نادي الهلال السعودي - شبكة الزعيم - الموقع الرسمي

اولا: اهو تسحيب بالاتجاهات فقط من دون عمل حركه معينه.
احتياجات التسحيب: 1- لازم تعرف فريقك زين ( يعني تعرف منو السريع ومنو اللي يشوت بقوه .........وتشوف الـdribble حق اللاعب اذا كان 18 او 19 فهو المطلوب)
2- اليدة حقت البلاي ستيشن لازم تكون اصليه ( تلقا مكتوب على نهايتها من ورا الرمز هاذا : N1185 اذا كانت صينيه او N50 اذا كانت كوريه ......تقولي ليه .....لان اتجاهات الاسهم تجي سلسه بالمره....وتقدر تتحكم بحركة اللاعب بسهوله فائقه)
3- التسحيب لازم يكون بلاعب الـdribble ماله 18 او 19 مثل زيدان , اوفر مارس, روي كوستا والشله الباقيه.
4- نجي للمهم وهو التسحيب: شوف اول شي لازم تتدرب عليها بشكل دوري....وهي كالتالي : اذا اللاعب يركض بالكوره باتجاه مرمى الخصم و واجهة لاعب من لاعبين الخصم.....اول شي تترك السرعه وتستنا الين ما يتقابلون وتكون المسافه بينهم صغيره جدا.....بعدين بحركه خفيفه ارفع السهم فوق او تحت تشوف اللاعب عدا منه مع عدم تغيير مساره (يعني ما اخذ نص دوره أولف حول اللاعب ...لا ...تلقاه يمكن شطف اللاعب على خفيف ....يعني يا دوب يتغير مساره ... ويكمل المشي على نفس الخط المستقيم.(الحركه هاذي تتطبق اذا كنت تمشي بخط مستقيم) واقسم بالله لو تطبقها راح تعجب فيها وراح تسحب نص الفريق مع الحارس.
الركنيات: سهله جدا
اول شي تشوف اللاعبين اللي يتحركون الى الامام او يتحركون من اي مكان بمنطقة السته باتجاه المرمى . وبعدين توجه السهم للامام وتشوت الركنيه......بعدين اللاعب اللي انت موجهله الكوره لازم تقدمه قدام بالضغط على السهم السفلي. يعني من 10 ركنيات ممكن تجي 6 .
الاوفر:
اذا كنت تمشي بالكوره ورفعتها ...طبعا احسن الرفعات انك تدق الدائره مرتين ( واحسن لاعب يجيبها راس هو من كان طوله 180-183 ....كلام عن خبره صدقوني.... ويكون الجمب ماله 18 او 17 )
التكنيك: هاذا عاد اللي ما يعرفله فهو ....اسمحولي اقول عنه انه .....ضيع على نفسه متعة اللعبه.
وخاصة :zone press
ابي واحد يهزمني على بلاي ستيشن 1 بهاذي اللعبه: و يواعدني بأي مكان يبيه . اذا فاز له اشتراك انترنت لمدة شهر. وراح العب بيوغسلافيا (استيكوفيشي) او اوكرانيا (ريبروف) واهو يلعب بالفريق اللي يبيه ..... مو استهزاء ....لا والله .