إقتباس والله كلهم مميزين وكل واحد له كاريزما خاصة فيه ودوره المميز والي يتميز فيه بالرابطة وكلكم عزيزين وغالين حتى اللي اشوف يوزراتهم دايم ولايشاركون لهم مكانتهم بالقلب ونتمنى يشاركونا دايم ويتحفونا بارائهم اللي أكيد راح نستفيد منها

عقل وثقل أثريك شايب

إقتباس بس هو أكوس من الكويس

شبيب خذ واسامة

إقتباس و خفت الدم ..

عمو

إقتباس عمري 19 الظاهر ..

محمد ترانا برمضان هماك قايلي بالمسن ميلادك وطلعت اصغر مني وانا قريب للـ 18 وين كبرت نفسك ترى مو لازم المسؤول يكون كبير

إقتباس

اسامة تذكر يوم انا وياك ومشعل بالقروب يوم نسولف هذي بنت جولي ولا انا غلطان ؟

* بطاقتك الشخصية؟

اسمي خالد طالب بأول ثانوي من مواليد حايل ساكن بالحفرة حفر الباطن
عمري بعد كم يوم بتاريخ 25 رمضان اتم 18 السيرة الذاتية معشوقتي مادة النحو

* تشكيلتك بالسوني؟

دوني

ريزا...............................جوان.................ميكسيس...........................سيسينيو


دانييلي دي روسي ................... بيتزارو "كي كي"


الباب

فوزي...............................................مينيز

توتي


* كان عندك اقتراح شي للرابطة؟ بعد اذن القائمين عليها
ابد سلامتي


* رأيك بأعضاء رابطتنا فرداً فرداً؟ لاوصيكم
سؤال حلو

مشهور: اتفق مع اسامة احسه بالعربية او الاخبارية مشقي نفسه بهالدنيا كل شي فوق راسه
أحس انه واحد يُتكل عليه وقد المسؤولية مدري ليش احس انه متزوج شكله غلط اعزب
انسان محبوب من الكل ويجبرك على احترامه

مشعل: انسان فاهي فاهي فاهي تحس انه ماعنده سالفة مسجل بالمنتدى عشان يضحك بس
احس انه غير مرغوب فيه بالعائلة كثير الحركة وكثير المزح يداعب الاطفال بكثرة
والطفل يقول بقلبه لاحول ولا قوة ياليتني اقدر عليه احس انه جثة طول وعرض
بس والله اني حبيته شايل الرابطة على راسه خفيف دم لأبعد درجة
كثير الترجمة حاس بالمسؤولية محبوب جداً يخليك تضحك بالقوة
هو حلاوة قسم العالمية أحس انه شخص مظلوم بالحياة

شبيب :s2:: اول ماشاركت بالرابطة كنت اشوفه احس انه ثقيل تعرفت عليه بالمسن وطلع شخص آخر
قبل ماتكتب له كلمة يجيك الفيس فاتحن فمه بضحك تذب عليه مقسة يضحك يتصيد البدليات
صدره رحب تحس انه يثق فيك بس ينسرق بسرعة انسان على وجهه
خفيف دم نوعا ما على راسه بطحة حبوب بالحيل فيه حركات مراهقة شوي
بس تحس انه مو جاد بحركاته مدري شلون اشرح الزبدة انه اكثر واحد يوزع ابتسامات على وجه الارض
واعيد واكرر رجال يجبرك على حبه والاشتياق له اوووووووه يستحي بالحيل
اسألوني عنه لو بكتب عنه ماوفيه حقه يستاهل كل خير قسم اني مرة دعيت له بصلاتي هو وحمودي

محمد: من يسجل دخوله بالمسن يرتاح قلبي اشتاق له بشكل فضيع تحس انه خير قدوة للشباب الاسلامي
خاصة الي يحبون المعارك بس والله انه رجال غصبن عليك تحترمه حتى لو غلط عليك اصلا مايعرف يغلط
ان صار عندك مشكلة ولا شي حتى لو موضوع خاص جداً لاتردد تستشيره ووه بس
نفسي اقابله بس احس فجأة راح ينط علينا شبيب على طاري شبيب نفسي اتأمل بخشته
الزبدة انصح كل واحد يتعرف على محمد قصم تدعون له ليوم القيامة هالانسان راح يبقى بذاكرتي واتمني ماتفارقه عيني
من نوادر الانس يستاهل كل خير

انس :wub: أطيب انسان على وجه الأرض ترجمته تقراه غصبن عليك تفتح النفس
يكفيك انه من مكة خفيف دم يشرب مخزي بس المخزي حقه شي
حديث العهد بالروابط لكن تحس انه من طينة الكبار يعني هو مدري وش اقول
يكفيك انه مدريدي انسان طيب لابعد درجة ومجتهد جدا
ينتظره مستقبل مفروش بالورود الله يعينه احس انه بيعاني كثير مدري ليه الله يستر عليه
عطني فنجالك اقرا

سامي : مدري هالآدمي حبيته من الباب للطاقة كذا من الله وانا ماعرف عنه شي حبيته بس احس انه شرير

فيصل: أحس وراه سر بس مدري وشو ماعرف عنه شي الله يستر عليه

البقية يعذروني الكل فيه الخير والبركة بس تكلمت عن الي اعرفه وامون عليه

لحظة نسيت أسامة : واحد هادي جداً جاد اغلب الاوقات مزحه ماينفهم وسوالفه ماتنفهم احسن مافيه ابتسامته خوقاق
ومايثقل عليك مو راعي رسميات تعجبني فيه هالنقطة عصبي يسحب عليك باي وقت
بس صدقوني على كثر سلبياته الا انه فيه شي يجذبك له لاكنت طفشان ولا شي بس سولف معاه
يقدر الظروف شخص محترم وان فلها فلها تموت ضحك الله يوفقه