|
ترى مو معقول يصير كل شي بيد قريتس .. بسم الله والحمد لله الاعلام يقول ان قريتس مدرب قوي .. فاهم .. محنك .. الى غير ذلك من العبارات الرنانة طيب انا مشجع هلالي .. انا اداري هلالي .. انا لاعب هلالي ادارة الهلال بحسب تأكيدات شبيه الريح يقول ان الخيط والمخيط بيد قريتس .. في اللاعبين وفي من يبقى من مهم ومن يرحل .. من يعار .. من ينسق يا اخوان قريتس له اقل من شهر في الهلال كيف بيحمن على اللاعبين ..؟ احد بيقول هو تابع الهلال عن بعد قبل مجيئه من خلال اشرطة الفيديو .. طيب انا معك كل ذلك ما يعني ان نعطي المدرب مساحة مطلقة من الحرية ,, تخيل يا اخوان ان المرشدي المدافع اللي كل جمهور الهلال يعرف انه مدافع قادم .. تخيل في معسكر النمسا ما ابدع .. او صارت ظروف نفسية حجبت ابداعه ( أقول مثلا ) .. هل بننفذ كلام قريتس اذا قال انا لا احتاج المرشدي .. ؟ المقصد يا اخواني ان احنا جمهور الهلال او الادارة بشكل اخص .. عارفه لاعبينها .. وعارفه قدراتهم .. وعارفه مستوياتهم .. من هنا لا بد يكون لهم دور في التنسيق والنقل والاعارة .. ما يكون كل شي بيد المدرب يا اخواني احنا نعرف للاعبي الهلال لاكثر من 5 سنوات .. صعب يجي مدرب في شهر وينقي الصالح منهم والسيء ( في وجة نظره ) الخلاصة احبائي الزعماء .. لابد يكون يكون لنا دور في وضع اللاعبين من ناحية بقائهم او رحيلهم مجرد رأي هذا اللي حبيت اقوله والله من وراء القصد عبدالعزيز العمران 25/7/1430هـ الرياض |
يا الحبيب لا تستعجل الأحداث إن شاء الله يبدعون جميع اللعيبه في كل مباريات المعسكر المدرب قال للعيبه إجتهدوا و لكل مجتهد نصيب |
ياحبيبي الاداره ماهي جاهله الى هذا الحد وبعدين اللي عنده موهبه راح تبين لو بدون ابداع على قولتك يكون عنده ظروف يعني مايحتاج تخاف على الزعيم في ظل وجود هذه الاداره الواعيه. |
خل كل شي بيده وأذما جاب اللي تبغاه اكسرها له اعتقدكذا ممكن يسوي اللي يبي بدون عذر |
يا أخوي لو الشغله كذا بينقسمون الجماهير قسمين قسم يبغى لاعب وقسم ما يبغى فبكذا خل قريتيس يسوي اللي يبي والحكم وقت الحصاد |
طيب المرشدي وش دخله ويبقى جريتس صاحب الكلمة الاخيره له جميع الصلاحيات |
المساله باختصار جب راس حربه عالمي وثبت التايب واختار بين نيفيز ورادوي ******************** اما المدرب يتصرف بكل شي هذا من حظ العنبر وطقته كل ماجا مدرب يجرب فيه يمكن يبدع وبالاخير يروح المدرب ويجي مدرب ثاني وعلى هالحال ******************** وفي بعض الامور يذكر للمدرب عيوب اللاعب اللي غير مرغوب فيه ويذكر حسنات الاخر مثل التايب و ويلي ************* وبلاخير يطالب الجمهور بالحضور والتشجيع رغم من الاخطاء الواضحه بالفريق |
يا ناس جريتس جاي يصنع فريق شاب للمستقبل والدليل اهتمامه بالشباب ومو معقوله انه يتخلى عنه بهذه البساطه على الاقل يصير احتياط لين يرجع لمستواه |
لا مو معـقـول كـــــــــــــذا .. أكيد كل شي بإيد الإدارة .. تحياتـي لك .. |
هناك جهاز إداري مكمل للجهاز الفني بإتخاذ القرارات الهامة |
بالأول أشكرك أخوي على المقال لكن أبي أعلق على كلا أخوي الزاجل 1 ياخوي التايب راح والمدرب أبخص كيف يلعب وإيش اللاعبين اللي يصلحوا لخطته يعني لازم بكل مكان نشوف تعليق فيه التايب خلاص واللي يرحموا والديك بإعتزال الذيب "سامي" ماسويتوا زي التايب نرجع لموضوعك اخوي المعسكر مو كل شيئ بعد المعسكر فيه تدريبات يوميه ويقدر اللاعب من خلاله يثبت نفسه لو ماقدر يثبت نفسه بالمعسكر لأي سبب كان وخل في مخيلتك إن سامي الجابر مع المدرب ويبي يفهمه كل شيئ والقرار الاول للمدرب وانتو الحين قايمين على المدرب قبل يبدأ انا من ناحيتي احس إن المدرب حاضر بقوه مع الفريق ودليل ذالك إنه يشاركهم التدريب والجري يعني يبي يخش مع اللاعبين وجهة نضر |
اعتقد يا اخ عبدالعزيز ان جميع من تم الاستغناء عنهم ليس هناك اختلاف بيننا كجمهور هلالي بل ان البعض طالب بتنسيقهم من العام الماضي ماعدا اللاعب عبدالعزيز الكلثم اتمنى الايتم الاستغناء عنه وإن كان لابد من التفريط به اتمنى ان يتم إعارته فإن اثبت وجوده يتم إرجاعه الموسم القادم للزعيم وإن لم يقدم مايشفع له يتم تنسيقه نهائياً. اعتقد انك شطحت كثيراً بتمثيلك للمرشدي حين قلت لو لم يقدم مستواه في معسكر النمسا ويطالب المدرب بإبعاده؟؟ سامحونا. |
أعط القوس باريها.. _________________________________ ____________________ _____ |
من بين الناس .. طيب انت متفق على بقاء محمد نامي ..؟ من احتياط الزوري ..؟ سعد الذياب والذياب راح ينسق بأمر من قريتس النص اليمن الهجومي .. ويلي وبعده الكلثم .. والثني هذولا مواريها انهم راح يرحلون بأمر قريتس كلنا نعرف الكلثم ونعرف امكانياته .. لكن ...! بصراحة احنا طرنا بالعجة مع المدرب .. وهذا شي موطيب .. الهلال فريق كبير قبل قريتس وبعدهـ .. والهلال ماكان سيء العام الماضي عشان نقول ان قريتس هو المنقذ الهلال قوي .. بس ااكد ان قريتس مفروض ما يعطون الخيط و المخيط |
اقول ان اسبعدو المرشدي راح اقول باااااااااااااااااااااااااااااي غريتس |
| الوقت المعتمد في المنتدى بتوقيت جرينتش +3.
الوقت الان » 12:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd