اعوذ بالله والله اني كتبت رد وطار..وكتبته مرة ثانية وطار الكلب
عمومآ اعتذر عن الانقطاع فـ الفترة الماضية..كنت ف الشرقية والاتصال هناك زفتتتتت وشبكتكم
ثقييلة بزيادة
عمومآ ان شاء الله مع عودة الفريق والمباريات الاستعدادية نشوف الجميع يشارك معنا فـ الرابطة
وكل الشكر للشباب اللي شايلين الرابطة..الله يقويكم
إقتباس
انييستا: احلم باللعب في الاولد ترافورد.
خلودي انتبه للترجمه فديتك
It's a dream of mine to play at Old Trafford - but as a Barcelona player and nothing else.
انيستا يحلم باللعب فـ الاولدترافورد كلاعب مع برشلونة فقط..خبرك الولد ما لعب مباراة موسم 2008 - اللي
فيها هدف سكولز الصاروخي - وبالتالي يتمنى اللعب في هالملعب ضد المان
وعع من جده ذا بيجينا .. لا وماكيدا من زين الطبايع داق عليه انقلع انت وياه بس
بالنسبة لمباراة نيوكاسل , مب مشكلة صراحة , ودي اشوف وش يسوون ماكيدا واحتمال يلعب سمالينغ بعد خن نشوف وش يسوون , طيب هرنانديز ؟! بيلعب ولا شلون لانه اصلا مع الفريق في الجولة ..
الا على فكرة هو اسمه سمالينغ ولا سمولينغ
^
ولكم عمر والحمد لله على السلامه لاتطلع ابيك خمس دقايق واجيك على المسن
بس اسوي رستارت للجهاز ونكمل موضوعنا اللي كلمتك عليه بالجوال ..
.....................
احيـاناً تجبرني يدي اني اكتب كلام ماني مقتنع فيه لكن لي هدف باللي كتبته وانا مو
مقتنع فيه هدفي ان ادور اي احد يعارضني بأي كلمه انا اكتبها على اساس اتناقش
مع اي احد وبعدين احول النقاش لـ الامور اللي انا مقتنع فيها كل ذا بسبب اني ابي
اشوف تفاعل بالرابطه لكن يالله هالمره نمشيها تعليق على الاخبار وانا مقدر الوضع
اللي انتم فيه يعني لا انتقالات زي الناس ولا فيه مباريات خلوها على ربكم
بالنسبه لـ خبر مورينهو اللي يقول انه حاطن شرط بعقده هذا الموضوع مدري متى ننتهي منه خلاص ياموري عرفنا انك تبينا بس انت اصبر الله يهديك الا لمن يعتزل السير وعقبها لكل حادث حديث مع اني مااتوقع موري يشرف على تدريب اليونايتد السبب ان موري مبلغ التوقيع معه باهظ شوي هذا الشي اللي ممكن يعيق الصفقه الا اذا موري تنازل وخفض من اجره شوي واستجاب لـ مطالب اليونايتد هذا السيناريو اللي انا متوقعه بعد اعتزال السيـر عموما انا شخصيا لو بيدي ما اترك السير يعتزل الا لمن يفارق الحياه لسه انا مو مستوعب اني اشوف مدرب غير السير في الاولد ترافورد الله يرحم حال مانشستر من بعد ..
بالنسبه لـ الاخبار تبع الصفقات بصراحه في خبر مضحك شوي اجل اياكس طالبن بـ سواريز 35 معليش مايستحق هالمبلغ حتى وانا مشجع اورغوياني لكن انا اشوف ان 20 مليون مناسبه له صح ان اللاعب بطل ومبدع بكأس العالم لكن مايوصل لـ المبلغ الكبير يعني لو السير فكر انه يوقع معه اولا كلنا عارفين نظام السير مماطله ولامبالاه والشي الثاني رغبة اللاعب بالخروج من ناديه والتوجه الى الدوري الانجليزي خاصه ومن الممكن انه يلمح وموجه انظاره لـ اليونايتد كلي ذي عوامل تساعدنا على التوقيع معه لكن الله يفكنا من تدخلات الانديه اللي تدفع مبالغ جامده وترفع من سعر اللاعب ويروح علينـا ..
ياخي في خبر مادوي اقول رأيي فيه علشان درحمان ماياكلني خبر شنايدر قلتها قبل لاعب ممتاز وبطل وو الخ لكن من وجهة نظري مو اللاعب اللي يحتاجه مانشستر نحتاج لاعب مثل روبين يلعب على الجناح يعوض اللي كان يقوم فيه رونالدو وانا اشوف روبين خير بديل ممكن البعض يقول روبين ضيع الكأس على هولندا انا معاك لكن كل اللاعبين ضيعوا كؤووس وماننسى قدم كريس اللي كانت بتحرمنا من الابطال عام 2008 بتضيعه ضربة جزاء وماننسى ان روبين سبب خروجنا من الابطال بس عندي احساس انه يحبنا وصلت انه ينصح شنايدر يجينا مع ذلك كالعاده يطلع لنا السير ويقول لاشي من ذلك صحيح مدري هل هو تمويه او ان السير صادق فعلا انه لم يتقدم بأي عرض لـ الانتـر مع ان موراتي يقول انه جاء عرض من اليونايتد بس كلهم ياكلون هوا انا مصدق السير بس هو ابخص بكل حاجه حتى مع نفيه للخبر دعم لاعبيه وقال انهم الافضل وتقولون موري ..
بالنسبه لـ لويس فابيانو خلاص اعتقد وضحت المسأله اولاً ان السير تعاقد مع مهاجم اللي هو خافيير ومااعتقد ان فيه غيره هالموسم من تعاقدات ثانيا ان السير نفسه صرح قبل كذا وابدى اعجابه لـ لويس فابيانو هالكلام ينقال له سنتين او ثلاث يعني لنا كم واحنا نسمع اخبار التعاقد مع فابيانو من زمان يعني لو السير يبيه كان من السنه اللي فاتت جابه لكن اللي صار ان السير معجب فيه والصحافه خلت ان السير يبيه واشبيليه يبون الفكه منه بمبلغ عالي رغم كبر سن اللاعب واظن الان خلاص قرروا عدم الاستغناء عنه حسب ماقريت بالخبر اتوقع هذا القرار صدر بعد الكم هدف اللي جابها بكأس العالم منهم هدفه الشهير اللي باليد
سالفة الجلايز من مده انا احسب ان وضعها انتهى والجماهير سامحت الملاك طلعوا يجهزوون لحاجه اكبر مقاطعة شراء الطقم الجديد مع اني مااتوقع هالكلام يصير لأن هذا يبي يضر دخل النادي بالنسبه لخبر فليشتر يعجني باللاعب ذا حماسه وروحه العاليه جوكر بالملعب زمان قلت لـ بعض الاعضاء عندي بالمسن ان لولا غياب فليتشر عن نهائي البرشا 2009 لكان شفنا اليونايتد محقق البطوله مرتين متتاليتين وعارضوني بالشي ذا لكن الايام بتبين لهم مدى ثقل هاللاعب داخل الميدان وكم هو مؤثر غيابه .. قرار السير باعطاء اجازه لـ اللاعبين المشاركين بكأس العالم غريب لأن لاعبينا معطلين من بدري بكأس العالم فـ مدري ايش الهدف من اجازتهم الاسبوع الاول !! عموما اتمنى اشوف روني مرتز بأول مباراه ويهتركها بمرمي نيوكاسل ويصالح الجماهير على المستوى البايخ بكأس العالم !! ادري كابيلو السبب لكن روني مااجتهدت اجتهاد شخصي
اكثر الاخبار غرابه هو خبر الاسمراني بالوتيلي واضح انها اشاعه تمشي مليون ولايقولك ان ماكيدا داقن عليه يقنعه لاعب مزاجي ماينفع لنا كفايه علينا برباتوف على طاري برباتوف اجل الفريق وصل شيكاغو الله يستر عليهم من العصابات والاسلحه اللي هناك ودك ان رئيس عصابه يدق على بربا ويهدده ويخليه يبطل ثقالة دم داخل الملعب اما الاخوان دا سيلفا تووحفه ياخي ملامح الطفوله والبرائه الا الان على وجيههم عموما كل التوفيق لـ الفريق في جولته وان شاء الله انها جوله ناجحه ونشوف مستويات الشباب اللي السير ماخذهم معه ونشوف سمالينغ كيف وضعه معنا هانت خلاص كلها كم يوم ونشوف مانشستر يافيني خرمه لشوفة مانشستر مش طبيعيه ..
وفي الاخبر اشكر كل من ترجم اخبار واخص بالذكر خالد بالفتره الاخيره وماانسى مجهود الشباب الباقيين الف شكـر لكم .. لي عوده ان شاء الله ولكن دخولي الفتره الجايه بيكون قليل خلوني استمتع بأجازتي اللي ماخذها من الاعلاميه وبعدها مع الرابطه الجديده بنرجع مثل اول واحسن على طاري الرابطه الجديده عزوز ادخل مسن ابيك اول ماتشوفني كلمني
عمر معليش , بس من زين ملعبنا عشان يتمنى يلعب فيه ؟
يعني ملعبنا احسن من الكامب نو مدري شسمه ؟
اعتقد كلامه واضح , انا شايف الجملة ومترجمها كذا لأن قصده واضح !!
كل لاعب يتمنى يلعب بالاولد ترافورد واحد من اهم المعالم الرياضية الاوروبية ,
بعدين حسيت اننا تشيلسي وش فيه ملعبنا وش زينه , انا اشوف انه ازين من الكامب نو بعد ,
يا بغضي له ذاك الملعب اكرهه مدري ليه , مع ان نتايجنا فيه حلوة دايم
.
اما سالفة ان انييستا يلمح ما اتوقع اصلا انه بيطلع بس كنه من تصريحه يقول انا ان طلعت بروح لمانشستر ..
وانا اقول وراي احبه
ثلاث اسماء طرحت لتعويض غياب هاري:
1- محمد ديامي , سنغالي , 23 سنة , مواليد الخبر , يلعب في ويغان.
2- انتوني انان , غاني , 23 سنة , يلعب في رزنبورغ النرويجي.
3- سامي خضيرة , الماني , 23 سنة , يلعب في شتوتغارت الالماني.
يالغالي الاعب محمد ديامي على مااظن انة جنسيتة فرنسية من اصول سنغالية والله اعلم ...!!
ثلاث اسماء طرحت لتعويض غياب هاري:
1- محمد ديامي , سنغالي , 23 سنة , مواليد الخبر , يلعب في ويغان.
2- انتوني انان , غاني , 23 سنة , يلعب في رزنبورغ النرويجي.
3- سامي خضيرة , الماني , 23 سنة , يلعب في شتوتغارت الالماني.
والله احسن لاعب فيهم سامي خضيره كوويس هالاعب في خانه المحور لكن البثاره مدريد مو مخلينه لنا لو نمووت بيحط فيه بيريز 40مليون عنااد فينا
إقتباس
انييستا: احلم باللعب في الاولد ترافورد.
والله العظيم انه فنااان بس اتوقع انه ما يصلح في الدوري الانجليزي لان جسمه مو داك الزود والدوري الانجليزي اهم شي فيه الجسم
إقتباس
ماكيدا دق على بالوتيلي ونصحه بالمجيء لليونايتد عشان البيئة الموفرة وزي كذا
يا خي اغررب اشاعه سمعتها في حياتي بالوتلي فناان ولاعب كوويس لكن نفسيه والله ودي انه يجي في المان
إقتباس
يقولون هذي هي الكورة الرسمية للبريمير ليج الموسم الجاي.
اشـــتـــقــنـــا
إقتباس
انشيلوتي ينصح بالوتيلي بالذهاب إلى مانشستر يونايتد , لأن الاجواء هناك تساعد على التطور اكثر من ايطاليا.