اسمي وبعد ما قال منص منص قلت سم جلس يطالع ويتمقل حسيت فيه مصيبه بالطريق :ac: وانا ابلع ريقي قلت له عسى ماشر قال مبروك حامل والتفت والا كل الناس تطالع حريم ورجال وكان قدامي شايب ما انساه للحين التفت علي وهو يضحك وقالي مبرووك قلت اي مبروك هذا يقولي انا حامل واكلمه تعال وشو حامل هذا التحليل لي انا رجال منب حرمه ويطالع قال هذي نتيجك وتجي التفاكير شلون بقول للعمل الجديد وش بقول لاهلي والحاره والناس كيف بينتفخ بطني اروح لطبيبه نساء ولاده والا طيب عجزت اتخيل نفسي متمدد بالسرير ويسوون اشعة لبطني وكيف بشوف الجنين بالشاشه هل هو ولد والا بنت او تؤم بديت اتلمس بطني واحط ايدي على جنبي وامشي قربت للموظف قلت تكفى تاكد اكيد في لخبطه قال انتظر وتستمر الافكار والخيالات ادق على امي تجهز لي سرير علشان النفاس اذا طلعت اروح مذركير اشتري اغراض للبيبي بالاثناء هذي يصوت الموظف منص منص قلت سم قال اسفين العينه كانت لحرمه بالغلط هذي نتيجه تحليلك ما فيه حمل سليم قالها وهو يضحك واستانست بس بنفسي الوقت ضاق صدري لان شعور الامومه اكثر من رائع وتمنيت اعرف بس وش يبي يجين ولد والا بنت:wub: السالفه حقيقيه بلا زياده ولا نقصان اتمنى تكون اعجبتكم:te: تيحتي منصــ:af:ـي |
:d اجل حامل ماشالله يتربا ف عزك ان شاء الله:d اما حامل قويييه:d |
إقتباس:
يعطيك العافيه |
ههههه هي قويه بس صارت ، عقبالك:naughty: az3eem-4-ever اسعدني مرورك الكريم:rose: |
حكر المنحكر الله يعافيك:s5s: اسعدني مرورك:rose: |
يتربا بعزك خخخ اتخيل الشكل وانت ماشي وراز بطنك ويدك ورا ظهرك ههههههههههه مشكور عالموضوع والله لايعيده من موقف |
ههههههههههههههه هههههههههههههه أجل حامـل هـاه :d ! لاتكون شكيت مجرد شك بس :d ؟ ! المهم سلامات .. وعلمنا ولد ولا بنت :d ! |
أكثر شي ضحكني آلغبي الي قال لك آلخبر لهذي الدرجة مايفكر أجل رجآل وحآمل ولآ ويجي يبلغك آلخبر من غير مايتآكد ،، :to: ليكون شكيت بس انك حآمل من جد :s2: يسلمو آخوي على الموضوع :rose: |
إقتباس:
هههههههه .. مستشفياتنا على قولة الهليل Take & vinegar |
وش تنتظر من زحمة وقلة نظام اكيد اغلاط بالهبل زين اللي ما قالوا لك فيك انفلونزا بعارين :) تكبر وتاكل غيرها |
هههههههههههههههه منك المال والعيال ان شالله :d ياليتها تجي على كذاا وبس مستشفياتنا الحبيبه خرابه X خرابه :to: الله يكفينا شرها وبلاويها تعيش وتاكل غيرها بس اتوقع هالمره مابيقولون لك حامل وبس على طول غرفة العمليات :razz: |
مبروووووووووووووووووووووووووووووووووك >>>> ههههههههه بس تصدق ودي اشوف شكلك واشكال الناس حولك >>>خخخخخخ |
لا لا قصة طريفة :D وكله كوم وشعور الامومه كووووم :D الظاهر لك خبره وقصص حلوه بالحياه كثير يا الشايب :D ليش ما تجينا دايما ..؟ |
هههههههههههآآآآآآآآآي موقف لا يحسد عليه و الله تخيلت نفسي في مكانك انصدمت قلت اعوذ بالله ههههه موقفك بطل بصراحه اهنيك << على وش:d |
هههههههههههههه لا ويباركلك الشاايب :d:d والله موقفك قــووووي يعطيك العافيه :rose::rose: |
| الوقت المعتمد في المنتدى بتوقيت جرينتش +3.
الوقت الان » 04:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd