يعطيك العافيه عبدالله على الملخص ..

فكّيت ازمتي كنت ادوره


.. [ ارنا : لم اصل لمستواي ] ..



ماركو ارناوتوفيتش لعب مباراة اليوم وقدم امكانات كبيره وتبين انه تعافى من الكسر
في قدمه اليمنى وكان قريب من التهديف اكثر من مره وقال بعد المباراة :

" انا راضي عما قدمته اليوم مع فريقي الجديد , احتاج الى اسبوع او اسبوعين
لكي اصل الى اعلى مستوياتي "

.. [ فيرجسون : الانتر سينافس في الابطال ] ..



السير فيرجسون يتوقع ان يكون الانتر بقيادة مورينيو منافس قوي في دوري ابطال اوروبا هذا الموسم
وذلك في تصريح له حيث قال :

" من الممكن ان يصلوا الى النهائي ففريقهم اصبح قوي جداً "
" البطوله فوز و خساره وخروج المغلوب وسر البطوله هو الجاهزيه في كل وقت "

^
^

الحمد لله سلمنا من الكسور


باقي الأربطه الله يستر لا يصير فيه شيء


مشكور يالغالي

ملخص المباراة الودية

والله ارناتو لمسات وكـ اول مباراة لعبه كويس ويبشر بالخير

,,

إقتباس يالله خل نشوف خشيمان جديد عندنا .. وتغير يوزرك لـ A R N A T U VIC

أهم شي انه مافيه مسافة بين الـ vic

ولكم بااااك لي ياقدعااااان

السلام عليكم

الله يعطيكم العافية جميعاً ،

و لبّى قلبك يا [ أحمد ] على هالإستضافة الرائعة لـ أستاذ الرابطة [ الكرة الهلالية ] محمد

ما خليتوا شي .. محمد .. أحد أعمدة رابطة الانتر .. و مُشجع إنتراوي ننتظر مداخلاته و ردوده في هالمنتدى فيما

يخص الانتر .. عضو محبب للجميع .. و هُنا لــه كلمته في الرابطة .. قد لا يعرفه البعض او لم يقرأ له

لكن تأكد انه عندما يكتب عن الانتر .. فـ هو دائماً أقرب ما يكون للمشجع الواقعي بعيداً عن الابحار في الخيال

و البحث عن الاسباب و المبررات

عندي الكثير من الاسئلة .. لكن بـ أختصرها

1 / هل تتذكر [ إنتر ] هيكتور كوبر ..؟! تميز بـ إنضباط تكتيكي غير طبيعي كان للفريق هيبه بقوة
كوبر .. يقول راضي عما قدمته مع الانتر حتى لو لم أحقق ما أبحث عنه و يتمنى العودة من جديد ،
ياليت تكلمنا شوي عن ذيك الايام

2/ إيبرا .. إيتو .. كل انتراوي مُخضرم يُطرح عليه هذا السؤال .. كيف ترى مستقبل الثنائي ..؟!

3/ تعليقك على هـ الصورة و اللي فيها

إقتباس السلام عليكم الله يعطيكم العافية جميعاً ، و لبّى قلبك يا [ أحمد ] على هالإستضافة الرائعة لـ أستاذ الرابطة [ الكرة الهلالية ] محمد ما خليتوا شي .. محمد .. أحد أعمدة رابطة الانتر .. و مُشجع إنتراوي ننتظر مداخلاته و ردوده في هالمنتدى فيما يخص الانتر .. عضو محبب للجميع .. و هُنا لــه كلمته في الرابطة .. قد لا يعرفه البعض او لم يقرأ له لكن تأكد انه عندما يكتب عن الانتر .. فـ هو دائماً أقرب ما يكون للمشجع الواقعي بعيداً عن الابحار في الخيال و البحث عن الاسباب و المبررات

وعليكم السلام والرحمة .. يالله حي استاذنا عبدالهادي

اشكرك عل هالاطراء المبالغ فيه صراحه .. وتراك كبرتنا يخوي

إقتباس 1 / هل تتذكر [ إنتر ] هيكتور كوبر ..؟! تميز بـ إنضباط تكتيكي غير طبيعي كان للفريق هيبه بقوة كوبر .. يقول راضي عما قدمته مع الانتر حتى لو لم أحقق ما أبحث عنه و يتمنى العودة من جديد ، ياليت تكلمنا شوي عن ذيك الايام

اعتقد ان هالمدرب محبوب كثيرا لدى جماهير الإنتر في ذلك الوقت .. مدرب لايميز بين اكبر النجوم واصغر بديل في الفريق .. حصل على جائزة افضل مدرب في اوروبا في ذلك الوقت ووصل بفالنسيا لنهائي دوري الأبطال ونهائي كاس الاتحاد الاوروبي ولكن لم يفز بأي منها .. فعلا كان يسم المدرب المنحوس .

ماكان الانتر ثابت على تشكيله غالبا .. فبوجود العديد من النجوم استصعب عل كوبر ايجاد تشكيله ثابته طوال الموسم .

كان الانتر يملك العديد من النجوم .. فييري , رونالدو , ريكوبا , سيدورف .. هالكلام في اول موسم لكوبر مع الانتر ( 2001 , 2002 )

الموسم الي حصلت فيه حادثة 5 مايو .. وخسر الفريق الدوري في اخر جولة .. حينما خسر من لازيو بنتيجة 4 - 2 . الغريب في الامر ان انتر كوبر بالرغم من وجود الكثير من الحول الهجومية كان يعتمد على الدفاع في المقام الأول !!

في ذاك الموسم اذكر تعادلنا مع اليوفي الفريق المنافس في ذلك الوقت مرتين , 0 - 0 و 2 - 2 .. وكلها جابها سيدورف


الموسم الي بعده ( والي جا فيه كريسبو ) جددت الاداره الثقه في كوبر .. وبدينا الدوري بطريقة حلوه .. وكنا ماشين صح في دوري الابطال ,, حتى وصلنا لنصف النهائي ..وخرجنا من البطولة بسبب نظام الهدف خارج ارضك بهديفن .. تعادلنا 1 - 1 في ارضنا و 0 - 0 في ارض ميلان , وانهى كوبر ذاك الموسم خالي الوفاض .. بعد ماخرج من نصف نهائي الابطال ووصيف الكالشيو ..

موسم 2003 - 2004 صبرت الاداره على كوبر .. ودرب الفريق حتى جاء ديرب ميلانو .. وخسر الانتر بنتيجة 3 - 2 .. وبعدها لعب الانتر مع بريشيا فريق روبي باجيو وقتها .. وفاز بريشيا وبعد هالمباراة تمت اقالة هيكتور كوبر سيء الحظ

إقتباس 2/ إيبرا .. إيتو .. كل انتراوي مُخضرم يُطرح عليه هذا السؤال .. كيف ترى مستقبل الثنائي ..؟!

من هو المستفيد من تبادل ابرا بايتو .. الانتر ولا البرسا !!؟ , كلنا نذكر رونالدينهو وقت عزه يوم يسام ـ 100 مليون يورو .. بس رفض البارسا .. وبعدها بموسم باعوه الكتلونيين باقل بكثير من 100 مليون !!

يمكن موراتي فكر بنفس الطريقه .. الاعب السويدي كان وده يطلع .. وما اتوقع انه بيعطي الانتر اكثر من كذا بنفس الحيويه ... لان الاعب كان عنده ايمان داخلي انه يلعب في فريق اصغر بكثير من برشلونه !! .. وهالكلام اقوله حسب تصريحات ابرا بنفسه قبل ينتقل .. والاعب كان يبي الكوره الذهبية وعنده ايمان برضوو انه مايقدر ياخذها مع الانتر .. اعتقد كل هالعوامل اخذها الانتر في الحسبان واتخذ القرار الصحيح

اما بالنسبة لايتو فما اعتقد ان عنده شي يخسره .. لاعب بطل وجاب دوري الابطال مرتين .. ووده يجرب تجربة جديده مع فريق جديد .. وباذن الله بينجح ..

ولكن يبو هادي المستقبل في علم الغيب .. وما اقدر اعطيك عن الافضل مستقبل .. ولو توقع

إقتباس 3/ تعليقك على هـ الصورة و اللي فيها

هاللقطه كانت بعد هدف جميل من العقرب .. صنعه له ابراهيموفتش بطريقة رائعه .. وانهاها كريسبو بذكاء .. وهالفرحه بعد الهدف ما اقد انساها



هذي الموسم الي فات مع استمرار سوء الحظ

ياليتك موجود امس مع الارجنتين

إقتباس عاشق الفن الانتراوي

هلا والله باسم

إقتباس عندي كم سؤال :- الانتر ولا جنوى تشجع ؟

اذا لعبو ضد بعض .. جنوى

إقتباس كريسبو ولا الامبرطورررررررررررررررر ؟

انت وش تتوقع ؟

إقتباس من افضل مدافع في التاريخ من وجهة نظرك ؟ ووش رايك بـ نيستا < يعني حاول تقول نيستا الافضل في التاريخ ؟

في تاريخ الكوره عرفت الكثير من اساطير الدفاع .. ولكن كافضل مدافع عاصرته يمكن يكون هو اليساندرو نيستا

إقتباس رأيك في سحب الكابتنية من زانيتي في الارجنتين < بدري وخاصة ان ماسكي القائد العظيم يسير بـ منتخبه الى اعتى الانتصارات ؟

قرار متعجرف من مدرب لا يملك حتى كلام مقنع يبرر به سبب سحب الكبتنيه !!

يالبى كاكا بس

إقتباس نظامك اليومي في رمضان < يحب السؤال هذا ؟

جاوبت على ذا السؤال البايخ في المقابلة الرئيسية

إقتباس محمد احبك

وانا اكثر
الدروازه .. ؟

إقتباس الكره الهلاليه واضح ياعزيزي انك انتراوي قديم مثلي وعايشت فتره النحس حقت كوبر المدرب الكبير حبيت بس اصصح لك بعض المعلومات اللي ذكرتها يالغالي كوبر وصل لنهائيين دوري ابطال اوروبا مع فالنسيا وليس نهائي كاس الاتحاد الاوروبي خسر موسم 2000 من الريال في لنهائي 3-0 و2001 بالبلنتيات من البافاري في السان سيرو مسكين ياكوبر يامنحوس

.. خسرنا الديربي ذاك الموسم ذهاب واياب .. وووحده منهم كانت المباراة المجنونه الي قلبها ميلان على الانتر .. الي هي انتهت 3 - 2

بس بريشيا ياخي اذكر خسرنا 3 - 1 وبعدها قال به الشيخ
المباراة الي سجل فيها ستاكوفتش قوول .. وانطرد اخر المباراة !؟

إقتباس الرسالة الأصلية كتبت بواسطة الكرة الهلالية سقطت سهوا يعطيك العافية يالغالي على التعديل .. خسرنا الديربي ذاك الموسم ذهاب واياب .. وووحده منهم كانت المباراة المجنونه الي قلبها ميلان على الانتر .. الي هي انتهت 3 - 2 بس بريشيا ياخي اذكر خسرنا 3 - 1 وبعدها قال به الشيخ المباراة الي سجل فيها ستاكوفتش قوول .. وانطرد اخر المباراة !؟